Nacionalen Park Pelister

Продолжениот викенд вработените од ЈУ Национален парк Пелистер го искористија за уредување на патеката која води од Цапарска пресека(1522мнв), па се до Зајачка ливада(2150мнв) и патеката која води до Стар Видиковец(2130мнв). Отстранети беа триесетина паднати дрва од патеките кои го попречуваа безбедното движење на посетителите. Паралелно се работеше на уредување на сите излетнички места низ НП Пелистер.
Од денес продолжуваме со уредувачки активности на патот Инфоцентар - Ловечка.
Министерство за животна средина и ПП / Ministria e Mjedisit Jetësor dhe PH
Prespa Ohrid Nature Trust - PONT

За првпат после повеќе од 30 години и покрај неповолните временски услови, вработените од ЈУ Национален парк во моментов активно работат на расчистување на патот Инфоцентар(1350мнв) - Ловечка(2000мнв) со вкупна должина од осум километри. Некатегоризираниот пат се наоѓа во бафер зона(неутрална зона која не е под заштита) и поради недоволната грижа во изминатиот период, уредувачките активности ќе се одвиваат во две фази.

Првата фаза опфаќа отстранување на вегетација која е физиолошки ослабена и претставува закана по безбедноста на сите минувачи на патот и предвидено е истата да трае до 01.07.2026 година.
Втората фаза предвидува уредување на коловозна површина и каналите за дренажа покрај патот. Предвидено е активностите да завршат најдоцна до 13.07.2026 година.

Овој патен правец е од суштинско значење затоа што претставува единствена опција за комуникација со повисоките региони на НП Пелистер. Истиот патен правец се користи за активности поврзани со видео мониторинг, заштита на природа, противпожарна заштита и надзор од страна на ренџерската служба.
Министерство за животна средина и ПП / Ministria e Mjedisit Jetësor dhe PH
Prespa Ohrid Nature Trust - PONT

Уживајте во недопрената природа на Цапарска река. Искористете ги поволните временски услови и должината на денот за неповторлива дружба со природата.
Министерство за животна средина и ПП / Ministria e Mjedisit Jetësor dhe PH
Prespa Ohrid Nature Trust - PONT

ЈУ Национален парк Пелистер продолжува со реализација на програмата за еколошка едукација, преку која во изминатиот период беа реализирани активности со вкупно 125 учесници во првите два дена, а програмата активно продолжува и понатаму. 🌿

Во последната реализирана посета учествуваа 135 ученици и вработени, во рамки на кои беа спроведени едукативни содржини со водичи и едукатори, интерактивни активности за запознавање со природните вредности на Пелистер, како и посета на Инфо центарот и изложбениот салон на Националниот парк.

Преку овие активности се овозможува директно запознавање со биодиверзитетот, природните богатства и значењето на заштитата на животната средина, со цел развивање на еколошка свест кај младите генерации.

ЈУ Национален парк Пелистер останува посветен на континуирана еколошка едукација и унапредување на соработката со образовните институции. 🍃
Министерство за животна средина и ПП / Ministria e Mjedisit Jetësor dhe PH
Prespa Ohrid Nature Trust - PONT

ЗА ПРВИ МАЈ ПОВЕЛЕТЕ НА ПЕЛИСТЕР - ОДМОР, РЕКРЕАЦИЈА, АДРЕНАЛИН

Во пресрет на продолжениот првомајски викенд, вработените од ЈУ Национален парк Пелистер во изминатиот период интензивно работеа на уредување на добро познатите излетнички места. Со нови содржинини за одмор и рекреација опремени се Голема ливада и Мала ливада, детската патека е целосно уредена и изграден е нов мост. Адреналинскиот парк за деца и возрасни во текот на викендот ќе биди во функција. Доброто време во текот на продолжениот викенд, искористете го за убав старт на сезоната за движење на планина и престој во природа, создавање на здрави навики и убави спомени од престојот на Пелистер.
Не заборавајте дека за заштита на природата одговорни сме сите ние, а единствено место за одлагање на отпад во природа е вашиот ранец.
Министерство за животна средина и ПП / Ministria e Mjedisit Jetësor dhe PH
Prespa Ohrid Nature Trust - PONT