DRCC Atsimo Atsinanana

𝙉𝙄𝙃𝘼𝙏𝙎𝘼𝙍𝘼 𝙉𝙔 𝙏𝙊𝙀𝙍𝘼𝙉𝘼 𝙈𝙄𝙎𝙔 𝘼𝙉’𝙄 𝙈𝘼𝘿𝘼𝙂𝘼𝙎𝙄𝙆𝘼𝙍𝘼 𝙀𝙊 𝘼𝙈𝙄𝙉’𝙉𝙔 𝙇𝘼𝙁𝙄𝙉𝙔 𝙁𝘼𝙃𝘼𝙇𝘼𝙇𝘼𝙃𝘼𝙉’𝙉𝙔 𝘼𝙎𝘼 𝙁𝘼𝙉𝘼𝙊𝙑𝘼𝙉-𝙂𝘼𝙕𝙀𝙏𝙔

𝗡𝗶𝗮𝗯𝗼 isa 𝟭𝟬 ny laharan'i Madagasikara amin'ny sehatry ny 𝗳𝗮𝗵𝗮𝗹𝗮𝗹𝗮𝗵𝗮𝗻'𝗻𝘆 𝗮𝘀𝗮 𝗳𝗮𝗻𝗮𝗼𝘃𝗮𝗻-𝗴𝗮𝘇𝗲𝘁𝘆 araky ny laharana maneran-tany navoakan'ny 𝘙𝘦𝘱𝘰𝘳𝘵𝘳𝘦𝘴 𝘚𝘢𝘯𝘴 𝘍𝘳𝘰𝘯𝘵𝘪𝘦̀𝘳𝘦𝘴 (RSF).
Eo amin’ny laharana 𝗳𝗮𝗵𝗮-𝟭𝟬𝟯 maneran-tany isika malagasy amin'ity taona 2026 ity raha teo amin’ny faha-113 ny taona 2025.
Tsiahivina fa ny teo alohan'izay dia niiba hatrany ny laharana misy an’i Madagasikara ny taona 2024 sy 2025. Nidina isa 13 ny taona 2025 ary nidina 13 koa ho an’ny 2024 noho ny endrika jadona teto amin'ny firenena.
Niady mafy ary tsy nanaiky ny antontan'isa navoakan'ny RSF ny mpitondra tamin'izany fotoana noho ny henatra. Marihina anefa fa antontan'isa ara-tsiantifika no avoakan'ny RSF ary misy mari-pandrefesana mazava tsara. Ankehitriny dia niakatra ny laharanan'i Madagasikara eo amin'ny sehatry ny 𝙛𝙖𝙝𝙖𝙡𝙖𝙡𝙖𝙝𝙖𝙣'𝙣𝙮 𝙢𝙥𝙖𝙣𝙖𝙤 𝙜𝙖𝙯𝙚𝙩𝙮. Niakatra laharana 𝟭𝟬 isika ary tsy nisy fandresen-dahatra na tsindry. Midika izany fa 𝗺𝗶𝘇𝗼𝘁𝗿𝗮 𝘁𝗮𝗻𝘁𝗲𝗿𝗮𝗸𝗮 𝗮𝗻𝘆 𝗮𝗺𝗶𝗻'𝗻𝘆 𝗳𝗮𝗵𝗮𝗹𝗮𝗹𝗮𝗵𝗮𝗻𝗮 𝗻𝘆 𝗮𝘀𝗮 𝗳𝗮𝗻𝗮𝗼𝘃𝗮𝗻-𝗴𝗮𝘇𝗲𝘁𝘆 𝗲𝘁𝗼 𝗠𝗮𝗱𝗮𝗴𝗮𝘀𝗶𝗸𝗮𝗿𝗮 ary isan'ny miady mafy amin'izany ny 𝘔𝘪𝘯𝘪𝘴𝘪𝘵𝘦𝘳𝘢𝘯’𝘯𝘺 𝘚𝘦𝘳𝘢𝘴𝘦𝘳𝘢 𝘴𝘺 𝘯𝘺 𝘒𝘰𝘭𝘰𝘯𝘵𝘴𝘢𝘪𝘯𝘢 amin’izao fotoana, izay nanao 𝗹𝗮𝗵𝗮𝗿𝗮𝗺-𝗽𝗮𝗵𝗮𝗺𝗲𝗵𝗮𝗻𝗮 𝗻𝘆 𝗳𝗮𝗻𝗶𝘁𝘀𝗶𝗮𝗻𝗮 𝘀𝘆 𝗳𝗮𝗻𝗮𝘁𝘀𝗮𝗿𝗮𝗻𝗮 𝗶𝗿𝗲𝗼 𝗹𝗮𝗹𝗮̀𝗻𝗮 𝗺𝗶𝗳𝗲𝗵𝘆 𝗻𝘆 𝘀𝗲𝗿𝗮𝘀𝗲𝗿𝗮 𝘀𝘆 𝗹𝗮𝗹𝗮̀𝗻𝗮 𝗺𝗶𝗮𝗿𝗼 𝗻𝘆 𝗺𝗽𝗮𝗻𝗮𝗼 𝗴𝗮𝘇𝗲𝘁𝘆 ka niarahana tamin’ny mpanao gazety ny fanatanterahana azy.
Hotohizana hatrany ny ezaka hanatsarana ny tontolon’ny asa fanaovan-gazety eto Madagasikara sy ny laharana misy an’i Madagasikara ao anatin’ny lalan-tsaina 𝒕𝒆𝒏𝒚 𝒊𝒇𝒂𝒎𝒑𝒊𝒆𝒓𝒂̀𝒏𝒂.

02 May 2026 | MANANJARY

📝 ANDRO FAHAROA AMIN’NY FANAMARIHANA NY ANDRO MANERAN-TANY HO AN’NY FAHALALAHAN’NY ASA FANAOVANAN-GAZETY

📰 Nitohizana tamin’ny fambolen-kazo teto Ampandimana, Fokontany Amboanato, Kaominina Ambanivohitra Mahatsara Sud, Distrikan’i Mananjary, ny fanamarihana ny andro maneran-tany ho an’ny fahalalahan’ny asa fanaovan-gazety ho an’ny Faritra Atsimon’i Madagasikara.

📰 Zanan-kazo miisa 200 no novelana tamin’izany, izay nahitana karazan-kazo « Filao » sy « Atafana », ho fiarovana sy hanomezana endrika ny morontsiraka.

📰 Velom-pisaorana sy fankasitrahana ny Ben’ny Tanàna sy ny Sefo Fokontany ary ny Ampanjaka eto an-toerana noho ny nisafidianan’ny Mpanao Gazety manokana an’ity toerana ity.

🗞️ FANKALAZANA NY ANDRO MANERAN-TANY HO AN’NY FAHALALAHAN’NY ASA FANAOVAN-GAZETY

📰 Natomboka ny androany Zoma 01 Mey 2026, ny Fankalazana ny andro maneran-tany ho an’ny fahalalahan’ny asa fanaovan-gazety ho an’ny faritra Atsimon’i Madagasikara, izay natao eto Mananjary renivohim-paritra Vatovavy, ka haharitra mandritran’ny telo (03) andro ny fanamarihana.

📰 Tamin’ny alalan’ny fitsidihana ireo toerana manan-tantara eto an-toerana no nisantarana an’izany, dia « VALAMENA », sy « AMBINAGNY », izay samy toerana fangatahan-tsodrano avokoa, ary nisy ihany Koa ny fifampizarana traikefa eo amin’ny samy mpanao gazety rehetra tonga.

📰 Ho an’ny solon-tenan’ny Mpanao Gazety Atsimo Atsinanana dia niaraka niatrika an’izany rehetra izany, izay tarihin’ny Talem-paritry ny Serasera sy ny Kolontsaina Atsimo Atsinanana Ramatoa RAZAFISIZA Suzie Antonela, sy ny C.R OJM Atsimo Atsinanana Andriamatoa RATOLOJANAHARY Frédéric.

📌 FARAFANGANA : FANKALAZANA NY ANDRO IRAISAM-PIRENENA HO AN’NY ASA

🔴 Noentina nanamarihana ny fankalazana ny andro iraisam-pirenena ho an’ny Asa teto Farafangana Faritra Atsimo Atsinanana, dia nanao soroka miara-milanja ireo solontenam-panjakana, ireo lehiben’ny sampan-draharaha miankina sy tsy miankina amin’ny Fanjakana, ny androany Zoma 01 Mey 2026, izay notarihin'ny Préfet n'i Farafangana Andriamatoa RAKOTONDRATSIMBA Masiaritovo Anthoni, sy ny eo anivon’ny Faritra Atsimo Atsinanana nosolan’ny Talen’ny raharaha sosialy Andriamatoa TATA SEMA Samuelson tena.

🔴 Nisy ny fiaraha-mientana, niara nifarimbona tamin'ny fanamboarana sy fanarenana amin'ny laoniny ny lalana eo Amboanio, izay isan’ny maha velon-taraina ny mponina, ka ny fitaleavam-paritry Asa vaventy Atsimo Atsinanana no nanao ny tahan-tsoroka ara-teknika, raha ny Fitaleavam-paritry ny Asa sy ny Fampanan’Asa ary ny Asam-panjakana Atsimo Atsinanana kosa no nitoto nahafotsy ity fotoana ity.

🔴 Fanombohana ihany izao, fa hiezaka hatrany amin'ny fanohizana ny asa hiombonana toy izao izy ireo mba ho fanavaozana tena marina hitondra amin'ny fampandrosoana.

📌 DISTRIKAN’I MIDONGY ATSIMO: TONTOLON’NY FANDRIAM-PAHALEMANA

🔻Mba hanatsarana ny tontolon'ny fandriam-pahalemana ato amin’ny Distrikan’i MIDONGY ATSIMO faritra Atsimo Atsinanana, dia misy ny fitetezana kaominina, tarihin'ny Solombavambahoakan'i Madagasikara voafidy teto Midongy Atsimo, Andriamatoa RATOLOJANAHARY ARSÈNE.

🔻Ka natomboka tamin’ny kaominina Maliorano izany ny anio Alarobia faha 29 Aprily 2026, nananganana ny « DINA TSY MAVANDY », izay dina iraisan'ny faritra Atsimo Atsinanana.

🔻Vita ary nilamina ny fanatanterahana izany, ny tanjona dia ny mba hisian’ny fandriam-pahalemana maharitra ato amin’ny Distrikan’i Midongy.

📌 ATRIK'ASA FAMARANANA AMIN’ NY FOMBA OFISIALY NY TETIK’ASA PROSAR SY FANAMBARANA AMIN’NY FOMBA OFISIALY NY FISOKAFAN’NY TETIK’ASA PROSAR MIVOATRY

🔴 Tontosa ny anio Alarobia faha, 29 Aprily 2026 teto Farafangana, ny fanakatonana amin’ny fomba ofisialy ny Tetik’asa PROSAR (Projet de Sécurité Alimentaire, Nutrition et Renforcement de la Résilience), izay nanomboka ny taona 2019.

🔴 Distrika telo (03) tato amin’ny Faritra Atsimo Atsinanana no nisitraka an’izany, dia Farafangana, Vangaindrano ary Vondrozo, izay nahitana Kaominina miisa 24. Ity tetik’asa ity izay nifantoka tanteraka tamin’ny ady amin’ny tsy fanjarian-tsakafo, sy fanampiana ireo tokantrano maro ho modely eo anivon’ny fiarahamonina.

🔴 Nisy araka izany ny fanehoana ireo asa vita, ka taorian’izany no nizarana marim-pankasitrahana ho an’ireo mpiofana miisa 24.

🔻 Tapitra ny tetik'asa PROSAR, ary misokatra amin’ ny fomba ofisialy kosa ny Tetik’asa vaovao
« PROSAR MIVOATRY », izay hanohy ny asa indray anatin'ny 3 taona, ato Amin’ny Distrakan’i Farafangana, Vangaindrano ary Vondrozo.

🔴 Izany rehetra izany dia notronin’ireo solontenam-panjakana eto Farafangana, ny Sekretera Jeneraly eo anivon’ny Faritra Atsimo Atsinanana Andriamatoa RASOLOMAMPIONONA Emmanuel, ny Tale kabinetran’ny Faritra Atsimo Atsinanana Kolonely MAROROKY, Ny Lefitry ny Lehiben’ny Distrikan’i Farafangana Andriamatoa HAJA Sébastien, ny Lehiben’ny Distrikan’i Vondrozo ANDRIAMAHAVOTRA ANTOINE MARIE Zacharie, Ireo Assistant Parlementaire, ireo Talem-paritra, Ireo Ben’ny Tanàna, ary ireo Ampanjaka.

Arahabaina ny 𝗥𝗡𝗠 nahatratra ny 𝗳𝗮𝗵𝗮-𝟵𝟱 𝘁𝗮𝗼𝗻𝗮𝗻𝘆 androany 𝟮𝟵 𝗮𝗽𝗿𝗶𝗹𝘆 2026

📌 FIAHIANA ARA-SOSIALY

ATRIK’ASA MIKASIKA NY TETIK’ASA ZARA MIRA

🔵 Notanterahina ny omaly Talata faha 28 Aprily 2026 teto Vondrozo, ny atrik'asa ho fanatsarana ny fandrindrana ny Tetik'asa ZARA MIRA ato anatin'ny Distrikan'i Vondrozo izay ahitana kaominina 07 dia ny kaominina Vondrozo, Andoharano, Mahatsinjo, Anandravy, Manambidala, Ambodirano, Ary Vohimary Atsimo.

🔵 Tonga nanatrika izany ny Préfet n'i Farafangana Andriamatoa RAKOTONDRATSIMBA Masiaritovo Anthony, ny Lehiben'ny Faritra Atsimo Atsinanana Ramatoa RANDRIANASOLO Volatiana Pauline,
miaraka amin'ireo solon-tena avy amin'ny Tetik'asa sy mpamatsy vola, ny mpanatanteraka, ary ny Talem-paritry ny Mponina sy Firaisankina Atsimo Atsinanana mpisolo toerana Andriamatoa Henri RAKOTONIAINA, ireo manam-boninahitra isa-tsokajiny Sivily sy miaramila.

🔵 Samy nandray anjara navitrika avokoa ireo mpandray anjara ka nisy ny asam-bondrona natao hijerena ny olana Teo aloha, ka nitadiavana vahaolana.

🔵 Izao no tanteraka dia nohon'ny fiaraha-miasa misy eo amin'ny FITONDRAM-PANJAKANA amin'ny alalan'ny Minisiteran'ny Mponina sy Firaisankina sy ny UNICEF izay mpamatsy vola ny Tetik'asa.