What are the opening hours?

Monday 08:30 - 16:30 Tuesday 08:30 - 16:30 Wednesday 08:30 - 16:30 Thursday 08:30 - 16:30 Friday 08:30 - 16:30

http://www.batticaloa.dist.gov.lk/

District Secretariat Batticaloa, Thiraaimadu, Batticaloa (2026)

22/09/2026

மாவட்ட செயலகத்தில் தூய்மையான தேங்காய் எண்ணெய் நுகர்வு தொடர்பான விழிப்புணர்வு நிகழ்வு

ஆரோக்கியமான மற்றும் தரமான தேங்காய் எண்ணெய் நுகர்வு தொடர்பான விழிப்புணர்வு நிகழ்வு மட்டக்களப்பு மாவட்ட மேலதிக அரசாங்க அதிபர் திருமதி சுதர்ஷினி ஸ்ரீகாந்த் அவர்கள் தலைமையில் இன்று (22) மட்டக்களப்பு புதிய மாவட்ட செயலகத்தில் நடைபெற்றது.

தெங்கு அபிவிருத்தி அதிகார சபையினால் நாடளாவிய ரீதியில் அரச அதிகாரிகளுக்காக முன்னெடுக்கப்படும் “தேங்காய் வீணாவதைக் குறைத்தல் மற்றும் தெங்கு அபிவிருத்தி அதிகார சபையின் சேவைகள்” தொடர்பான விழிப்புணர்வுக் கருத்தரங்காக இந்நிகழ்வு ஏற்பாடு செய்யப்பட்டது.

தெங்கு அபிவிருத்தி அதிகார சபையின் சிரேஷ்ட பரிசோதகர் எச்.ஆர்.ஏ. சந்தன, கிழக்கு மாகாண பரிசோதகர் அ.அ.அஸீர் அஹமட் மற்றும் நிகழ்ச்சி உதவியாளர் P. வி துர்ஷன் ஆகியோரின் பங்குபற்றுதலுடன் நடைபெற்ற இந்நிகழ்வில் தெங்கு அபிலிருத்தி அதிகார சபையின் பரிசோதகர்கள், அதிகாரிகள், பொது சுகாதாரப் பரிசோதகர்கள் மற்றும் நுகர்வோர் அலுவல்கள் அதிகார சபையின் அதிகாரிகள் உள்ளிட்டோர் வளவாளர்களாகக் கலந்துகொண்டனர்.

இதன்போது, தரமான மற்றும் தூய்மையான தேங்காய் எண்ணெயின் பண்புகள், அதன் பயன்பாட்டினால் கிடைக்கக்கூடிய நன்மைகள், தேங்காய் எண்ணெயைச் சேமித்து பயன்படுத்தும் முறைகள் எண்ணெயின் தரத்தை அடையாளம் காணும் வழிமுறைகள் மற்றும் தேங்காய் உற்பத்திப் பொருட்களை வீணாக்காமல் பயன்படுத்துவதன் முக்கியத்துவம் தொடர்பாக விளக்கமளிக்கப்பட்டது.

மேலும், நுகர்வோர் தரமான தேங்காய் எண்ணெயைத் தெரிவுசெய்து கொள்வதில் கவனம் செலுத்த வேண்டிய விடயங்கள் தொடர்பிலும் அதிகாரிகளுக்கு தெளிவூட்டப்பட்டது.

தெங்கு அபிவிருத்தி அதிகார சபையானது தெங்கு உற்பத்தியின் மூலம் கடந்த வருடம் 1500 மில்லியன் அமேரிக்கன் டொலர்களும் இவ்வருடம் 2500 மில்லியன் டொலர் அந்நிய செலவானி பெற்றுக்கொள்தற்கு தேவையான நடவடிக்கைள் மேற்கொள்ளப்பட்டு வருகின்றமை குறிப்பிடத்தக்கதாகும்.

18/09/2026

மட்டக்களப்பில் எல் நினோ பாதிப்புகள் தொடர்பான விழிப்புணர்வுக் கருத்தரங்கு

மட்டக்களப்பு மாவட்ட அனர்த்த முகாமைத்துவ நிலையத்தின் ஏற்பாட்டில் எல் நினோ பாதிப்புகள் தொடர்பான விழிப்புணர்வுக் கருத்தரங்கு பழைய மாவட்ட செயலக மாநாட்டு மண்டபத்தில் நடைபெற்றது.

அனர்த்த முகாமைத்துவ நிலையத்தின் பிரதிப் பணிப்பாளர் எஸ்.ஏ.எம். சியாத் தலைமையில் நடைபெற்ற இந்நிகழ்வில், மட்டக்களப்பு மாவட்ட மேலதிக அரசாங்க அதிபர் திருமதி சுதர்ஷினி ஸ்ரீகாந்த் பிரதம அதிதியாகக் கலந்துகொண்டார்.

எல் நினோ என்பது பசிபிக் பெருங்கடலின் மத்திய மற்றும் கிழக்குப் பகுதிகளில் கடல் மேற்பரப்பு வெப்பநிலை வழக்கத்தைவிட அதிகரிக்கும் இயற்கையான காலநிலை நிகழ்வாகும். இதன் தாக்கத்தால் உலகின் பல்வேறு பகுதிகளில் மழைவீழ்ச்சி மற்றும் வெப்பநிலை முறைகளில் மாற்றங்கள் ஏற்படக்கூடும்.

இதன்போது, இலங்கையின் வடகிழக்கு மற்றும் தென்மேற்குப் பருவமழை முறைகள், எல் நினோவினால் ஏற்படக்கூடிய வறட்சி, அதிக மழைவீழ்ச்சி மற்றும் வெள்ளப்பெருக்கு உள்ளிட்ட காலநிலைப் பாதிப்புகள் தொடர்பாக வளிமண்டலவியல் திணைக்களத்தின் பிரதிப் பணிப்பாளர்களான புத்திக வண்டார மற்றும் ஜீவன் கருணாரத்ன ஆகியோர் விளக்கமளித்தனர்.

மேலும், காலநிலை மாற்றங்களினால் விவசாயம், குடிநீர் வளங்கள் மற்றும் பொதுமக்களின் வாழ்வாதாரத்தில் ஏற்படக்கூடிய பாதிப்புகள் தொடர்பிலும் விழிப்புணர்வு ஏற்படுத்தப்பட்டது.

எதிர்காலத்தில் ஏற்படக்கூடிய அனர்த்த நிலைமைகளை எதிர்கொள்வதற்கான முன்னெச்சரிக்கை நடவடிக்கைகள் தொடர்பிலும் இதன்போது கருத்துகள் பகிரப்பட்டது.

18/09/2026

மட்டக்களப்பு மாவட்டத்தில் 2000 மில்லியன் ரூபாவை இந்திய முதலீட்டளர்கள் முதல் இடுவதற்கு ஆயித்தமாகவுள்ளதாக தெரிவித்துள்ளனர்

இலங்கை மற்றும் இந்தியாவிற்கிடையிலான வர்த்தக உறவுகளை மேலும் வலுப்படுத்தும் நோக்கில், இந்திய முதலீட்டாளர்களுடனான சிறப்பு கலந்துரையாடல் இந்தியா – இலங்கை வர்த்தகக் கூட்டமைப்பின் ஏற்பாட்டில் மட்டக்களப்பு புதிய மாவட்ட செயலக மாநாட்டு மண்டபத்தில் 17.09.2026 நடைபெற்றது.

மட்டக்களப்பு மாவட்ட அரசாங்க அதிபர் ஜே.எஸ்.அருள்ராஜ் அவர்களது ஆலோசனைக்கு அமைவாக மேலதிக அரசாங்க அதிபர் திருமதி சுதர்ஷனி ஸ்ரீகாந்த் அவர்களது தலைமையில் இடம் பெற்ற குறித்த நிகழ்வில் மட்டக்களப்பு மாவட்ட பிராந்திய
கைத்தொழில் மன்றத்தின் தலைவர் பேராசிரியர் ரீ.ஜெயசிங்கம் மற்றும் பொருளாதார வல்லுனர் எஸ். சுந்தர் தலைமையிலான 40 இற்கு மேற்பட்ட இந்திய முதலீட்டாளர்கள், பிரதேச செயலாளர்கள், துறைசார் திணைக்கள அதிகாரிகள், தொழிலதிபர்கள், வர்த்தகர்கள் மற்றும் சுயதொழில் முயற்சியாளர்கள் என பலரும் கலந்து கொண்டிருந்தனர்.

இச்சந்திப்பானது இருநாட்டு வர்த்தகர்களிடையே புதிய தொடர்புகளை உருவாக்குவதோடு, மட்டக்களப்பு மாவட்ட வர்த்தகர்களும் சுய தொழில் முயற்சியாளர்கள் இந்திய வர்த்தகர்களுடன் நேரடி உரையாடல்களை மேற்கொள்வதற்கான சிறந்த வாய்ப்பை வழங்கியதுடன் மேலும், இப்பகுதியில் உள்ள முதலீட்டு வாய்ப்புகளை விரிவாக ஆராய்வதற்கும், இறக்குமதி மற்றும் ஏற்றுமதி வர்த்தகங்களை வலுப்படுத்துவதற்கும் இது வழிவகுக்கும். புதிய சர்வதேச சந்தைகளை அடையாளம் காணுதல், கூட்டு வர்த்தக முயற்சிகள் மற்றும் மூலோபாய கூட்டாண்மைகளை கட்டியெழுப்புதல் ஆகிய முக்கிய நோக்கங்களைக் கொண்டு இந்நிகழ்வு ஏற்பாடு செய்யப்பட்டிருந்தது.

உள்ளூர் தொழில்முனைவோரும் வணிகர்களும் இச்சந்தர்ப்பத்தைப் பயன்படுத்தித் தங்கள் வியாபாரத்தை அடுத்த கட்டத்திற்கு எடுத்துச் செல்ல இக் கலந்துரையாடல் ஒரு சிறந்த வாய்ப்பாக அமைந்திருந்ததுடன், இதன் போது வருகை தந்திருந்த முதலீட்டாளர்கள் சுமார் 2000 கோடி ரூபாய் முதலீட்டினை மேற்கொள்ள தயாராக வந்திருப்பதாகவும், அதிலும் குறிப்பாக பெண் தலைமை தாங்கும் குடும்பங்களுக்கும் தம்மால் உதவ முடியும் எனவும் குறிப்பிட்டிருந்தனர்.

18/09/2026

பெரும்போக செய்கைக்கான உரத் தேவையைப் பூர்த்தி செய்வது தொடர்பில் ஆராய்வு

மட்டக்களப்பு மாவட்டத்தில் 2026/2027ஆம் ஆண்டுக்கான பெரும்போக விவசாயச் செய்கைக்குத் தேவையான உரங்களை விவசாயிகளுக்கு தடையின்றி வழங்குவது தொடர்பான மாவட்ட உரக்குழுக் கூட்டம் 16.09.2026 புதிய மாவட்ட செயலகத்தில் நடைபெற்றது.

மாவட்ட மேலதிக அரசாங்க அதிபர் திருமதி சுதர்ஷினி ஸ்ரீகாந்த் தலைமையில் நடைபெற்ற இக்கூட்டத்தில், பெரும்போக செய்கைக்குத் தேவையான யூரியா, ரி.எஸ்.பி. (TSP), எம்.ஓ.பி. (MOP) உள்ளிட்ட உரங்களின் கையிருப்பு மற்றும் தொடர்ச்சியான விநியோகம் தொடர்பில் ஆராயப்பட்டது.

மாவட்டத்திலுள்ள தனியார் உரக் கம்பனிகளின் கையிருப்பில் உள்ள உரங்களின் அளவு, தரம் மற்றும் விற்பனை விலை தொடர்பிலும் கலந்துரையாடப்பட்டது.

அத்துடன், கமநல சேவை நிலையங்களினூடாக தனியார் நிறுவனங்களின் உரங்களையும் விவசாயிகளுக்கு விநியோகிப்பதற்கான சாத்தியக்கூறுகள் தொடர்பிலும் ஆராயப்பட்டது.

17/09/2026

முன்பள்ளி ஆசிரியர்களுக்கான 100 மணித்தியால சிங்கள மொழிப் பயிற்சி

நீதி மற்றும் தேசிய ஒருமைப்பாடு அமைச்சின் தேசிய மொழிகள் பிரிவின் நிதி ஒதுக்கீட்டின் கீழ், கிழக்கு மாகாண தேசிய மொழிகள் பிரிவின் மத்திய நிலையத்தினால் முன்பள்ளி ஆசிரியர்களுக்கான 100 மணித்தியால சிங்கள மொழிப் பயிற்சிப் பாடநெறி ஆரம்பிக்கப்பட்டுள்ளது.

மட்டக்களப்பு மாவட்டத்தின் 14 பிரதேச செயலகப் பிரிவுகளையும் உள்ளடக்கிய 55 முன்பள்ளி ஆசிரியர்களுக்காக இப்பயிற்சிப் பாடநெறி ஆரம்பிக்கப்பட்டது.

முன்பள்ளி ஆசிரியர்களின் சிங்கள மொழி அறிவை மேம்படுத்துவதன் ஊடாக, முன்பள்ளி மாணவர்களுக்கு அடிப்படை சிங்கள மொழியறிவை வழங்குவதே இப்பயிற்சியின் பிரதான நோக்கமாகும்.

உதவி மாவட்ட செயலாளர் கு. பிரணவன் அவர்களின் வழிகாட்டுதலின் கீழ் முன்னெடுக்கப்படும் இப்பயிற்சித் திட்டத்தில், மாவட்ட ஒருங்கிணைப்பாளர் வி. சந்திரகுமார், கிழக்கு மாகாண நிலைய அபிவிருத்தி உத்தியோகத்தர் திருமதி ஆர். சுபாசினி, முகாமைத்துவ உத்தியோகத்தர் எம். ஷாருகாசன், மாவட்ட முன்பிள்ளைப் பருவ அபிவிருத்தி இணைப்பாளர் வீ. முரளிதரன் மற்றும் வளவாளர் திருமதி கு. திலினி மதுசிக்கா ஆகியோர் கலந்துகொண்டனர்.

17/09/2026

மூன்றாம் காலாண்டிற்கான கணக்காய்வு மற்றும் முகாமைத்துவ குழுக் கூட்டம்!!

மட்டக்களப்பு மாவட்ட செயலகத்திற்கான மூன்றாம் காலாண்டிற்கான கணக்காய்வு மற்றும் முகாமைத்துவ குழுக்கூட்டம் மட்டக்களப்பு மாவட்ட மேலதிக அரசாங்க அதிபர் திருமதி. சுதர்சினி ஸ்ரீகாந் தலைமையில் பிரதம உள்ளக கணக்காய்வாளர் எ.எஸ்.சசிகரன் அவர்களின் ஏற்பாட்டில் மாவட்ட செயலக மாநாட்டு மண்டபத்தில் 16.09.2026 திகதி இடம் பெற்றது.

இதன் போது மாவட்ட செயலகத்திற்கான கணக்காய்வு ஐய வினாக்கள் மற்றும் ஒதுக்கீடுகள் மற்றும் செலவினங்கள் தொடர்பான விடயங்கள் கலந்துரையாடப்பட்டதுடன் இக்காலாண்டிற்கு மேற்கொள்ளப்பட வேண்டிய செயற்பாடுகள் தொடர்பாகவும் ஆராயப்பட்டது.

மேலும் 2026 ஆண்டு மாவட்ட செயலகத்தில் மேற்கொள்ளப்பட்ட செயற்றிட்டங்கள் மற்றும் நடைமுறைப்படுத்தப்பட்ட விடயங்கள் தொடர்பாக விரிவாக மாவட்ட செயலக கணக்காளர் ரீ.மதன் அவர்களினால் அளிக்கை செய்யப்பட்டதுடன் பிரதம கணக்காளர் திருமதி காயத்திரி ரமேஸ் அவர்களினால் தெளிவூட்டப்பட்டமை குறிப்பிடத்தக்கதாகும்.

இந் நிகழ்வில் உதவி மாவட்ட செயலாளர் ஜீ.பிரணவன், மாவட்ட பிரதம கணக்காளர் திருமதி காயத்திரி ரமேஸ், பிரதம பொறியியலாளர் ரீ.சுமன், மாவட்ட செயலக திட்டமிடல் பணிப்பாளர் ரி.நிர்மலராஜ், மாவட்ட செயலக சமூர்த்தி பணிப்பாளர் திருமதி ஜெயானந்தி திருச்செல்வம், மாவட்ட செயலக நிர்வாக உத்தியோகத்தர் கே.மதிவாணன் மற்றும் மாவட்ட செயலக பதவிநிலை உத்தியோகத்தர்கள் எனப் பலரும் கலந்து கொண்டனர்.

17/09/2026

கனேடிய உயர்ஸ்தானிகராலய அதிகாரிகள் மட்டக்களப்பிற்கு விஜயம்

கனேடிய உயர்ஸ்தானிகராலயத்தின் அபிவிருத்திப் பணிகளுக்குப் பொறுப்பான அதிகாரி கிறில் உள்ளிட்ட அதிகாரிகள் மட்டக்களப்பு மாவட்டத்திற்கு விஜயம் மேற்கொண்டு மாவட்ட அரசாங்க அதிபர் ஜே. எஸ். அருள்ராஜ் அவர்களுடன் 15.09.2026 புதிய மாவட்ட செயலகத்தில் கலந்துரையாடலில் ஈடுபட்டனர்.

இதன் போது மட்டக்களப்பு மாவட்ட இளைஞர், யுவதிகளுக்குத் தொழிற்பயிற்சிகளை வழங்கி அவர்களை வேலைவாய்ப்பு வழங்கும் நிறுவனங்களுடன் இணைப்பதற்கான திட்டங்கள் தொடர்பாகக் கலந்துரையாடப்பட்டது.

அரச மற்றும் தனியார் கல்வி நிறுவனங்களுடன் இணைந்து தொழில்நுட்பம், சுற்றுலாத்துறை மற்றும் விவசாயம் உள்ளிட்ட துறைகளில் சர்வதேச தரத்திலான தொழிற்பயிற்சிகள் மற்றும் கற்கைநெறிகளை வழங்குவதற்கான நடவடிக்கைகள் முன்னெடுக்கப்படவுள்ளன.

WUSC நிறுவனம் வடக்கு மற்றும் கிழக்கு மாகாணங்களில் தனது சேவைகளை விரிவுபடுத்தி இளைஞர், யுவதிகளின் தொழில்திறனை மேம்படுத்துவதுடன் அவர்களை வேலைவாய்ப்பு வழங்கும் நிறுவனங்களுடன் இணைக்கும் செயற்பாடுகளையும் முன்னெடுக்கவுள்ளது.

மேலும் தொழில்துறையில் ஏற்கனவே பெற்றுள்ள அனுபவம் மற்றும் திறன்களை அடிப்படையாகக் கொண்டு RPL (Recognition of Prior Learning) முறையின் ஊடாக சான்றிதழ்களை வழங்குவதற்கான நடவடிக்கைகளும் மேற்கொள்ளப்படவுள்ளது.

இத்திட்டத்திற்குத் தேவையான நிதியுதவியை கனேடிய உயர்ஸ்தானிகராலயம் வழங்கவுள்ளதுடன் இதன் மூலம் தொழில் வாய்ப்பின்றிக் காணப்படும் இளைஞர் யுவதிகளுக்கு தகுதிக்கேற்ற சிறந்த தொழில் வாய்ப்புகளைப் பெற்றுக்கொள்வதற்கான சந்தர்ப்பம் ஏற்படும் என எதிர்பார்க்கப்படுகிறது.

இக்கலந்துரையாடலில் மாவட்ட மேலதிக அரசாங்க அதிபர் திருமதி சுதர்ஷினி ஸ்ரீகாந்த்,
கனடா உலகளாவிய விவகாரங்கள் திணைக்கள திட்டக் குழுத் தலைவர் அப்துல்லா மொஜத்தெடி, இலங்கைக்கான கனேடிய உயர்ஸ்தானிகராலய சிரேஷ்ட அபிவிருத்தி அதிகாரி ட்ரெவர் லுடோவைக், உதவி மாவட்ட செயலாளர், WUSC நிறுவனத்தின் சிரேஷ்ட நிகழ்ச்சித் திட்ட முகாமையாளர் எம்.முருகவேள், தொழிற்கல்வி மற்றும் பயிற்சி (TVET) நிபுணர், எஸ். ராமையா, பிரதி திட்டமிடல் பணிப்பாளர்கள் உள்ளிட்ட மாவட்ட செயலக உயர் அதிகாரிகள் கலந்து கொண்டனர்.

17/09/2026

ACTED நிறுவனத்தின் மீள்திறன் கொண்ட சூழலை உருவாக்குதல் தொடர்பான கலந்துரையாடல்

காலநிலை மாற்றத்தினால் பாதிக்கப்பட்ட கரையோரச் சூழலை மீளுருவாக்கம் செய்வது தொடர்பாக மேற்கொள்ளப்பட்ட ஆய்வுகளின் தரவுகளைத் தெளிவுபடுத்தும் கலந்துரையாடல், மட்டக்களப்பு மாவட்ட மேலதிக அரசாங்க அதிபர் திருமதி சுதர்ஷினி ஸ்ரீகாந்த் தலைமையில் 15.09.2026 புதிய மாவட்ட செயலக மாநாட்டு மண்டபத்தில் நடைபெற்றது.

ஐக்கிய இராச்சியத்தின் நிதியுதவியுடன் மட்டக்களப்பு மாவட்டத்தில் தெரிவுசெய்யப்பட்ட பிரதேச செயலாளர் பிரிவுகளுக்குட்பட்ட கிராம சேவகர் பிரிவுகளில் மேற்கொள்ளப்பட்ட ஆய்வுகளின் மூலம் பெறப்பட்ட தரவுகள் தொடர்பில் இதன்போது விரிவான விளக்கங்கள் வழங்கப்பட்டது.

வடக்கு மற்றும் கிழக்கு மாகாணங்களில் காலநிலை மாற்றத்தினால் பாதிக்கப்பட்ட கரையோர உயிர்பல்வகைமையை மீளுருவாக்கம் செய்வதுடன் கரையோர சமூகங்களின் பொருளாதார நிலையை மேம்படுத்தும் நோக்கில் ACTED நிறுவனத்தினால் மட்டக்களப்பு மற்றும் முல்லைத்தீவு மாவட்டங்களில் குறித்த செயற்திட்டம் முன்னெடுக்கப்பட்டு வருகின்றது.

சுற்றாடல் அமைச்சு இலங்கை தேசிய நீர்வாழ் உயிரின வளர்ப்பு அபிவிருத்தி அதிகாரசபை உள்ளிட்ட அரச நிறுவனங்களுடன் இணைந்து இத்திட்டம் நடைமுறைப்படுத்தப்படவுள்ளது.

இதன்போது துறைசார் நிபுணர்களின் ஆய்வுகள் மூலம் பெறப்பட்ட தரவுகள் ஆராயப்பட்டதுடன் மாவட்டத்தின் களப்பு மற்றும் கரையோரப் பகுதிகளில் மீன்வளம் குறைவடைந்து வருகின்றமை மீனவர்கள் எதிர்நோக்கும் பிரச்சினைகள் மற்றும் சவால்கள் நீரோட்டத்தினால் ஏற்படும் தாக்கங்கள், ‘தித்வா’ புயலினால் ஏற்பட்ட பாதிப்புகள் உள்ளிட்ட பல்வேறு விடயங்கள் தொடர்பில் விஞ்ஞான ரீதியான ஆக்கபூர்வமான கலந்துரையாடலும் இடம்பெற்றது.

காலநிலை மாற்றத்தின் தாக்கத்தினால் சிறிய அளவிலான மீன்பிடித் தொழிலாளர்கள் பாதிக்கப்பட்டுள்ள நிலையில் கரையோரப் பகுதிகளில் இயற்கை வாழிடங்களை மீளுருவாக்கம் செய்து, மீனவ சமூகங்களின் வாழ்வாதாரத்தை மேம்படுத்தி அவர்களை வலுப்படுத்தும் நோக்கில் மூன்று வருட செயற்திட்டம் முன்னெடுக்கப்படவுள்ளது.

இந்நிகழ்வில் பிரதேச செயலாளர்கள், கிழக்குப் பல்கலைக்கழக பேராசிரியர் ரீ. மதிவேந்தன், கரையோர நீர்வாழ் உயிரின வளர்ப்பு அபிவிருத்தித் திணைக்களத்தின் கிழக்கு மாகாண உதவிப் பணிப்பாளர் எஸ். ரவிக்குமார், பிரதி திட்டமிடல் பணிப்பாளர் ரீ. நிர்மலராஜ், ACTED நிறுவனத்தின் நாட்டுக்கான இணைப்பாளர் எம். சுதர்சன், திட்ட ஒருங்கிணைப்பாளர் எச். எம். தாஜுல் பலாஹ், துறைசார் நிபுணர்கள், திணைக்கள தலைவர்கள், கிழக்குப் பல்கலைக்கழக விரிவுரையாளர்கள், Inno Consultant services உயர் அதிகாரி தர்மேந்திரா, உள்ளிட்ட பலர் கலந்துகொண்டனர்.

14/09/2026

பிரதமர் மட்டக்களப்பு பிரதேச செயலகங்களுக்கு பாராட்டு

ஜனாதிபதி நிதியத்தின் செயற்பாடுகளைப் பிரதேச மட்டத்தில் சிறப்பாகவும் பன்முகப்படுத்தப்பட்ட வகையிலும் முன்னெடுத்த மட்டக்களப்பு மாவட்ட பிரதேச செயலகங்களைப் பாராட்டும் நிகழ்வு பிரதமரும் கல்வி உயர்கல்வி மற்றும் தொழிற்கல்வி அமைச்சருமான கலாநிதி ஹரிணி அமரசூரிய அவர்களின் தலைமையில் 12.09.2026 மட்டக்களப்பில் நடைபெற்றது.

கிழக்குப் பல்கலைக்கழகத்தின் சுவாமி விபுலானந்த அழகியல் கற்கைகள் நிறுவகத்தின் (SVIAS) இராஜதுரை அரங்கில் நடைபெற்ற இந்நிகழ்வில், சபாநாயகர் கௌரவ ஜகத் விக்ரமரத்ன, கிழக்கு மாகாண ஆளுநர் பேராசிரியர் ஜயந்த லால் ரத்னசேகர, கைத்தொழில் மற்றும் தொழில் முயற்சியாண்மை அபிவிருத்தி அமைச்சர் சுனில் ஹந்துன்நெத்தி உள்ளிட்ட அமைச்சர்கள் மாவட்ட பாராளுமன்ற உறுப்பினர் கந்தசாமி பிரபு, உயர் பிரதிநிதிகள் கலந்துகொண்டனர்.

இதன்போது, ஜனாதிபதி நிதியத்தின் செயற்பாடுகளை மக்கள் மட்டத்திற்கு கொண்டு சென்று, பொதுமக்களுக்கான சேவைகளை வினைத்திறனுடன் முன்னெடுத்த பிரதேச செயலகங்களின் சிறப்பான செயற்பாடுகள் பாராட்டப்பட்டதுடன், சிறப்பாகச் செயற்பட்ட பிரதேச செயலகங்களுக்கு விருதுகளும் சான்றிதழ்களும் வழங்கப்பட்டன.

இதன்படி, காத்தான்குடி பிரதேச செயலகம் முதலாம் இடத்தையும், மண்முனை வடக்கு பிரதேச செயலகம் இரண்டாம் இடத்தையும், கோறளைப்பற்று பிரதேச செயலகம் மூன்றாம் இடத்தையும் பெற்றுக்கொண்டன.

முதலாம் இடத்திற்கான விருதை காத்தான்குடி பிரதேச செயலாளர் திருமதி நிஹாரா மௌஜுத் அவர்களும், இரண்டாம் இடத்திற்கான விருதை மண்முனை வடக்கு பிரதேச செயலாளர் திருமதி சிவப்பிரியா வில்வரத்னம் அவர்களும் பிரதமர் அவர்களிடமிருந்து பெற்றுக்கொண்டனர்.

மூன்றாம் இடத்திற்கான விருதை கோறளைப்பற்று மத்தி பிரதேச செயலகத்தின் சார்பில் இவ்விருதினை நிர்வாக உத்தியோகத்தர் ஏ. தாஹிர் சமூக சேவைகள் உத்தியோகத்தர் ஏ. நஜீம் ஆகியோர் பெற்றுக்கொண்டனர்.

நிகழ்வில் உரையாற்றிய ஜனாதிபதி நிதியத்தின் செயலாளர் நிதியத்தின் செயற்பாடுகளை மக்கள் மத்தியில் வினைத்திறனுடன் முன்னெடுப்பதில் பிரதேச செயலகங்களின் பங்களிப்பின் முக்கியத்துவத்தை பாராட்டினார்.

இந்நிகழ்வில் மட்டக்களப்பு மாவட்ட அரசாங்க அதிபர் ஜே.எஸ். அருள்ராஜ், பல்கலைக்கழக உப வேந்தர்கள், பீடாதிபதிகள், பணிப்பாளர்கள், பிரதேச செயலாளர்கள், அரச அதிகாரிகள் உள்ளிட்ட பலர் கலந்துகொண்டனர்

14/09/2026

பிரதமர் தலைமையில் மாற்றுத்திறனாளி பல்கலைக்கழக மாணவர்களுக்கு ஊக்குவிப்பு கொடுப்பனவு

பல்கலைக்கழக மாற்றுத்திறனாளி மாணவர்களைப் பாராட்டும் தேசிய நிகழ்ச்சித் தொடரின் மூன்றாவது நிகழ்வு, பிரதமரும் கல்வி, உயர்கல்வி மற்றும் தொழிற்கல்வி அமைச்சருமான கலாநிதி ஹரிணி அமரசூரிய அவர்களின் தலைமையில் 12.09.2026 மட்டக்களப்பில் நடைபெற்றது.

ஜனாதிபதி நிதியத்தின் ஏற்பாட்டில் “பல்கலைக்கழக சாதனையாளர்களின் பெருமை” எனும் தொனிப்பொருளில், கிழக்குப் பல்கலைக்கழகத்தின் சுவாமி விபுலானந்த அழகியல் கற்கைகள் நிறுவகத்தின் (SVIAS) இராஜதுரை அரங்கில் இந்நிகழ்வு நடைபெற்றது.

இதன்போது, மாற்றுத்திறனாளி பல்கலைக்கழக மாணவர்களுக்கு பிரதமர் அவர்களால் ஊக்குவிப்புக் கொடுப்பனவுக்கான காசோலைகள் வழங்கி வைக்கப்பட்டன.
இதன்போது 55 மாற்றுத்திறனாளி பல்கலைக்கழக மாணவர்கள் பாராட்டி கௌரவிக்கப்பட்டனர்.

மேலும், ஜனாதிபதி செயலகத்தின் செயற்பாடுகளைப் பிரதேச மட்டத்தில் சிறப்பாகவும் பன்முகப்படுத்தப்பட்ட வகையிலும் முன்னெடுத்த பிரதேச செயலகங்களைப் பாராட்டும் நிகழ்வும் இதன்போது இடம்பெற்றது.

இந்நிகழ்வில் சுவாமி நிலமாதவானந்த ஜீ மஹாராஜ், சபாநாயகர் கலாநிதி ஜகத் விக்கிரமரத்ன, கிழக்கு மாகாண ஆளுநர் ஜயந்த லால் ரத்னசேகர, கைத்தொழில் மற்றும் தொழில்முயற்சியாண்மை அபிவிருத்தி அமைச்சர் சுனில் ஹந்துன்னெத்தி, மட்டக்களப்பு மாவட்ட பாராளுமன்ற உறுப்பினரும் பிரதேச ஒருங்கிணைப்புக் குழுத் தலைவருமான கந்தசாமி பிரபு, ஜனாதிபதி நிதியத்தின் செயலாளர் ரோசான் கமகே, கிழக்கு மாகாண பிரதம செயலாளர், மட்டக்களப்பு, திருகோணமலை மற்றும் அம்பாறை மாவட்ட அரசாங்க அதிபர்கள், பல்கலைக்கழக உபவேந்தர்கள் உள்ளிட்ட பல உயர் அதிகாரிகள் கலந்துகொண்டனர்.

District Secretariat Batticaloa

22/09/2026

18/09/2026

18/09/2026

18/09/2026

17/09/2026

17/09/2026

17/09/2026

17/09/2026

14/09/2026

14/09/2026

Address

Opening Hours

Telephone

Website

Alerts

Contact The Organization

Shortcuts

Share

Category

Listing takedown request

Monday	08:30 - 16:30
Tuesday	08:30 - 16:30
Wednesday	08:30 - 16:30
Thursday	08:30 - 16:30
Friday	08:30 - 16:30