10/10/2026
*ඩිජිටල් දැනුමෙන් සවිබල ගැන්වුණු සක්‍රීය වැඩිහිටි ප්‍රජාවක් උදෙසා!*
========================================
ජාතික වැඩිහිටි මහලේකම් කාර්යාලයේ මූල්‍ය ප්‍රතිපාදන මත, කෑගල්ල ප්‍රාදේශීය වැඩිහිටි බලමණ්ඩලයේ සාමාජිකයින් සඳහා සංවිධානය කළ "ඩිජිටල් සාක්ෂරතා පුහුණු වැඩසටහන" අද (10) දින කෑගල්ල තරුණ බෞද්ධ සංගමයේදී සාර්ථකව පැවැත්විණි .
වැඩිහිටි ප්‍රජාව ඩිජිටල් තාක්ෂණයට හුරුකරවීම සහ ඔවුන්ගේ දෛනික ජීවිතය පහසු කිරීම අරමුණු කොට ගත් එම වැඩසටහනේදී,
📌 **ආවරණය කළ ප්‍රධාන ක්ෂේත්‍ර**
* 📱 ස්මාර්ට් ජංගම දුරකථන හා ප්‍රයෝජනවත් යෙදුම් භාවිතය.
* 💬 WhatsApp හරහා පණිවිඩ, හඬ හා දෘශ්‍ය ඇමතුම් සහ ඡායාරූප හුවමාරුව.
* 🌐 සමාජ මාධ්‍ය භාවිතයෙන් තොරතුරු, ගීත හා ධර්ම දේශනා නැරඹීම.
* 🛡️ අන්තර්ජාල ආරක්ෂාව සහ මාර්ගගත අවදානම්වලින් ආරක්ෂා වීම.
* 🏦 ඩිජිටල් බැංකුකරණය පිළිබඳ මූලික දැනුම.
මේ සදහා සම්පත්දායකත්වය ලබා දුන් කෑගල්ල සහකාර ප්‍රාදේශීය ලේකම් ජී.ආර්.එම්.කේ. ගුණරත්න මෙය විසින් වැඩිහිටියන් බල ගැන්වීම සඳහා ඩිජිටල්කරණය වැදගත් වන ආකාරයද, තොරතුරු තාක්ෂණ සංවර්ධන නිලධාරි සිසිර දිසානායක මහතා හා මහජන බැංකුවේ නිලධාරියෙකු විසින් අනෙකුත් ක්ෂේත්‍ර පිළිබඳවද හරවත් දැනුමක් ලබා දෙන ලදී.
වැඩිහිටි හිමිකම් ප්‍රවර්ධන නිලධාරි ශ්‍යාමලා සුවදරත්න මිය විසින් සංවිධානය කරන ලද මෙම වැඩසටහන සඳහා සමාජ සේවා සංවර්ධන නිලධාරි අමන්ති උඩමුල්ල මහත්මිය ඇතුළු වැඩිහිටි බලමණ්ඩලයේ සාමාජික සාමාජිකාවන් පිරිසක් සහභාගී වූහ.
