«Абай облысы Семей қаласының мәдениет және тілдерді дамыту бөлімі» ММ

6 шілде – Астана күні құтты болсын!

Қадірлі жерлестер!

Баршаңызды еліміздің жүрегі, Тәуелсіздігіміздің символы – Астана күнімен шын жүректен құттықтаймыз!

Астана – ел бірлігі мен жасампаздықтың, өркендеу мен жарқын болашаққа деген сенімнің айқын көрінісі. Елордамыздың мерейі асқақтап, Қазақстанымыздың дамуы мен гүлденуі жолындағы жетістіктері еселене берсін!

Сіздерге зор денсаулық, отбастарыңызға амандық, бақ-береке, бақыт пен толайым табыс тілейміз!

Мереке құтты болсын!

🎼 Домбыра үні – дала үні!

Ұлттық рухымыздың алтын арқауы – қасиетті домбыраны ұлықтайтын Ұлттық домбыра күні мен еліміздің жүрегі – Астана күні бір мезетте тоғысқан ерекше мерекеде баршаңызды салтанатты іс-шараға шақырамыз!

Киелі күйдің күмбірі мен ұлттық өнердің әуені астасатын мерекелік кеште халқымыздың бай мәдени мұрасын бірге дәріптейік!

🗓 Күні: 5 шілде 2026 жыл
📍 Өтетін орны: Арбат алаңы
🕓 Басталу уақыты: 16:00

Ұлттық өнерге тағзым етіп, рухани кештің куәсі болыңыздар! Сіздерді асыға күтеміз! 🇰🇿🎶

🌊 ЖАҒАЛАУ FEST – 2026 🌊

Құрметті семейліктер мен қала қонақтары!

Сіздерді жаңа демалыс маусымының жарқын оқиғасы – «Жағалау fest – 2026» шомылу маусымының ашылуына арналған мерекелік іс-шараға шақырамыз!

🗓 4 шілде
🕓 16:00

Биыл мерекелік бағдарлама бір уақытта үш жағажайда өтеді:
📍 Қалалық жағажай
📍 Затон жағажайы
📍 Заря жағажайы

Сіздерді қызықты әрі көңілді бағдарлама күтеді:
🎈 Балаларға арналған ойын-сауық бағдарламасы;
🏃‍♂️ Көңілді эстафеталар мен белсенді ойындар;
🎭 Аниматорлар мен флешмоб;
🏐 Спорттық ойындар, волейбол;
🫧 Көбік кеші (пенная вечеринка);
🎤 Мерекелік концерттік бағдарлама.

Жаздың ең көңілді мерекесін бірге қарсы алайық!

Келіңіздер! Көріңіздер! Қатысыңыздар! ☀️🌊🏖️

ҰЛТТЫҚ ДОМБЫРА КҮНІНЕ ОРАЙ АБАЙ ОБЛЫСЫНДА АУҚЫМДЫ МӘДЕНИ ІС-ШАРАЛАР ӨТЕДІ

Ұлттық домбыра күні мен Қазақстан Республикасы Конституциясының ресми күшіне енген күніне орай Абай облысында бірқатар мәдени-көпшілік іс-шаралар ұйымдастырылады.

2026 жылғы 2 шілде күні сағат 11:00-де Семей қаласындағы облыстық тарихи-өлкетану музейінде Қазақстан Республикасының еңбек сіңірген мәдениет қайраткері, белгілі композитор әрі әнші Тұрсынғазы Рахимовтың туғанына 75 жыл толуына арналған «Әнге айналған ғұмыр» атты еске алу кеші мен көрменің ашылуы өтеді.

3 шілде күні сағат 11:00-де Абайдың «Жидебай-Бөрілі» мемлекеттік тарихи-мәдени және әдеби-мемориалдық музей-қорығында Ұлттық домбыра күніне арналған «Қазағымның үнісің сен – домбыра!» атты көрменің ашылу салтанаты ұйымдастырылады.

4 шілде күні сағат 20:00-де Семей қаласындағы «Абай Арена» алаңында Астана күні мен Ұлттық домбыра күніне арналған ашық аспан астындағы мерекелік концерт өтеді.

Сондай-ақ осы күні Алакөл жағалауында Абай ауданының Мәдениет күндері аясында «Қаламқас» халықтық ән-би ансамблінің концерттік бағдарламасы ұсынылады. Сонымен қатар, Қазақстан эстрадасының танымал әншілері Тоқтар Серіков, Бейбіт Сейдуалиева, Қанат Үмбетов және Мәди Қадыров мерекелік бағдарламаға қатысады.

5 шілде күні Ұлттық домбыра күніне арналған мерекелік іс-шаралар жалғасады.

Сағат 16:00-де Семей қаласының Арбат алаңында «Домбыра үні – дала үні» атты мерекелік бағдарлама өтеді.

Сағат 17:00-де Семей қаласының Орталық саябағында «Домбыра мен елорда – ел мақтанышы» атты мерекелік концерт ұйымдастырылады.

Осы күні сағат 17:00-де Ә. Қашаубаев атындағы мемлекеттік филармонияда Қазақстанның Халық әртісі Секен Тұрысбековтің қатысуымен Ұлттық домбыра күніне арналған «Үкілі домбыра» мерекелік концерті өтеді.

Абай облысының мәдениет, тілдерді дамыту және архив ісі басқармасы