12/10/2026
සිවිල් ආරක්ෂක දෙපාර්තමේන්තු අධ්යක්ෂ ජනරාල් වෙන්නවත්ත බලකායේ නිල සංචාරයක.
--------------------------------------------------------------------------------------------------------------------------------------------------------------------------------------------------------------------------
සිවිල් ආරක්ෂක දෙපාර්තමේන්තුවේ රාජ්‍ය ආයතන ආරක්ෂාව සඳහා භට පිරිස් යෙදවීම සහ ඔවුන්ගේ සුභසාධන කටයුතු සම්බන්ධයෙන් හා වෙන්නවත්ත බලකායේ රාජකාරීන් සම්බන්ධයෙන් සොයා බැලීම සඳහා සිවිල් ආරක්ෂක දෙපාර්තමේන්තුවේ අධ්යක්ෂ ජනරාල් මේජර් ජෙනරාල් පාලිත ප්‍රනාන්දු ජ්‍යෙෂ්ඨ නිලධාරී 2026 ඔක්තෝබර් මස 12 වන දින වෙන්නවත්ත බලකායේ නිල සංචාරයක නිරත විය.
මෙම සංචාරයේදී අධ්යක්ෂ ජනරාල්, භට පිරිස් අමතමින්, රාජ්‍ය නිලධාරියෙකු ලෙස සිවිල් ආරක්ෂක සාමාජික සාමජිකාවකගේම වගකීම වන්නේ නීත්‍යානුකූලව, කාර්යක්ෂමව සහ අපක්ෂපාතීව මහජනතාවට සේවය කිරීම වන අතර, ගන්නා සෑම තීරණයකටම සහ ඉටුකරන සෑම රාජකාරියකටම ආයතනයටත්, සමස්ත රටටත්, මහජනතාවටත් සෘජුවම වගවීමට සියලු දෙනා බැඳී සිටින බැවින් වගකීමෙන් සේවය කරමින්, තමන්ගේ ක්‍රියාවන්ට සම්පූර්ණයෙන්ම වගවෙන, සුපිළිපන්න හා විනයගරුක රාජ්‍ය සේවයක් පවත්වාගෙන යාම තුළින් දෙපාර්තමේන්තුවේ අභිමානය සහ ගෞරවය ඉදිරියටත් සුරක්ෂිතව පවත්වාගෙන යාම සඳහා කැපවීමෙන් රාජකාරින් ඉටු කරන ලෙස උපදෙස් ලබා දෙන ලදී.
මෙම සංචාරයේදී අධ්යක්ෂ ජනරාල් විසින් එම බලකායේ ක්‍රියාකාරීත්වය, ක්‍රියාත්මක වන ව්‍යාපෘති මෙන්ම සාමාජික සාමාජිකාවන්ගේ සුභසාධන කටයුතු පිළිබඳවද දීර්ඝ ලෙස සොයා බැලූ අතර මෙම අවස්ථාව සඳහා වෙන්නවත්ත බලකා අණදෙන නිලධාරී කපිතාන් (නාහ) ආර්එල් බාලසූරිය ජ්‍යෙෂ්ඨ නිලධාරී, දිස්ත්‍රික් නිලධාරීන් ඇතුළු පිරිසක් සහභාගී වූහ.
