Commune Rurale Soavina Atsimondrano

16/09/2026

🎒📚 FIZARANA FITAOVAM-PIANARANA – EPP SOAVINA 📚🎒

Nisy ny fizarana fitaovam-pianarana (kits scolaires complets) ho an’ireo Mpianatra ao amin’ny EPP Soavina, izay notanterahin’ny Association FAM-MADA sy ny ARCIE-FORAGE, ho fanehoana hatrany ny fanohanana sy ny fiahiana manokana ataon’izy ireo ho an’ity Sekoly ity. 🤝❤️

👧👦 Isan’ireo Mpianatra nisitraka izany :

🏫 Préscolaire MS : 30

🏫 Préscolaire GS : 30

📖 11ème : 50

📖 10ème : 49

📖 9ème : 47

📖 8ème : 46

📖 7ème : 42

➡️ Fitambarany : 294 Mpianatra nisitraka kits scolaires complets. 🎒✨

💙 Efa hatramin’izay ka hatramin’izao dia anisan’ireo mpanohana mahatoky sy mahafatra-po ny EPP Soavina ny Association FAM-MADA sy ny ARCIE-FORAGE. Maro ireo fanohanana natolotr’izy ireo ho an’ity Sekoly ity, vokatry ny fahatokisana apetrany amin’ny ezaka sy ny vokatra hita taratra amin’ny fampianarana sy fanabeazana, tarihin’ny Talen-tsekoly sy ireo Mpanabe.

🎯 Tahaka ny teo aloha ihany, ny tambin’ny fanohanana andrasan’izy ireo dia ny fahitana : 📚 vokatra tsara avy amin’ny Mpianatra ; 👩‍🏫 fampianarana sy fanabeazana mahomby avy amin’ny Mpanabe ; 👨‍👩‍👧‍👦 ary indrindra ny fiaraha-miasa sy fanohanana mavitrika ataon’ny Ray aman-dreny amin’ny fanabeazana ireo zanany.

🙏 Misaotra indrindra ny Association FAM-MADA sy ny ARCIE-FORAGE noho izao fanohanana izao, ary mankasitraka ny ezaka ataon’ny Mpanabe sy ny Ray aman-dreny ho fampandrosoana hatrany ny fanabeazana eto amin’ny EPP Soavina.

🤝💙 Miaraka ho amin’ny fanabeazana tsara kalitao sy ny hoavin’ny ankizy! 🇲🇬📚

13/09/2026

🎓✨ BACCALAURÉAT 2026 – KAOMININA SOAVINA ✨🎓

Ny Fitantanana ny Kaominina Soavina dia nanolotra fotoana fialamboly sy fankaherezana ho an’ireo ankizy monina eto amin’ny faritry ny Kaominina Soavina, afaka tamin’ny fanadinam-panjakana Baccalauréat 2026.

📍 Teny amin’ny Temple Xizu – Andranovelona no nentina niala voly izy ireo, ny Sabotsy 12 Septambra 2026 lasa teo. 🌿😊

🙏 Mirary fahombiazana feno ho anareo amin’ny dingana vaovao hatrehinareo ary enga anie ity fahombiazana ity ho fiandohan’ny lalana mamirapiratra. 🌟🎓

💪 Ho an’ireo tsy nahomby kosa, aza kivy! Ny tsy fahombiazana androany dia tsy midika ho fiafaran’ny dia. Mbola misy hatrany ny fahafahana mitsangana, ary handresy. ❤️‍🔥

🤝 Ny Fitantanana ny Kaominina Soavina dia mankahery sy manohana hatrany ny tanora! 🇲🇬✨

28/08/2026

12/08/2026

FANAMAFISANA NY FANDRIAM-PAHALEMANA ETO AMIN’NY KAOMININA SOAVINA

Nisy ny fivoriana manokana notarihin’ny Ben’ny Tanànan’ny Kaominina Soavina, niaraka tamin’ny Lehiben’ny Boriboritany, ka nanasana ireo tompon’andraikitry ny Fokontany rehetra sy ny Filohan’ny Faritra, eto anivon’ny Kaominina. Nanatrika izany dinika izany ihany koa ireo mpikambana rehetra ao amin’ny Filankevitra Kaominaly.

Nifantoka indrindra tamin’ny fandriam-pahalemana sy ny filaminana eto an-toerana ny dinika, ka tapaka fa hatsaraina sy hamafisina ny Andrimasom-pokonolona isam-pokontany, araka ny lamina sy fandaminana hifanarahan’ireo tompon’andraikitra sy ny mponina eny ifotony.

Etsy ankilany, hisy ihany koa ny dinika manokana iarahan’ny Fitantanan’ny Kaominina amin’ireo Mpitandro Filaminana, dia ny Polisy sy ny Zandary eto an-toerana, mba hifampizarana vaovao, handrindrana ny fiaraha-miasa ary hijerena ireo fepetra tokony horaisina amin’ny fanamafisana hatrany ny filaminana.

Ny fandriam-pahalemana dia andraikitra iombonan’ny rehetra. Koa entanina isika rehetra mba hifanome tanana, hifampitsinjo ary hiara-hiasa amin’ny tompon’andraikitra, ho fiarovana ny aina sy ny fananana ary ho tombontsoan’ny mponina rehetra.

Kaominina Soavina – Miara-mientana ho amin’ny fandriam-pahalemana sy filaminana.

19/07/2026

🏃‍♀️🏃 ASIEF ANALAMANGA – ATHLÉTISME

Notanterahina androany Alahady 19 Jolay 2026, teto amin'ny faritry ny Kaominina Soavina, ny fifaninanana Relais Pédestres sy Marathons Interministériels, ao anatin'ny hetsika ASIEF Analamanga amin'ny taranja Athlétisme.

Tanteraka izany noho ny fiaraha-miasa akaiky teo amin'ny ASIEF Analamanga, ny Kaominina Soavina, ny Club des Athlètes Soavina Atsimondrano (CASA) ary ny Section d'Athlétisme Atsimondrano.

Kaominina Soavina Manohana hatrany ny fanatanjahantena ho fampandrosoana ny fiarahamonina.

19/07/2026

📢 FAMPANDRENESANA HO AN'NY DAHOLOBE

Ho fanamorana ny fandraisan'anjaran'ireo mpiadina amin'ny fanadinam-panjakana Baccalauréat 2026, dia namoaka Didim-pitondrana ny fitantanana ny Kaominina Soavina mikasika ny fandaminana ny fitaterana ireo mpiadina.

🤝 Manentana ny rehetra isika mba hiara-hientana hanampy ireo zanatsika hiatrika am-pilaminana ny fanadinam-panjakana Baccalauréat 2026.

🍀 Mirary fahombiazana sy vokatra tsara ho an'ireo mpiadina rehetra ny Kaominina Ambanivohitra Soavina.

19/07/2026

Vokam-panadinanana BEPC 2026

Taham-pahafahana : 85,76%, izany hoe 265 tamin'ireo 309 mpiadina no afaka.

Mirary soa ho an'ireo afaka, ary mankery ireo tsy nahomby.

10/07/2026

FANENTANANA HO AN'NY VAHOAKA

Noho ny firongatry ny tsy fandriam-pahalemana, indrindra ny halatr'olona, izay mampanahy ny vahoaka amin'izao fotoana izao, dia manentana antsika rehetra ny Fitantanana ny Kaominina Soavina mba samy ho mailo sy handray andraikitra amin'ny fiarovana ny tenantsika sy ny mpiara-belona.

Efa miara-mientana amin'ny fanaovana fisafoana amin'ireo toerana mangina sy mora hitrangan'ny asa ratsy, ary manao fanaraha-maso sy fanentanana amin'ireo toerana be olona, ny Mpitandro ny Filaminana, dia ny Polisim-pirenena sy ny Zandarimariam-pirenena.

Ankoatra izany, ny Fitantanana ny Kaominina dia efa miara-miasa akaiky amin'ireo tompon'andraikitra isan-tsokajiny rehetra, toy ny Faritra, ny Fokontany, ny sehatry ny Fanabeazana, ny Fahasalamana, ireo raiamandreny ara-pivavahana, ary ireo hery velona rehetra, mba hanamafisana ny fiarovana sy ny filaminam-bahoaka.

Koa ampahatsiahivina isika rehetra fa ny fiaraha-mientana sy ny fifanomezan-tanana no anisan'ny fitaovam-piarovana mahomby indrindra. Noho izany dia iangaviana ny tsirairay mba:

Ho mailo mandrakariva ary hitandrina ny tenany sy ny ankohonany ary ny manodidina ;

Hampandre avy hatrany ny tompon'andraikitra na ny Mpitandro ny Filaminana raha mahita na mahatsikaritra olona, fihetsika, na tranga mampiahiahy;

Tsy hanaparitaka tsaho na vaovao tsy voamarina, fa hampita vaovao marina amin'ireo tompon'andraikitra voakasika.

Ny fiarovana sy ny filaminana dia andraikitry ny rehetra. Koa andao hiara-hisalahy sy hiara-hientana isika mba hahatonga ny Kaominina Soavina ho toerana milamina sy azo antoka ho an'ny rehetra.

Ny Fitantanana ny Kaominina Soavina

06/07/2026

🎓📚 FANADINAM-PANJAKANA BEPC 2026 📚🎓

Nizotra soa aman-tsara ny andro voalohan'ny fiatrehana ny fanadinam-panjakana BEPC 2026 teto amin'ny Kaominina Soavina Atsimondrano. 🙏

📊 Mpiadina 309 tamin'ny 313 no tonga niatrika ny fanadinana, izay maneho ny fahavononan'ireo mpianatra sy ny fanohanan'ny ray aman-dreny ary ny mpanabe. 👏

🍽️ Tahaka ny efa mahazatra, ho fanampiana ireo mpiadina, dia nanolotra sakafo maimaim-poana ny Kaominina mandritra ny 3 andro misesy, mba hahafahan'izy ireo miatrika ny fanadinana am-pilaminana sy am-paherezana.

🤝 Izany rehetra izany dia maneho hatrany ny finiavan'ny Kaominina, tarihin'Andriamatoa RAKOTOARISOA Bien Aimé Rigobert, Ben'ny Tanàna, hanohana hatrany ny fanabeazana sy hikarakara ny zanaky ny Kaominina mandritra ny fotoam-panadinana.

🙏 Mirary fahombiazana sy vokatra tsara ho an'ireo mpiadina rehetra.

✨ "Ny fanabeazana no antoky ny fampandrosoana." ✨

27/06/2026

🎉🇲🇬 TANTERAKA SOA AMAN-TSARA AVOKOA IREO FANAMBY NAPETRAKA HO FANKALAZANA NY FETIM-PIRENENA 2026! 🇲🇬🎉

Noho ny firaisankina, ny fiaraha-mientana ary ny fandraisan'anjara mavitriky ny rehetra, dia vita sy tontosa avokoa ireo hetsika rehetra nokasaina ho fanamarihana ny faha-66 taonan'ny nahazoan'i Madagasikara ny fahaleovantenany teto amin'ny Kaominina Soavina. 👏👏

📍 Ny Alakamisy 26 Jona 2026 no notanterahina ny: 🇲🇬 Matso Kaominaly, niarahana tamin'ireo hery velona rehetra sy ireo tompon'andraikitra isan-tsokajiny teto an-toerana, ka naneho indray ny firaisankina sy ny fitiavan-tanindrazana.

🎁 Fizarana fanomezana ho an'ireo Zokiolona miisa 465, ho mariky ny fanajana sy fankasitrahana azy ireo noho ny anjara biriky nentiny tamin'ny fiarahamonina.

🎶 Fampisehoana niarahan'ireo Chorales mandrafitra ny FFKM ⛪ eto an-toerana,

🎤 Fanoloran-tsehatra nataon'ireo nandresy tamin'ny fifaninanana "Mioty Kalo",

🎵 Fampisehoana manokana nataon'i Skaiz, ary 💃🕺 Bal Populaire, izay namarana an-tsakany sy an-davany ireo hetsika tao anatin'ny hafaliana sy firahalahiana.

🙏 Ny Fitantanana ny Kaominina Soavina, tarihin'Andriamatoa RAKOTOARISOA Bien Aimé Rigobert, Ben'ny Tanàna, dia maneho fisaorana sy fankasitrahana feno ho an'ireo mpiara-miombon'antoka rehetra, ny mpikarakara, ny mpanohana, ny mpandray anjara ary indrindra ny vahoakan'i Soavina izay nandray anjara sy niara-nankalaza tamim-pilaminana sy tamim-pahamendrehana.

Mirary hatrany ny hitohizan'ny firaisankina sy ny fifankatiavana ary ny fandrosoana ho an'ny Kaominina Soavina. 🇲🇬❤️