27/10/2026
අවුරුදු ගණනාවක් තිස්සේ විසඳුමක් අපේක්ෂාවෙන් සිටින පවුල් 57ක නිවාස ගැටලුවට විසඳුම් ලබාදීමේ වැඩපිළිවෙළක්!
ගරු පාර්ලිමේන්තු මන්ත්‍රී රවීන්ද්‍ර බණ්ඩාර මැතිතුමාගේ අවධානයට ප්‍රාදේශීය සංවිධායකවරුන් මාර්ගයෙන් යොමු කරන ලද වැදගත් ජනතා ගැටලු අතර, දිගුකාලයක් තිස්සේ අතරමඟ නතර වී ඇති නිවාස ව්‍යාපෘතියේ ගැටලුව ද ප්‍රධාන තැනක් ගනී.
2017 වසරේදී NSD බැංකුව මගින් රුපියල් ලක්ෂ 5ක මූල්‍ය ප්‍රතිපාදන සහ වතු අංශය මගින් ඉඩම් ලබාදෙමින් ආරම්භ කරන ලද මෙම නිවාස ව්‍යාපෘතිය විවිධ හේතූන් මත අතරමඟ නතර වී ඇති අතර, වසර නවයක් ගතවී ඇතත් එය තවමත් සම්පූර්ණ කර නොමැත.
පූනාගල උඩහේන ප්‍රදේශයේ නිවාස 36ක් සහ මකල්දෙණිය ප්‍රදේශයේ නිවාස 21ක් වශයෙන් නිවාස 57ක ඉදිකිරීම් අර්ධ වශයෙන් අවසන් කර තිබුණද, එම නිවාසවල පදිංචි කිරීමේ කටයුතු මෙතෙක් සිදු වී නොමැත. මේ හේතුවෙන් අදාළ පවුල් දිගුකාලයක් තිස්සේ විවිධ දුෂ්කරතාවලට මුහුණ දෙමින් සිටිති.
මෙම ගැටලුවට විසඳුම් සෙවීම සඳහා පසුගිය දින දෙක තුළ පැවැති සාකච්ඡාවලට
ගරු පාර්ලිමේන්තු මන්ත්‍රී රවීන්ද්‍ර බණ්ඩාර මැතිතුමාගේ පර්යේෂණ නිලධාරි මහේන්ද්‍රන් මහතා, ගරු උප සභාපති රුමේෂ් මහතා, ප්‍රාදේශීය සභා මන්ත්‍රී මාරිමුත්තු මහතා, සහ නිවාස අංශයේ නිලධාරීන් සහභාගී වූහ.
පාර්ලිමේන්තු මන්ත්‍රී රවීන්ද්‍ර බණ්ඩාර මැතිතුමාගේ මැදිහත්වීමෙන් අදාළ බලධාරීන් සමඟ සම්බන්ධීකරණය කරමින් මෙම ගැටලුවට ස්ථිර විසඳුමක් ලබාදීමටත්, ඉතිරි ඉදිකිරීම් කටයුතු අවසන් කර අදාළ පවුල්වලට තම නිවාසවල පදිංචි වීමට අවශ්‍ය පසුබිම සකස් කිරීමටත් මේ වන විට පියවර ගනිමින් සිටිමු.
