Department of Community Based Corrections

23/10/2026

🌿 ‘මන සුව’ මත් නිවාරණ හා පුනරුත්ථාපන වැඩසටහන

මානසික සෞඛ්‍ය දිනයට සමගාමීව, පානදුර මහේස්ත්‍රාත් අධිකරණය මඟින් යොමු කරන ලද ආඥාලාභීන් 30 දෙනෙකුගේ සමාජ පුනරුත්ථාපනය, මානසික සවිබල ගැන්වීම, චිත්තවේගීය සුවය සහ පවුල් සබඳතා ශක්තිමත් කිරීමේ අරමුණින් සංවිධානය කළ ‘මන සුව’ එක්දින වැඩසටහන 2026.10.09 දින පානදුර පරිවාස කාර්යාලීය ශ්‍රවණාගාරයේදී පැවැත්විණි.

පානදුර ප්‍රජා විශෝධන කාර්යාලය විසින් සංවිධානය කරන ලද මෙම වැඩසටහන සඳහා මාලිඟාකන්ද ප්‍රජා විශෝධන නිලධාරී හිරාන් කාවින්ද මහතා සහ අන්තරායකර ඖෂධ පාලක ජාතික මණ්ඩලයේ දිස්ත්‍රික් උපදේශන නිලධාරී බුද්ධි එරංගිකා මෙනවිය සම්පත්දායකත්වය ලබා දුන්හ.

23/10/2026

📌 ප්‍රජා විශෝධන ක්‍රියාවලිය පිළිබඳ රාජ්‍ය නිලධාරීන් දැනුවත් කිරීමේ වැඩසටහනක්

ප්‍රජා විශෝධන ක්‍රියාවලිය සහ ඒ සඳහා රාජ්‍ය නිලධාරීන්ගේ මැදිහත්කරණය පිළිබඳ රාජ්‍ය නිලධාරීන් දැනුවත් කිරීමේ වැඩසටහනක් පානදුර ප්‍රජා විශෝධන කාර්යාලය සම්බන්ධීකරණයෙන් පානදුර ප්‍රාදේශීය ලේකම් කාර්යාලයේ සංවර්ධන නිලධාරී (ප්‍රජා විශෝධන) සංවිධානයෙන් 2026.09.28 දින පානදුර ප්‍රාදේශීය ලේකම් කාර්යාලයේ දී සාර්ථක ලෙස පැවැත්විණි.

රාජ්‍ය නිලධාරීන්ගේ නෛතික දැනුම හා වෘත්තීය කුසලතා වර්ධනය කිරීමේ අරමුණින් සුළු අපරාධ වැරදි සම්බන්ධ නීති, ප්‍රජා විශෝධන නියෝගය, ප්‍රජා විශෝධන ක්‍රියාවලිය සහ ඒ සඳහා රාජ්‍ය නිලධාරීන්ගේ මැදිහත්කරණය පිළිබඳ අවබෝධය ලබාදීම මෙදී අපේක්ෂා කරන ලදී. මේ සඳහා ප්‍රධාන සම්පත්දායකත්වය ලබා දෙන ලද්දේ නුගේගොඩ ප්‍රජා විශෝධන නිලධාරී සමිත සුදීෂ්වර මහතා විසිනි.

මෙම අවස්ථාව සඳහා පානදුර ප්‍රාදේශීය ලේකම් කාර්යාලයේ සහකාර ප්‍රාදේශීය ලේකම්තුමිය, පානදුර සිසිලස උපදේශන මධ්‍යස්ථානයේ මනෝ වෛද්‍ය නිලධාරීන්, පරිපාලන නිලධාරී, පරිපාලන ග්‍රාම නිලධාරී,ක්ෂේත්‍ර නිලධාරීන්, ආර්ථික සංවර්ධන නිලධාරීන්, ග්‍රාම නිලධාරීන් ඇතුළු නිලධාරීන් 150 දෙනෙකු සම්බන්ධ විය.

23/10/2026

✨ සාර්ථකව නිමාවුණු තවත් වැඩමුළුවක්! ✨

මහනුවර ප්‍රජා විශෝධන කාර්යාලය සහ සංවර්ධන නිලධාරී එකමුතුව එක්ව සංවිධානය කළ විශේෂ එක්දින ප්‍රායෝගික වැඩමුළුව 2026 ඔක්තෝම්බර් මස 20 වන දින මහනුවරදී ඉතා සාර්ථකව පවත්වා අවසන් කෙරුණි. 👏

මෙම වැඩමුළුව සමාජයට බෙහෙවින් වැදගත් වන පහත සඳහන් කාලීන තේමාවන් ඔස්සේ පැවැත්විණි:
🎶 ශබ්ද චිකිත්සාව (Sound Therapy)
💡 ක්‍රියාකාරකම් පාදක ආකල්ප හා කුසලතා සංවර්ධනය (Activity based Attitude & Skills development)
🩺 මත්නිවාරණ හා ප්‍රතිකාර පිළිබඳ වෛද්‍ය විද්‍යාත්මක දැනුවත් කිරීම (Awareness for drugs prevention & treatment with medical aspects)

මෙම අවස්ථාව වඩාත් අර්ථවත් කිරීම සඳහා සිය වටිනා කාලය හා දැනුම ලබාදුන් ගෞරවනීය සම්පත්දායකයින්ට අපගේ විශේෂ ස්තූතිය:
Ms. Prashani Abedeera (Sound healing therapist-India, Sound Acoustic Practitioner, NLP Master Practitioner-UK)
Mr. Rumesh Dissnayake (Life Coach, Psychological Counselor, Psychotherapist, Hypnotherapist, NLP Master Practitioner)
Dr. Kalyanatissa (MBBS, Public Mental Health Unit-Katugastota)
Mr. Thilak Hewage (Community Correction Officer-Kandy)

23/10/2026

"සිතුවිලි සුවපත් කරමින් - අලුත් මඟකට"

​ලෝක මානසික සෞඛ්‍ය දිනයට සමගාමීව, ගල්ගමුව මහේස්ත්‍රාත් අධිකරණය මඟින් යොමු කරන ලද ප්‍රජා විශෝධන නියෝගලාභීන් වෙනුවෙන් විශේෂ මානසික උපදේශන වැඩසටහනක් 2026/10/07 වන දින ගල්ගමුව ප්‍රජා විශෝධන කාර්යාලය විසින් ඉතා සාර්ථක අයුරින් පවත්වන ලදී. 🌿
​මෙහිදී නියෝගලාභීන්ගේ මානසික සුවතාව නංවාලීම, ජීවිතය සාධනීය ලෙස හැඩස්වා ගැනීම සහ පීඩනයන් කළමනාකරණය කරගැනීම පිළිබඳව වටිනා මඟපෙන්වීමක් සිදු කරන ලදී.

​✨ විශේෂ ස්තූතිය:
​සම්පත් දායකත්වය: ගල්ගමුව ප්‍රාදේශීය ලේකම් කාර්යාලයේ සහකාර උපදේශන නිලධාරීතුමන්.
​සංවිධානය: ගල්ගමුව ප්‍රජා විශෝධන කාර්යාලය සහ ගල්ගමුව ප්‍රාදේශීය ලේකම් කාර්යාලයේ සංවර්ධන නිලධාරී (ප්‍රජා විශෝධන) තුමිය.🤝

21/10/2026

මනසින් සවිමත් – දරුවන් පොහොසත් 🌸

කුරුණෑගල ප්‍රජා විශෝධන කාර්යාලයේ සියලුම නිලධාරීන් හා ප්‍රජා විශෝධන ආඥාලාභීන්ගේ සහභාගීත්වයෙන් සංවිධානය කළ ළමා දින සැමරුම් වැඩසටහන 2026.10.01 දින කුරුණෑගල, මල්කඩුවාව ලූර්දු ළමා නිවාසයේ දැරියන් සමඟ සතුටින් හා උද්‍යෝගයෙන් යුතුව පවත්වන ලදී.

දැරියන්ගේ විනෝදාත්මක ක්‍රීඩා, නර්තන, ගායන හා වාදන අංගයන්ගෙන් වර්ණවත් වූ මෙම වැඩසටහනට නිලධාරීන් ද එක්වෙමින් සතුට හා සහෝදරත්වය පිරි සුන්දර අවස්ථාවක් නිර්මාණය කළහ. වැඩසටහන අවසානයේදී දැරියන් වෙත ආහාරපාන හා ත්‍යාග පිරිනමමින් ඔවුන්ගේ මුවඟට සිනහවක් එක් කිරීමටත්, හදවතට සොඳුරු මතකයන් තිළිණ කිරීමටත් හැකි විය.

21/10/2026

"මනසින් සුවපත් - සිතුවිලි සවිමත් "

ගල්ගමුව මහේස්ත්‍රාත් අධිකරණය මඟින් යොමු කරන ලද ප්‍රජා විශෝධන නියෝගලාභීන්ගේ ආකල්පමය වෙනසක් ඇති කරමින්, යහපත් චර්යාවන්ගෙන් පිරිපුන් පුද්ගලයන් ලෙස සමාජගත කිරීමේ අරමුණින් සංවිධානය කරන ලද මනෝ උපදේශන වැඩසටහනක් 2026.10.14 දින ගල්ගමුව ප්‍රජා විශෝධන කාර්යාලයේදී පැවැත්විණි.

ක්‍රියාකාරකම් රැසකින් සමන්විත වූ මෙම වැඩසටහන සඳහා සම්පත් දායකත්වය ගිරිබාව ප්‍රාදේශීය ලේකම් කාර්යාලයේ සහකාර උපදේශන නිලධාරිනී ඉරේෂා දමයන්ති මහත්මිය විසින් ලබා දෙන ලදී. වැඩසටහනේ සම්බන්ධීකරණ හා සංවිධාන කටයුතු ගිරිබාව සංවර්ධන නිලධාරිනිය (ප්‍රජා විශෝධන) විසින් සිදු කරන ලදී.

17/10/2026

16/10/2026

වෘත්තීය පුහුණුවෙන් ස්වයං රැකියා අවස්ථා කරා!

මීගමුව ප්‍රජා විශෝධන කාර්යාලය මඟින් සංවිධානය කරන ලද, මීගමුව මහේස්ත්‍රාත් අධිකරණය විසින් යොමු කළ නියෝගලාභීන් සඳහා සේදුම් කාරක හා සබන් නිෂ්පාදනය පිළිබඳ වෘත්තීය පුහුණු වැඩසටහනක් සාර්ථකව පැවැත්විණි.

📅 2026 ඔක්තෝබර් 10 | 📍 මීගමුව විදාතා මධ්‍යස්ථානය

නියෝගලාභීන්ගේ වෘත්තීය කුසලතා වර්ධනය කරමින්, ස්වයං රැකියා තුළින් ආර්ථික සවිබල ගැන්වීම හා යහපත් පුරවැසියන් ලෙස සමාජගත වීමට මඟපෙන්වීම මෙහි අරමුණයි. 💚

16/10/2026

2026/10/14 දින අනුරාධපුර මහේස්ත්‍රාත් අධිකරණයේ අඥාලාභීන් වෙනුවෙන් තහනම් මූල්‍ය ක්‍රම පිළිබඳව දැනුවත් කිරීම හා ගෘහ මූල්‍ය කළමනාකරණය පිළිබඳ දැනුවත් කිරීමේ වැඩසටහනක් ප්‍රජා විශෝධන දිස්ත්‍රික් සම්බන්ධීකාරක ඉඳුනිල් තෙන්නකෝන් මහතාගේ සම්පත් දායකත්වයෙන් ප්‍රජා විශෝධන පළාත්කාරයාලයේදී දැනුවත් කිරීමේ වැඩසටහනක් පැවැත්විණි. ඒ සඳහා මනුප,නැනුප,රඹෑව ,තිරප්පනේ ,නාච්චදූව ප්‍රාදේශීය ලේකම් කාර්යාලවල සංවර්ධන නිලධාරීන්ද සහභාගි විය.

16/10/2026

2026.10.12දින බදුල්ල ප්‍රජා විශෝධන කාර්යාලය මගින් සොරණාතොට සංවර්ධන නිලධාරි මහත්මියගේ සංවිධානයෙන් සොරණාතොට ප්‍රාදේශීය ලේකම් කාර්යාලයේ දී පී.ඒ.ධනුෂ්ක ආඥාලාභියාගේ අවදානම් සහගත තත්ත්ව හදුනාගැනීම හා ඔහු වරදින් මුදවා යහපත් පුරවැසියෙකු ලෙස සමාජගත කිරීමටත් ඔහුගේ ජීවන තත්ත්වය උසස් කිරීම වෙනුවෙන් විෂය සම්මන්ත්‍රණයක් රාජ්‍ය නිලධාරින්ගේ සහභාගිත්වයෙන් පැවැත්වුනි. මේ සඳහා සොරණාතොට ප්‍රාදේශීය ලේකම් තුමිය හා ජ්‍යෙෂ්ට ප්‍රජා විශෝධන නිලධාරිතුමාත් ප්‍රජා විශෝධන නිලධාරිතුමියද බදුල්ල කාර්යාලයේ වැඩපරීක්ෂක මහතාත් බදුල්ල , හාලිඇල සංවර්ධන නිලධාරි මහත්ම මහත්මීන්ද ළමා හිමිකම් ප්‍රවර්ධන නිලධාරි, සමාජසේවා නිලධාරි, මත්නිවාරණ නිලධාරි, පවුල් සෞඛ්‍යසේවා නිලධාරි,ග්‍රාම නිලධාරි ඇතුලු රාජ්‍ය නිලධාරින් මේ සඳහා සම්බන්ධ වු අතර ඉතා සාර්ථකව ලෙස මෙම වැඩසටහනේ පළමු අදියර නිමා විය.