Rotaract Club Bitola SHIROK SOKAK

20/10/2026

Едно кафе за свет без полио

Ротари клуб „Битола Широк Сокак“ Ве поканува на хуманитарно-едукативна средба по повод Светскиот ден за борба против полиото – 24 октомври.

📅 22 октомври 2026 година (четврток)
🕗 20:00 часот
📍 Ресторан „Милениум“ – Битола

Наша гостинка и предавач ќе биде прим. д-р Аница Апчевска Василева, специјалист педијатар – неонатолог, со која ќе разговараме за полиото, значењето на вакцинацијата и заедничката грижа за здравјето на децата.

Преку едукација, дружење и доброволни донации ќе ја поддржиме програмата PolioPlus на Ротари Интернационал, посветена на глобалните напори за искоренување на детската парализа.

Средбата е отворена за сите граѓани, родители, млади и пријатели кои сакаат да бидат дел од оваа хумана цел.

☕ Едно кафе, една средба, една заедничка надеж – свет без полио!

Вашето присуство е поддршка за децата и за иднина без полио! 💜

07/10/2026

Ова е анонимен прашалник од Interact Rotary Club Bitola за нашиот подкаст посветен на менталното здравје кај младите. Дали некогаш сте имале прашање за стрес, анксиозност, само....

07/10/2026

💗 РОТАРИ КЛУБ „БИТОЛА ШИРОК СОКАК“ ВО РОЗОВО 🎀
Овој октомври се обединуваме околу една важна порака – да се грижиме за себе и да бидеме поддршка на жените околу нас.
Ротари клуб „Битола Широк Сокак“, како партнер, Ве поканува на „Разговор во розово – здравје, сила и поддршка“, средба посветена на женското здравје, превенцијата, здравите навики, физичката активност и психолошката поддршка.
Наместо класично предавање, нè очекува отворен и непосреден разговор со гости кои ќе ја споделат својата стручност, искуство и лична перспектива. работилница8.10.2026
🎙️ Модератор: Божидар Николовски
💗 Наши гости:
🩷 Марина Крстич – заменик-градоначалник на Општина Битола
🩺 д-р Весна Шикловска – специјалист радиолог
🥗 Елена Рајкоска – нутриционист
🏃‍♀️ Стевка Јанковска Петковска – спортистка
🫶 Наташа Бекирова – психолог и семеен советник
🎀 Катерина Петровска – жена со лично искуство со рак на дојка, која преку „Мојата приказна“ ќе сподели лично искуство, сила и порака до другите жени. работилница8.10.2026
📅 7 октомври 2026 година
🕕 18:00 часот
📍 НУУБ „Св. Климент Охридски“ – Битола
💗 НЕ ДОАЃАЈТЕ САМИ!
Понесете со себе мајка, ќерка, сестра, другарка, пријателка, соседка или колешка. Поканете жена која ви значи.
Затоа што поддршката започнува токму така – со внимание, со разговор и со грижа едни за други.
Организатор:
🎀 Здружение за развој на ромската заедница „Сумнал“
Партнери:
🤝 Општина Битола
🤝 НУУБ „Св. Климент Охридски“ – Битола
🤝 Ротари клуб „Битола Широк Сокак“
🤝 Организација на жени Битола
💗 Заедно ја шириме пораката дека превенцијата е грижа, информираноста е сила, а поддршката може да направи разлика.
🎀 Дојдете во розово. Дојдете за себе и за жените што ги сакате. Ве очекуваме!

02/10/2026

🎀 ДВИЖИ СЕ ЗА СЕБЕ!
Розов ден за здравје, сила и поддршка

💗 Ротари клуб „Битола Широк Сокак“ со задоволство се приклучува и ја поддржува активноста „Движи се за себе“, посветена на Розов октомври – месецот за подигање на свеста за ракот на дојка.

Овој октомври се движиме за една важна порака – да се грижиме за себе, да се информираме и да бидеме поддршка на жените што ги сакаме.

📅 7 октомври 2026 година (среда)
🕦 Собирање: 11:30 часот
🕛 Почеток: 12:00 часот
📍 Пред Саат-кулата – Битола

🎈 Со 100 розови балони ќе тргнеме од Саат-кулата, ќе се движиме по Широк Сокак и попатно ќе споделуваме со граѓаните кратки пораки за здравје, грижа, солидарност и поддршка.

Нашата „Розова прошетка“ ќе продолжи до Градскиот парк, каде што кај спортските реквизити заедно ќе се раздвижиме со кратко симболично вежбање. 🏃‍♀️🎀

💗 А најважно – настанот е отворен за сите!

Ги повикуваме нашите сограѓани – жени и мажи, млади и повозрасни, родители, ученици, пријатели и колеги – да ни се придружат.

Дојдете сами или поведете некого што го сакате.
Понесете насмевка, позитивна енергија и желба за заедништво.
Розовите балони и пораките ги обезбедуваме ние. 🎈

Не се натпреваруваме. Не е важно кој е најбрз или најсилен.

Важно е да се движиме, да се информираме, да се грижиме за себе и да бидеме поддршка едни на други.

🎀 Движи се. Информирај се. Грижи се за себе. Поддржи.

На 7 октомври, заедно ја обојуваме Битола во розово. 💗

Придружете ни се! Секој е добредојден.

За здравјето.
За поддршката.
За солидарноста.
За себе и за жените што ги сакаме. 💗

Организатор:
Здружение за развој на ромската заедница „Сумнал“

Партнери:
🤝 Општина Битола
🤝 СОУ Гимназија „Јосип Броз-Тито“ – Битола
🤝 НУУБ „Св. Климент Охридски“ – Битола
🤝 Ротари клуб „Битола Широк Сокак“

Активноста се реализира во рамките на проектот „Спорт без насилство – Младински форум за фер-плеј“.

23/09/2026

07/07/2026

Честитки до нашите ротарактовци Марко и Рула👏
РАК Широк Сокак се гордее што има свој претставник во Дистриктот како десна рака на DRR за 26/27 🎖️
Веруваме во нивната заложба за доближување на ротаријанството до новите генерации и пренесување на пораката "Service Above Self" ⚙️

22/06/2026

Примопредавање на претседателството 2026/2027

Во просториите на Х. Милениум на ден 20.06.2025 год раководството за претходната ротаријанска година го врачи мандатот на новата претседателка за ротаријанска 26/27 година Софија Петличкова 📌

Прекрасна атмосфера, осврт на настаните кои ја одбележаа 2025/2026 година беа само дел од точките на дневен ред 🔖
Преку низа разговори и искуства, ротарактовците се мотивираа за понатамошни успеси и меѓусебна поддршка за идни проекти 🎉

Од името на клубот уште еднаш ѝ се заблагодаруваме на Претседателката за 2025/2026 година Марија Василевска која неуморно се посвети да се задржи континуираниот успех на РК Широк Сокак како и да се збогати со нови членови, проекти, настани и донации🙏

Им посакуваме успешно членство и работа на изгласаните предлог членови Ана Спасеска, Марија Сервини и Божидар Николовски.

РАК Широк Сокак е спремен да ја зпочни и новата ротаријанска година почнувајќи од месеци септември со новото раководство односно како претседателка Софија Петличкова во чии тим се секретар Ферзије Асаноска и благајник Рула Чаламани 🖇️ Успешна работа на сите!

27/05/2026

✨️ Кога младите, децата и заедницата се обединуваат, се создаваат моменти што оставаат трага.
🏛🎨 По повод 18 Мај - Меѓународниот ден на музеите, заедно со учениците од ООУ „Ѓорѓи Сугарев“ и Музејот на Битола споделивме ден исполнет со креативност, дружење и инспирација.
✏️ Преку интерактивна и едукативна работилница реализирана во соработка со Музејот на Битола и ООУ „Ѓорѓи Сугарев“, исполнета со креативна работа и заедничко дружење, децата имаа можност да ги изразат своите впечатоци и инспирација од музејската поставка, создавајќи ден исполнет со учење, култура и позитивна енергија.
❤️ Веруваме дека токму преку вакви активности градиме поколенија кои ќе ја ценат историјата, уметноста и заедничкото творење.
🙏🏼 Благодарност до Музејот на Битола, ООУ „Ѓорѓи Сугарев“ и сите деца кои беа дел од ова прекрасно дружење кои со својата енергија го направија овој настан навистина посебен.