14/10/2026
«بعد ما يجوا الأولاد، العلاقة الزوجية بتصير مملّة وبتصير في كآبة…»
جملة استوقفتني خلال إحدى جلساتي، وخلّتني فكّر: هل فعلًا الأولاد بيغيّروا الحب؟ أو إنّ مسؤوليات الحياة الجديدة أحيانًا بتخلّينا ننسى نعطي علاقتنا الاهتمام اللي بتستحقّه؟
الحقيقة إنّ الأمومة والأبوّة بيغيّروا إيقاع العلاقة، وبيحطّوا قدّام الزوجين تحدّيات جديدة. بس التغيير مش بالضرورة يعني إنّ الحب خفّ أو إنّ العلاقة انتهت صلاحيتها.
أحيانًا، العلاقة ما بتكون بحاجة لحبّ أكتر، قد ما بتكون بحاجة لوقت، واهتمام، وحوار صادق، ومساحة يرجع فيها الزوجان يشوفوا بعض كشريكين وحبيبين، مش بس كأمّ وأب.
لأنّ وجود الأولاد بيضيف دور جديد لحياتنا، بس ما لازم يلغينا نحنا كزوجين. 🤍
