NPP - Divulapitiya

06/10/2026

ඉතිහාසේ ගිනි කන්ද නිවන්නට
පුනරුදයේ නව යුගය හදන්නට
සාගිනි සෝගිනි තුරන් කරන්නට
ලස්සන හෙටකට රට නංවන්නට

06/10/2026

තමන්ගේම තැනක් - ලස්සන ජීවිතයක්

05/10/2026

ලෝක ජනාවාස දිනයට සමගාමීව රුපියල් මිලියනය බැගින් මූල්‍ය පහසුකම් සලසා වැඩ නිමකළ නව නිවාස 07ක් දිවුලපිටියේදී ජනතා අයිතියට

ලෝක ජනාවාස දිනය වෙනුවෙන් රටපුරා නව නිවාස 5000ක් විවෘත කිරීමේ අවස්ථාවට සමගාමීව දිවුලපිටිය ප්‍රාදේශීය ලේකම් කොට්ඨාශයේ කැලෑපිටමුල්ල ග්‍රාමසේවා වසමේ සුදුසුකම් සම්පූර්ණ කළ පවුලක් සඳහා ඉදිකළ නව නිවස විවෘත කිරීම අද(05) උදෑසන කම්කරු අමාත්‍ය සහ මුදල් හා ක්‍රම සම්පාදන නියෝජ්‍ය අමාත්‍ය අචාර්ය අනිල් ජයන්ත මහතාගේ ප්‍රධානත්වයෙන් සිදුවිය.

'තමන්ගේම තැනක් - ලස්සන ජීවිතයක්' යන තේමාව යටතේ රටපුරා ආරක්ෂිත නිවාසයක් නොමැති අඩු ආදායම්ලාභී පවුල් සඳහා නිවාස ලබාදීමේ වැඩපිළිවෙල යටතේ රුපියල් මිලියනයක නිවාස ආධාර ලබාදීමේ වැඩපිළිවෙලේ තවත් එක් නිවසක් මෙසේ විවෘත විය. ඊට අමතරව අද(05) දිනය තුළ දිවුලපිටිය ආසනයේ වැඩ නිමකළ තවත් නිවාස 0‍6ක් පල්ලිපිටිය බටහිර, පින්නලන්ද, ඌරපාන, බලගල්ල බටහිර, කුඩගම්මන සහ වෑකඩ යන ග්‍රාම නිලධාරී වසම් හිදී ජනතා අයිතියට පත් කිරීම ද සිදුවිය.

දිවුලපිටිය ආසනය තුළ මේ වසර තුළ නව නිවාස 111ක් ඉදිකර ජනතා අයිතියට පත් කිරීමට යෝජනා වී ඇති අතර සමෘද්ධි අධිකාරිය යටතේ දැනටමත් නිවාස 03ක් ඉදිකර අදාළ පවුල් වෙත ලබාදීමද සිදුකර ඇත. ඊට අමතරව දිට්වා සුළි කුණාටු තත්ත්වයෙන් පූර්ණ හානි වූ නිවාස 20ක වැඩ කටයුතුද මේ වනවිට ආරම්භව ඇත.

මෙම අවස්ථාව සඳහා දිවුලපිටිය ප්‍රාදේශීය සභාවේ සභාපති, නීතීඥ ජනක විකුම්තිලක මහතා,දිවුලපිටිය ප්‍රාදේශීය ලේකම්තුමිය, උප සභාපති ගයාන් නිලූක්ෂ රණවීර මහතා, දිවුලපිටිය ප්‍රාදේශීය සභා මන්ත්‍රීවරුන් වන විශ්මල් ගමගේ, රවී ගයන්ත, මහින්දලාල් ජයසිංහ, අනුරාධා විජේසිංහ යන මහත්ම මහත්මීන් සහ පර්යේෂණ නිළධාරී පුබුදු රණසිංහ මහතා මෙන්ම නිවාස සංවර්ධන නිළධාරී, ග්‍රාම නිළධාරීන්, ප්‍රජා සවිබල ගැන්වීමේ නිළධාරීන් ඇතුළු රාජ්‍ය නිළධාරීන් ද එක්විය.

04/10/2026

දිවුලපිටිය හල්පේ කොට්ඨාසයේ 42 B ගුරුල්ලගම හල්පේ මහගම සිට වෙලේකඩේ හන්දිය දක්වා මාර්ගයේ කොටසක් දිවුලපිටිය ප්‍රාදේශීය සභාවේ වැඩ අංශය මගින් කොන්ක්‍රීට් යොදා සංවර්ධනය කරන ලදී.

03/10/2026

බස්නාහිර පළාත් සභා ප්‍රතිපාදන යටතේ ඉදිකළ ඉසුරු සමිතිශාලාව අසල ට්‍රැක්ටර් පැන්නුම සහ අමුණ ජනතා අයිතියට

පළාත් සභා නිශ්චිත සංවර්ධන ප්‍රදාන යටතේ රුපියල් 3,500,000.00 ක ප්‍රතිපාදන මඟින් බස්නාහිර පළාත් වාරිමාර්ග දෙපාර්තමේන්තුවේ අධීක්ෂණයෙන් ඉදිකරන ලද, වරාදල ග්‍රාම නිලධාරී වසමට අයත් ඉසුරු සමිතිශාලාව අසල ට්‍රැක්ටර් පැන්නුම හා අමුණෙහි ඉදිකිරීම් අවසන් කර ජනතා අයිතියට පත් කිරීම අද දින සිදු කරන ලදී.

දිවුලපිටිය ප්‍රාදේශීය සභාවේ සභාපති නීතිඥ ජනක විකුම්තිලක මහතා සහ පළාත් වාරිමාර්ග දෙපාර්තමේන්තුවේ තාක්ෂණික නිලධාරිනී නිෂාදි මහත්මියගේ ප්‍රධානත්වයෙන් පැවති මෙම අවස්ථාව සඳහා වල්පිට කොට්ඨාසයේ ප්‍රාදේශීය සභා මන්ත්‍රී උපාලි සේනක ජයකොඩි මහතා, ප්‍රාදේශීය සභා මන්ත්‍රී ඩයන් ලක්ෂාන් මහතා, අමාත්‍ය අනිල් ජයන්ත ප්‍රනාන්දු මහතාගේ පර්යේෂණ නිලධාරී පුබුදු රණසිංහ මහතා, වරාදල කොට්ඨාසයේ කෘෂිකර්ම පර්යේෂණ හා නිෂ්පාදන සහකාර නිලධාරිනිය ඇතුළු ප්‍රදේශයේ රාජ්‍ය නිලධාරීන් සහ ගොවි සමිති නියෝජිතයින් රැසක් සහභාගී වූහ.

03/10/2026

"තමන්ගේම තැනක් - ලස්සන ජීවිතයක්" නිවාස වැඩසටහන යටතේ ඉදිකෙරෙන නිවාස දිවුලපිටිය ප්‍රාදේශීය සභා සභාපතිතුමාගේ නිරීක්ෂණයට

"තමන්ගේම තැනක් - ලස්සන ජීවිතයක්" තේමාව යටතේ දිවුලපිටිය, වල්පිට කොට්ඨාසයේ නිවාස නොමැති පවුල් කිහිපයක් වෙනුවෙන් රුපියල් 1,000,000.00 ක ප්‍රතිපාදන මඟින් ඉදි කෙරෙන නිවෙස් ක්ෂේත්‍ර නිරීක්ෂණයක දිවුලපිටිය ප්‍රාදේශීය සභාවේ ගරු සභාපති නීතිඥ ජනක විකුම්තිලක මහතා නිරත විය.

එහිදී ගොඩනැගිලි ද්‍රව්‍ය සපයා ගැනීමේදී පවතින අපහසුතා ඇතුළු නිවැසියන් මුහුණ දෙන ගැටලු පිළිබඳව සාකච්ඡා කෙරුණු අතර, එම ගැටලු ඉක්මනින් විසඳා ගැනීම සඳහා අවශ්‍ය උපදෙස් හා මාර්ගෝපදේශනය ද සභාපතිතුමා විසින් ලබා දෙන ලදී.

මෙම අවස්ථාව සඳහා ප්‍රාදේශීය සභා මන්ත්‍රී උපාලි සේනක ජයකොඩි මහතා, ප්‍රාදේශීය සභා මන්ත්‍රී ඩයන් ලක්ෂාන් මහතා, අමාත්‍ය අනිල් ජයන්ත ප්‍රනාන්දු මහතාගේ පර්යේෂණ නිලධාරී පුබුදු රණසිංහ මහතා, වරාදල ප්‍රජා සංවර්ධන සභාවේ සභාපතිතුමා ඇතුළු පිරිසක් සහභාගී වූහ.

වත්මන් රජයේ නව නිවාස වැඩසටහනට අනුව අඩු ආදායම්ලාභී පවුල් වෙනුවෙන් මෙම නිවාස ඉදිකිරීම් සිදු කෙරෙන අතර, ජාතික නිවාස සංවර්ධන අධිකාරිය මඟින් මෙම වැඩසටහන ක්‍රියාත්මක කරනු ලබයි. දිවුලපිටිය ප්‍රාදේශීය ලේකම් කාර්යාලයේ පූර්ණ අධීක්ෂණය යටතේ සිදු වන මෙම ව්‍යාපෘතිය මඟින් 2026 වසර තුළ දිවුලපිටිය ප්‍රාදේශීය ලේකම් කොට්ඨාසය තුළ මෙවැනි නිවාස 74 ක් ඉදිකිරීමට නියමිතය.

30/09/2026

දිවුලපිටිය Green Lanka සුවහස් මල් සමිතිය විසින් සංවිධානය කරන ලද "Green Paradise 2026" මල් ප්‍රදර්ශනය ආරම්භය අද දින පරිසර කටයුතු පිළිබඳ නියෝජ්‍ය අමාත්‍ය ඇන්ටන් ජයකොඩි මහතාගේ ප්‍රධානත්වයෙන්, මහා සංඝරත්නයේ ආශිර්වාදය මධ්‍යයේ සිදු කරන ලදී.

තවද දිවුලපිටිය ප්‍රාදේශීය සභාවේ සභාපති නීතීඥ ජනක විකුම්තිලක මහතා, ප්‍රාදේශීය සභා මන්ත්‍රී ඩයන් ලක්ෂාන් මහතා, සහකාර ප්‍රාදේශීය ලේකම්තුමිය, උද්භිත උද්‍යාන දෙපාර්තමේන්තුවේ නිලධාරීන් ඇතුළු ආරාධිත අමුත්තනගේ රැසක් මෙයට එක්වූහ.

2026-09-30

29/09/2026

බෝමුගම්මන කොට්ඨාසයට අයත් 97/C වැවගෙදර වසමේ "වටලියද්ද යාය" ප්‍රධාන ඇළ මාර්ගය පිරිසිදු කිරීමේ කටයුතු ප්‍රදේශයේ ගොවි ජනතාවගේ කෘෂිකාර්මික කටයුතු පහසු කිරීමේ අරමුණින් මේ වනවිට සාර්ථකව ආරම්භ කෙරුණි.

​මෙම අවස්ථාව සඳහා රජිත මල්ලවආරච්චි, අමාත්‍ය සම්බන්ධීකරණ ලේකම් දේශාන් බුද්ධික යන මන්ත්‍රීවරුන් සමඟින්, 97/C වැවගෙදර වසමේ කෘශිකර්ම පර්යේශන නිශ්පාදන සහකාර, ප්‍රජා සවිබලගැන්වීමේ නිලධාරිනිය මෙන්ම ප්‍රදේශයේ ගොවි සමිතියේ සභාපතිතුමා ද එක්වෙමින් සිය වටිනා දායකත්වය ලබා දුන්හ.

28/09/2026