Divisional Secretariat - Weligama

22/09/2026

අධිකරණ හා ජාතික ඒකාබද්ධතා අමාත්‍යාංශය සහ සමථ මණ්ඩල කොමිෂන් සභාව එක්ව පාසල් සිසුන් සඳහා සමථකරණ සංකල්පය හඳුන්වා දීමේ අරමුණින් පවත්වන ලද පාසලට සමථකරණය තෙදින පුහුණු වැඩමුළුවට සහභාගී වූ දරුවන් සඳහා සහතික පත්‍ර ප්‍රදානය කිරීමේ උත්සවය 2026.09.21 දින මාර/ ශ්‍රී සුමංගල බාලිකා විද්‍යාලයීය ප්‍රධාන ශාලාවේදී පැවැත්වූ අතර එහි සුවිශේෂි අවස්ථා කිහිපයක්.

22/09/2026

වැලිගම ප්‍රාදේශීය සාහිත්‍ය කලා මහෝත්වසය 2026.09.18 දින ඉතා උත්කර්ෂවත් අන්දමින් වැලිගම නගරශාලාවේදී පවත්වන ලදී. එම උත්සවයේ ප්‍රධාන අනුග්‍රහය වැලිගම කේප් හොටෙල් පුද්ගලික සමාගමයි..

20/09/2026

අත්තම ජාතික වැඩසටහන දෙවන අදියර යටතේ ජාතික වෙරළ පවිත්‍රතා දිනයට සමගාමිව වෙරළ පිරිසිදු කිරීමේ වැඩසටහන - වැලිගම ප්‍රාදේශිය ලේකම් කාර්‍යාලය ඉදිරිපිට සිට ගන්දුව දක්වා

18/09/2026

සමථ මණ්ඩල ක්‍රමවේදය පිළිබඳ රාජ්‍ය නිලධාරීන් දැනුවත් කිරීමේ වැඩසටහන

ස්ථානය - වැලිගම නගර සභාව

ඉලක්ක කණ්ඩායම- නගර සභා නිලධාරින්

දිනය-2026-09-16

වැඩසටහන සංවිධානය- වැලිගම සමථ නිලධාරී
ජේ.ඩබ්. චතුරි නිමේෂිකා

සම්පත් දායකත්වය-
1. පී. එමි. කංකානම්ගේ- කිරින්ද පුහුල්වැල්ල සමථ නිලධාරි
2. එල්. එච්. එස්. නුවන්තිකා- වැලිපිටිය සමථ නිලධාරී

17/09/2026

08/09/2026

ජාතික වැඩිහිටි මහ ලේකම් කාර්යාලයේ ප්‍රතිපාදන මත වැඩිහිටි පිරිස සදහා ජංගම වෛද්‍ය සායනයක් මිරිස්ස සුනන්දාරාම විහාරස්ථානයේ දි 2026/09/03 දින පවත්වන ලදි. එම අවස්ථාවේ දියවැඩියා ,කොලෙස්ටරෝල්, වකුගඩු පරික්ෂාව මෙන්ම ජංගම බස් රථය තුල දන්ත සායනයක් වැඩිහිටි පිරිස සදහා සිදුකරන ලද අතර වැඩිහිටි විශාල පිරිසක් නිරාහාරව පැමිණ එම පරික්ෂණ වෛද්‍යවරුන් මගින් සිදුකර ගන්නා ලදි.පැමිණි වැඩිහිටි පිරිස සදහා සංග්‍රහයක් ලබාදිම ද සිදුවිය.

08/09/2026

2026/09/02 දින වැලිගම ප්‍රාදේශීය ලේකම් කාර්යාලය විසින් සංවිධානය කරන ලද, මියගිය නිලධාරීන්ට පිං පැමිණවීම හා නිලධාරීන්ට සෙත් පැතීම අරමුණු කරගත් දානමය පිංකමේ අවස්ථා.

04/09/2026

අවාසි සහගත තත්වයේ පසුවන පවුල් වල දරුවන්ගේ අයිතිවාසිකම් සුරක්ෂිත කිරීම යටතේ පෝෂණ ඌණතාවයෙන් පෙලෙන දරුවන් සිටින පවුල් 10ක් සදහා වියලි ආහාර ද්‍රව්‍ය මලු 10ක් ලබාදීම කාර්යාලයේ දී සිදු කරන ලදී. ඇඳ රෝගී දරුවෙක් සදහා water mettress එකක් සහ පැම්පස්ද ලබා දෙන ලදි.

31/08/2026

වැලිගම ප්‍රාදේශීය ලේකම් කාර්යාලයේ බෞද්ධ කටයුතු නිලධාරීන් විසින් තිරසර පුණ්‍යග්‍රාම වැඩසටහන යටතේ 2026/08/28 දින පැළෑණ ගංගාරාම විහාරස්ථානයේ සංවිධානය කරන ලද ආයුර්වේද වෛද්‍ය සායනය.

31/08/2026

ජාතික ඵලදායිතා ලේකම් කාර්යාලය, ක්ලීන් ශ්‍රී ලංකා ජාතික වැඩසටහන හා සමගාමිව වැලිගම ප්‍රාදේශීය ලේකම් කාර්යාලයේ මග පෙන්වීමෙන් ක්‍රියාත්මක කරන "දැය නංවන සපිරි ගමක්" ප්‍රජා ඵලදායිතා ආදර්ශ ගම්මාන වැඩසටහන වැලිගම ප්‍රාදේශීය ලේකම් කොට්ඨාසයට අයත් මිදිගම නැගෙනහිර ග්‍රාම නිලධාරී වසමේදී යස ඉසුරු ග්‍රාමයේදී 2026.08.18වන දින ඩිජිටල් ව්‍යවසායකයකු සහ හරිත ව්‍යවසායකයකු සංවර්ධනය කිරීමේ දැනුවත් කිරීමේ වැඩසටහන පැවැත්වුණු අතර ඒ සඳහා කුඩා ව්‍යාපාර සංවර්ධන නිලධාරීන්ගේ සම්පත් දායකත්වය සහ ඵලදායීතා සංවර්ධන නිලධාරීන්ගේ සම්පත් දායකත්වයෙන් පැවැත්වුණු අතර ඒ සඳහා වසමේ ග්‍රාම නිලධාරිතුමිය ප්‍රජා සවිබල ගැනීමේ නිලධාරීතුමා ප්‍රජා ශක්ති සභාපතිතුමිය සහභාගි විය.