Зоран Љутков

Со длабока тага ја примив веста за прераната загуба на Јовица Илиевски.
Искрено сочувство до неговото семејство, блиските и граѓаните на Брвеница.
Ќе остане запаметен како чесен и посветен човек.
Вечен спомен!

Секогаш кога сме во Хераклеа, се потсетуваме дека Македонија поседува културно наследство кое има значење далеку надвор од нашите граници. Овој локалитет е жив учебник по историја и цивилизација, место кое повеќе од два милениума ја раскажува приказната за развојот на овој простор.

Ја посетивме со градоначалникот на Општина Битола, Тони Коњановски, пратеничките Олга Лозановска и Силвана Ангелевска, директорката на НУ Завод за заштита на спомениците на културата и Музеј – Битола, Маргарета Спасов, како и со стручните лица Тони Николовски, Стефан Малбашич и Зоран Алтипармаков.

Наш приоритет е Хераклеа да биде уште подобро заштитена, истражена и презентирана пред домашната и меѓународната јавност.

Заштитата на археолошкото наследство е можност за развој на туризмот и локалната економија. Продолжуваме да вложуваме во локалитети кои ја претставуваат Македонија како земја со исклучително богато историско и културно наследство.

Јени Џамија е еден од највредните сведоци на богатата и мултикултурна историја на Битола. Тука се преплетуваат различни култури, традиции и историски периоди кои заедно го создаваат идентитетот на градот каков што го познаваме денес.

Затоа, конзерваторските и реставраторските работи што се реализираат овде се од особено значење. Наша обврска не е само да ги зачуваме ѕидовите и архитектурата, туку да го зачуваме споменот на едно време кој го пренесуваме на идните генерации.

Го посетивме овој локалитет со градоначалникот на Општина Битола, Тони Коњановски, пратеничките Олга Лозановска и Силвана Ангелевска, директорката на НУ Завод за заштита на спомениците на културата и Музеј – Битола, Маргарета Спасов, како и со стручните лица Зоран Алтипармаков, Оливера Макриевски и Јовица Богоев.

Министерството за култура и туризам останува силен партнер во заштитата на културното наследство, затоа што токму ваквите локалитети ја раскажуваат приказната за Македонија пред светот.

Со градоначалникот на Општина Битола, Тони Коњановски, пратеничките Олга Лозановска и Силвана Ангелевска, директорот на Народниот театар – Битола, Васко Мавровски и директорот на Центарот за култура – Битола, Сашо Илковски, го посетивме Кино „Партизан“, местото кое за многу генерации битолчани претставуваше симбол на културниот живот во градот.

Кино „Партизан“ е дел од колективната меморија на Битола. Затоа е особено важно што денес сведочиме на неговото повторно оживување преку проект кој ќе му даде нова современа функција и ќе го врати во служба на сите нас, граѓаните.

Целта е да создаваме простори во кои културата ќе живее секојдневно, преку филмот, театарот, музиката, изложбите и нови креативни содржини.
Инвестицијата во културната инфраструктура е инвестиција во иднината на градот, во младите и во развојот на културниот туризам. Битола заслужува современи културни центри, а токму овој проект е еден важен чекор во таа насока.

Битола отсекогаш била еден од најсилните столбови на македонската култура, уметност и духовност.

Денешната работна посета ја започнав со средба со градоначалникот на Општина Битола, Тони Коњановски, на која присуствуваше и секретарот на Општина Битола, Борче Димитровски. Разговаравме за тековните проекти, предизвиците и идните можности за развој на културата и културниот туризам во градот.

Во текот на денот ќе ги посетам Кино „Партизан“, Јени Џамија и археолошкиот локалитет Хераклеа Линкестис, три значајни локации кои сведочат за богатото културно наследство на Битола и за инвестициите што ги реализираме за негово зачувување и развој.

Верувам дека со заедничка посветеност ќе продолжиме да создаваме услови за заштита на културното наследство, развој на современата културна инфраструктура и унапредување на културниот туризам, во интерес на сегашните и идните генерации.

Добро утро Македонијо, од Мегалитската
опсерваторија Кокино.

Изгрејсонцето денес го дочекавме во 6:12 часот, следејќи ja долгоденицата заедно со моето семејство, градоначалникот на Старо Нагоричане Мирослав Славковски, пратеникот Бране Петрушевски, директорката на Музеј Куманово Марија Живачки и директорот на Националниот
конзерваторски центар Александар Јорданоски.

Од одредена точка на локалитетот може да се набљудува изгрејсонцето низ специфичен карпест процеп — феномен кoj е една од најпрепознатливите карактеристики на Кокино. Овој локалитет не е значаен само од археолошки аспект, туку претставува и уникатен спој на културата, науката и природата.

Оваа година се одбележуваат 25 години од откривањето на локалитетот Кокино, значаен јубилеј кoj во текот на 2026 година ќе биде одбележан со повеќе научни, културни и промотивни настани.

Кокино - место каде историјата, природата и вечноста зборуваат без зборови.

Присуствував на величествената изведба на „Кармина Бурана“ од Карл Орф, во изведба на Оркестарот на Македонската филхармонија, која на импресивен начин ја заокружи концертната сезона „Без Филтер“.

Покрај оркестарот на Филхармонија, во проектот учествуваат и музичари од Софиската филхармонија, Државниот симфониски оркестар од Солун, хорот на МОБ, детскиот хор „Пиколо“, како и хорот на Музичкото училиште од Солун.

Под диригентската палка на маестро Најден Тодоров, уметниците создадоа незаборавна атмосфера која уште еднаш ја потврди моќта на културата да поврзува, обединува и гради мостови меѓу народите. Впечатлив настап имаа солистите Ана Дурловски, Николас Спанос и Иво Јорданов, чија изведба беше наградена со долготрајни аплаузи.

Ваквите културни настани се силна потврда за значењето на уметноста во општеството и за потенцијалот на регионалната и меѓународната културна соработка. Упатувам искрени честитки до сите учесници и организатори за успешно реализираниот проект и за вечерта која ќе остане запаметена како вистински празник на музиката.

Денес го посетив филмскиот сет на „Пролетно чистење“ -нов долгометражен игран филм во режија на Марија Апчевска Петровска, по сценарио на Марија Апчевска Петровска и Ереник Беќири.

Заедно со градоначалникот Марко Колев и директорот на Агенцијата за филм, Сашко Мицевски, имавме можност да се сретнеме со режисерката, продуцентите и филмската екипа и да се запознаеме со процесот на создавање на ова значајно дело.

„Пролетно чистење“ е силна приказна за семејството, загубата, сеќавањата и соочувањето со минатото – филм со голем авторски и меѓународен потенцијал. Проектот е поддржан од Creative Europe MEDIA, SEE Cinema Network и Eurimages, и е реализиран како копродукција со партнери од регионот.

Како Министерство за култура продолжуваме да ја поддржуваме домашната филмска продукција и развојот на македонската кинематографија, бидејќи секој филм е дел од нашата културна меморија и приказна што ја споделуваме со светот.