01/10/2026
Online සීසන් එකක් ලබා ගැනීම සඳහා දුම්රිය මගීන් දැනගත යුතු කරුණු සහ පියවරෙන් පියවර Season Ticket ලබාගන්නා ආකාරය 👇
දිනපතා රැකියාවට, අධ්‍යාපන කටයුතු සඳහා හෝ වෙනත් අවශ්‍යතා වෙනුවෙන් දුම්රියෙන් ගමන් කරන මගීන්ට Season Ticket එකක් ලබාගැනීම හරහා නිරන්තරයෙන් සාමාන්‍ය ටිකට් ලබා ගැනීමේ දුෂ්කරතා අවම වී එක් වරකදී වාර ප්‍රවේශය පත්‍රයක් ලබා ගෙන දුම්රිය ගමනාගමනය සඳහා පහසුකමක් ලබාගැනීමේ හැකියාව ඈත අතීතයේ සිටම පැවතුණි. දුම්රිය ස්ථානයකට ගොස් රස්තියාදු වී පෝලිම් වල සිටගෙන සිටිමින් ,වාර ප්‍රවේශපත්‍ර නිකුත් කරන කාලසටහනට අනුගත වෙමින් ඒ වේලාවන් තුල අනෙකුත් වැදගත් කටයුතු වලින් ඉවත් වී මේ සඳහාම යම් අයෙකුට යොමු වීමේ පිරිවැය දැන් මගී ඔබ විද දරාගත යුතු නැත. වත්මන් රජයේ පත්වී කිහිප දිනකින් ඩිජිටල් කටයුතු නි.ඇමතිවරයා සහ මෙම සමූහය සමග පැවති සාකච්ඡාවලදී මෙම ෆෝල්ඩර සහ වාර ප්‍රවේශපත්‍රය ලබා ගැනීමේදී මගීන් විසින් මුහුණ දෙන ගැටලු සහ යල් පැන ගිය ක්‍රමවේදය පිළිබදව අවධානයට යොමු කරන ලදි.පසුව ඩිජිටල් කටයුතු පිළිබදව ජනාධිපති උපදේශක වරුන් සමග පැවති සාකච්ඡා වලදීද මේ සම්බන්ධ අවධානය යොමු කරන ලදි. කෙසේ හෝ කාලයක් ගතවී මේ සම්බන්ධව අවශ්‍යතා මූලිකත්වයෙන් ගෙන කටයුතු කරන ලද එකී නොකී සියලුම දෙනාගේ සතුටට හේතුවන ලෙස 2026 ඔක්තෝබර් මාසයේ සිට සීසන් ඔනලයින් ලබා ගැනීමට අවස්ථාව ලබා දී ඇත.
ශ්‍රී ලංකා දුම්රිය සේවය විසින් හඳුන්වා දී ඇති Online Season Ticket Service හරහා, සුදුසුකම් සපුරා ඇති මගීන්ට මේ මාසයේ සිට Season Ticket එකක් Online ක්‍රමයට ලබාගැනීමට හැකියාව දැන් උදා වී ඇත.
මෙම ලිපිය මගින් Online Season Ticket එකක් ලබාගැනීමේදී අනුගමනය කළ යුතු පියවර, අවධානය යොමු කළ යුතු කරුණු සහ සීසන් Ticket එක නිකුත් වූ පසු එහි භාවිතය පිළිබඳව සරලව පැහැදිලි කිරීමට උත්සාහ දරා ඇත.
🟦 පියවර 01 - දුම්රිය දෙපාර්තමේන්තුවේ ආසන වෙන් කිරීමේ වෙබ් අඩවිය වෙත පිවිසීම සහ තොරතුරු විමසීම
ශ්‍රී ලංකා දුම්රිය Online Ticketing වෙබ් අඩවියට පිවිසීමෙන් පසු Season Passenger යන විකල්පය තෝරාගත යුතුය. ඒ සදහා පහත මාර්ගත දිගුව භාවිතා කල හැක. 👇
https://seatreservation.railway.gov.lk/mtktwebslr/
මෙම මාර්ගත දිගුවට ගිය පසු ඔබට මෙම ඕස්ට් එක සමග අමුණා ඇති ඡායාරූප අංක 01 ලෙස එම වෙබ් අඩවිය දිස් වේ. එහි සීසන් පැසෙන්ජර් තෝරා ගැනීමට පෙර උඩින්ම ඇති Login තුලින් ඔබගේ රේල් වේ පැසෙන්ජර් ප්‍රොපයිල් එකට ලොගින් වී සිටීම අනිවාර්යය වේ. ප්‍රොපයිල් එකක් නොමැතිනම් ඉතා පහසුවෙන් Sing in තුලින් ඔබට ප්‍රොපයිල් එකක් නිර්මාණය කර ගත හැක.
🟦 පියවර 02 - දුම්රිය සේවයේ පැසෙන්ජර් ප්‍රොපයිල් එකක් නිර්මාණය කර ගැනීම
පහත මාර්ගගත දිගුව හරහා ගොස් ඔබ ශ්‍රී ලංකා දුම්රිය සේවයේ ඔබගේ ප්‍රොපයිල් එක නිර්මාණය කර ගැනීමට අවස්ථාව ලබා දී ඇත.
https://seatreservation.railway.gov.lk/mtktwebslr/memberlogin?user=seasonPassenger
යූසර් නේම් ලෙස ඔබගේ Email ලිපිනය සහ මුර පදය ලෙස ඔබට පහසු ඉලක්කම් අකුරු සහ විශේෂ අකුරු සහිත මුර පදයක් ලබා දිය හැක. ප්‍රොපයිල් එකක් නිර්මාණය කිරීමේදී ඔබගේ විද්‍යුත් ලිපිනයට පැමිණෙන Profile Created Email පණිවිඩයේ Click වෙරිෆිකේශන් තුලින් සාමාන්‍ය ප්‍රොපයිල් එක තහවුරුව කිරීම ලබා ගත යුතු වේ. දැනටමත් සාමාන්‍ය පැසෙන්ජර් ප්‍රොපයිල් එකක් පවතීනම් මෙම පියවර සිදු කිරීම අවශ්‍ය නොවේ.
🟦 පියවර 03 – Season Passenger Profile එක
ඔනලයින් සීසන් ටිකට් එකක් ලබා ගැනීමේ වැදගත්ම පියවර වන්නේ මෙය වේ.පහත මාර්ගගත දිගුව හරහා ගොස් ඔබ ශ්‍රී ලංකා දුම්රිය සේවයේ ඔබගේ සීසන් ප්‍රොපයිල් එක නිර්මාණය කර ගත යුතුවේ.
https://seatreservation.railway.gov.lk/mtktwebslr/memberlogin?user=seasonPassenger
එහිදී General Passenger, Warrant Passenger, Pension Warrant Passenger සහ Season Passenger වැනි විකල්ප දැකගත හැක.
ඔබ තෝරාගත යුත්තේ සීසන් පැසෙන්ජර් යන දිගුව වේ.
Season Passenger Profile එක නිර්මාණය කිරීමේදී මගියාගේ පහත මූලික තොරතුරු සහ Uplod කල යුතු පහද දෑ දක්වා ඇත.
උදාහරණයක් ලෙස,
• සම්පූර්ණ නම
• NIC අංකය
• ජංගම දුරකථන අංකය
• Email ලිපිනය
• ලිපිනය
• මුහුණත් පෙන්නුම් කරනු ලබන ඡායාරූපයක්
• ජාතික හැදුනුම්පතෙහි ඉදිරිපස සහ පසු පස ඡායාරූප
ඉහත තොරතුරු සහ ඡායාරූප Upload කිරීම සීසන් ප්‍රොපයිල් එක නිර්මාණය කර ගැනිමට අත්‍යවශ්‍යම වේ.ඡායාරූප Upload කිරීමේදී JPEG ස්වරූපයේ පැහැදිලි ඒවා යාවත්කාලීන කල යුතු වේ.ඔබගේ ඡායාරූපය නැවත වෙනස් කල නොහැකි බැවින් පැහැදිලි ඔබව හදුනාගත හැකි ඔබ කැමති ආකාරයේ වැදගත් ඡායාරූපයක් එක් කිරීම සුදුසු වේ.
Profile එකේ නම සහ අනෙකුත් තොරතුරු NIC අනුව නිවැරදිව ඇතුළත් කර තිබීම ඉතා වැදගත්ය. එසේ ඇතුලත් කර අවසානයේදී Proceed යන්න Click කර ප්‍රොපයිල් එක නිර්මාණය කර අවසන් කර ගත හැකි වේ.
සීසන් ප්‍රොපයිල් එක නිර්මාණය කර අවසන් වූ පසු ලියාපදිංචියට එක් කල දුරකථන අංකයට පහත ටෙක්ස්ට් පණිවිඩය ලැබෙනු ඇත.
"Your season ticket profile has been successfully created. Please visit mTicketing-enabled railway station to verify your account before purchasing a season ticket."
🟦 පියවර 04 – සීසන් ප්‍රොපයිල් එක වෙරිෆයි කර ගැනීම
ඉහත පියවර මගින් ප්‍රොපයිල් එක සාදා ගත් පසුව සීසන් ප්‍රොපයිල් Pending ලෙස ඔබ ඇතුලත් කර ගත් සියලුම තොරතුරු සමග සාරාංශයක් දක්නට ලැබේ. අදාල වෙබ් අඩවිය තුල දක්නට ලැබේ.
සීසන් ප්‍රොපයිල් එක Verified වන තුරු සීසන් ටිකට් මිලදී ගැනීම සිදු කල නොහැකිය.
මෙම ප්‍රොපයිල් එක වෙරිෆයිඩ් කරගැනීම සදහා ආසන වෙන් කිරීමේ පහසුකම් සහිත ආසන වෙන් කිරීමේ කාල සීමාව තුලදි එම පහසුකම් සහිත දුම්රිය ස්ථානයකට ඔබ යා යුතු වේ.
ආසන වෙන් කිරීමේ දුම්රිය ස්ථානයකට ඔබ යන විට පහත දේ රැගෙන යා යුතු වේ.
• ජාතික හැදුනුම්පත
• ජාතික හැදුනුම්පතෙහි පිටපතක්
• වෙරිෆයිඩ් නොවූ පෙන්ඩින් ලෙස සටහන් වූ ප්‍රොපයිල් එක අසල ඇති ප්‍රොපයිල් ID නම්බර් එක.
• ඉල්ලු විටකදී එම රේල් වේ වෙබ් අඩවියේ ප්‍රොපයිල් එක තුලට ආසන්න අවස්ථාවේ ලොග්වී සිටින අවස්ථාවේ ඔබගේ දුරකථනය .
දුම්රිය ස්ථානයේ අදාල කාර්ය නියුතු නිළධාරී මහතා ඉහත තොරතුරු විමසා ඔහු අප සාදාගත් ප්‍රොපයිල් එක VERIFIED කිරීම සිදු කරනු ලැබේ.
ඒ අවස්ථාවේ සිටම ඔබගේ Profile එක සාර්ථකව සත්‍යාපනය වූ පසු “VERIFIED” යන සලකුණ පෙන්වනු ලැබේ.Profile එක Verified වූ පසු Purchase Season Ticket යන කොටසට පිවිසිය හැක.
වෙරිෆයිඩ් වූ පසු ටෙක්ස්ට් මැසේජ් එකක්ද පහත ලෙසම ඔබට ලැබෙනු ඇත.
Dear Customer, your account has been verified successfully. You can now log in to the website and purchase a new season ticket. Thank you for using our service.
🟦 පියවර 05 – පලමු වරට ONLINE සීසන් මිලදී ගැනීම
මෙහිදී Season Ticket එකට අදාළ ප්‍රධාන තොරතුරු තෝරාගත යුතුය.
🚉 Start Station
ගමන ආරම්භ කරන දුම්රිය ස්ථානය.
🚉 End Station
ගමන අවසන් කරන දුම්රිය ස්ථානය.
🎫 Class
ගමන් කිරීමට අවශ්‍ය පන්තිය.
📅 Season Type
Weekly හෝ Monthly Season ලෙස වන පරිදි තෝරාගත යුතු වේ.
උදාහරණයක් ලෙස Season Ticket එක සඳහා,
පහත ලෙස සාරාංශය දිස්වනු ඇත.
Start Station: Mirigama
End Station: Kompannavidiya
Class: Third Class
Season Type: Monthly
Validity From :Oct 01 2026
Validity To : 31 Oct 2026
ලෙස දැක්වේ.
පසුව පර්චස් ටිකට් යන්නෙන් සීසන් එක මිලදී ගැනීම සිදු කල යුතු වේ.
⚠️ විශේෂ අවධානය
Start Station සහ End Station නිවැරදිව තෝරාගැනීම ඉතා වැදගත්ය.නිවරදි නොවන ඇතුලත් කිරීමක් සිදු කර වරක් මිලදී ගත් පසු නැවත එය වෙනස් කිරීම සිදු කල නොහැක.
🟦 පියවර 06 – ගාස්තුව පරීක්ෂා කිරීම
Purchase Ticket තෝරාගත් පසු Review Your Season Purchase පිටුවට පැමිණේ.
එහිදී,
• Base Fare
• Service Charge
• Total Amount
යන තොරතුරු පෙන්වනු ලැබේ.
උදාහරණක් ලෙස මුල් අදියරේදී,
Base Fare – Rs. 3,400.00
ලෙස පෙන්වා ඇති අතර, අවසාන Ticket එකේ,
Total Amount – Rs. 3,570.00
Service Charge – Rs. 170.00
ලෙස දැක්වේ. ඔන්ලයින් සීසන් ලබා ගැනීමේදී සේවා ගාස්‍තුවක් අය කිරීම සිදු කරනු ලැබේ.
💳 Payment
පද්ධතිය මගින් ලබාදෙන Credit/Debit Card Payment පහසුකම භාවිත කර ගෙවීම සිදු කළ හැක.
ගෙවීමට පෙර Final Amount එක පරීක්ෂා කිරීම අනිවාර්යයෙන්ම වාගේ වැදගත් වේ.
🟦 පියවර 07 – Season Ticket Purchase Successful
Payment එක සාර්ථක වූ පසු,Season Purchase Successful යන පණිවිඩය පෙන්වනු ලැබේ. ඒ සමගම ලියාපදිංචි දුරකථන අංකයට පහත ආකාරයේ කෙටි පණිවිඩයක් ද ලැබෙනු ඇත.
You have successfully obtained your monthly season ticket. Your reference number is SSN1,000,1**1 - SLR.
එමගින් Season Ticket එක සාර්ථකව නිකුත් වී ඇති බව තහවුරු කරගත හැක.
සාර්ථකව ඔබ මිලදී ගත් සීසන් ටිකට් පිටුව Download Season Ticket විකල්පය භාවිත කර Ticket එක PDF ආකාරයෙන් ඔබගේ දුරකථනයට හෝ පරිගණකයට Save කරගත හැක.
🟦 පියවර 08 – දැන් ඔබ සතුව ONLINE සීසන් එකක් අදාල මාසය සඳහා පවතී.
Download කළ PDF Season Ticket එකේ මගියාට අදාළ වැදගත් තොරතුරු රැසක් ඇතුළත් වේ. ඒවා නිවරදිදැයි පරීක්ශා කරන්න.
උදාහරණයක් ලෙස,
• මගියාගේ නම
• ඡායාරූපය
• NIC අංකය
• Season Reference Number
• QR Code
• From Station
• To Station
• Class
• Season Type
• Issue Date
• Validity Period
• ගෙවූ මුදල
ආදී තොරතුරු දැක්වේ.
🚆 Season Ticket එක භාවිත කිරීමේදී මතක තබාගත යුතු කරුණු
1️⃣ Online සීසන් එක තෝරාගත් මාර්ගය සදහා පමණක් වලංගු වේ.
Season Ticket එකේ සඳහන් කර ඇති From Station සහ To Station අතර ගමන සඳහා පමණක් එය වලංගු වේ.
2️⃣ Online සීසන් ටිකට් එක වලංගු කාලය තුළ පමණක් භාවිතා කල යුතුවේ.
Ticket එකේ සඳහන් Valid From – Valid To දිනයන් අතර පමණක් Season Ticket එක භාවිත කළ හැක.
3️⃣ දිනකට ගමන් වාර දෙකක් සදහා භාවිතා කිරීම සාමාන්‍ය නීතිය වේ.
Season Ticket එකෙන් සාමාන්‍යයෙන්,
එක් ගමනාන්ත ගමනක් + එක් ආපසු ගමනක්
ලෙස දිනකට උපරිම ගමන් වාර 2ක් සඳහා භාවිත කළ හැක.
4️⃣ Ticket එක ඉදිරිපත් කිරීමට සූදානම්ව සිටින්න
බලයලත් දුම්රිය නිලධාරියෙකු ඉල්ලා සිටින අවස්ථාවක Season Ticket එක පරීක්ෂාව සඳහා ජාතික හැදුනුම්පත සමග ඉදිරිපත් කළ යුතුය.ඒ සදහා ඔබගේ යෙදවුමේ PDF ආකාරයෙන් තබාගත් සීසන් ටිකක් එක ප්‍රමාණවත් වේ.
ඔබගේ යෙදවුමේ යම් ගැටලුවක් පවතින විටදී ඉල්ලූ විටක පෙන්වීමට නොහැකි වේ යැයි සිතේනම් PDF ටිකට් එක මුද්‍රිතව ඔබ සතුව ගමන් කිරීමේදී තබා ගන්න.
5️⃣ Ticket එක වෙනත් පුද්ගලයෙකුට භාවිත කිරීමට ලබා නොදෙන්න.
Season Ticket එක ලියාපදිංචි කළ මගියා සඳහා පමණක් භාවිත කළ යුතුය.
📅 Monthly Season එකක් මිලදී ගැනීමට හැකි කාලය
ශ්‍රී ලංකා දුම්රිය සේවයේ Online Season Ticket කොන්දේසි අනුව Monthly Season Ticket එකක් සාමාන්‍යයෙන්,පෙර මාසයේ 25 වන දින සිට අදාළ මාසයේ 11 වන දින දක්වා
මිලදී ගැනීමට හැකියාව ඇත.
තවදුරටත් පෝලිම් වල කාලය කා නොදමන්න.නිවසේ සිට කාර්යාලය සිට මාසය පටන් ගැනීමටත් පෙර ඔබගේ ඔන්ලයින් වාර ප්‍රවේශපත්‍රය මිලදී ගන්න.ඔනලයින් සීසන් ටිකට් එකක් තවත් එක් අයෙකුට හෝ නිර්මාණය කර දීමට සහය වන්න.ඩිජිටල් දැනුම රහිත වැඩිහිටි දුම්රිය මගීන්ට මේ සම්බන්ධව දැනුවත් කරන්න. මෙවැනි සේවාවන් ප්‍රවර්ධනය සඳහා මගී ඔබගේ සහය ලබා දෙන්න.අනාගත ඩිජිටල් දුම්රිය සේවය දැන් ඔබගේ ඇගිලි තුඩින් ආරම්භ කරන්න.
සටහන ✒️
© m rupasinghe
