Ministeran'ny Asa, ny Fampananana Asa, sy ny Asam-Panjakana

TOLOTR'ASA HO ANAO
fans

𝗡𝗬 𝗔𝗡𝗗𝗥𝗢 𝗧𝗦𝗬 𝗛𝗜𝗔𝗦𝗔𝗡𝗔 𝗡𝗘𝗙𝗔 𝗛𝗔𝗡𝗗𝗥𝗔𝗜𝗦𝗔𝗡-𝗞𝗔𝗥𝗔𝗠𝗔 : 𝗩𝗼𝗮𝗮𝗿𝗼𝗻'𝗻𝘆 𝗹𝗮𝗹𝗮̀𝗻𝗮 𝗻𝘆 𝘇𝗼 𝘀𝗶𝘁𝗿𝗮𝗵𝗮𝗻'𝗻𝘆 𝗺𝗽𝗶𝗮𝘀𝗮

Ny andininy faha-115 ao amin’ny Lalàna laharana faha-2024-014 tamin'ny 14 Aogositra 2024 momba ny Fehezan-dalàna mifehy ny Asa no mamaritra ny andro tsy hiasana nefa handraisan-karama.

Tamin’ny 8 janoary 2026 dia efa navoaka tamin’ny alalan’ny Didim-panjakana laharana faha-2026-006 ny lisitry ny andro fety ara-dalàna manan-kery eto Madagasikara ho an’ny taona 2026.

Maro ny andinin-dalàna mamaritra ny fepetra manan-kery ho an’ny mpiasa sy ny mpampiasa mikasika ny fanarahana ny andro tsy hiasana nefa andraisan-karama.

Sazian’ny lalàna ny tsy fanajana ny zon’ny mpiasa araka ny voalazan’ny lalàna manan-kery.

𝐅𝐀𝐑𝐈𝐓𝐑𝐀 𝐌𝐄𝐋𝐀𝐊𝐘 : 𝐅𝐀𝐌𝐏𝐈𝐎𝐅𝐀𝐍𝐀𝐍𝐀 𝐀𝐌𝐏𝐈𝐓𝐀𝐈𝐍-𝐃𝐀𝐕𝐈𝐓𝐑𝐀 𝐍𝐀𝐓𝐀𝐎𝐍’𝐍𝐘 𝐌𝐓𝐄𝐅𝐎𝐏 𝐇𝐎𝐀𝐍’𝐍𝐘 𝐓𝐀𝐍𝐎𝐑𝐀

📌 Dingana lehibe ho an'ny tanora ao Maintirano izao fampiofanana niompana manokana amin'ny Ilontsaina Artifisialy izao.

👫 Olona manodidina ny telopolo eo no nisitraka atrikasa fampahafantarana sy fanofanana anio sabotsy 13 jona 2026.

✅ Hetsika nifanomezan-tanana teo amin'ny Ministeran’ny Asa, ny Fampananana Asa, sy ny Asam-Panjakana, ireo ratsamangaika ary ny Kaominina Maintirano izy ity, mikendry indrindra ny hanamora ny fidirana amin'ny sehatry ny asa sy ny fandraharahana.

✨ "Hampitombo ny fahafahan’ny tanora sy ny tsy an’asa miditra amin’ny sehatry ny asa ary hampiroborobo ny fandraharahana amin’ny alalan’ny fanomezana vaovao sy fahaiza-manao mifanaraka amin’ny filàn’ny tsena no tanjona," araka ny fanazavana azo.

✅ Teknika maoderina sy fampiasana IA:

➡️ Ny nampiavaka ity atrikasa ity dia ny fampiasana ny teknolojia avo lenta. Na dia tany Maintirano aza ny fiofanana, dia tamin’ny alalan’ny fifandraisana an-tserasera no nampitain'ireo mpampiofana avy amin'ny ONEF(Office Nationale de l'Emploi et de la Formation) sy ny DAIPJSE (Direction de l'Appui à l'Insertion Professionnelle des Jeunes Sans Emploi / Fitaleavana misahana ny Tantsoroka hoan'ny Tanora sy ny tsy an'asa) ny fahalalany.

📌 Ankoatra ny fampahafantarana ireo sehatra ahitana asa sy ny dingana amin'ny fananganana orinasa ao Melaky, nampidirina voalohany tao anatin'ny fandaharana ny fampiasana ny Ilontsaina Artifisialy (IA) amin’ny fandrafetana CV sy ireo teknika maoderina hiatrehana ny dinidinika eo anatrehan'ny mpampiasa.
Fitaovana vaovao ary hita fa mahomby ho an'ireo tanora vonona hiatrika ny tsenan'ny asa ankehitriny izany.

"𝐅𝐀𝐌𝐏𝐀𝐍𝐀𝐍𝐀𝐍𝐀 𝐀𝐒𝐀 𝐍𝐘 𝐓𝐀𝐍𝐎𝐑𝐀:
𝐍𝐢𝐳𝐚𝐫𝐚 𝐢𝐫𝐞𝐨 𝐭𝐬𝐚𝐫𝐚 𝐡𝐨 𝐟𝐚𝐧𝐭𝐚𝐭𝐫𝐚 𝐧𝐲 𝐌𝐓𝐄𝐅𝐨𝐏 𝐬𝐲 𝐢𝐫𝐞𝐨 𝐌𝐩𝐢𝐚𝐫𝐚-𝐦𝐢𝐨𝐦𝐛𝐨𝐧’𝐚𝐧𝐭𝐨𝐤𝐚"

✨ Nosokafana omaly 12 Jiona teo amin’ny Gare Soarano ny "Forum de l’Orientation et de l’Employabilité" sehatra iray natokana hampifandraisana ny tanora, ny sehatry ny fanofanana ary ny tontolon’ny asa.

🏭 Nampivondrona ireo mpisehatra samihafa amin’ny fanabeazana, ny fampiofanana arakasa ary ny fampananana asa ny hetsika, izay mikendry ny hanamafy ny fahafahan’ny tanora miditra amin’ny tsenan’asa sy hampiroborobo ny fampifanarahana ny fahaiza-manao amin'ny filàn'ny Orinasa.

📌 Nisolo tena ny Ministeran’ny Asa, ny Fampananana asa ary ny Asam-panjakana nandritra izany ny Directeur de l’Appui à l’Insertion Professionnelle des Jeunes Sans Emploi, Ramatoa 𝐑𝐀𝐁𝐄𝐇𝐀𝐑𝐈𝐒𝐎𝐀 𝐕𝐞𝐫𝐨𝐡𝐚𝐧𝐢𝐭𝐫𝐚 𝐋𝐚𝐥𝐚𝐢𝐧𝐚, izay nanasongadina ny anjara toerana lehibe sahanin’ny fitarihana sy ny fanofanana amin’ny fanatsarana ny fahafahan’ny tanora mahazo asa maharitra.

📍Nohamafisiny fa isan’ireo laharam-pahamehan’ny ministera ny fanohanana ny fampidirana ireo tanora tsy an’asa eo amin’ny sehatry ny asa, amin’ny alalan’ny fanamafisana ny fifandraisana eo amin’ny tontolon’ny fampiofanana sy ny sehatra mpamokatra.

👫 Maro ireo tanora no liana ary nanatona ireo tranoheva mba handray ny torolalana sy fampahafantarana nentin’ireo mpandray anjara tamin’ity hetsika ity.

📝 Ankoatra ny fanomezana torolalana momba ny lalam-piofanana sy ny asa mantsy, dia sehatra iray ahafahan’ny tanora mifandray mivantana amin’ireo mpandraharaha, mpampiasa ary ivon-toeram-piofanana ihany koa ny forum.

📋 Manamafy ny ezaka amin'ny Politika Nasionaly Fampiroboroboana ny Fampananana asa sy ny fampivelarana ny loharanon-karena mifototra amin'ny maha olona ity hetsika ity, izay heverina ho andry amin’ireo fototra iankinan’ny Fampandrosoana maharitra sy mampiaty.

📢 𝗙𝗔𝗠𝗢𝗡𝗚𝗢𝗥𝗔𝗡𝗔 𝗡𝗬 𝗙𝗔𝗠𝗣𝗜𝗔𝗦𝗔𝗡𝗔 𝗔𝗡𝗞𝗜𝗭𝗬

𝗡𝗮𝗺𝗽𝗶𝘁𝗮𝗶𝗻𝗮 𝘁𝗲𝗼 𝗮𝗺𝗶𝗻'𝗻𝘆 𝗙𝗶𝗿𝗲𝗻𝗲𝗻𝗮 𝗠𝗶𝗸𝗮𝗺𝗯𝗮𝗻𝗮 𝗻𝘆 𝗗𝗿𝗮𝗳𝗶-p𝗶𝗿𝗲𝗻𝗲𝗻𝗮 𝟮𝟬𝟮𝟱-𝟮𝟬𝟰𝟬

👧🏽👦🏽 Andro iraisam-pirenena natokana hiadiana amin'ny fampiasana ankizy ny datin'ny 12 Jona. Ho an'i Madagasikara dia mipetraka ho laharam-pahamehana ny fiarovana ny ankizy.

🌍 Nitatitra izany teo amin'ny Firenena Mikambana ny Minisitry ny Asa, ny Fampananana Asa ary ny Asam-panjakana, DENIS Franconio Mac, tamin'ny kabary nentiny nandritra ny Fivoriana Iraisam-pirenena momba ny Asa andiany faha-114, notanterahina tao amin'ny Lapan'ny Firenena Mikambana Genève Suisse, ny volana Jona 2026.

📌 𝗠𝗮𝗻𝗮𝗻-𝗸𝗲𝗿𝘆 𝟭𝟱 𝘁𝗮𝗼𝗻𝗮

📄 Efa natolotra teo amin'ny Komity Nasionaly miady amin’ny Fampiasana Ankizy (CNLTE) ny volana Mey 2026 ny Drafitrasa Nasionaly andiany faharoa (PNA LTE II), hifehy ny famongorana ny fampiasana ankizy ho an'ny vanim-potoana 2025-2040.

🤝 Vokatry ny fakan-kevitra natao teny amin’ny Faritra nanomboka ny volana Oktobra 2024 ny PNA LTE II, ary nasiana fanavaozana hatrany mba hifanaraka amin'ny teo-javatra misy eto Madagasikara.

🌐 𝗔𝗱𝘆 𝗺𝗮𝗻𝗲𝗿𝗮𝗻-𝘁𝗮𝗻𝘆

📊 Mahatratra 138 tapitrisa ireo ankizy voatery miasa maneran-tany, raha ny antotanisa navoakan'ny UNICEF ny 11 Jona 2025.

📈 Etsy ankilany, ny fanadihadiana MICS 2018 dia namoaka fa 47 isanjaton'ireo Malagasy, 5 ka hatramin'ny 17 taona, dia voakasiky ny fampiasana ankizy.

👦🏽🚨 𝗔𝗱𝘆 𝗶𝗼𝗺𝗯𝗼𝗻𝗮𝗻𝗮 𝗻𝘆 𝗳𝗮𝗺𝗼𝗻𝗴𝗼𝗿𝗮𝗻𝗮 𝗻𝘆 𝗳𝗮𝗺𝗽𝗶𝗮𝘀𝗮𝗻𝗮 𝗮𝗻𝗸𝗶𝘇𝘆 ! 🇲🇬👧🏽

Ho anao manan-draharaha eto amin’ny Minisiteran’ny Asa, ny Fampananana Asa ary ny Asam-panjakana!

Ireto ny 𝗹𝗮𝗵𝗮𝗿𝗮𝗻𝗮 ahafahanao mandefa 𝗦𝗼𝗿𝗮𝘁𝗿𝗮 𝗠𝗮𝗿𝗼 𝗦𝗼𝘀𝗼𝗻𝗮 raha misy 𝗙𝗔𝗡𝗞𝗔𝗦𝗜𝗧𝗥𝗔𝗛𝗔𝗡𝗔, 𝗙𝗜𝗧𝗔𝗥𝗔𝗜𝗡𝗔𝗡𝗔, 𝗙𝗔𝗡𝗔𝗠𝗔𝗥𝗜𝗛𝗔𝗡𝗔 avy aminao mikasika ny tolotra eto amin'ny Minisitera :

📞 033 67 23 837
📞 037 39 56 392
📞 038 57 93 392

📲 𝗦𝗠𝗦 ihany no andefasana ny hafatra
📲 𝗦𝗠𝗦 no alefa fa TSY ANTSO

👉👉👉𝗧𝗲𝗵𝗶𝗿𝗶𝘇𝗶𝗻𝗮 𝗵𝗼 𝘁𝘀𝗶𝗮𝗺𝗯𝗮𝗿𝗮𝘁𝗲𝗹𝗼 𝗻𝘆 𝗺𝗼𝗺𝗯𝗮𝗺𝗼𝗺𝗯𝗮 𝗻𝘆 𝗺𝗽𝗮𝗻𝗱𝗲𝗳𝗮 𝗵𝗮𝗳𝗮𝘁𝗿𝗮.