မန္တလေးခရိုင် အမှတ် ၅ တပ်ရင်း

စစ်အာဏာသိမ်း (၁၉၂၆)ရက်အတွင်း
သ တ် ဖြ တ်ခံရသူ (၈၀၃၃) ဦး သည်
အကြ မ်းဖက်သ - တ်ဖြ - တ်ခံခဲ့ရကြောင်း

ဖမ်းဆီးခံရသူဦးရေကတော့ စုစုပေါင်း (၃၀၉၅၈) ဦး
ရှိလာခဲ့ပြီးဖြစ်ပါတယ်။

ရွာပေါင်းများစွာမီးရှို့ခဲ့ရပြီး မရေမတွက်နိုင်သော
အိမ် ပေါင်းများစွာလဲရှိခဲ့ပါတယ်

မရေမတွက်နိုင်သော လူသန်း​ပေါင်းများစွာ
ဒုက္ခရောက်နေကြပါတယ်

သွေးအေးသွားပြီးလား
မေ့ပျောက်သွားပြီးလား
အားနည်းကုန်ပြီးလား
အရှုံးပေးလိုက်ကြတော့မှာလား

မသိသလိုဟန်ဆောင်ပြီး နေသာသလိုနေလိုက်
ကြတော့မှာလား

ကျွန်တော်တို့မြန်မာနိုင်ငံမှာ ၂၀၂၁ ကစလို့
ပြည်တွင်းစစ်ဖြစ်နေတာ ၅ နှစ်ကျော်နေပါပြီး

တိုင်းရင်းသားနယ်မြေတွေမှာတော့ နှစ်ပေါင်းဆယ်ချီ
ရှိနေပါတယ်

ဒီလို မြင်ကွင်းမျိုးမြင်ရတိုင်း
နာကျင်ရတိုင်း ဒီခရီး ဒီလမ်းအတွက် ဆက်လျှောက်ဖို့ နောက်ပြန်မလှည့်ဖို့
ပိုမိုခိုင်မာလာခဲ့တယ်။

မင်းတို့ မင်းတို့ အမေတွေ အဖွားတွေက
မြို့ပေါ်မှာ သာသာယာယာလေးနေနိုင်သ၍
ကိုယ်ချင်းစာပါတယ်။
သနားပါတယ်။
စိတ်မကောင်းလိုက်တာဆိုတဲ့စကားထက်
ပိုကြီး မထွက်တတ်ကြတော့ဘူး။
လေယာဉ်ကျဲဖို့ အမိန့်ပေးနေတဲ့ မအလနဲ့ပေါင်းအပါတွေကိုကျတော့ တခွန်းတလေမှ အပြစ်မပြောဝံ့ကြတာလည်း အံ့ဩတယ်😡

ဒီအကြောင်းတရားတွေက
လုပ်သင့်သလား
ဖြစ်သင့်သလား😢

ဒီလိုဓာတ်ပုံမျိုးက မြန်မာပြည်မှာပဲ ဖောဖောသီသီ ထုတ်လုပ်သတဲ့လားဗျာ😢

လင်မယားချင်းရန်ဖြစ်လို့
အက်ဆစ်နဲ့ပက်ခံရတဲ့မိန်းမကို ဝိုင်းသနားနေကြတာ ပရဟိတနိုင်ငံကြီးမှာမြင်မကောင်းဘူး။
အခု ဒီအဖွားကရော
ဘာအပြစ်တွေရှိနေလို့လဲ။

တော်လှန်ရေး သမားတွေ

- အငြူဆူခံ
- အစောင်းမြောင်းခံ
- အနှိပ်စက်ခံ
- ထောင်ကျခံ
- လှုပ်လှုပ်ရှိတိုင်း သူတို့ပဲခံ

ဘာလို့ သူတို့တွေ
ဇွတ်တော်လှန်နေကြတာလည်း

ပြောကြပါ

အေး …
သူတို့တွေက အသက်ရွယ် ငယ်ကြသေးပေမယ့်

အမှန်သိတော့
မြန်မာပြည်ကြီး

- ပျက်စီးနေတာ
- ဆုံးရှုံးနေတာ
- အလုံးစုံ ထိခိုက် နေတာတွေ
သိလို့

မြန်မာပြည်ကြီးကို ကယ်တင်ချင်လို့

သူတို့တွေဟာ ဘဝ ကို စတေးပြီး
ကယ်နေကြတာပါ

အပြစ်တွေ ပြောနေမယ့် အစား

ငါတို့တွေတာဆို သူတို့တွေလို

- စွန့်လွတ်နိုင်လား
- အနင့်နာ ခံနိုင်လား

နောက်ဆုံး …..
သူတို့လို

“ အသက်ပါ ပေးရဲကြလား “

တွေးကြည့်ဘူးကြလား ။

တစ်မြို့တစ်ရွာကို
ထောက်ခံစာမလို
တံခါးမရှိ ဓားမရှိသွားလို့ရတာမျိုး

ကိုယ့်အိမ်ကိုယ်
ညနက်သန်းခေါင်
ပေါ်တာမကြောက် ထပြန်လို့ရတာမျိုး

ပျိုနှမ အိမ်ရှေ့
လူပျိုလှည့်တေး ဆိုဖို့
ညမထွက်ရ အမိန့်ကို ဖီဆန်စရာမလို
ပိုးပန်းခွင့်ရတာမျိုး

ရွာရိုးကိုးပေါက်
တရွာလည် တရွာရောက်
သားတစ်ယောက်ကို
ရတတ်မအေး
လူပျောက်ကြော်ငြာ ဖွင့်စရာမလိုတာမျိုး

တစ်သီးပေါ်ရင်
တစ်ရာသီစာ ဖူလုံလေ့ရှိတဲ့
လယ်သမားတွေ
မြေမြုပ်မိုင်းမကြောက် ရယ်မောခွင့်ရတာမျိုး

စက်ရုံလုပ်သား တစ်လစာကို
တစ်မိသားစု
လောက်လောက်ငှငှ
ဝမ်းဝကြရတာမျိုး

ဥတုရာသီဖောက်ရင်
တံခါးပေါက်ကို
လှစ်ဟ အိပ်မောကျခွင့် ရတာမျိုး

မရှိဝမ်းစာ ရှိတန်ဆာ
ရွှေကို ကြော့အောင်ဝတ်ပြီး
စိတ်လုံခြုံစွာ ခရီးသွားလို့ရတာမျိုး

တောင်တောရယ်သာ
မာလာက ငုံဖူး
တစ်ပင်ကို နှစ်ပင်ယှက်တယ်
ကျေးငှက်ကမြူး ဆိုတဲ့ ကဗျာကို
မိမွေးတိုင်းဖမွေးတိုင်း
စာသင်ကျောင်းမှာ
ဝေဟင်ကို မကြောက်ရ
မြေပြင်ကို မမှု့ရ
ရွတ်ခွင့် ရကြတာမျိုး

အဲ့သလိုမျိုး ပုံပြင်တွေမှာ
ငါတို့တွေ ဇာတ်ကောင်ဖြစ်ခဲ့ကြတယ်

လွတ်လပ်ခွင့်
လူ့အခွင့်အရေး
အမျိုးသားရေးတွေဆိုပြီး
စကားကြီးစကားကျယ် မပြောလိုတော့ဘူး

လူထုရဲ့ ကိုယ်စိတ်နှစ်ပါး
လုံခြုံပျော်ရွှင်ခွင့်ရရင်
အဲ့ဒီတိုင်းပြည်
စနစ်ကောင်းသလို
မင်းကောင်းတယ်ဆိုတာ

လယ်ပြင်မှာ
ဆင်သွားသလို
အထင်းသားပေါ်လွင်ပါတယ် ။ ။

#ခွန်ဟိဏ်း( ရေစကြို )

“တပ်နေလဲပျော်၊ တိုက်ပွဲလဲတော်” ဆိုတာ စစ်တပ်တစ်ခုရဲ့ စွမ်းဆောင်ရည်ကို တိုင်းတာတဲ့ အခြေခံသဘောတရားပါ။ တပ်နေရင်း ပျော်ရွှင်နိုင်ခြင်း၊ စည်းကမ်းရှိခြင်း၊ ယုံကြည်မှုရှိခြင်း မရှိရင် တိုက်ပွဲအချိန်မှာ တော်တယ်ဆိုတာ မဖြစ်နိုင်ပါဘူး။

တပ်နေရင်း ပျော်ရွှင်ဖို့အတွက် အဓိကလိုအပ်တာက စည်းလုံးမှု၊ ယုံကြည်မှု၊ တာဝန်ယူမှုပါ။ တစ်ယောက်ကိုတစ်ယောက် လေးစားမှုရှိရမယ်။ အခက်အခဲရှိရင် အတူတကွ ဖြေရှင်းနိုင်ရမယ်။ စိတ်ဓာတ်ကောင်းမွန်တဲ့ တပ်ဖွဲ့တစ်ခုဟာ တိုက်ပွဲမဝင်ခင်ကတည်းက အောင်မြင်ဖို့ အခြေခံတည်ဆောက်ပြီးသား ဖြစ်နေပါပြီ။

ခေါင်းဆောင်မှုအပိုင်းကတော့ အလွန်အရေးကြီးပါတယ်။ ခေါင်းဆောင်က လမ်းညွှန်သူသာမက စံနမူနာပြသူ ဖြစ်ရမယ်။ စကားနဲ့မဟုတ်ဘဲ လက်တွေ့အလုပ်နဲ့ ပြသနိုင်ရမယ်။ တပ်သားတွေရဲ့ စိတ်ခံစားချက်၊ အခက်အခဲ၊ လိုအပ်ချက်တွေကို နားထောင်နိုင်ရမယ်။ မျှတမှုရှိရမယ်။ ခေါင်းဆောင်က မတည်ငြိမ်ရင် တပ်တစ်ခုလုံး မတည်ငြိမ်နိုင်ပါဘူး။ ခေါင်းဆောင်က ရဲရင့်မှ တပ်သားတွေ ရဲရင့်လာမယ်။ ခေါင်းဆောင်က တာဝန်ယူမှ တပ်သားတွေ တာဝန်ယူလာမယ်။

အမိန့်နာခံမှုကလည်း စစ်ဘက်အဖွဲ့အစည်းတစ်ခုအတွက် အခြေခံအုတ်မြစ်ပါ။ အမိန့်တစ်ခု ထွက်လာတဲ့အခါ တိတိကျကျ၊ အချိန်မီ လုပ်ဆောင်နိုင်ရမယ်။ မလိုလားအပ်တဲ့ ဆွေးနွေးမှု၊ စိတ်ကွဲမှုတွေ မရှိရပါဘူး။ သို့သော် အမိန့်နာခံမှုဆိုတာ မစဉ်းစားဘဲ လုပ်တာမဟုတ်ပါဘူး။ စည်းကမ်းနဲ့ တာဝန်ယူမှုအပေါ် အခြေခံထားတဲ့ နာခံမှုဖြစ်ရမယ်။ အမိန့်နာခံမှုက တပ်ကို စည်းလုံးစေပြီး တိုက်ပွဲအတွင်း ဆုံးဖြတ်ချက်တွေကို မြန်ဆန်ထိရောက်စေပါတယ်။

အကျဉ်းချုပ်ပြောရရင် —
တပ်နေလဲပျော်ဖို့ စည်းလုံးမှုလိုအပ်တယ်။
တိုက်ပွဲလဲတော်ဖို့ လေ့ကျင့်မှုနဲ့ စိတ်ဓာတ်လိုအပ်တယ်။
အားလုံးကို ခိုင်မာစေဖို့ ခေါင်းဆောင်မှုက အဓိကပါ။
အမိန့်နာခံမှုကတော့ အောင်မြင်မှုရဲ့ အခြေခံစည်းကမ်းဖြစ်ပါတယ်။

ကျွန်ုပ်တို့ လက်နက်ကို ကိုင်ထားတာ အာဏာရှင်ဖြစ်ဖို့မဟုတ်ဘူး။
ပြည်သူကို ကာကွယ်ဖို့ ဖြစ်တယ်။

ထို့ကြောင့်
တပ်နေရင် စည်းကမ်းရှိရမယ်
တိုက်ပွဲဝင်ရင် တည်ငြိမ်ရမယ်
ခေါင်းဆောင်ကို ယုံကြည်ရမယ်
အမိန့်ကို နာခံရမယ်

တပ်နေလဲပျော်
တိုက်ပွဲလဲတော်
စည်းကမ်းရှိ
ညီညွတ်ကြ

ကျွန်ုပ်တို့ရဲ့ အောင်ပွဲဟာ စည်းကမ်း၊ ညီညွတ်မှု၊ ခေါင်းဆောင်မှုကနေ စတင်တယ်။

အားလုံး စိတ်ဓာတ်ခိုင်မာစွာ ဆက်လက်တာဝန်ထမ်းဆောင်ကြပါစို့။

အာဏာရှင်စနစ် အမြစ်ဖြတ်ချေမှုန်းရေး နှင့် ဖက်ဒရယ်ဒီမိုကရေစီတည်ဆောက်ရေးတွင် တိုက်ပွဲ၀င်နေလျှက်ရှိသော ရဲဘော်ရဲဘက်များအတွက် လိုအပ်သောစစ်ရေးကိစ္စရပ်များတွင်အသုံးပြုနိုင်ရန်

တပ်ရင်းကို တော်လှန်ပြည်သူတို့ထောက်ပို့ ကူ လှူ ‌အားဖြည့်ပေးလို့ အင်အားများစွာရရှိပါတယ်

ပြည်တွင်း ပြည်ပ တော်လှန်ပြည်သူတစ်ဦးချင်းစီကို
အထူးပင်ကျေးဇူးတင်ရှိပါတယ် 💪💪💪

တော်လှန်ရေးအမြန်အောင်မြင်ဖို့ရည်ရွယ်ပြီး ထောက်ပို့ အားဖြည့်ပေးသလို ကျွန်တော်တို့ရဲဘော်ရဲဘက်များကလဲ ရည်ရွယ်ချက်ရှိရှိ အစွမ်းကုန်ကြိုးစားပြီး တာ၀န်ထမ်းဆောင်နေကြပါတယ် ။

တိုက်ပွဲ၀င်နေသောရဲဘော်ရဲဘက်များအတွက်
လိုအပ်ချက်များလဲ ဖြည့်တင်းစရာများစွာရှိနေပါတယ်

တော်လှန်ပြည်သူတို့ကလဲ ဇွဲမလျော့ အာမလျော့ ပဲ အင်တိုက်အားတိုက် နဲ့ တပ်ရင်းကို ဒီထပ်မကလဲ
ထောက်ပို့အားဖြည့်ပေးကြပါအုံး ဗျာ

" ရှေ့ကနေတိုက်တဲ့သူရှိရင်
နောက်ကနေထောက်ပို့ရှိရမယ် "


#မန္တလေးခရိုင်၊အမှတ်(၅)တပ်ရင်း
#ပြည်သူ့ကာကွယ်ရေးတပ်မတော်

ရဲဘော်တယောက် စစ်သည်တယောက်အနေနဲ့ ကိုယ့်ကိုယ်ကို တည်ဆောက်ရာမှာ စစ်ဖက်ဆိုင်ရာ လေ့ကျင့်ရေးနဲ့ စစ်စည်းကမ်းများကို စံပြလိုက်နာမှုတွေနဲ့ပဲ အဓိကလုပ်ရပါတယ်။

လေ့ကျင့်ရေးက စစ်မြေပြင်မှာ ဒုက္ခခံနိုင်မှုအတွက်ဖြစ်ပြီး စစ်စည်းကမ်းများကတော့ တပ်တွင်းယုံကြည်မှုနဲ့ ပြည်သူလူထုရဲ့ ယုံကြည်မှုတွေအတွက် ဖြစ်ပါတယ်။

အချို့ရဲဘော်တွေ မလုပ်နိုင်ကြ မလုပ်ချင်ကြပါဘူး။

လေ့ကျင့်ရေးခိုကြတယ်။ ခိုတာကိုမှ ကိုယ်က အင်မတန်စစ်ရေးအတွေ့အကြုံရှိပြီးလို့ မလိုအပ်တော့သလိုမျိုး တရားထူထောင်ပြီး ခိုကြတာဖြစ်တယ်။ အန္တရာယ်များလှပါတယ်။

စစ်စည်းကမ်းတကျနေဖို့ပြောရင် ပြောသူကို စစ်အာဏာရှင်နဲ့ နှိုင်းပြီး တလွဲပြောကြတာရှိတယ်။ ဒါလည်း အင်မတန် ဝမ်းနည်းဖို့ကောင်းတယ်။ စစ်သည်တွေ ဖြစ်ပြီး စစ်စည်းကမ်းမလိုက်နာတာကို ဇရှိတယ် ဂေါ်တယ်ဆိုတယ်လို့ ထင်နေကြတယ်။

ခေါင်းဆောင်တွေက ရှေ့ကနေ တက်တက်ကြွကြွ စံပြတည်ဆောက်ပြမှ ရဲဘော်တွေက နောက်က ရဲရဲဝံ့ဝံ့
လိုက်မယ့်ကိစ္စတွေလည်း ဖြစ်တယ်။

ဆရာလူအေး