DREN Atsinanana

28/10/2026

24/10/2026

✳️✳️Fampahafantarana momba ny fandraisana ho mpiasam-panjakana ireo mpampianatra ENF ambaratonga fototra (Primaire) ao anatin'ny tetikasa TALIM.

UCOM MEN/ Oktobra 2026

23/10/2026

Notanterahina ny alarobia 21 oktobra 2026, tao amin’ny Eglizy Saint-Paul Mangarivotra, ny sorona masina lehibe ho fankalazana sy fanokafana amin’ny fomba ofisialy ny taom-pikatrohana 2026–2027 ho an’ny sekoly katolika eto amin’ny Diosezin’i Toamasina.

▶️Nanome voninahitra izany ny Lehiben'ny sampan-draharaha misahana ny sekoly izay misolotena ny Talem-paritry ny Fanabeazam-pirenena Atsinanana.

UCOM MEN/ Oktobra 2026
‎

21/10/2026

Nidina ifotony nitsidika ny ZAP Anosiarivo I ny Lehiben'ny CISCO Marolambo sy ireo mpiara-miasa aminy ny alatsinainy 19 oktobra 2026.

▶️Taorian'ny fananganana ny faneva, izay niarahany tamin'ireo mpianatra sy mpampianatra tao amin'ny CEG niaraka tamin'ireo ray aman-drenin'ny mpianatra sy manam-pahefana tao an-toerana, dia niroso tamin'ny fametrahana vato fototra ho fananganana ny efitrano vaovao aorin'ny FEFFI madiodio mirefy 15/5m izy ireo.

▶️Ary koa nihaona tamin'ireo mpianatra sy mpampianatra tao amin'ny EPP Befotaka, CEG Anosiarivo ka nanentana sy nandrisika azy ireo hilofo hianatra sy hanao ny asany.

▶️Notsidihany ihany koa ny tao amin'ny EPP Mahatsara, izay simban'ny rivo-baratra ny 08 oktobra 2026, ary niara-nitady vahaolana ho fanarenana ny simba tamin'ny Ben'ny tanàna tao an-toerana ny Lehiben'ny CISCO Marolambo ka tamin'izany no nanoloran'ny Ben'ny tanàna fantsika ho fandraisany anjara amin'ny fifanomezan-tanana ho amin'izany.

UCOM MEN/Oktobra 2026

21/10/2026

Tonga eo anivon'ny CISCO Marolambo ny zoma 16 oktobra 2026 ireo mpampianatra vaovao vao nivoaka tao amin'ny ENS
izay notendren'ny fanjakana hiasa eo anivon'ny Lisea Marolambo, hanatevin-daharana ireo mpampianatra efa misy ao.

▶️Nanatrika ny fandraisana ireo mpampianatra ireo ny lehiben'ny CISCO sy ny lehiben'ny sampan-draharaha misahana ny maha-olona.

▶️Nisy avy hatrany ny firariantsoa sy fanomezana toromarika azy ireo manoloana ny fanatontosana ny asa.

▶️Naneho ny fahavononona sy nanome toky kosa ireo mpampianatra vaovao fa hanatanteraka ny iraka izay nanendrena azy ka tsy hanao ambanin-javatra ny fampitana fahalalana amin'ny zaza Malagasy anivon'ny CISCO izay nanendrena azy ireo.

UCOM MEN/ Oktobra 2026

21/10/2026

Tonga nanatanteraka hetsika fanentanana mikasika ny zon'ny ankizy tamin'ireo mpianatra tao amin'ny EPP manara-penitra Tanamborizano ao anatin'ny CISCO Mahanoro ny solontenan'ny mponina any an-toerana ny alatsinainy 19 oktobra 2026.

▶️Izany no natao dia mba hampahafantarana ny ankizy ny zony sy hanamafisana ny maha-zava-dehibe ny fanajana sy fiarovana izany.

▶️Nanatrika izany ihany koa ireo mpampianatra tao amin'ny sekoly.

UCOM MEN/Oktobra 2026

21/10/2026

Natao nanomboka ny alatsinainy 19 oktobra 2026 ny fanatanterahana ny "EPIE" ho an'ireo mpampianatra miasa eny anivon’ny Kolejy ao anatin'ny CISCO Vatomandry ary naharitra telo andro.

▶️"Fanamafisana ny fahalalana mikasika ny fitsipi-pitondran-tena sy fitsipika mifehy ny mpampianatra ary fandalinana sy fifanakalozana momba ny fandaharam-pibeazana no lohahevitra niompanan'izany.

▶️ Ny Lehiben'ny CISCO Vatomandry no nanokatra izany tamin'ny fomba ofisialy tao amin'ny CEG Vatomandry.

UCOM MEN/Oktobra 2026