Sénat de Madagascar

🎉𝑴𝒊𝒓𝒂𝒓𝒚 𝑷𝒂𝒔𝒌𝒂 𝒔𝒂𝒎𝒃𝒂𝒕𝒓𝒂 𝒉𝒐 𝒂𝒏𝒕𝒔𝒊𝒌𝒂 𝒓𝒆𝒉𝒆𝒕𝒓𝒂.

𝗛𝗘𝗧𝗦𝗜𝗞𝗔 𝗙𝗜𝗧𝗜𝗟𝗜𝗔𝗡𝗔 𝗗𝗜𝗔𝗕𝗘𝗧𝗔 𝗠𝗔𝗜𝗠𝗔𝗜𝗠𝗣𝗢𝗔𝗡𝗔 𝗧𝗘𝗧𝗢 𝗔𝗠𝗜𝗡’𝗡𝗬 𝗔𝗡𝗧𝗘𝗡𝗜𝗠𝗜𝗘𝗥𝗔𝗡𝗗𝗢𝗛𝗢𝗟𝗢𝗡𝗔
‎
‎🩺Ho fampiroboroboana ny fahasalamana eto amin’ny toeram-piasana sy ho fanaraha-maso ny fahasalaman’ny mpiasa, dia nikarakara hetsika fitiliana maimaimpoana ny aretina diabeta ny Antenimierandoholona ny talata 31 marsa 2026.
‎
‎✅Izany no tontosa dia noho ny fiaraha-miasa tamin’ny toeram-pitsaboana « 𝑴𝑰𝑪𝑹𝑶𝑳𝑨𝑩𝑺 » izay nandraisan'i Dr 𝑹𝑨𝑲𝑶𝑻𝑶𝑴𝑨𝑳𝑨𝑳𝑨 𝑺𝒐𝒍𝒐𝒏𝒊𝒓𝒊𝒏𝒂 𝑭𝒊𝒕𝒊𝒂 𝑽𝒂𝒍𝒊𝒔𝒐𝒂 sy i Dr 𝑳𝑨𝑯𝑰𝑨𝑵𝑫𝑹𝑨𝒁𝑨 𝑴𝒂𝒉𝒆𝒓𝒚, anjara, sy ny 𝑺𝒂𝒎𝒑𝒂𝒏𝒅𝒓𝒂𝒉𝒂𝒓𝒂𝒉𝒂 𝒎𝒊𝒔𝒂𝒉𝒂𝒏𝒂 𝒏𝒚 𝒇𝒂𝒉𝒂𝒔𝒂𝒍𝒂𝒎𝒂𝒏'𝒏𝒚 𝒎𝒑𝒊𝒂𝒔𝒂 eto amin'ny Antenimierandoholona, izay tarihan'i 𝑴é𝒅𝒆𝒄𝒊𝒏 𝑪𝒉𝒆𝒇, Dr 𝑹𝑨𝑩𝑬𝑻𝑨𝑭𝑰𝑲𝑨 𝑽𝒐𝒍𝒂.
‎
‎👉Ramatoa 𝑯𝑨𝑵𝑰𝑻𝑹𝑨𝑳𝑨𝑳𝑨𝑰𝑵𝑨 𝑻𝒉é𝒐𝒅𝒐𝒓𝒂 𝑭𝒍𝒐𝒓𝒆𝒏𝒄𝒆, Tale misahana ny Fitantanan-draharaha sy ny MahaOlona eto amin'ny Antenimierandoholona, no nitarika ny fotoana.
‎
‎🖇️Isan’ny tanjona amin’izao hetsika izao ny hanombohana na koa ny hanohizana ny fitsaboana ho an'ireo izay fantatra fa tratry ny aretina. Eo koa ny fanamafisana ny fisorohana mialoha ho an’ireo izay mbola tsy mararin’ny diabeta, mba ho vatana salama sy tomady no entina miatrika ny asa andavanan’andro.

𝗙𝗔𝗛𝗔𝗧𝗦𝗜𝗔𝗥𝗢𝗩𝗔𝗡𝗔 𝗡𝗬 𝗙𝗔𝗛𝗔 𝟳𝟵 𝗧𝗔𝗢𝗡𝗔𝗡'𝗡𝗬 𝗧𝗢𝗟𝗢𝗠-𝗣𝗔𝗛𝗔𝗙𝗔𝗛𝗔𝗡𝗔
‎
‎🗓️29 𝒎𝒂𝒓𝒔𝒂 1947 - 29 𝒎𝒂𝒓𝒔𝒂 2026 : 79 taona ny tolom-panafahana nataon'ireo Maherifon'ny Firenena ho an'ny fahaleovantenan'i Madagasikara.
‎
‎🖇️Toy ny fanao isan-taona dia tamin'ny alalan'ny fametrahana fehezam-boninkazo sy fanomezam-boninahitra ireo Martiora nitolona ho an'ny fahaleovantenan'i Madagasikara teny amin'ny fasan'ny Maherifo eny Avaratr'Ambohitsaina no nanamarihana ny hetsika fahatsiarovana ny andron'ny 29 marsa.
‎
‎✒️Andriamatoa kolonely notronon'ireo 𝑹𝑨𝑵𝑫𝑹𝑰𝑨𝑵𝑰𝑹𝑰𝑵𝑨 𝑴𝒊𝒄𝒌𝒂ë𝒍, Filohan'ny Fanavaozana ny Repoblikan'i Madagasikara, no nitarika ny lanonam-pahatsiarovana, notronon'ireo Mpanolotsaina avon'ny Fanavaozana ny Repoblikan'i Madagasikara.
‎
‎➡️Manamboninahitra sivily sy miaramila isan'ambaratongany maro no tonga nanome voninahitra ny fotoana, ka isan'izany Andriamatoa 𝑵𝑫𝑹𝑬𝑴𝑨𝑵𝑱𝑨𝑹𝒀 𝑱𝒆𝒂𝒏 𝑨𝒏𝒅𝒓é, Filohan'ny Antenimierandoholona mpisolo toerana.
‎
‎✅Nitohy teny amin'ny Tsangambaton'ny Maherifo eny Ambohijatovo, toerana mana-tantara, ny hetsika fahatsiarovana ho an'ny teto Antananarivo Renivohitra, ka isan'ny tonga nametraka fehezam-boninkazo fahatsiarovana teny an-toerana Andriamatoa Filohan'ny Antenimierandoholona mpisolo toerana.
‎
‎📝Tsiahivina fa "𝑻𝒐𝒍𝒐𝒎-𝒑𝒂𝒉𝒂𝒇𝒂𝒉𝒂𝒏𝒂, 𝑭𝒂𝒏𝒂𝒗𝒂𝒐𝒛𝒂𝒏𝒂 𝒏𝒚 𝒇𝒊𝒕𝒊𝒂𝒗𝒂𝒏-𝒕𝒂𝒏𝒊𝒏𝒅𝒓𝒂𝒛𝒂𝒏𝒂" no tarakevitra nentina nanatanterahana ny hetsika rehetra tamin’ity taona ity.

𝗙𝗔𝗡𝗔𝗠𝗔𝗥𝗜𝗛𝗔𝗡𝗔 𝗡𝗬 𝗔𝗡𝗗𝗥𝗢 𝗜𝗥𝗔𝗜𝗦𝗔𝗠-𝗣𝗜𝗥𝗘𝗡𝗘𝗡𝗔 𝗛𝗢 𝗔𝗡'𝗡𝗬 𝗭𝗢𝗡'𝗡𝗬 𝗩𝗘𝗛𝗜𝗩𝗔𝗩𝗬 - 𝗧𝗔𝗢𝗡𝗔 𝟮𝟬𝟮𝟲 : 𝗡𝗔𝗡𝗗𝗥𝗔𝗬 𝗔𝗡𝗝𝗔𝗥𝗔 𝗙𝗘𝗡𝗢 𝗜𝗥𝗘𝗢 𝗠𝗣𝗜𝗔𝗥𝗔-𝗠𝗜𝗔𝗦𝗔 𝗩𝗘𝗛𝗜𝗩𝗔𝗩𝗬 𝗘𝗧𝗢 𝗔𝗠𝗜𝗡'𝗡𝗬 𝗔𝗡𝗧𝗘𝗡𝗜𝗠𝗜𝗘𝗥𝗔𝗡𝗗𝗢𝗛𝗢𝗟𝗢𝗡𝗔

🗓️Tafiditra tao anatin'ireo hetsika fanamarihana ny "𝑨𝒏𝒅𝒓𝒐 𝒊𝒓𝒂𝒊𝒔𝒂𝒎-𝒑𝒊𝒓𝒆𝒏𝒆𝒏𝒂 𝒉𝒐 𝒂𝒏'𝒏𝒚 𝒛𝒐𝒏'𝒏𝒚 𝑽𝒆𝒉𝒊𝒗𝒂𝒗𝒚" izay ankalazaina isaky ny faha-valon'ny volana marsa, ireo Tompon'andraikitra ambony vehivavy sy ny solontenan'ireo mpiara-miasa vehivavy eto anivon'ny Antenimierandoholona, notarihan-dRamatoa 𝑵𝑫𝑹𝑬𝑴𝑨𝑵𝑱𝑨𝑹𝒀 𝑱𝑼𝑳𝑬𝑺 𝑹𝒐𝒔𝒆𝒍𝒊𝒏𝒆, vadin'Andriamatoa 𝑵𝑫𝑹𝑬𝑴𝑨𝑵𝑱𝑨𝑹𝒀 𝑱𝒆𝒂𝒏 𝑨𝒏𝒅𝒓é, Filohan'ny Antenimierandoholona mpisolo toerana, dia nandray anjara tamin'ny :

🌳𝒇𝒂𝒎𝒃𝒐𝒍𝒆𝒏-𝒌𝒂𝒛𝒐 natao ny zoma faha 6 marsa 2026 teny amin'ny 𝒌𝒂𝒐𝒎𝒊𝒏𝒊𝒏𝒂 𝒂𝒎𝒃𝒂𝒏𝒊𝒗𝒐𝒉𝒊𝒕𝒓'𝒊 𝑻𝒂𝒍𝒂𝒕𝒂 𝑽𝒐𝒍𝒐𝒏𝒐𝒏𝒅𝒓𝒚, Distrikan'Antananarivo Avaradrano ;

sy tamin'ny :

👯‍♀️𝒅𝒊𝒂𝒃𝒆𝒏'𝒏𝒚 𝒇𝒂𝒏𝒅𝒓𝒆𝒔𝒆𝒏𝒂 manodidina ny farihin'Anosy natao ny alahady faha 8 marsa 2026, ivon'ny fankalazana ;

🫶Ireo hetsika rehetra dia teo ambany fitarihan-dRamatoa 𝑹𝑨𝑵𝑫𝑹𝑰𝑨𝑵𝑰𝑹𝑰𝑵𝑨 𝑬𝒍𝒊𝒔𝒂, vadin'Andriamatoa Filohan'ny Fanavaozana ny Repoblikan'i Madagasikara, ny kolonely 𝑹𝑨𝑵𝑫𝑹𝑰𝑨𝑵𝑰𝑹𝑰𝑵𝑨 𝑴𝒊𝒄𝒉𝒂ë𝒍, ary nandraisan'ireo vehivavy avy amin'ny Andrimpanjakana, Minisitera, Sampandraharaham-panjakana isan-tsokajiny, ny solontenan'ireo Vehivavy avy amin'ny Faritra 24 manerana ny Nosy, ary ireo fikambanam-behivavy samihafa anjara.

"𝙽𝚢 𝚅𝚎𝚑𝚒𝚟𝚊𝚟𝚢 𝚖𝚊𝚕𝚊𝚐𝚊𝚜𝚢, 𝚑𝚎𝚛𝚢 𝚒𝚛𝚊𝚢 𝚑𝚘 𝚊𝚗'𝚗𝚢 𝙵𝚊𝚗𝚊𝚟𝚊𝚘𝚣𝚊𝚗𝚊 𝚗𝚢 𝙵𝚒𝚛𝚎𝚗𝚎𝚗𝚊".

𝐍𝐀𝐍𝐎𝐋𝐎𝐓𝐑𝐀 𝐋𝐄𝐋𝐀𝐕𝐎𝐋𝐀 𝐌𝐈𝐓𝐄𝐍𝐓𝐈𝐍𝐀 𝟏𝟎 𝟎𝟎𝟎 𝟎𝟎𝟎 𝐀𝐑𝐈𝐀𝐑𝐘 𝐇𝐎 𝐀𝐍'𝐈𝐑𝐄𝐎 𝐓𝐑𝐀𝐁𝐎𝐈𝐍𝐀 𝐕𝐎𝐊𝐀𝐓𝐑𝐘 𝐍𝐘 𝐅𝐀𝐍𝐃𝐀𝐋𝐎𝐕𝐀𝐍'𝐍𝐘 𝐑𝐈𝐕𝐎𝐃𝐎𝐙𝐀 𝐆𝐄𝐙𝐀𝐍𝐈 𝐀𝐍𝐃𝐑𝐈𝐀𝐌𝐀𝐓𝐎𝐀 𝐅𝐈𝐋𝐎𝐇𝐀𝐍'𝐍𝐘 𝐀𝐍𝐓𝐄𝐍𝐈𝐌𝐈𝐄𝐑𝐀𝐍𝐃𝐎𝐇𝐎𝐋𝐎𝐍𝐀 𝐌𝐏𝐈𝐒𝐎𝐋𝐎 𝐓𝐎𝐄𝐑𝐀𝐍𝐀 𝐌𝐈𝐀𝐍𝐀𝐊𝐀𝐕𝐘
‎
‎🙏Ho famaliana ny antso avo nataon'ny Filohan'ny Fanavaozana ny Repoblikan'i Madagasikara, Andriamatoa kolonely 𝑹𝑨𝑵𝑫𝑹𝑰𝑨𝑵𝑰𝑹𝑰𝑵𝑨 𝑴𝒊𝒄𝒉𝒂ë𝒍, ny amin'ny tokony hifanomezana tànana ho fanohanana an'ireo mpiray Tanindrazana any amin'ny Faritanin'i Toamasina, traboina vokatry ny fandalovan'ny rivo-doza 𝑮𝒆𝒛𝒂𝒏𝒊, dia tonga nanolotra fanampiana teny amin'ny 𝑩𝑵𝑮𝑹𝑪 Antanimora, Andriamatoa 𝑵𝑫𝑹𝑬𝑴𝑨𝑵𝑱𝑨𝑹𝒀 𝑱𝒆𝒂𝒏 𝑨𝒏𝒅𝒓é, Filohan'ny Antenimierandoholona mpisolo toerana sy Ramatoa Vadiny, ny alakamisy 12 febroary 2026.
‎
‎✉️Lelavola mitentina 10 000 000 Ariary no natolotr'izy ireo tamin'izany, tamin'ny anaran'ny fianakaviana 𝑵𝑫𝑹𝑬𝑴𝑨𝑵𝑱𝑨𝑹𝒀 𝑱𝒆𝒂𝒏 𝑨𝒏𝒅𝒓é.
‎
‎🫶Araka ny Tenin'ny Soratra Masina ao amin'ny I Korintiana 13 : 13 manao hoe: "𝑨𝒓𝒚 𝒂𝒏𝒌𝒆𝒉𝒊𝒕𝒓𝒊𝒏𝒚 𝒅𝒊𝒂 𝒊𝒓𝒆𝒕𝒐 𝒕𝒆𝒍𝒐 𝒊𝒓𝒆𝒕𝒐 𝒏𝒐 𝒎𝒊𝒕𝒐𝒆𝒕𝒓𝒂: 𝒏𝒚 𝒇𝒊𝒏𝒐𝒂𝒏𝒂, 𝒏𝒚 𝒇𝒂𝒏𝒂𝒏𝒕𝒆𝒏𝒂𝒏𝒂, 𝒏𝒚 𝒇𝒊𝒕𝒊𝒂𝒗𝒂𝒏𝒂: 𝒇𝒂 𝒏𝒚 𝒇𝒊𝒕𝒊𝒂𝒗𝒂𝒏𝒂 𝒏𝒐 𝒍𝒆𝒉𝒊𝒃𝒆 𝒂𝒎𝒊𝒏'𝒊𝒓𝒆𝒐." hoy Andriamatoa Filohan'ny Antenimierandoholona mpisolo toerana, dia natao izao vonjy ranovaky izao ho fanehoana fitiavana sy firaisam-po eo amin'ny samy mpiray Tanindrazana.
‎
‎📌Marihana fa efa nanolotra fanampiana ho an'ireo mponina any amin'ny Faritanin'i Mahajanga, traboina vokatry ny fandalovan'ny rivo-doza 𝑭𝒚𝒕𝒊𝒂 ihany koa ny fianakaviamben'ny Antenimierandoholona ny herinandro lasa teo.

𝗙𝗔𝗡𝗔𝗡𝗚𝗔𝗡𝗔𝗡-𝗧𝗦𝗔𝗜𝗡𝗔 𝗧𝗘𝗧𝗢 𝗔𝗠𝗜𝗡'𝗡𝗬 𝗔𝗡𝗧𝗘𝗡𝗜𝗠𝗜𝗘𝗥𝗔𝗡𝗗𝗢𝗛𝗢𝗟𝗢𝗡𝗔.
‎
🇲🇬Nanatanteraka fananganan-tsaina teo ambany fitarihan'Andriamatoa Sekretera Jeneraly, 𝑹𝑨𝑵𝑫𝑹𝑰𝑨𝑵𝑻𝑰𝑨𝑵𝑨 𝑱𝒆𝒂𝒏 𝑪𝒉𝒂𝒓𝒍𝒊𝒏, ny mpiara-miasa eto anivon'ny Antenimierandoholona ny alatsinainy 09 febroary 2026.
‎
📌‎Teboka roa lehibe no nisongadina nandritra ny fandraisam-pitenenan'Andriamatoa Sekretera Jeneraly:
‎1️⃣famelabelarana ny maha zava-dehibe ny fisian'ny Antenimierandoholona eto Madagasikara. Isan'ny andraikitra mampiavaka ny Antenimierandoholona hoy izy ny fisoloan-tena ny Vondrom-bahoakam-paritra Itsinjaram-pahefana sy ny Vondron-draharaha ara-tsosialy sy ara-toekarena. Araka izany dia miara-miasa akaiky amin'ireo Tompon'andraikitra eny ifotony izay antoka mampisy ny fampandrosoana ity Andrimpanjakana ity.
‎
‎2️⃣famelabelarana ireo lamina vaovao ho apetraka ho fanatsarana sy fandrindrana ny fomba fiasa eto anivon'ny Antenimierandoholona.
‎
👉‎Marihana fa ireo mpiara-miasa dia manatanteraka hatrany ny asa fanao andavanandro.

𝗙𝗜𝗞𝗔𝗢𝗡𝗔𝗡𝗗𝗢𝗛𝗔𝗡'𝗡𝗬 𝗭𝗔𝗡𝗗𝗔𝗥𝗜𝗠𝗔𝗥𝗜𝗔𝗠-𝗣𝗜𝗥𝗘𝗡𝗘𝗡𝗔
‎
‎🖇️Tonga nanome voninahitra ny lanonam-panokafana tamin'ny fomba ofisialy ny "𝑭𝒊𝒌𝒂𝒐𝒏𝒂𝒏𝒅𝒐𝒉𝒂𝒎-𝒑𝒊𝒓𝒆𝒏𝒆𝒏𝒂 𝒉𝒐 𝒇𝒂𝒏𝒂𝒗𝒂𝒐𝒛𝒂𝒏𝒂 𝒏𝒚 𝒁𝒂𝒏𝒅𝒂𝒓𝒊𝒎𝒂𝒓𝒊𝒂𝒎-𝒑𝒊𝒓𝒆𝒏𝒆𝒏𝒂" na ny "𝑨𝒔𝒔𝒊𝒔𝒆𝒔 𝒑𝒐𝒖𝒓 𝒍𝒂 𝒓𝒆𝒇𝒐𝒏𝒅𝒂𝒕𝒊𝒐𝒏 𝒅𝒆 𝒍𝒂 𝑮𝒆𝒏𝒅𝒂𝒓𝒎𝒆𝒓𝒊𝒆 𝑵𝒂𝒕𝒊𝒐𝒏𝒂𝒍𝒆" Andriamatoa 𝑵𝑫𝑹𝑬𝑴𝑨𝑵𝑱𝑨𝑹𝒀 𝑱𝒆𝒂𝒏 𝑨𝒏𝒅𝒓é, Filohan'ny Antenimierandoholona mpisolo toerana.
‎
‎👉Teny amin'ny 𝑪𝑪𝑰 𝑰𝒗𝒂𝒕𝒐 no nanatanterahana izany ny alatsinainy 09 febroary 2026, teo ambany fiahian'Andriamatoa kolonely 𝑹𝑨𝑵𝑫𝑹𝑰𝑨𝑵𝑰𝑹𝑰𝑵𝑨 𝑴𝒊𝒄𝒌𝒂ë𝒍, Filohan'ny Fanavaozana ny Repoblikan'i Madagasikara.
‎
‎📌Atao izao fikaonandoha izao ho fakan-kevitra amin'ny fanavaozana sy fanatsarana hatrany ny fomba fiasa eo anivon'ny Zandarimariam-pirenena, hamerenana indray ny fitokisan’ny vahoaka, ary hametrahana fandriam-pahalemana maharitra mba hanompoana ny Firenena.
‎
‎

𝗡𝗔𝗡𝗢𝗟𝗢𝗧𝗥𝗔 𝗙𝗔𝗡𝗔𝗠𝗣𝗜𝗔𝗡𝗔 𝗛𝗢 𝗔𝗡'𝗜𝗥𝗘𝗢 𝗧𝗥𝗔𝗕𝗢𝗜𝗡𝗔 𝗩𝗢𝗞𝗔𝗧𝗥𝗬 𝗡𝗬 𝗙𝗔𝗡𝗗𝗔𝗟𝗢𝗩𝗔𝗡'𝗡𝗬 𝗥𝗜𝗩𝗢𝗗𝗢𝗭𝗔 𝗙𝗬𝗧𝗜𝗔 𝗡𝗬 𝗧𝗘𝗧𝗢 𝗔𝗡𝗜𝗩𝗢𝗡'𝗡𝗬 𝗔𝗡𝗧𝗘𝗡𝗜𝗠𝗜𝗘𝗥𝗔𝗡𝗗𝗢𝗛𝗢𝗟𝗢𝗡𝗔
‎
‎🫶Ho fanehoana firaisan-kina amin'ireo mpiray Tanindrazana any amin'ny Faritanin'i Mahajanga, traboina vokatry ny fandalovan'ny rivo-doza Fytia, dia niara-nientana ny fianakaviamben'ny Antenimierandoholona nanangona izay voatsirambin'ny tanana, ary nanolotra izany teny amin'ny 𝑩𝑵𝑮𝑹𝑪 Antanimora androany zoma 06 febroary 2026.
‎
‎👉Andriamatoa 𝑵𝑫𝑹𝑬𝑴𝑨𝑵𝑱𝑨𝑹𝒀 𝑱𝒆𝒂𝒏 𝑨𝒏𝒅𝒓é, Filohan'ny Antenimierandoholona mpisolo toerana, niaraka tamin'ireo Tompon'andraikitra ambony eto anivon'ny Antenimierandoholona no tonga teny an-toerana nisolo tena ny mpiara-miasa rehetra nanolotra ny fanampiana, izay nahitana vary 10 gony.
‎
‎🎤"𝑺𝒐𝒂𝒕𝒐𝒂𝒗𝒊𝒏𝒂 𝒎𝒂𝒍𝒂𝒈𝒂𝒔𝒚 𝒏𝒚 𝒎𝒊𝒇𝒂𝒏𝒂𝒎𝒑𝒚 𝒔𝒚 𝒎𝒊𝒓𝒂𝒚 𝒉𝒊𝒏𝒂 𝒂𝒓𝒚 𝒎𝒊𝒇𝒂𝒏𝒐𝒎𝒆 𝒕𝒂𝒏𝒂𝒏𝒂 𝒂𝒏𝒂𝒕𝒊𝒏'𝒏𝒚 𝒇𝒐𝒕𝒐𝒂𝒏-𝒕𝒔𝒂𝒓𝒐𝒕𝒓𝒂" hoy Andriamatoa Filohan'ny Antenimierandoholona mpisolo toerana, antony indrindra nanaovana izao vonjy ranovaky izao.
‎
‎🙏Andriamatoa jeneraly 𝑹𝑨𝑴𝑨𝑵𝑨𝑵𝑻𝑺𝑶𝑨 𝑮𝒂𝒃𝒓𝒊𝒆𝒍, Tale Jeneralin'ny 𝑩𝑵𝑮𝑹𝑪 no nandray ny fanampiana sy nitondra ny teny fisaorana sy fankasitrahana. Nampanantena moa izy fa ho mangarahara tanteraka ny fitsinjarana ireo fanampiana, ary hisy ny tatitra ho atao amin'ny Antenimierandoholona ho fampahafantarana an'ireo nisitraka izany.

𝗙𝗔𝗡𝗔𝗡𝗚𝗔𝗡𝗔𝗡-𝗧𝗦𝗔𝗜𝗡𝗔 𝗧𝗘𝗧𝗢 𝗔𝗠𝗜𝗡'𝗡𝗬 𝗔𝗡𝗧𝗘𝗡𝗜𝗠𝗜𝗘𝗥𝗔𝗡𝗗𝗢𝗛𝗢𝗟𝗢𝗡𝗔
‎
‎🇲🇬Fananganan-tsaina voalohany ho an'ny taona vaovao 2026 niarahan'ireo mpiara-miasa rehetra eto amin'ny Antenimierandoholona tamin'Andriamatoa 𝑵𝑫𝑹𝑬𝑴𝑨𝑵𝑱𝑨𝑹𝒀 𝑱𝒆𝒂𝒏 𝑨𝒏𝒅𝒓é, Filohan'ny Antenimierandoholona mpisolo toerana, no notanterahana teto amin'ny Lapan'Anosikely androany alatsinainy 02 febroary 2026.
‎
‎📌Teboka telo no nisongadina nandritra ny fandraisam-pitenenan'Andriamatoa Filohan'ny Antenimierandoholona mpisolo toerana :
‎
‎1️⃣tatitry ny fihaonany tamin'ireo delegasionina avy amin'ny 𝑺𝑨𝑫𝑪 sy avy amin'ny 𝑽𝒐𝒏𝒅𝒓𝒐𝒏𝒂 𝑨𝒇𝒓𝒊𝒌𝒂𝒏𝒊𝒏𝒂 izay samy nanatanteraka fitsidihana ara-pomba fanajana teto amin'ny Lapan'Anosikely ny herinandro lasa teo ;
‎
‎2️⃣fanaovana tolo-tanana ho fanampiana ireo traboina vokatry ny fandalovan'ny rivo-doza 𝑭𝒚𝒕𝒊𝒂. Atao izany hoy izy ho fanehoana fa " 𝒏𝒚 𝑴𝒂𝒍𝒂𝒈𝒂𝒔𝒚 𝒅𝒊𝒂 𝒎𝒊𝒓𝒂𝒚 𝒉𝒊𝒏𝒂 𝒔𝒚 𝒎𝒊𝒇𝒂𝒏𝒐𝒉𝒂𝒏𝒂 𝒉𝒂𝒕𝒓𝒂𝒏𝒚, 𝒊𝒏𝒅𝒓𝒊𝒏𝒅𝒓𝒂 𝒂𝒏𝒂𝒕𝒚 𝒂𝒅𝒚 𝒔𝒂𝒓𝒐𝒕𝒓𝒂" ;
‎
‎3️⃣fanentanana ny mpiara-miasa rehetra hifankatia sy hiara-hientana hatrany amin'ny fanantanterahana ny asa aman'andraikitra manandrify ny tsirairay.

𝗙𝗹𝗧𝗦𝗜𝗗𝗜𝗛𝗔𝗡𝗔 𝗔𝗥𝗔-𝗣𝗢𝗠𝗕𝗔 𝗙𝗔𝗡𝗔𝗝𝗔𝗡𝗔 𝗡𝗔𝗧𝗔𝗢𝗡'𝗡𝗬 𝗗𝗘𝗟𝗘𝗚𝗔𝗦𝗜𝗢𝗡𝗜𝗡𝗔 𝗔𝗩𝗬 𝗔𝗠𝗜𝗡'𝗡𝗬 𝗩𝗢𝗡𝗗𝗥𝗢𝗡𝗔 𝗔𝗙𝗥𝗜𝗞𝗔𝗡𝗜𝗡𝗔 𝗧𝗘𝗧𝗢 𝗔𝗠𝗜𝗡'𝗡𝗬 𝗔𝗡𝗧𝗘𝗡𝗜𝗠𝗜𝗘𝗥𝗔𝗡𝗗𝗢𝗛𝗢𝗟𝗢𝗡𝗔
‎
📆‎Noraisin'Andriamatoa 𝑵𝑫𝑹𝑬𝑴𝑨𝑵𝑱𝑨𝑹𝒀 𝑱𝒆𝒂𝒏 𝑨𝒏𝒅𝒓é, Filohan'ny Antenimierandoholona mpisolo toerana, teto amin'ny Lapan'Anosikely ny zoma faha 30 janoary 2026, ny delegasionina avy amin'ny Vondrona Afrikana izay notarihan'Andriamatoa 𝑴𝒐𝒉𝒂𝒎𝒆𝒅 𝑰𝒅𝒓𝒊𝒔𝒔 𝑭𝒂𝒓𝒂𝒉, iraka manokan'ny Filohan'ny Vaomieran'ny Vondrona Afrikana.
‎
📌‎Isan'ny antondian'izy ireo ny hijery ny fivoaran'ny toe-draharaha eto Madagasikara, izay sokajian'izy ireo sahady ho "𝒎𝒊𝒗𝒐𝒂𝒕𝒓𝒂 𝒂𝒓𝒚 𝒎𝒊𝒛𝒐𝒕𝒓𝒂 𝒂𝒓𝒂𝒌𝒂 𝒏𝒚 𝒕𝒐𝒌𝒐𝒏𝒚 𝒉𝒐 𝒊𝒛𝒚", araka ny nambaran'Andriamatoa Mohamed Idriss Farah.

🖇️Nanamafy izany ihany koa Andriamatoa Filohan'ny Antenimierandoholona mpisolo toerana tetsy ankilany. Manaporofo izany hoy izy ny fisian'ny fikaonandoham-pirenena ho fakan-kevitra amin'ny vahoaka malagasy, mba hahafahana mamoaka fehin-kevitra matanjaka sy mafonja mialohan'ny fanovan-drafitra sy ny fanovana Lalam-panorenana. Nohamafisiny fa ny tanjona dia ny hahafahana manatanteraka "𝒇𝒊𝒇𝒊𝒅𝒊𝒂𝒏𝒂𝒏𝒂 𝒎𝒂𝒅𝒊𝒐, 𝒎𝒂𝒏𝒈𝒂𝒉𝒂𝒓𝒂𝒉𝒂𝒓𝒂 𝒂𝒓𝒚 𝒆𝒌𝒆𝒏'𝒏𝒚 𝒓𝒆𝒉𝒆𝒕𝒓𝒂", ka voalohany amin'izany ny fifidianana Filoham-pirenena.

🔗Ankoatra izay dia nambaran'Andriamatoa Filohan'ny Antenimierandoholona fa "𝒏𝒚 𝒇𝒊𝒂𝒏𝒂𝒌𝒂𝒗𝒊𝒂𝒎𝒃𝒆𝒏'𝒏𝒚 𝑨𝒏𝒕𝒆𝒏𝒊𝒎𝒊𝒆𝒓𝒂𝒏𝒅𝒐𝒉𝒐𝒍𝒐𝒏𝒂 𝒅𝒊𝒂 𝒊𝒔𝒂𝒏'𝒏𝒚 𝒎𝒂𝒏𝒅𝒓𝒂𝒚 𝒂𝒏𝒋𝒂𝒓𝒂 𝒇𝒆𝒏𝒐 𝒂𝒎𝒊𝒏'𝒏𝒚 𝒇𝒊𝒌𝒂𝒐𝒏𝒂𝒏𝒅𝒐𝒉𝒂𝒎-𝒑𝒊𝒓𝒆𝒏𝒆𝒏𝒂 𝒉𝒐 𝒇𝒂𝒏𝒅𝒓𝒂𝒊𝒔𝒂𝒏𝒂 𝒂𝒏𝒋𝒂𝒓𝒂 𝒂𝒎𝒊𝒏'𝒏𝒚 𝒇𝒂𝒎𝒑𝒂𝒏𝒅𝒓𝒐𝒔𝒐𝒂𝒏𝒂 𝒂𝒏'𝒊 𝑴𝒂𝒅𝒂𝒈𝒂𝒔𝒊𝒌𝒂𝒓𝒂".

🙏Nilaza moa ny delegasionina fa zava-dehibe tamin'izy ireo ny fihaonana tamin'Andriamatoa Filohan'ny Antenimierandoholona mpisolo toerana, ankoatran'ny fihaonana amin'ireo Tompon'andraikitra ambony sy ankolafinkery samihafa. Hisy araka izany ny tatitra ho ataon'izy ireo amin'ireo Filoham-panjakana anatin'ny Vondrona Afrikanina mandritra ny "𝑺𝒐𝒎𝒎𝒆𝒕 𝒅𝒆 𝒍'𝑼𝒏𝒊𝒐𝒏 𝑨𝒇𝒓𝒊𝒄𝒂𝒊𝒏𝒆" izay hotanterahana ny herinandro ho avy izao.
‎
⏭️Marihana fa efa nisy ny fihaonana teo amin'Andriamatoa Filohan'ny Antenimierandoholona mpisolo toerana sy ny delegasionina avy amin'ny Vondrona Afrikanina ny 11 novambra 2025 lasa teo.

𝗙𝗜𝗛𝗔𝗢𝗡𝗔𝗡𝗔 𝗧𝗘𝗢 𝗔𝗠𝗜𝗡'𝗔𝗡𝗗𝗥𝗜𝗔𝗠𝗔𝗧𝗢𝗔 𝗙𝗜𝗟𝗢𝗛𝗔𝗡'𝗡𝗬 𝗔𝗡𝗧𝗘𝗡𝗜𝗠𝗜𝗘𝗥𝗔𝗡𝗗𝗢𝗛𝗢𝗟𝗢𝗡𝗔 𝗠𝗣𝗜𝗦𝗢𝗟𝗢 𝗧𝗢𝗘𝗥𝗔𝗡𝗔 𝗦𝗬 𝗔𝗡𝗗𝗥𝗜𝗔𝗠𝗔𝗧𝗢𝗔 𝗣𝗥𝗔𝗜𝗠𝗜𝗡𝗜𝗦𝗧𝗥𝗔 𝗟𝗘𝗛𝗜𝗕𝗘𝗡'𝗡𝗬 𝗚𝗢𝗩𝗘𝗥𝗡𝗘𝗠𝗔𝗡𝗧𝗔
‎
‎📆Ny asabotsy 24 janoary 2026 dia nisy ny fihaonana narahana dinik'asa teo amin'Andriamatoa 𝑵𝑫𝑹𝑬𝑴𝑨𝑵𝑱𝑨𝑹𝒀 𝑱𝒆𝒂𝒏 𝑨𝒏𝒅𝒓é, Filohan'ny Antenimierandoholona mpisolo toerana, sy Andriamatoa 𝑹𝑨𝑱𝑨𝑶𝑵𝑨𝑹𝑰𝑽𝑬𝑳𝑶 𝑯𝒆𝒓𝒊𝒏𝒕𝒔𝒂𝒍𝒂𝒎𝒂, Praiminisitra Lehiben’ny Governemanta.
‎
‎🖇️Fotoana iray izay nahafahana niresaka ireo paikady entina manatsara ny fitantanan-draharaha ankapobeny eto amin'ny Antenimierandoholona.
‎

𝗙𝗜𝗛𝗔𝗢𝗡𝗔𝗡𝗔 𝗧𝗘𝗢 𝗔𝗠𝗜𝗡'𝗔𝗡𝗗𝗥𝗜𝗔𝗠𝗔𝗧𝗢𝗔 𝗙𝗜𝗟𝗢𝗛𝗔𝗡'𝗡𝗬 𝗔𝗡𝗧𝗘𝗡𝗜𝗠𝗜𝗘𝗥𝗔𝗡𝗗𝗢𝗛𝗢𝗟𝗢𝗡𝗔 𝗠𝗣𝗜𝗦𝗢𝗟𝗢 𝗧𝗢𝗘𝗥𝗔𝗡𝗔 𝗦𝗬 𝗡𝗬 𝗗𝗘𝗟𝗘𝗚𝗔𝗦𝗜𝗢𝗡𝗜𝗡𝗔 𝗔𝗩𝗬 𝗔𝗠𝗜𝗡'𝗡𝗬 𝗦𝗔𝗗𝗖 𝗜𝗭𝗔𝗬 𝗠𝗔𝗠𝗜𝗧𝗔 𝗜𝗥𝗔𝗞𝗔 𝗢𝗙𝗜𝗦𝗜𝗔𝗟𝗬 𝗘𝗧𝗢 𝗠𝗔𝗗𝗔𝗚𝗔𝗦𝗜𝗞𝗔𝗥𝗔
‎
‎📆Noraisin'Andriamatoa 𝑵𝑫𝑹𝑬𝑴𝑨𝑵𝑱𝑨𝑹𝒀 𝑱𝒆𝒂𝒏 𝑨𝒏𝒅𝒓é, Filohan'ny Antenimierandoholona mpisolo toerana, teto amin'ny Lapan'Anosikely ny alarobia faha 28 janoary 2026, ny delegasionina avy amin'ny 𝑺𝑨𝑫𝑪 izay mamita iraka ofisialy eto Madagasikara amin'izao fotoana izao.
‎
‎👉𝑫𝒓 𝑱𝒐𝒚𝒄𝒆 𝑩𝑨𝑵𝑫𝑨, Filohan'ny Repoblikan'i Malawi teo aloha, no nitarika ny delegasiona izay nahitana mpikambana miisa roa ao amin'ny Vondrona mpanoro hevitra ho an’ny fanelanelanana (𝑮𝒓𝒐𝒖𝒑𝒆 𝒅𝒆 𝒓é𝒇é𝒓𝒆𝒏𝒄𝒆 𝒑𝒐𝒖𝒓 𝒍𝒂 𝒎é𝒅𝒊𝒂𝒕𝒊𝒐𝒏), ny Talen'ny Vondron'ny fiaraha-miasa misahana ny lafiny politika sy fiarovana ary fandriam-pahalemana, ary mpikambana vitsivitsy eo anivon'ny Sekretarian'ny 𝑺𝑨𝑫𝑪.
‎
‎📌Tonga eto Madagasikara ny « 𝑪𝒐𝒎𝒊𝒕é 𝒅𝒆𝒔 𝑺𝒂𝒈𝒆𝒔 » anatin’ny 𝑺𝑨𝑫𝑪, araka ny fanapahan-kevitra noraisina nandritra ny fivoriana tsy ara-potoana niarahan’ireo Filoham-pirenena sy Filoham-panjakana anatin’ny Vondrona 𝑺𝑨𝑫𝑪 natao ny 17 desambra 2025, mba hanao fakan-kevitra sy fiaraha-midinika amin’ireo Tompon’andraikitra ambony sy ireo ankolafinkery samihafa, ka isan'izany Andriamatoa Filohan'ny Antenimierandoholona mpisolo toerana.
‎
‎🙏Nankasitraka tamin'ny fahatongavan'ny delegasionina avy amin'ny 𝑺𝑨𝑫𝑪 teto amin'ny Lapan'Anosikely Andriamatoa Filohan'ny Antenimierandoholona mpisolo toerana. Efa miroso sy mizotra mankany amin'ny fanomanana ny tanjona iraisana, dia ny fanatanterahana ny fifidianana Filoham-pirenena ny eto Madagasikara amin'izao fotoana izao hoy izy. "𝑭𝒊𝒇𝒊𝒅𝒊𝒂𝒏𝒂𝒏𝒂 𝒎𝒂𝒍𝒂𝒍𝒂𝒌𝒂, 𝒎𝒂𝒏𝒈𝒂𝒓𝒂𝒉𝒂𝒓𝒂, 𝒂𝒓𝒚 𝒆𝒌𝒆𝒏'𝒏𝒚 𝒓𝒆𝒉𝒆𝒕𝒓𝒂" no tanjona. Araka izany dia tsy tokony tanterahana anaty amehana izany, indrindra ny fanatanterahana ny fikaonandoham-pirenena, ny fanovan-drafitra ary ny fanovana Lalam-panorenana, hoy hatrany izy. Nantitranteriny hatrany fa tsy nisy fanonganam-panjakana teto Madagasikara, fa fitakiana zo fototra no nataon'ireo tanora nidina an-dalambe, ka nahatonga ireo Miaramila nandray fanapahan-kevitra tamin'ny famahana ny olana.
‎
‎🖇️Ankoatra izay dia notsindriany manokana ireo andraikitra mampiavaka ny Antenimierandoholona ankoatra ny maha Andrimpanjakana mpanao Lalàna azy, sy ny antony lehibe tokony hisian'ity Andrimpanjakana ity eto amin'ny firenena.
‎
‎🔗Ny delegasionina avy amin'ny 𝑺𝑨𝑫𝑪 kosa tetsy ankilany dia nanamafy ny fahavononan’ny vondrona 𝑺𝑨𝑫𝑪 hanohana sy hanampy ho an’i Madagasikara amin’ireo dingana ho fanavaozana ny rafitra misy eto amin'ny firenena. Tsy tonga hanapa-kevitra izy ireo araka ny nambaran'ny mpitarika ny delegasionina, fa kosa tonga hihaino, ary mbola hisy ny fotoana hiverenan'izy ireo eto Madagasikara hanolorana fehin-kevitra.