Дирекција за Технолошки Индустриски Развојни Зони (ДТИРЗ - DTIDZ)

⏩️Следете не утре на Bloomberg Adria MKD!

🗣️Директорот Димовски во Понеделник (01.06.2026) во 13:00 часот ќе гостува во емисијата „Zoom in” каде ќе зборува за актуелните инвестициски текови и економските движења во државата.

🕌Честит Курбан Бајрам на сите граѓани од исламска вероисповед!

✨Нека овој свет ден донесе радост, здравје и мир во секое семејство!

Честит 24-ти мај, денот на сесловенските просветители Св. Кирил и Методиј!

🇲🇰Да продолжиме и понатаму да го чуваме нивното духовно и културно дело - темел на нашата писменост, култура и идентитет.

🇲🇰🇸🇪Директорот Гоце Димовски говорник на првиот Шведско–македонски бизнис форум во Стокхолм

📌Во организација на Македонија2025 и Шведско-македонската стопанска комора, во Стокхолм се одржа првиот Шведско–македонски бизнис форум, каде свое обраќање имаше директорот Гоце Димовски. Форумот, со цел да ги зајакне економските врски меѓу Македонија и Шведска, обедини компании, инвеститори, институции и претставници на македонската дијаспора, создавајќи конкретни можности за соработка, трговија и инвестиции.

👤Директорот Димовски во своето обраќање ги истакна можностите што ги нудат технолошко-индустриските развојни зони, потенцирајќи дека Македонија останува сигурна и конкурентна дестинација за странски инвестиции, со јасен фокус на поддршка на компаниите, развој на индустријата и креирање нови партнерства. Тој посочи дека зајакнувањето на соработката меѓу меѓународните компании и локалните индустрии е клучно за одржлив економски развој и отворање нови можности за домашните компании, особено преку интеграција во глобалните синџири на снабдување. Воедно, директорот Димовски се осврна и на улогата на ТИРЗ во привлекувањето странски директни инвестиции и поддршката на растот на бизнисот, нагласувајќи дека континуираното унапредување на условите за инвестирање и институционалната поддршка остануваат меѓу главните приоритети за натамошен економски раст и развој.

🧩Дополнително, во рамки на форумот се одржаа и две панел-дискусии посветени на бизнис партнерствата и успешните шведско-македонски соработки, со учество на претставници од компании како PCG International, TK Invest, Sorsix, Dometic, Epiroc, EaseAccess24 и Dori Care.

🇸🇪🇲🇰Директорот Гоце Димовски говорник на Шведско-Македонскиот Бизнис Самит 2026 во Стокхoлм!

Со долгогодишно искуство во промоција на инвестиции и индустриски развој, директорот Димовски на овогодинешниот бизнис форум ќе сподели вредни согледувања за:

🔹можностите за инвестирање во технолошко индустриските развојни зони

🔹зајакнувањето на соработката меѓу меѓународните компании и локалните индустрии

🔹улогата на ТИРЗ во привлекувањето странски директни инвестиции и поддршката на растот на бизнисот.

📍21 мај | Стокхолм

Директорот Гоце Димовски дел од Германско-Mакедонскиот Бизнис Самит

🇲🇰🇩🇪Директорот Гоце Димовски денес присуствуваше на Германско-Mакедонскиот Бизнис Самит, каде во организација на AHK Северна Македонија и Германско-Македонската стопанска асоцијација (DMWV) присуствуваа високи претставници од бизнис-секторот од државава, Германија и регионот.

🎯Со фокус на применетата технологија и дигитализацијата како двигатели на економскиот развој, настанот беше отворен од Антје Ванделт, истакнувајќи како иновациите, вештачката интелигенција и дигиталната трансформација ја зајакнуваат конкурентноста, инвестициите и развојот на работната сила.

💬На настанот свое обраќање имаше и премиерот Христијан Мицкоски, кој истакна дека Германија е стратешки партнер на македонската економија, а ваквите настани имаат значајна улога во продлабочувањето на економската соработка меѓу двете земји.

„Германија за нас претставува повеќе од економски партнер. Таа е симбол на индустриска моќ, технолошки развој, дисциплина, иновации и стабилен економски модел кој со децении создава вредност и напредок. Нашата порака е јасна: Сакаме да бидеме сигурен партнер, стабилна економија и држава која ги препознава и поддржува иновациите, технологијата и претприемништвото.“ - истакна премиерот Мицкоски.

🖇️Во рамки на настанот, директорот Димовски оствари повеќе средби со претставници од бизнис заедницата, при што беа разменети мислења и идеи за унапредување на економската соработка, поддршка на инвестициските активности и креирање услови за одржлив економски раст и развој.

Остварена средба со амбасадорката на Народна Република Кина, Џијанг Сјаојан

🇲🇰🇨🇳Директорот Гоце Димовски денес оствари средба со амбасадорката на Народна Република Кина, Џијанг Сјаојан. На средбата се разговараше за унапредување на економската соработка, како и за можностите за нови инвестиции во рамки на ТИР зоните.

🎯Директорот Димовски истакна дека продлабочувањето на економската соработка со Народна Република Кина претставува значаен потенцијал за иден раст и развој на домашната економија. Тој посочи дека само преку заеднички напори може да се креираат нови можности за инвестиции, кои ќе придонесат за конкурентноста на двете земји.

💬Амбасадорката Сјаојан изрази задоволство од досегашната соработка и ја нагласи подготвеноста за нејзино понатамошно продлабочување, со фокус на поддршка на нови инвестициски проекти и размена на искуства. Од нејзина страна беше истакната важноста од континуирана комуникација и продлабочување на економските врски, со цел реализација на конкретни проекти во наредниот период.

Следете нѐ вечерва во 21:30 часот!

Вечерва „ #Бизнис21“ на ТВ21 со Александра Филиповска

Гостин: Гоце Димовски, директор на дирекцијата на #ТИРЗ

Следете не, 21:30 часот на #ТВ21

Честит меѓународен ден на трудот!

Да продолжиме и понатаму заедно, со посветеност да придонесуваме кон растот и развојот на целата држава. Нека овој ден донесе уште повеќе мотивација за создавање подобри услови за работа и напредок за сите.

Средба со Чиријако Ло Конте, директор на компанијата Витек

🖇Директорот Гоце Димовски оствари средба со Чиријако Ло Конте, директор на компанијата Витек. На средбата се разговараше за активностите на компанијата, како и плановите за понатамошен развој и потенцијални проширувања.

👤Директорот Димовски нагласи дека поддршката на постојните инвеститори останува еден од клучните приоритети на Дирекцијата за ТИРЗ, при што активно се работи на создавање стабилна и предвидлива деловна средина што ќе овозможи одржлив раст и нови инвестиции. Тој посочи дека континуираниот дијалог со сите компании и натаму продолжува, со цел навремено адресирање на предизвиците и можностите за раст.

💬Од страна на менаџментот на компанијата која работи во рамки на ТИРЗ Скопје 1, беше изразено задоволство за досегашната соработка, при што беа претставени и плановите за во иднина. Чиријако Ло Конте, истакна дека компанијата останува посветена на натамошен развој на своето работење во земјава, како и на унапредување на производствените процеси. Тој нагласи дека позитивната деловна клима и институционалната поддршка имаат значајна улога во растот и развојот на компанијата.