Arben Fetai

Vazhdimi i agjendës zyrtare të Presidentit të Republikës së Shqipërisë, Bajram Begaj, në Republikën e Maqedonisë së Veriut, u konkretizua me takimin në Kuvendin e RMV-së me Kryetarin e Kuvendit, Afrim Gashi.

Ky takim shënoi moment të rëndësishëm të dialogut institucional ndërmjet dy vendeve tona, duke riafirmuar partneritetin strategjik, bashkëpunimin e qëndrueshëm parlamentar dhe përkushtimin e përbashkët ndaj perspektivës evropiane të rajonit.

Pata nderin që si nikoqir dhe pritës i tij, ta shoqëroj Presidentin Begaj edhe në këtë takim duke dëshmuar vullnetin tonë të qartë për thellimin e marrëdhënieve dypalëshe dhe forcimin e urave të bashkëpunimit politik, institucional dhe ekonomik.

Republika e Maqedonisë së Veriut dhe Republika e Shqipërisë ndajnë më shumë se fqinjësi, ndajnë vizion të përbashkët për stabilitet, integrim evropian dhe zhvillim të qëndrueshëm në shërbim të qytetarëve tanë.

Dialogu i hapur dhe partneriteti i sinqertë mbeten themeli i rrugëtimit tonë të përbashkët.

Takimi mes Presidentit të Republikës, Bajram Begaj, dhe Kryeministrit Hristijan Mickoski u zhvillua në frymë konstruktive, me dialog të hapur dhe përkushtim të ndërsjellë për të thelluar bashkëpunimin mes dy vendeve tona.

Biseda u përqendrua në avancimin e marrëdhënieve politike, forcimin e partneritetit ekonomik dhe rritjen e shkëmbimeve tregtare, si dhe në krijimin e më shumë mundësive për qytetarët dhe bizneset.

Theks i veçantë iu kushtua procesit të integrimit evropian, ku u nënvizua rëndësia e koordinimit të vazhdueshëm dhe mbështetjes reciproke në rrugën drejt Bashkimit Evropian. Gjithashtu, u diskutua për bashkëpunimin rajonal, stabilitetin dhe projektet infrastrukturore që lidhin vendet tona dhe rrisin konkurrueshmërinë e rajonit.

Si Zëvendëskryeministër, isha i pranishëm në këtë takim dhe kontribuova në diskutimet për prioritetet konkrete dhe hapat që duhet të ndërmarrim në periudhën në vijim, me synim që angazhimet e dakorduara të përkthehen në rezultate të prekshme.

Sot pata kënaqësinë të filloj ditën në atmosferë të hapur dhe miqësore, me Presidentin e Republikës së Shqipërisë, Bajram Begaj, si dhe me ish-Komisionerin për Zgjerim, Johannes Hahn.

Dita nisi me biseda të hapura dhe konkrete për temat që na bashkojnë dhe për hapat e radhës.

Momente të mbushura me krenari dhe emocion nga nderimi i heroit tonë kombëtar, Gjergj Kastrioti Skënderbeu, në sheshin Skënderbeu në Shkup, ku së bashku me Presidentin e Republikës së Shqipërisë, Bajram Begaj, funksionarë të VLEN dhe Kryetarin e Komunës te Çairit, vendosëm kurorë me lule pranë shtatores së tij, duke u përkulur me respekt para madhështisë së veprës dhe sakrificës që frymëzon breza të tërë shqiptarësh.

Sot pata nderin dhe kënaqësinë e veçantë që, në cilësinë e Zëvendëskryeministrit, të jem nikoqir kryesor në pritjen e Presidentit të Republikës së Shqipërisë, Bajram Begaj.

Gjatë gjithë vizitës së tij zyrtare, do ta shoqëroj nga takimet institucionale e deri në ceremoninë e përcjelljes, me përkushtimin maksimal për ta bërë këtë vizitë sa më të frytshme dhe domethënëse për të dy vendet tona.

E konsideroj këtë vizitë moment të rëndësishëm për forcimin e mëtejmë të marrëdhënieve tona vëllazërore dhe për thellimin e bashkëpunimit në fusha kyçe si ekonomia, arsimi, kultura dhe integrimi evropian.

Besoj fuqishëm se përmes dialogut të hapur dhe partneritetit të sinqertë do të vazhdojmë të ndërtojmë ura të reja bashkëpunimi në të mirë të qytetarëve tanë dhe të gjithë rajonit.

Mirënjohës për këtë vizitë dhe për angazhimin e përbashkët drejt një të ardhmeje edhe më të afërt mes nesh.

Ngjarjet në ndeshjen Vardar – Bashkimi dëshmuan edhe një herë se sporti në vendin tonë vazhdon të përballet me sjellje që nuk kanë asgjë të përbashkët me frymën e sportit, fair play-in dhe respektin e ndërsjellë.

Koret fyese dhe gjuha e urrejtjes janë absolutisht të papranueshme. Dënoj ashpër shfaqjet e tilla dhe refuzoj çdo përpjekje për t’i minimizuar apo justifikuar ato.

Presim nga Federata e Futbollit dhe organet kompetente të reagojnë me profesionalizëm dhe vendosmëri, deri te sanksionet e nevojshme ndaj përgjegjësve individualë dhe klubit të tyre, që situata të tilla të mos përsëriten më kurrë.

Njëkohësisht, shpreh respektin tim për futbollistët dhe stafin e Bashkimit për profesionalizmin, qetësinë dhe maturinë e treguar. Kjo qasje meriton admirim dhe është shembull se si duhet të sillet sporti ynë.

Sot, me rastin e Ditës Ndërkombëtare të Gjuhës Amtare, isha pjesë e aktivitetit të organizuar nga drejtori i Agjencisë për Zbatimin e Gjuhës, Granit Osmani.

Bashkëjetesa shumëgjuhëshe është vlerë e shoqërisë sonë dhe standard që duhet mbrojtur me vendosmëri institucionale sepse gjuha nuk është thjesht mjet komunikimi është identitet, është e drejtë dhe është obligim institucional.

Gjuha shqipe u ka mbijetuar sfidave ndër vite; sot detyra jonë është ta zbatojmë me korrektësi dhe dinjitet në çdo institucion, në arsim, administratë dhe media.
Respektimi i gjuhës është respektim i qytetarëve.