09/09/2026
වංචාවලට හසු නොවෙමු.
පළමු කොටස:
දිනක් මගේ ජංගම දුරකථනයට හිතවත් මහතෙක් කතා කළා. "හෙලෝ මල්ලි" මම ප්රතිචාර දැක්වුවා. මගේ සැපදුක් විමසීමෙන් පසු ඔහු "අයියේ, මාත් වංචාවකට හසු වුණා නේ". කීවා.
මේ ඔහුගේ කතාව.
එක්තරා ප්රසිද්ධ වෙබ් අඩෙවියක කාර් එකක් විකිණීමට දැන්වීමක් පළ කර තිබුණා. මේ තරුණයාත් කාර් එකක් මිළ දී ගැනීමට සොයමින් සිටියෙ. හොඳ කාර් එකක්. සාධාරණ අඩු මිළක්. ඔහු හිතුවා.
එම දැන්වීමෙ තිබ්බ නම්බර් එකට ඔහු කතා කළා. අනෙක් පැත්තෙන් ප්රතිචාර දැක් වූ පුද්ගලයා තමා වෛද්යවරයෙක් බවත්, දැනට දුෂ්කර ප්රදේශයක සේවය කරන බවත් පැවසුවා. "කාර් එක තියෙන්නේ මොනරාගල. බලන්න එනවා නම් ඇඩ්වාන්ස් එකක් කරලා ම එන්න. මොකද මේකට දැනටම කීප දෙනෙක් කතා කරලා තිබෙනවා. "
රු. 25,000/= ක් ඇඩ්වාන්ස් කළ ඔහු කාර් බලන්න මොනරාගල ගියා. ඒත් එහි එවැනි කාර් එකක් හෝ වෛද්යවරයෙක් සිටියේ නැහැ. තමා වංචාවකට හසුවී ඇති බව ඔහුට වැටහී ගියා.
මාගේ උපදෙස් පරිදි ඔහු මේ ගැන පොලීසියට පැමිණිලි කළා. දීර්ඝ විමර්ශනයක් කල කළ පොලීසිය, මෙම පුද්ගලයා කෑගල්ල ප්රදේශයේ පුද්ගලයෙක් බව අනාවරණය කර ගත්තා. ඔහු වෛද්යවරයෙක් නෙමෙයි. සමාන්ය පුද්ගලයෙක්.
තම කාමරයේ පරිගණකයක් තබාගෙන වාඩි වී සිටින මොහු මෙම දැන්වීමට කතා කරන පුද්ගලයන්ගෙන් ඇඩ්වාන්ස් මුදල් ලබා ගන්නවා. ඒක ඔහුගේ වෘත්තිය කරගෙන හිටියෙ. වෙනත් කෙනෙකුගේ නමට සකස්කර කර ඇති බැංකු ගිණුමකට මුදල් ලබාගෙන, තවත් පුද්ගලයෙක් ලවා ATM කාඩ් එකක් මගින් ක්ෂණිකව එම මුදල් ලබා ගන්නවා.
සූක්ෂම ලෙස කටයුතු කළ පොලිසිය, මොහු තවත් එවැනි වංචාවට හසු වූ පුද්ගලයෙකුගේ මුදල් ATM යන්ත්රයෙන් ලබා ගන්නා අවස්ථාවේ දී පළමු සැකකරු අත්අඩංගුවට ගත්තා. ඔහුගෙන් ප්රශ්න කර ප්රධාන සැකකරු හා වංචාවට භාවිතා කළ දේපළ බාරයට ගත්තා.
මෙවැනි වංචාවලට හසු නොවී සිටීමට දැනුවත් වෙමු.
තවත් මෙවැනි අත්දැකීමක් බෙදාගැනීමට හමු වෙමු.