ຂ່າວເສດຖະກິດ-ການຄ້າ Lao Economic Daily

ແຈ້ງຂ່າວແຜ່ນດິນໄຫວ

ລາວຄາຍຢວນນຳປຸ໋ຍ 27 ໂຕນ ໄປມອບໃຫ້ປະຊາຊົນ 7 ບ້ານໃນເຂດໂຄງການ
-----
ວັນທີ 3 ມິຖຸນາ 2026 ນີ້ບໍລິສັດ ລາວຄາຍຢວນບໍ່ແຮ່ ຈໍາກັດ ໄດ້ຈັດພິທີມອບປຸ໋ຍສູດປະສົມຄຸນນະພາບດີ ຈຳນວນ 27 ໂຕນ ລວມມູນຄ່າ 900 ລ້ານກີບ ໃຫ້ແກ່ປະຊາຊົນ 7 ບ້ານໃນເຂດໂຄງການ ເພື່ອສະໜັບສະໜູນການຜະລິດກະສິກຳໃນລະດູຝົນ ແລະ ຊ່ວຍຍົກ ຄຸນນະພາບຜົນຜະລິດໃຫ້ສູງຂື້ນ.
ໃຫ້ກຽດເຂົ້າຮ່ວມ ໂດຍມີ ທ່ານ ສົມວິໄຊ ວົງທິລາດ ຫົວໜ້າພະແນກອຸດສາຫະກຳ ແລະ ການຄ້າແຂວງຄຳມ່ວນ, ພ້ອມດ້ວຍພາກສ່ວນກ່ຽວຂ້ອງຂັ້ນແຂວງ, ເມືອງ ແລະ ການຈັດຕັ້ງຈາກ 7 ບ້ານ ປະກອບມີ ບ້ານລຳມະລາດ, ບ້ານໂຄກເຫັດ, ບ້ານຍາງໂກ່ມ, ບ້ານທ່າງາມ, ບ້ານທ່າເດື່ອ, ບ້ານໜອງຜື ແລະ ບ້ານໜອງໝ້ຽງ ເຂົ້າຮ່ວມ.

ຂ່າວດ່ວນ! ພາລະກິດຄົ້ນຫາ 2 ຄົນຕິດຖໍ້າ ພົບກັບບັນຫາໃຫຍ່
ຫີນໃນຖ້ຳຊຸດຕົວ ຕ້ອງຫາທາງແກ້ບັນຫາໃໝ່
ຂໍໃຫ້ທຸກຄົນປອດໄພເດີ້
ຂໍ້ມູນຈາກ: เก่งกาจ บ้งกาวงศ์

5 ອາຊີບສະຫງວນໄວ້ສຳລັບຄົນລາວ
1, ການເກັບເຄື່ອງປ່າຂອງດົງ, 2 ການຕ່ຳແຜ່ນແພ, 3 ການຖັກ ແລະແສ່ວຜ້າແພ, 4 ບໍລິການກ່ຽວກັບການພີມ, 5 ການຂົນສົ່ງໂດຍສານໃນຕົວເມືອງ(ຍົກເວັ້ນແທັກຊີມິດເຕີ).......

ກະກຽມເປີດຫ້ອງກວດ ກາຄຸນນະພາບແຮ່ທາດກ່ອນສົ່ງອອກຢູ່ປາຍທາງປະຈໍາດ່ານພາສີສາກົນທົ່ວປະເທດ ຫ້ອງການພາສີປະຈຳສະຖານີລົດໄຟ ລວມທັງໝົດ 31 ດ່ານ

ເປັນຂ່າວດີ ທີ່ກູ້ໄພນັກດຳນ້ຳຖ້ຳຊາວຟິນແລນ Mikko Paasi ພາ່ຍຫຼັງທີ່ເພິ່ນໄດ້ຄອບທີມງານກູ້ໄພທຸກຄົນເພື່ອເດີນທາງກັບປະເທດໃນວັນທີ 2 ມິຖຸນາຜ່ານມາ ແຕ່ເພິ່ນໄປ 1 ຄືນແລ້ວກັບຄືນມາອີກ ແລະບອກວ່າ ຈະຈະມາສູ້ກັບທີມເພື່ອຄົ້ນຫາອີກ 2 ຄົນທີ່ຍັງບໍ່ພົບຕໍ່ 2-3 ວັນຄ່ອຍກັບ ຕົນໄດ້ລົມກັບຄອບຄົວແລ້ວ.
Cr: Tar Kachanon Khangkarn

ປກສ ເມືອງແກ່ນທ້າວ ພົບຢາໄອສ໌ 128 ກິໂລກຼາມ
----------------------------------------
ໃນເວລາ 12:00 ໂມງ ຂອງວັນທີ 2 ມິຖຸນາ 2026 ເຈົ້າໜ້າທີ່ ກອງບັນຊາການ ປກສ ເມືອງແກ່ນທ້າວ ໄດ້ຮັບການລາຍງານຈາກເຈົ້າໜ້າທີ່ຕໍາຫຼວດດ່ານສາກົນນໍ້າເຫືອງ ເມືອງແກ່ນທ້າວ ແຂວງໄຊຍະບູລີວ່າ: ໄດ້ພົບເຫັນວັດຖຸທີ່ຕ້ອງສົງໄສ ຈໍານວນ 4 ເປົາ ວາງໄວ້ຢູ່ຮ່ອງເໝືອງລະບາຍນໍ້າຈຸດນາໝ້ຽງບ້ານເມືອງໝໍ ເມືອງແກ່ນທ້າວ ຫ່າງຈາກແຄມນໍ້າເຫືອງປະມານ 270 ແມັດ ເຊິ່ງໜ້າກັບທ່າວັດບ້ານນາກະເຊັງ ອໍາເພີທ່າລີ່ ຈັງຫວັດເລີຍ ຣາສະອານາຈັກໄທ;
ຈາກນັ້ນເຈົ້າໜ້າທີ່ຈຶ່ງຈັດກໍາລັງວິຊາສະເພາະສົມທົບກັບເຈົ້າໜ້າທີ່ຕໍາຫຼວດດ່ານສາກົນນໍ້າເຫືອງ ແລະ ເຈົ້າໜ້າທີ່ທະຫານກອງຮ້ອຍຊາຍແດນ 158 ພ້ອມດ້ວຍພາກສ່ວນທີ່ກ່ຽວຂ້ອງລົງກວດກາສະຖານທີ່ ແລະ ກວດກາວັດຖຸທີ່ຕ້ອງສົງໄສໃນກະສອບຟາງສີຂາວ ຈໍານວນ 4 ເປົາ, ຜ່ານການກວດກາພົບວ່າ: ຢູ່ໃນກະສອບຟາງຂີຂາວ 4 ເປົາ ແມ່ນໄດ້ບັນຈຸຢາເສບຕິດປະເພດຢາໄອສ໌ ເປົາລະ 30 ຫໍ່ ລວມທັງໝົດ 120 ຫໍ່, ນໍ້າໜັກ 128 ກິໂລກຼາມ.
ຈາກນັ້ນເຈົ້າໜ້າທີ່ໄດ້ເກັບກໍາຂໍ້ມູນເບື້ອງຕົ້ນຮູ້ວ່າ: ສະຖານທີ່ພົບເຫັນຢາໄອສ໌ດັ່ງກ່າວ ແມ່ນຢູ່ຂອບເຂດນາຂອງປະຊາຊົນ ບ້ານເມືອງໝໍ ເມືອງແກ່ນທ້າວ ແຂວງໄຊຍະບູລີ, ຈາກນັ້ນທາງເຈົ້າໜ້າທີ່ຈື່ງໄດ້ນໍາຕົວເຈົ້າຂອງນາດັ່ງກ່າວມາທໍາການສືບສວນ-ສອບສວນ ຜ່ານການສຶບສວນ-ສອບສວນເຫັນວ່າ: ຜູ້ກ່ຽວແມ່ນມີຄວາມຈິງໃຈໃຫ້ການຮ່ວມມືກັບເຈົ້າໜ້າທີ່ໃນການສະໜອງຂໍ້ມູນກ່ຽວກັບການພົບເຫັນຢາໄອສ໌ໃນຄັ້ງນີ້ ແລະ ຜ່ານການກວດກາປະຫວັດເຫັນວ່າ: ຜູ້ກ່ຽວບໍ່ມີສ່ວນພົວພັນກັບການເຄື່ອນໄຫວກະທໍາຜິດໃນຄັ້ງນີ້.
ຕໍ່ກັບຢາເສບຕິດປະເພດຢາໄອສ໌ຈໍານວນດັ່ງກ່າວ ເຈົ້າໜ້າທີ່ແມ່ນໄດ້ນໍາມາເກັບຮັກສາໄວ້ ແລະ ພວມເລັ່ງຊອກຫາເປົ້າໝາຍດັ່ງກ່າວມາລົງໂທດຕາມລະບຽບກົດໝາຍ.
ຂ່າວ: ປກສ ເມືອງແກ່ນທ້າວ