Respublica партиясының Абай облыстық филиалы

Respublica партиясы Абай облыстық филиалының төрағасы Алмас Айтмұқаш жұмыс сапарымен Аягөз ауданына барып, өңірдегі қоғамдық-саяси ахуалмен танысты.

Сапар барысында ол ауданның белсенді азаматтары, кәсіпкер жастар және қоғамдық кеңес мүшелерімен жүздесіп, ашық пікір алмасу алаңын құрды. Кездесу формалды есептерден гөрі шынайы диалогқа құрылып, қатысушылар өңірдің өзекті мәселелерін бүкпесіз көтерді.

Кәсіпкерлік орта өкілдері бизнесті дамытудағы кедергілер мен қолдау тетіктерінің тиімділігіне тоқталса, қоғам белсенділері әлеуметтік инфрақұрылым, жұмыспен қамту және жергілікті деңгейдегі басқару сапасына қатысты сын-пікірлерін білдірді. Ал қоғамдық кеңес мүшелері азаматтық бақылау мен қоғамдық қатысудың рөлін күшейту қажеттігін алға тартты.

Алмас Айтмұқаш айтылған ұсыныстар мен көтерілген мәселелердің барлығы назардан тыс қалмайтынын атап өтіп, оларды жүйелеп, нақты шешімдер қабылдау үшін тиісті деңгейде жұмыс жүргізілетінін жеткізді.

Үржар ауданында Алмас Айтмұқаш қоғамдық кеңес мүшелерімен кездесу-қабылдау форматында басқосу өткізді.

Жиын барысында кеңес мүшелері ауданның өзекті мәселелерін ортаға салып, нақты ұсыныстарын жеткізді. Әсіресе инфрақұрылым, әлеуметтік сала және жергілікті деңгейдегі түйткілді сұрақтар төңірегінде пікір алмасу өтті.

Кездесу ашық диалог негізінде өтіп, барлық көтерілген мәселелер талқыланды. Ұсыныстар ескеріліп, оларды іске асыру бағытында тиісті жұмыстар жүргізілетіні атап өтілді.

Басқосу қорытындысында мұндай форматтағы кездесулердің маңыздылығы айтылып, алдағы уақытта да өзара байланыс тұрақты түрде жалғасатыны жеткізілді.

Үржар ауданында Respublica партиясы Абай облыстық филиалының төрағасы Алмас Айтмұқаш қоғамдық қабылдау ұйымдастырды.

Қабылдау барысында аудан тұрғындары өзекті мәселелерін көтеріп, ұсыныстары мен өтініштерін жеткізді. Әсіресе әлеуметтік қолдау, инфрақұрылымның жай-күйі, жер және тұрғын үйге қатысты сұрақтар кеңінен талқыланды.

Әрбір көтерілген мәселе назардан тыс қалмай, тиісті түсіндірмелер берілді. Сонымен қатар, кейбір мәселелер бойынша жауапты мекемелерге сұраныстар жолданып, олардың шешілуі бақылауда болатыны айтылды.

Мақаншы ауданында Respublica партиясы Абай облыстық филиалының төрағасы Алмас Айтмұқаш жұмыс сапарымен болып, бірқатар маңызды кездесулер өткізді.

Сапар аясында партия төрағасы аудан әкімімен арнайы кездесу өткізіп, өңірдің әлеуметтік-экономикалық дамуы, инфрақұрылым мәселелері, халықтың әл-ауқатын арттыру бағытындағы жұмыстарды талқылады. Кездесу барысында жергілікті деңгейде шешімін күтіп тұрған өзекті мәселелер көтеріліп, оларды бірлесіп шешу жолдары қарастырылды.

Сонымен қатар, белсенді азаматтармен мазмұнды кездесу ұйымдастырылып, қоғамдағы өзекті мәселелер, тұрғындардың ұсыныс-пікірлері мен бастамалары талқыланды. Азаматтар тарапынан көтерілген сұрақтарға нақты жауаптар беріліп, бірқатар ұсыныстар назарға алынды.

Бұдан бөлек, қоғамдық қабылдау өткізіліп, аудан тұрғындары жеке мәселелері бойынша жүгіну мүмкіндігіне ие болды. Қабылдау барысында әлеуметтік, тұрғын үй, жер, инфрақұрылым және өзге де бағыттағы өтініштер қаралып, тиісті заң аясында түсіндірмелер берілді. Кейбір мәселелерді шешу үшін жауапты органдарға нақты тапсырмалар жолданды.

Жалпы, жұмыс сапары барысында халықпен ашық диалог орнатылып, тұрғындардың мәселелерін тыңдау және оларды жүйелі түрде шешуге бағытталған нақты қадамдар айқындалды.

Respublica партиясының Абай облыстық филиалының бекітілген жұмыс жоспарына сәйкес Көкпекті ауданына қарасты Үлгілімалшы ауылдық округінде көшпелі қоғамдық қабылдау ұйымдастырылды.

Қоғамдық қабылдауды партияның Абай облыстық филиалының төрағасы Алмас Айтмұқаш және Үлгілімалшы ауылдық округінің әкімі бірлесіп жүргізді. Қабылдау барысында тұрғындар әлеуметтік, инфрақұрылымдық, тұрғын үй-коммуналдық шаруашылық, жол сапасы, жұмыспен қамту, денсаулық сақтау және өзге де маңызды мәселелер бойынша өтініштері мен ұсыныстарын жеткізді.

Сонымен қатар, іссапар аясында ауыл әкімі фельдшерлік-акушерлік пункттің (ФАП) қызметкерлерімен кездесті. Кездесу барысында ауылдық денсаулық сақтау саласының жай-күйі, медициналық қызмет сапасы, кадрлық қамтамасыз ету, материалдық-техникалық база және тұрғындарға көрсетілетін медициналық көмектің қолжетімділігі мәселелері талқыланды. Медицина қызметкерлері өз ұсыныстарын ортаға салып, жұмыс барысында кездесетін бірқатар өзекті мәселелерді көтерді.

Әрбір көтерілген мәселе мұқият тыңдалып, тиісті түсіндірмелер беріліп, кейбір мәселелер бойынша жауапты мекемелерге нақты тапсырмалар жүктелді.

«Respublica» партиясының төрағасы Айдарбек Қожаназаров атынан жалпы ұлттық референдум аясында коалиция жұмысында белсенділік танытқан мүшелерге алғыс хаттар табыс етілді. Алғыс хаттарды партияның Абай облыстық филиалының төрағасы Алмас Айтмұқаш табыс етті.

Марапат алғандар қатарында мәслихат депутаттары, Re.women әйелдер қауымдастығының мүшелері, сондай-ақ reJastary жастар қанатының мүшелері бар. Іс-шара барысында қатысушылардың қоғамдағы маңызды бастамаларға қосқан үлесі мен белсенді азаматтық ұстанымы үшін ризашылық білдіріліп, олардың ел дамуына қосқан үлесі ерекше атап өтілді.