Arihath Maligaya & Paththini Maha Seya

වහාර වර්ෂ 2017 මැයි මස 05 වැනි දින අපගේ භාග්‍යවතුන් වහන්සේගේ සිරිපා කමල් අභියස පුද දුන් සුවහසක් සැදැහැතියන්ගේ සැදැහැ ධනයෙන් ආරම්භ කෙරුණු අසදෘශ විහාර මන්දිරය සහ මහ සෑය - අරිහත් මාලිගය සහ පත්තිනි මහ සෑය නම් වේ..
පින්වත් ම්ණිමේකලා මහතෙරණියගෙන් ධර්මය අසා තෙරුවන් කෙරෙහි පැහැදිමෙන් ලොව්තුරා බුදුබව පතා පාරමී දම් සපුරන උතුම් පත්‍තිනි යන දෙවගනගේ නමින් සම්මා සම්බුදු රජාණන් වහන්සේගේ සහ උතුම් මහරහතන් වහන්සේළාගේ ධාතුන් වහන්සේලා තැන්පත් කොට ගොයුම් ගොත් මුනි සසුනට පූජා කරනු වස්
අතුරුගිරිය දම්දිය අසපුව පිංබිමේ නිර්මාතෘවර පින්වත් මස්සැන්නේ විජිත ස්වාමීන්වහන්සේගේ සංකල්පයක් මත ගොයුම් ගොත් මුණි සසුණට පූජා කිරීමේ අරමුණින් අතුරුගිරිය දම්දිය අසපුව පිංබිම තුල මේ මහා සෑය ගොඩනැගීමේ කටයුතු ආරම්භ විය..
ලෝකවාසී සත්පුරුෂ සාධූන්ගේ පින්බර දායකත්වයෙන් මේ වනවිට අඩි 40 දක්වා උසට මහ සෑයේ කටයුතු නිමකරවා ඇත..
ගොයුම් ගොත් බුදු සසුනට පූජාකිරීම සඳහා අඩි සියයක් උසට ඉදිවන අසිරිමත් පත්‍තිනි මහා සෑය කොළඹ පුරවරයට සහ දක්ශින අධිවේගී මාර්ගයට ඉතා මනරම් ලෙස දිස්වෙන පරිදි අතුරුගිරිය නගර මධ්‍යයේ ඉදිකරනු ලබයි. අඩි විසිපහක් උසැති සමාධි බුද්ධ ප්‍රතිමා වහන්සේ නමක් මෙම මහා සෑයට කේන්ද්‍රව විරාජමාන වන අතර මේ මහා භද්‍ර කල්පයේ පහලවුන සිව්මහා බුදුවරයන් වහන්සේලාගේ ධර්මචක්‍ර මුද්‍රා සහිත අඩි හතක බුදුපිළිම වහන්සේලා හතර නමක් මහා සෑයේ සිව්කොනින් නිර්මාණය කරනු ලබයි.

පුරා වසර 4ක් දෙනෝදහසක් සැදැහැතියන්ගේ බුද්ධාලම්භන ප්‍රීතිය වඩවමින් දම්දිය අසපුව පිංබිමේ ඉදිවෙමින් පවතින මෙම මනරම් අරිහත් මාලිගය සහ පත්තිනි මහ සෑයේ ඉදිරි කටයුතු නිමකරවා ගැනීම පිණිස ශක්ති පමණින් ධනයෙන්, ශ්‍රමයෙන්, නන් අයුරින් උපකාර අප බලපොරොත්තුව වන්නෙමු. Arihath Palace and the Pattini Maha Seya is the world's first Mangala Maha Seya to be built in the name of the Pattini mothers who are living in Sasara Parami purple for enlightenment.