Општина Карпош

СООПШТЕНИЕ

❗️Општина Карпош изразува сериозна загриженост за зачестените случаи на вандализам и оштетување на урбаната опрема и детските игралиштата на цела територија на општината.
Во изминатиов период е евидентирано оштетување на клупи, корпи за ситен отпад, паркинг држачи за велосипеди, детски и спортски реквизити и останата урбана опрема.
🛑💡Последниот случај на кршење на канделабра, на највандалски начин, од страна на малолетни деца, дополнително ја отвара потребата од поголема грижа, одговорност и превенција. Покрај нанесената материјална штета, овде станува збор и за сериозно загрозување на безбедноста по сите граѓани на јавниот простор.
❗️Сите досега евидентирани случаи се пријавени до Полициска станица Карпош од каде што добивме известување за поголемо присуство на полициските служби на терен како и расчистување на овие случаи.
📢Апелираме до сите граѓани за совесно и одговорно однесување кон урбаната опрема и јавниот простор како наш заеднички имот и навремено пријавување на секој случај на вандализам до надлежните служби.
📢Апелираме и до родителите за поголема информираност за движењето и однесувањето на нивните деца, како и разговори за значењето од зачувувањето на јавниот простор и последиците од несоодветното однесување.

Да го чуваме заедничкиот простор затоа што јавниот имот е одговорност на сите нас. 🌳

🕊️ 14-ТА СЕДНИЦА НА СОВЕТОТ НА ОПШТИНА КАРПОШ ЗАПОЧНА СО ЕДНОМИНУТНО МОЛЧЕЊЕ ВО ЗНАК НА ПОЧИТ КОН ЗАГИНАТИТЕ ВО СООБРАЌАЈНАТА НЕСРЕЌА НА СКОПСКАТА ОБИКОЛНИЦА

Советот донесе одлука за доделување еднократна парична помош од 100.000 денари по лице за семејствата погодени од трагедијата.
Меѓу клучните одлуки беа и:

✅ измени во програмите за социјална заштита и образование за 2026 година;
✅ усвојување правила за примена на урбанистичките планови;
✅ одлуки за користење на училишниот простор во основните училишта;
✅ прифаќање донација за изградба на фекална канализација во Влае;
✅ донација за опремување сензорна соба во ООУ „Лазо Трповски“.

Повеќе инфо на 👉 https://shorturl.at/RBy79

(Живо) Седница на совет на Општина Карпош

14-та седница на советот на Општина Карпош 14-та седница на советот на Општина Карпош

Карпош превзема мерки за заштита од змии❗

🤝Во соработка со Центарот за јавно здравје, започнавме акција за поставување на „Репелент“ – средство за превенција и заштита од змии.

Акцијата започна денес на територија на Козле, а во наредните денови ќе продолжи низ целата територија на Карпош.

Производот е безопасен за луѓето, животните и околината, а ја намалува појавата на влекачи.

✔ Се грижиме за безбедноста на нашите жители!

🚧ЗАПОЧНА АСФАЛТИРАЊЕТО НА ТРИ УЛИЦИ ВО БАРДОВЦИ

📍Општина Карпош ги започна градежните активности за подготивка за асфалтирање на улиците 5, 6 и 7 во у.з. Бардовци, во непосредна близина на станбениот комплекс „Бахаш“.

⛏️🪏Станува збор за инфраструктурен зафат со вкупна должина од 663 метри, на подрачје кое досега не беше инфраструктурно уредено.

🤝Вредноста на проектот изнесува 28.4 милиони денари, средства обезбедени од Владата, преку јавен повик на кој Општина Карпош аплицираше со сопстрвен проект.

✔️Со реализација на овој проект ќе се подобри пристапноста и повтрзаноста на овој дел од Бардовци со основното училиште градинката и останатиот дел до населбата.

🏡Создаваме подобри услови за живот и ја развиваме локалната самоуправа.