Ministeran'ny Fampianarana Teknika sy ny Fanofanana arak'Asa

|18.06.2026|

𝗙𝗜𝗙𝗔𝗡𝗜𝗡𝗔𝗡𝗔 𝗛𝗜𝗗𝗜𝗥𝗔𝗡𝗔 𝗧𝗔𝗢𝗡𝗔 𝗩𝗢𝗔𝗟𝗢𝗛𝗔𝗡𝗬 𝗘𝗡𝗬 𝗔𝗡𝗜𝗩𝗢𝗡’𝗡𝗬 𝗟𝗜𝗦𝗘𝗔 𝗧𝗘𝗞𝗡𝗜𝗞𝗔 : 𝗡𝗢𝗦𝗢𝗞𝗔𝗙𝗔𝗡𝗔 𝗧𝗔𝗠𝗜𝗡’𝗡𝗬 𝗙𝗢𝗠𝗕𝗔 𝗢𝗙𝗜𝗦𝗜𝗔𝗟𝗬 𝗡𝗬 𝗙𝗔𝗡𝗔𝗗𝗜𝗡𝗔𝗡𝗔

Nosokafan’Andriamatoa Minisitry ny Fampianarana Teknika sy ny Fanofanana Arak’asa, Dr ANDRIAMAMPANDRY Todisoa, tamin’ny fomba ofisialy androany ny fifaninanana hidirana taona voalohany eny anivon’ireo Lisea Teknika manerana an’i Madagasikara ho an’ny taom-piofanana 2026-2027.

Tao amin’ny Lycée Technique Professionnel Alarobia no nanatanterahana izany ary nosokafan'Andriamatoa Minisitra manoloana ny mpiadina ny valopy voaaro mirakitra ireo laza adina. Mpifaninana manodidina ny 75 000 no hiatrika ity fifaninanana ity, izay tanterahina amin’ireo foibem-panadinana 188 manerana ny Nosy.

Sampam-piofanana roa no atolotry ny Ministeran’ny Fampianarana Teknika sy ny Fanofanana Arak’asa, dia ny Formation Professionnelle Initiale (FPI) sy ny Formation Technologique Générale (FTG), ka ahitana sokajin’asa miisa 30 ho an’ny FPI ary 03 ho an’ny FTG.



©️ METFP, Jona 2026

|18.06.2026|

𝐓𝐄𝐓𝐈𝐀𝐍𝐃𝐑𝐎𝐌-𝐏𝐀𝐍𝐀𝐃𝐈𝐍𝐀𝐍𝐀 𝐀𝐌𝐈𝐍'𝐍𝐘 𝐅𝐈𝐅𝐀𝐍𝐈𝐍𝐀𝐍𝐀𝐍𝐀 𝐇𝐈𝐃𝐈𝐑𝐀𝐍𝐀 𝐓𝐀𝐎𝐍𝐀 𝐕𝐎𝐀𝐋𝐎𝐇𝐀𝐍𝐘



© METFP, Jona 2026

|17.06.2026|

𝐅𝐀𝐍𝐀𝐃𝐈𝐍𝐀𝐍𝐀 𝟐𝟎𝟐𝟔 : 𝐈𝐑𝐄𝐎 𝐓𝐒𝐀𝐑𝐀 𝐇𝐎 𝐅𝐀𝐍𝐓𝐀𝐓𝐑𝐀 𝐌𝐎𝐌𝐁𝐀 𝐍𝐘 𝐅𝐈𝐓𝐒𝐈𝐏𝐈𝐊𝐀 𝐒𝐘 𝐅𝐄𝐏𝐄𝐓𝐑𝐀 𝐇𝐀𝐑𝐀𝐇𝐈𝐍𝐀 𝐌𝐀𝐍𝐃𝐑𝐈𝐓𝐑𝐀 𝐍𝐘 𝐅𝐀𝐍𝐀𝐃𝐈𝐍𝐀𝐌-𝐏𝐀𝐍𝐉𝐀𝐊𝐀𝐍𝐀



© METFP, Jona 2026

|16. 06.2026|

𝐌𝐄𝐓𝐅𝐏 – 𝐎𝐈𝐓 : 𝐅𝐀𝐍𝐀𝐌𝐀𝐅𝐈𝐒𝐀𝐍𝐀 𝐍𝐘 𝐅𝐀𝐌𝐏𝐈𝐃𝐈𝐑𝐀𝐍𝐀 𝐍𝐘 𝐓𝐀𝐍𝐎𝐑𝐀 𝐄𝐎 𝐀𝐌𝐈𝐍’𝐍𝐘 𝐓𝐎𝐍𝐓𝐎𝐋𝐎𝐍’𝐍𝐘 𝐀𝐒𝐀

Nandray an’Andriamatoa Frederick Muia, Tale sady solon-tena maharitry ny OIT ho an’i Madagasikara, Comores, Maurice ary Seychelles, ny Minisitry ny Fampianarana Teknika sy ny Fanofanana arak’Asa, Dr ANDRIAMAMPANDRY Todisoa Manampy, androany 16 jona 2026.

Nifantoka tamin’ny anjara birikin'ny OIT amin’ny fanohanana ny ezaky ny Governemanta amin’ny famoronana asa ho an’ny tanora ny dinika ary nanasongadina ny fandaharan’asa « Promesse Emploi » sy ny fanetsiketsehana ireo sehatra miankina sy tsy miankina amin’ny fanjakana mba hanolorana sehatra fanaovana fiofanana (Stage) sy hanamora ny fidiran’ireo tanora nahazo diplaoma eo amin’ny tontolon’ny asa.



©️ METFP, Jona 2026

|16.06.2026|

𝐂𝐄𝐏𝐄 𝟐𝟎𝟐𝟔 : 𝐅𝐈𝐑𝐀𝐈𝐒𝐀𝐍𝐊𝐈𝐍𝐀𝐍’𝐈𝐑𝐄𝐎 𝐌𝐈𝐍𝐈𝐒𝐈𝐓𝐄𝐑𝐀 𝐌𝐈𝐒𝐀𝐇𝐀𝐍𝐀 𝐍𝐘 𝐅𝐀𝐌𝐏𝐈𝐀𝐍𝐀𝐑𝐀𝐍𝐀

Miray hina sy miara-mientana amin’ny fanatanterahana ny fanadinana CEPE 2026 ireo Minisitera telo misahana ny fampianarana, dia ny Minisiteran’ny Fanabeazam-pirenena (MEN), ny Minisiteran'ny Fampianarana Ambaratonga Ambony sy Fikarohana Ara-Tsiansa (MESUPRES) ary ny Minisiteran’ny Fampianarana Teknika sy ny Fanofanana arak’Asa (METFP).

Ho fanohanana sy ho fanehoam-piraisankina amin’ireo mpiadina, dia tonga nirary soa sy nitsodrano azy ireo tao amin’ny EPP Andoharanofotsy ny Minisitry ny Fampianarana Teknika sy ny Fanofanana arak’Asa, Dr ANDRIAMAMPANDRY Todisoa Manampy, niaraka tamin’ny Minisitry ny Fanabeazam-pirenena sy ny Minisitry ny Fampianarana Ambaratonga Ambony sy Fikarohana Ara-Tsiansa.

Ministère de l'Education Nationale de Madagascar
Minisiteran'ny Fampianarana Ambaratonga Ambony sy Fikarohana Ara-Tsiansa



©️ METFP, Jona 2026

|15.06.2026|

𝗙𝗔𝗡𝗢𝗟𝗢𝗥𝗔𝗡𝗔 𝗙𝗜𝗧𝗔𝗢𝗩𝗔𝗡𝗔 𝗛𝗢 𝗔𝗡’𝗡𝗬 𝗟𝗬𝗖𝗘́𝗘 𝗧𝗘𝗖𝗛𝗡𝗜𝗤𝗨𝗘 𝗔𝗠𝗣𝗘𝗙𝗜𝗟𝗢𝗛𝗔

Notanterahina androany 15 Jona 2026 ny fanolorana tamin’ny fomba ofisialy ireo fitaovana ho an’ny Lycée Technique Ampefiloha, izay novatsian'ny UNESCO tamin’ny alalan’ny tetikasa BEAR III.

Hanamafisana ny fampiharana ny fandaharam-piofanana vaovao Baccalauréat Professionnel eo amin’ny sehatry ny Textile - Habillement - Accessoires (THA), sampam-piofanana « Coupe et Couture », ao amin’ity ivon-toeram-panofanana ity ary hanampy amin’ny fanatsarana ny kalitaon’ny fampianarana sy ny fanofanana omena ireo mpiofana eo anivon’ny LTA no tanjona amin'izao famatsiana ara-pitaovana izao.

Tonga nanome voninahitra izany ny Minisitry ny Fampianarana Teknika sy ny Fanofanana arak’Asa, Dr ANDRIAMAMPANDRY Todisoa Manampy, sy ny Lehiben’ny sampan’asan’ny UNESCO eto Madagasikara, Ramatoa RAKOTOSON Julie.



© METFP, Jona 2026

|14. 06. 2026|

𝐅𝐀𝐑𝐈𝐓𝐑𝐀 𝐀𝐍𝐎𝐒𝐘: 𝐅𝐈𝐓𝐎𝐊𝐀𝐍𝐀𝐍𝐀 𝐍𝐘 𝐈𝐕𝐎𝐍-𝐓𝐎𝐄𝐑𝐀𝐌-𝐏𝐀𝐍𝐎𝐅𝐀𝐍𝐀𝐍𝐀 𝐀𝐎 𝐑𝐀𝐍𝐎𝐏𝐈𝐒𝐎

Notokanana ny 13 Jona 2026 ny CFP ao Ranopiso, izay fiaraha miasa tamin’ny KOIKA nomen'ny tetikasa BIOCOM/UNESCO. Tonga nitokana izany tamin’ny fomba ofisialy ny Praiminisitra lehiben'ny Governemanta sy ny Minisitry ny Fampianarana Teknika sy ny Fanofanana arak'Asa, Andriamatoa Dr. ANDRIAMAMPANDRY Todisoa Manampy.

Ivon-toeram-panofanana momba ny "Maçonnerie polyvalente" sy "Photovoltaïque" amin’ny alalan’ny FPQ sy ny AMB ity fotodrafitrasa vaovao ity ary misy toeram-ponenan'ny mpianatra ihany koa.

Tanjona amin’izany ny hanamafisana ny fahaiza-manaon’ny tanora sy hanamoràna ny fidirany amin’ny sehatry ny asa ary handraisany anjara amin’ny fampandrosoana eny ifotony sy ny fiarovana ny tontolo iainana.



©️ METFP, Jona 2026

|13.06.2026|

𝐅𝐀𝐑𝐈𝐓𝐑𝐀 𝐀𝐍𝐎𝐒𝐘: 𝐅𝐈𝐓𝐎𝐊𝐀𝐍𝐀𝐍𝐀 𝐍𝐘 𝐋𝐘𝐂𝐄𝐄 𝐓𝐄𝐂𝐇𝐍𝐈𝐐𝐔𝐄 𝐄𝐓 𝐏𝐑𝐎𝐅𝐄𝐒𝐒𝐈𝐎𝐍𝐍𝐄𝐋 𝐀𝐆𝐑𝐈𝐂𝐎𝐋𝐄 (𝐋𝐓𝐏𝐀), 𝐀𝐌𝐏𝐀𝐒𝐘 𝐍𝐀𝐇𝐀𝐌𝐏𝐎𝐀𝐍𝐀

Notokanan' Andriamatoa Filohan’ny Fanavaozana ny Repoblikan'i Madagasikara, Kolonely RANDRIANIRINA Mickael tamin’ny fomba ofisialy ny Lycée Technique et Professionnel Agricole (LTPA) ao Ampasy Nahampoana, izay notronin'ny Mpanolotsaina avo eo anivon’ny Fiadidian’ny Fanavaozana, ny Praiminisitra lehiben’ny Governemanta sy Andriamatoa Dr. ANDRIAMAMPANDRY Todisoa Manampy, Minisitry ny Fampianarana Teknika sy ny Fanofanana arak'Asa ary ireo olo manan-kaja sivily sy miramila.

Anisan’ny zava-bita ny fanarenana ireo fotodrafitrasa efa nisy sy ny fananganana vaovao izay ahitana :
- efitrano fianarana miisa efatra (4)
- biraon’ny Talen-tsekoly
- toeram-piompiana
- toby famatsian-drano ho an'ity toerana ity
ary notsinjaraina ho an’ny mpiofana ihany koa ireo fitaovana sy kojakoja enti-manatanteraka ny fiofanana, izay fiaraha miasa niaraka tamin’ny QIT Madagascar Minerals (QMM).

Tanora miisa 140 no hisitraka mivantana ireo fotodrafitrasa sy fitaovana maoderina ireo, izay hanamafy ny kalitaon’ny fampiofanana eo amin’ny sehatry ny fambolena sy ny fiompiana, ary handray anjara amin’ny fampandrosoana ara-toekarena sy ara-tsosialy maharitra ao amin’ny Faritra Anosy.



©️ METFP, Jona 2026