Државен архив на Република Северна Македонија

Потпишан Меморандум за соработка меѓу Државен архив и Државното средно стручно училиште "Коле Неделковски" - Велес

Архивот како културна ризница достапна и привлечна за учениците од Државното средно стручно училиште "Коле Неделковски", Велес.
Со потпишаниот Меморандум за соработка, Архивот се вклучува интензивно во реализирањето на образовните активности на училиштето и учениците од смерот Електротехничар за компјутерска техника и автоматика.

Нашиот колега Митко Сланинкоски гостуваше во утринската емисија „Македонија наутро“ на МТВ, каде зборуваше по повод Меѓународниот ден на архивите.

Во разговорот беше истакната улогата и значењето на Државниот архив, богатството на документите што ги поседува, како и идните планови и визија за развојот и насоката во која треба да се движи институцијата.

Одличен разговор за архивите како чувари на културната меморија и двигатели на иднината.

Гостување во „Македонија наутро“ на МТВ - Меѓународен ден на архивите Нашиот колега Митко Сланинкоски гостуваше во утринската емисија „Ма...

Одбележувањето на Меѓународната недела на архивите продолжува, вчера во Куманово, во НУЦК „Трајко Прокопиев“ беше промовирано јубилејното издание, Монографијата „Државниот архив – столб на македонското битие“ од доц. д-р Бранислав Светозаревиќ, м-р Ирфете Ибраими и м-р Марина Ѓоргиевска.

Промоцијата беше проследена со отворање на изложба посветена на јубилејот на Државниот архив, која преку архивски документи и фотографии сведочи за развојот на институцијата и нејзината улога во зачувувањето на македонското архивско наследство.

Во емисијата „Ја сакам Македонија“ на Сител телевизија, нашите колеги доц. д-р Бранислав Светозаревиќ и д-р Марјан Гијовски зборуваат за значењето на 9 јуни - Меѓународниот ден на архивите.

Тие ја истакнуваат важноста на архивската меѓународна соработка, изложбите и промоцијата на книги, активности што го збогатуваат културното наследство и ја зајакнуваат улогата на архивите како чувари на колективната меморијата.

Целото видео можете да го погледнете овде: 👇

„Ја сакам Македонија“ – Меѓународен ден на архивите Во емисијата „Ја сакам Македонија“ на Сител телевизија, нашите коле...

По повод Меѓународната Архивска недела, Државниот архив – Одделение Битола пречека посетители од Чиле.
Гостите престојуваа туристички во Битола, а интересот за своето потекло ги доведе во Архивот.
При посетата беа запознаени со можностите за генеалошки и архивски истражувања, како и со начинот на заштита и чување на архивските фондови и збирки.

Во рамки на одбележувањето на Архивската недела 2026, која годинава се одржува од 8 до 12 јуни под мотото „Архивите за правда: Архивите како активна сила за правдата, меморијата и иднината“, денес во НУ „Музеј на тетовскиот крај“ беше промовирана книгата „Османлиски документи за историјата на Македонија – попис на христијанското население од Скопски санџак, Тетовска каза, 1838/1839 година“ од доц. д-р Аднан Шериф.

За изданието говореа промоторите доц. д-р Бранислав Светозаревиќ и доц. д-р Армен Жарноски, кои ја истакнаа неговата значајна научна и историска вредност за проучувањето на минатото на Македонија.

По промоцијата беше отворена и изложбата „Документи и фотографии за Македонија од времето на османлискиот период“, реализирана како заеднички проект на Државниот архив и Генералната дирекција на државните архиви при Претседателството на Република Турција.

🔗https://tinyurl.com/arhiv090626

Архивско богатство од Охридските води

Државниот архив-Подрачно одделение Охрид чува единствен архивски документ од ваков вид во нашата земја-Картотеката на охридски рибари од фондот „Рибарски референт“.

Станува збор за регистар на лиценцирани рибари во Охридското Езеро, кој опфаќа период од 1934 до 1941 година. Во оригиналниот документ се евидентирани вкупно 480 рибари кои во тој период добиле дозвола за вршење риболовна дејност.

Картотеката претставува драгоцен историски извор за проучување на рибарството, стопанскиот живот и секојдневието во охридскиот регион во првата половина на XX век.
Преку овие архивски записи се зачувани значајни податоци за луѓето чии животи и егзистенција биле нераскинливо поврзани со Охридското Езеро.

Државниот архив ја одбележува Архивската недела под слоганот „Архивите за правда: Архивите како активна сила за правдата, меморијата и иднината“.

Меѓународниот ден на архивите – 9 Јуни, се одбележува секоја година во чест на основањето на Меѓународниот совет на архивите (ICA) во 1948 година, под покровителство на УНЕСКО.

Годинава, Архивската недела се одржува од 8 до 12 јуни и го нагласува значењето на архивите како активни чинители во зачувувањето на колективната меморија, заштитата на правата и градењето на иднината.

Овогодинешното мото ја истакнува потребата архивите да бидат отворени, достапни и поврзани со заедницата, покажувајќи дека тие не се само чувари на минатото, туку и важен фактор во развојот на современото општество.

По повод Архивската недела, Државниот архив организира повеќе настани посветени на промоцијата на архивското наследство.

На 9 јуни во 12 часот во НУ Музеј на тетовскиот крај - Тетово, ќе се одржат промоција на книга и изложба посветени на османлискиот период во Македонија и
на 10 јуни во 12 часот во НУЦК Трајко Прокопиев - Куманово, ќе биде промовирано јубилејното издание „Државниот архив – столб на македонското битие“, проследено со изложба по повод јубилејот на Државниот архив.