28/01/2020
ပဋိစ္စသမုပ္ပါဒ်ရှင်းလင်းချက်များအား ပ၊ ဒု၊ တ၊ နိဂုံး တစ်စုတစ်စည်းတည်း ဖော်ပြခြင်း
➖➖➖➖➖➖➖➖➖➖➖➖➖➖➖
ပဋိစ္စသမုပ္ပါဒ်၏ အဓိပ္ပါယ် ရှင်းလင်းချက်
❆★ ★ ★ ★ ★ ★ ★ ★ ★ ★ ★❆
အကြောင်းကိုစွဲ၍ အကျိုးဖြစ်ခြင်းကို ပဋိစ္စသမုပ္ပါဒ်ဟု ခေါ်ပါသည်။ ဦးစွာပထမ သိထားရမည်မှာ ပဋိစ္စသမုပ္ပါဒ်စက်ဝိုင်းအတွင်းမှ အင်္ဂါ(၁၂)ပါး စကားလုံးများ၏ အနက်အဓိပ္ပါယ်ကို နားလည်သဘောပေါက်ထားရပါမည်။
၁။ အဝိဇ္ဇာ..... = သစ္စာလေးပါးကို မသိခြင်းဖြစ်သည်။
၂။ သင်္ခါရ...... = ပြုပြင်စေ့ဆော်ခြင်း ဖြစ်သည်။ သင်္ခါရ ၃-မျိုးရှိသည်။ ၄င်းတို့မှာ-
(၁) ပုညာဘိ သင်္ခါရ၊ (၂) အပုညာဘိ သင်္ခါရ၊ (၃) အာနဉ္ဇာဘိ သင်္ခါရတို့ ဖြစ်သည်။
(၁) ပုညာဘိ သင်္ခါရ ..... = ပုည(ကုသိုလ်)၊ အဘိ(လွန်ကဲစွာ)၊ သင်္ခါရ(ပြုလုပ်ခြင်း)၊
(ကုသိုလ်ကောင်းမှုကို လွန်ကဲစွာ ပြုလုပ်ခြင်း)
(၂) အပုညာဘိ သင်္ခါရ.. = အပုည(အကုသိုလ်)၊ အဘိ(လွန်ကဲစွာ)၊ သင်္ခါရ(ပြုလုပ်ခြင်း)၊
(အကုသိုလ်ကို လွန်ကဲစွာ ပြုလုပ်ခြင်း)
(၃) အာနဉ္ဇာဘိ သင်္ခါရ.. = အာနဉ္ဇ(ဈာန်သမာဓိအလုပ်)၊ အဘိ(လွန်ကဲစွာ)၊ သင်္ခါရ(ပြုလုပ်ခြင်း)၊
(သမထဘဝနာ ပွားများခြင်း)
၃။ ဝိဉာဏ်...... = ပဋိသန္ဓေစိတ်။(ပဋိ- တစ်ဖန်၊ သန္ဓိ- စပ်၍ဖြစ်ခြင်း) ပဋိသန္ဓေ- တစ်ဖန်စပ်၍ ဖြစ်ခြင်း။
၎။ နာမ်ရုပ်..... = နာမ်ဟူသည် အာရုံကို ကိုင်းညွတ်ခြင်း။ ရုပ်ဟူသည် ပြောင်းလဲဖောက်ပြန်ခြင်း။
၅။ သဠာယတန = မျက်စိ၊ နား၊ နှာခေါင်း၊ လျှာ၊ ကိုယ်၊ စိတ်။
၆။ ဖဿ........... = တွေ့ထိခြင်း။
၇။ ဝေဒနာ........ = ကောင်း/မကောင်း ခံစားခြင်း။
၈။ တဏှာ........ = လိုချင်တပ်မက်ခြင်း။
၉။ ဥပါဒါန်........ = စွဲလန်းငြိတွယ်ခြင်း။
၁၀။ ကမ္မဘဝ... = ကိုယ်ဖြင့်ပြုလုပ်ခြင်း ကာယကံ၊ နှုတ်ဖြင့်ပြောဆိုခြင်း ဝစီကံ၊ စိတ်ဖြင့်ကြံစည်ခြင်း မနောကံ။ ကာယ, ဝစီ, စိတ္တ = သင်္ခါရ ။
၁၁။ ဇာတိ......... = ပဋိသန္ဓေ နေခြင်း။
၁၂။ ဇရာ၊ မရဏ = အိုခြင်း၊ သေခြင်း။
******************************************
"မိုးကုတ်ဆရာတော်ဘုရားကြီး၏ ပဋိစ္စသမုပ္ပါဒ် လင်္ကာ"
မူလနှစ်ဖြာ ..................... (၂)
သစ္စာနှစ်ခု ...................... (၂)
လေးခုအလွှာ ................. (၄)
အင်္ဂါတစ်ဆယ့်နှစ်ပါး တရားကိုယ်များနှင့် (၁၂)
သုံးပါးအစပ် နှစ်ရပ်မူလ... (၃)
ဝဋ်သုံးဝနှင့် .................... (၃)
ကာလသုံးဖြာ ................ (၃)
ခြင်းရာနှစ်ဆယ်၊ ဤရှစ်သွယ်ကို၊ အလွတ်ကျက်မှတ်၊ သိစေအပ်သည်၊ သံသရာမှ လွတ်ကြောင်းတည်း (၂၀)။
ရှင်းလင်းချက်။.......။
••••••••••••••••••••\•\
ပဋိစ္စသမုပ္ပါဒ်စက်ဝိုင်းကို ကြည့်ပါမိတ်ဆွေ။
၁။ မူလနှစ်ဖြာ ဆိုသည်မှာ = အဝိဇ္ဇာနှင့် တဏှာ။
၂။ သစ္စာနှစ်ခု ဆိုသည်မှာ = သမုဒယသစ္စာနှင့် ဒုက္ခသစ္စာ။
၃။ လေးခုအလွှာ ဆိုသည်မှာ = (၁) အကွက် - အတိတ်အကြောင်းတစ်လွှာ
(၂) အကွက် - ပစ္စုန်ပ္ပန်အကျိုးတစ်လွှာ
(၃) အကွက် - ပစ္စုန်ပ္ပန်အကြောင်းတစ်လွှာ
(၄) အကွက် - အနာဂတ်အကျိုးတစ်လွှာ
၎။ အင်္ဂါတစ်ဆယ့်နှစ်ပါး ဆိုသည်မှာ = အဝိဇ္ဇာ၊ သင်္ခါရ၊ ဝိဉာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ၊ တဏှာ၊ ဥပါဒါန်၊ ကမ္မဘဝ၊ ဇာတိ၊ ဇရာ၊ မရဏတို့ဖြစ်သည်။
တရားကိုယ်များနှင့် ဆိုသည်မှာ = အထက်ပါ တရားများဖြစ်သော အဝိဇ္ဇာ အစ၊ ဇရာ,မရဏ အဆုံးဖြစ်ပါသည်။
၅။ သုံးပါးအစပ် ဆိုသည်မှာ
(၁)အကွက်နှင့် (၂)အကွက်ကြား သင်္ခါရနှင့် ဝိဉာဏ်အစပ်၊
(၂)အကွက်နှင့် (၃)အကွက်ကြား ဝေဒနာနှင့် တဏှာအစပ်၊
(၃)အကွက်နှင့် (၄)အကွက်ကြား ကမ္မဘဝနှင့် ဇာတိအစပ်တို့ ဖြစ်ပါသည်။
နှစ်ရပ်မူလ ဆိုသည်မှာ = အဝိဇ္ဇာနှင့် တဏှာ။
၆။ ဝဋ်သုံးဝနှင့် ဆိုသည်မှာ
ကိလေသဝဋ် (၃)ပါး၊ ကမ္မဝဋ် (၂)ပါး၊
ဝိပါကဝဋ် (၈)ပါး။
(၁) ကိလေသဝဋ်သုံးပါး ဆိုသည်မှာ =
အဝိဇ္ဇာ၊ တဏှာ၊ ဥပါဒါန်။
(၂) ကမ္မဝဋ်နှစ်ပါး ဆိုသည်မှာ = သင်္ခါရနှင့် ကမ္မဘဝ။
(၃) ဝိပါကဝဋ်ရှစ်ပါး ဆိုသည်မှာ = ဝိဉာဏ်၊ နာမ်ရုပ်၊ သဠာယတန၊ ဖဿ ၊ ဝေဒနာ၊ ဇာတိ၊ ဇရာ၊ မရဏ၊ ဥပပတ္တိဘဝတို့ ဖြစ်ပါသည်။
၇။ ကာလသုံးဖြာ ဆိုသည်မှာ =
လွန်လေပြီးသော အတိတ်ကာလ။
ယခုဖြစ်ဆဲ ပစ္စုန်ပ္ပန်ကာလ။
နောင်ဖြစ်လတ္တံ့သော အနာဂတ်ကာလ။
၈။ ခြင်းရာနှစ်ဆယ် ဆိုသည်မှာ =
နံပါတ်(၁)အကွက် .. အတိတ်အကြောင်း အခြင်းအရာ(၅)ပါးသည် အဝိဇ္ဇာ၊ သင်္ခါရ၊ တဏှာ၊ ဥပါဒါန်၊ ဘဝတို့ ဖြစ်သည်။
နံပါတ်(၂)အကွက် .. ပစ္စုန်ပ္ပန် အကျိုးအခြင်းအရာ(၅)ပါးသည် ဝိဉာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ။
နံပါတ်(၃)အကွက် .. ပစ္စုန်ပ္ပန် အကြောင်းအခြင်းအရာ(၅)ပါးသည် တဏှာ၊ ဥပါဒါန်၊ ဘဝ၊ အဝိဇ္ဇာ၊ သင်္ခါရ။
နံပါတ်(၄)အကွက် .. အနာဂတ် အကျိုးအခြင်းအရာ(၅)ပါးသည် ဝိဉာဏ်၊ နာမ်ရုပ်၊
သဠာယတန၊ ဖဿ၊ ဝေဒနာတို့ဖြစ်၍ တစ်ကွက်လျှင် ငါးပါး၊ (၄)ကွက်ဆိုတော့ ၅ × ၄ = ၂၀ ဖြစ်ပါသည်။
➳ ဤရှစ်သွယ်ကို အလွတ်ကျက်မှတ်၊ သိစေအပ်သည်၊ သံသရာမှ လွတ်မြောက်တည်း။
ဒီလောက်ဆိုရင် ပဋိစ္စသမုပ္ပါဒ်စက်ဝိုင်းရဲ့ အခြေခံသဘောတရားတွေကို နားလည်သဘောပေါက်လောက်ပြီ ထင်ပါတယ်။ ဒုတိယပိုင်းမှာ ဒီထက်ရှင်းအောင် ထပ်မံရေးပေးပါ့မယ်။
.............................
ပဋိစ္စသမုပ္ပါဒ်ကို ဒုတိယအကြိမ် ထပ်ရှင်းခြင်း
❆ ★ ★ ★ ★ ★ ★ ★ ★ ★ ★ ★ ★ ❆
တို့တတွေဟာ ကိုယ့်အကြောင်းကို ကိုယ်မသိခဲ့ကြလို့ ပေါ့ပေါ့နေ ပေါ့ပေါ့စားခဲ့ကြတဲ့ အချိန်တွေကိုလည်း နှမြောရကောင်းမှန်း မသိခဲ့ကြဘူး။
ကြောက်ရကောင်းမှန်းလည်း မသိခဲ့ကြပါဘူး။
ဟော..... အခုဆိုရင် ပဋိစ္စသမုပ္ပါဒ်ခန္ဓာရကြောင်းတရားကို သိခွင့်ရလိုက်ပါပြီ။ ဒုတိယပိုင်းကို ဆက်ပြီးလေ့လာကြည့်ရအောင်။
ပဋိစ္စသမုပ္ပါဒ်ကို လေ့လာနေခြင်းဟာ မိမိအကြောင်းကို လေ့လာနေခြင်းပဲဆိုတာ သဘောပေါက်ရပါမယ်။
ပဋိစ္စသမုပ္ပါဒ်မှာ (၄)ကွက်ရှိပါတယ်။
လေးကွက်ထဲက ပထမအကွက်ဖြစ်တဲ့ အတိတ်အကွက်ကိုကြည့်လိုက်ပါ။
စာမှာတော့ အဝိဇ္ဇာနှင့် သင်္ခါရရယ်လို့ စာလုံးနှစ်လုံးတွေ့ရမှာဖြစ်တယ်။
ဒီစာလုံးနှစ်လုံးကို ခန္ဓာနှင့်ဆက်စပ်ပြီး နားလည်လို့ရတာက အရင်ဘဝတုန်းက တို့တတွေဟာ မသိခြင်းဆိုတဲ့အဝိဇ္ဇာ လွှမ်းမိုးမှုကိုခံလိုက်ရတဲ့အတွက် သင်္ခါရဆိုတဲ့ ထင်ရာမြင်ရာတွေကို လုပ်ခဲ့ကြတယ်။
ဒီလိုလုပ်ခဲ့မိလို့ပဲ အခုလက်ရှိခန္ဓာကို ရရှိလာကြတယ်။ အခုလက်ရှိခန္ဓာက ဝိဉာဏ်၊ နာမ်ရုပ်၊ သဠာယတန၊ ဖဿ၊ ဝေဒနာဆိုတဲ့ ပစ္စုန်ပ္ပန်အကျိုး(၅)ပါးကို ရလာခြင်းပဲဖြစ်တယ်။ ဒီတရား(၅)ပါးဟာ အတိတ်က အဝိဇ္ဇာ၊ သင်္ခါရကြောင့်ပဲဆိုတာ သိရမယ်။
အတိတ်က မသိခြင်းအဝိဇ္ဇာနှင့် သင်္ခါရဆိုတာ ဒီဘဝအထိ လိုက်ပါလာတာတော့ မဟုတ်ပါဘူး။
ဒါပေမယ့် သူတို့အကြောင်းခံပြီး ဒီဘဝဖြစ်လာကြတယ်ဆိုတာ ထင်ရှားပါတယ်။
ဖြစ်လာတာက ငါ၊ သူတစ်ပါး၊ ယောက်ျား၊ မိန်းမ၊ ကလေး၊ လူကြီး၊ အပျို၊ လူပျိုဆိုတာမျိုးတွေ မဟုတ်ပါဘူး။
ဝိဉာဏ်၊ နာမ်ရုပ်၊ သဠာယတန၊ ဖဿ ၊ ဝေဒနာဆိုတာမျိုးတွေ ဖြစ်လာကြခြင်းသာ ဖြစ်ပါတယ်။
ဓမ္မဖြစ်စဉ်တန်းကြီး ဖြစ်လာတယ်ဆိုရင် ပိုပြီးရှင်းပါတယ်။ ဒီလိုသိလိုက်ရင် အရှိဘဝနှင့် အခုဘဝဆိုတာ ငါတွေ၊ သူတစ်ပါးတွေမဟုတ်ဘဲ ဓမ္မသဘောဆောင်လို့ ဓမ္မသဘော ဖြစ်ပေါ်လာကြတယ်ဆိုတာ သံသယဝင်စရာမလိုဘဲ ဝိစိကိစ္ဆာ ကင်းစင်သွားနိုင်ပါတယ်။
ဆက်ပြီး ဓမ္မဆိုတဲ့သဘောကို ကြည့်လိုက်ပါဦး။ ဝိဉာဏ်ဆိုတဲ့ ဓမ္မဟာလည်း ဖြစ်ပြီးပျက်၊ နာမ်ရုပ်ဆိုတဲ့ ဓမ္မဟာလည်း ဖြစ်ပြီးပျက်၊ သဠာယတနဆိုတဲ့ မျက်စိ၊ နား၊ နှာခေါင်း၊ လျှာ၊ ကိုယ်၊ စိတ်ဆိုတာတို့ဟာလည်း ဖြစ်ပြီးပျက်ပဲ။
ဒီဖြစ်ပျက်နေကြတဲ့ ဓမ္မအစုဟာ ဒုက္ခသစ္စာသက်သက်ပဲ။ ဒုက္ခသစ္စာကို ဒုက္ခရယ်လို့ သိလိုက်တယ်ဆိုရင် ဒီဓမ္မဖြစ်စဉ်ဟာ ဒီနေရာမှာပဲ ရပ်စဲသွားပါတယ်။
ဒုက္ခသစ္စာကို ဒုက္ခသစ္စာပဲလို့ မသိလိုက်ရင်တော့
တတိယအကွက်မှာရှိတဲ့ တဏှာ၊ ဥပါဒါန်၊ ကံဆိုတာ ဖြစ်လာနိုင်ပါတယ်။ ဖြစ်လာပြီဆိုရင်တော့ သားရဲ့အပေါ်မှာနှစ်သက်၊ သမီးရဲ့အပေါ်မှာနှစ်သက်၊ လင်ရဲ့အပေါ်မှာနှစ်သက်၊ မယားရဲ့အပေါ်မှာခင်တွယ်၊ ဥစ္စာပစ္စည်းရဲ့အပေါ်မှာ တပ်မက်ဆိုတဲ့ ဓမ္မသဘောတွေ ဖြစ်လာပါတော့တယ်။
ဒီလိုဖြစ်လာရင် စွဲလန်းခြင်းဆိုတဲ့ ဥပါဒါန်ဟာ ဖြစ်လာပါတယ်။ဒီခင်တွယ်စွဲလန်းခြင်း ဥပါဒါန်ဆိုတာ ဖြစ်လာလေတော့ ကံကနေ ငါ့သားစားဖို့ ငါ့သမီးစားဖို့ ငါ့လင်စားဖို့ ငါးမယားစားဖို့ စီးပွားရှာဖို့ဆိုတာတွေ ဖြစ်လာတယ်။ ဒါဟာ ကံပြုတာပဲ။
ဟုတ်မဟုတ်သိရအောင် နေ့စဉ်ဘဝကို ကြည့်လိုက်ပါ။ ဒီလိုလုပ်နေကြတဲ့အရာအားလုံးဟာ တဏှာ၊ ဥပါဒါန်၊ ကံတွေများအောင် လုပ်နေခြင်းပဲဆိုရင် ပိုပြီးမှန်ပါလိမ့်မယ်။ ဒီလိုလုပ်တာတွေ ဘယ်အထိအောင် လုပ်ကြမလဲဆိုရင် သေတဲ့အထိ ဒီလိုလုပ်သွားကြတာပဲ။
ဟုတ်မဟုတ်သိရအောင် သေသွားသူတွေကို အကဲဖြတ်ကြည့်ပါ။
ဒီကံတွေလုပ်ရင်း သေခဲ့ကြတော့ နောက်ဘဝမှာလည်း ဇာတိ၊ ဇရာ၊ မရဏ၊ ဝိဉာဏ်၊ နာမ်ရုပ်၊ သဠာယတန၊ ဖဿ၊ ဝေဒနာဆိုပြီး ဒီဘက်ဘဝလို အကုန်ပြန်ရတာပဲ။ ရတော့ဘာဖြစ်သလဲဆိုရင် ဝိပါကဝဋ်(၈)ပါး အကုန်ဖြစ်ပါတယ်။ ဝိပါကဝဋ်(၈)ပါးဆိုတာ ပထမပိုင်းမှာပြောခဲ့ပြီးတဲ့ ဝိဉာဏ်၊ နာမ်ရုပ်၊ သဠာယတန၊ ဖဿ၊ ဝေဒနာ၊ ဇာတိ၊ ဇရာ၊ မရဏ၊ ဥပပတ္တိ ဒီ(၈)ပါးပါပဲ။ ဥပပတ္တိဆိုတာ ဇာတိပါပဲ။ ဒီသဘောဟာ မနေနိုင်လို့ လုပ်ခဲ့သမျှအကြောင်းရဲ့ ဒုက္ခပဲ ဖြစ်ရပါတယ်။
ပစ္စုန်ပ္ပန်အကြောင်းကြောင့် အနာဂတ်ဆိုတဲ့အကျိုး ဖြစ်လာရပါတယ်။
............................
တတိယအကြိမ် ပဋိစ္စသမုပ္ပါဒ်ရှင်းတမ်း
❆ ★ ★ ★ ★ ★ ★ ★ ★ ★ ★ ❆
ပဋိစ္စသမုပ္ပါဒ်မှ နားမလည်ရင် အနိစ္စ၊ ဒုက္ခ၊ အနတ္တမြင်ဖို့ဝေးစွ အတ္တဒိဋ္ဌိခေါ်တဲ့ သက္ကာယဒိဋ္ဌိ ဘယ်တော့မှ မပြုတ်ဘူးမှတ်ပါ။ ပြုတ်မယ်ထင်တယ်လို့ သံသယမရှိနဲ့.. ဖြုတ်လို့ကို မရတာ။
ဒီဒိဋ္ဌိကြီး ကပ်နေလျက်နဲ့ အားထုတ်နေရင် ကုသိုလ်တော့ရမယ်၊ နိဗ္ဗာန်တော့ မရနိုင်ဘူးဆိုတာ
တထစ်ချဆုံးဖြတ်ချက်ချပါ။
ခန္ဓာဖြစ်စဉ်ဖြစ်တဲ့ ပဋိစ္စသမုပ္ပါဒ်ကို ရှင်းရှင်းလင်းလင်း နားလည်ထားမှ အနိစ္စ၊ ဒုက္ခ၊ အနတ္တရယ်လို့ လုပ်ပါ။
ဒါမှ မြန်မြန်ခရီးရောက်မယ်။
ဒီလိုမှ နားလည်ထားခြင်းမရှိဘဲ ရမ်းကျင့်၊ မှန်းကျင့်၊
အကန်းကျင့် ကျင့်နေလို့ကတော့ "ပိုးသာကုန် မောင်ပုံ စောင်းမတတ်"ဆိုသလို အားထုတ်ပေမယ့် ထိထိမိမိ ပညာသိနှင့် မသိနိုင်ပါဘူး။
ဒီအခါမှာ ကိုယ်လိုချင်တာက နိဗ္ဗာန်၊ ရလာတာက ကုသိုလ်ဆိုတော့ ကိုယ်လိုချင်တဲ့ပန်းတိုင်ကို မရောက်နိုင်ပါဘူး။
ပဋိစ္စသမုပ္ပါဒ်စက်ဝိုင်းကိုကြည့်ပါ ဓမ္မမိတ်ဆွေ။
စာလုံးအကြီးနဲ့ရေးထားတဲ့ အဝိဇ္ဇာဆိုတာ တွေ့ရမယ်။ အဝိဇ္ဇာဆိုတာ သတ္တဝါတွေရဲ့ ဖြစ်ကြောင်းအစပဲ။
သတ္တဝါဘယ်ကစသလဲမေးရင် အဝိဇ္ဇာဆိုတဲ့ သစ္စာလေးပါးကို မသိခြင်းကစတယ်လို့ ရဲရဲသာဖြေလိုက်။
သစ္စာလေးပါးကိုမသိလေတော့ လှူဒါန်းပေးကမ်းပြီး ကောင်းမှုပြုပေမယ့် လူချမ်းသာ၊ နတ်ချမ်းသာ၊ ဗြဟ္မာချမ်းသာတွေကို ဆုတောင်းကြတော့ ဒီချမ်းသာအားလုံးဟာ ပဋိစ္စသမုပ္ပါဒ်နဲ့ကြည့်လိုက်တဲ့အခါ ဒုက္ခသစ္စာပဲ ဖြစ်ပါတယ်။
အဝိဇ္ဇာပစ္စယာ သင်္ခါရာဆိုတော့ သင်္ခါရဆိုတာ ကုသိုလ်၊ အကုသိုလ်တွေပဲ။ ဒီကုသိုလ်၊ အကုသိုလ်မှန်သမျှဟာ သမုဒယသစ္စာတွေပဲ။ ဒီသမုဒယလုပ်နေရင် ဒုက္ခသစ္စာပဲ အမှန်ရမယ်မှတ်ပါ။
ဟိုးအတိတ်က အဝိဇ္ဇာသင်္ခါရကြောင့် အခုဘဝ ဝိဉာဏ်၊ နာမ်ရုပ်၊ သဠာယတန၊ ဖဿ၊ ဝေဒနာဆိုတဲ့ ပစ္စုန်ပ္ပန်ဒုက္ခသစ္စာကို ရလာတာပဲ။ ဒီအင်္ဂါငါးပါးဟာ ခန္ဓာငါးပါးပဲ။ ခန္ဓာငါးပါးစလုံး ဒုက္ခသစ္စာချည်းပဲမှတ်ပါ။
လိုချင်တာက နိဗ္ဗာန်၊ လုပ်နေတာက သမုဒယ၊ ရလာတာက ဒုက္ခ။
လိုချင်တာက ချမ်းသာ၊ ရလာတာက ဆင်းရဲ၊
ဒီပုတ်ထဲက ဒီပဲဘဝနဲ့ပဲ အဆုံးသတ်လိုက် အစပြုလိုက်နဲ့ သံသရာရဟတ် တဖန်လည်ကြရဦးမယ်။
အဲ့ဒါ သစ္စာမသိခြင်းပဲ။
ချမ်းသာ ရနေသလား၊ ဆင်းရဲ ရနေသလား ဟုတ်,မဟုတ် သိချင်ရင် ခန္ဓာကို စစ်ကြည့်လိုက်ပါ။
ထိုင်ကြည့်လိုက်ပါ။ ထိုင်ကြည့်လိုက်ရင် ခန္ဓာက
ညောင်းလာမယ်။ ကိုက်ခဲလာမယ်။ အောင့်လာမယ်။ ပူလာမယ်။ ယားလာမယ်။ တောင့်တင်းလာမယ်။
ဒီသဘောအားလုံးဟာ ဘာများချမ်းသာသလဲ၊
ဆင်းရဲသက်သက်ပဲဆိုတာ စိစစ်ကြည့်လိုက်ရင် ထင်ရှားသိသာနိုင်ပါတယ်။
ဒီဒုက္ခကို ငါတပ်လိုက်တော့ ပိုးဆိုးသွားရော... ငါ့ခြေထောက်နာတယ်၊ ငါ့ခါးနာတယ်၊ ငါ့ရင်ပူတယ်၊ ငါ့ကျောအောင့်တယ်ဆိုတဲ့ ငါတစ်လုံးဝင်ရှုပ်လိုက်တော့ ငါနောက်ကနေ ဒေါမနဿဝင်လိုက်တော့ ပိုပြီး ရှုပ်ထွေးသွားတော့တယ်။
ဒီနေရာမှာ ဘယ်အနားက နာနာ၊ အောင့်အောင့်၊ ကိုက်ကိုက် ငါမဟုတ်ဘူးလို့သာ သိနေလိုက်ပါ။ ဓမ္မသဘာဝအတိုင်း ရိုးရိုးလေးဖြစ်တဲ့ အရှိသဘောကို ဉာဏ်အသိနှင့် ကြည့်နေနိုင်မယ်ဆိုရင် ခန္ဓာရဲ့ ဒုက္ခသစ္စာကို ရှင်းရှင်းလင်းလင်း သိမြင်လာနိုင်ပါတယ်။
ခန္ဓာရဲ့သဘောသဘာဝဟာ ဖြစ်နေပျက်နေပါလားလို့ အမှန်အတိုင်း သိမြင်လာပါလိမ့်မယ်။ ဒီသဘောမှာလည်း ကြောင်းကျိုးမကင်းဘဲ ဖြစ်နေတာတွေ့ရမယ်။ အကြောင်းဖြစ်တဲ့ သင်္ခါရတရားတို့က ဖြစ်ပျက်နေကြလို့ အကျိုးဖြစ်တဲ့ ဝိဉာဏ်၊ နာမ်ရုပ်၊ သဠာယတန၊ ဖဿ၊ ဝေဒနာတို့ဟာလည်း ဖြစ်ပျက်နေကြတယ်လို့ သိလာရင် အနတ္တဉာဏ်အမြင် ဖြစ်လာနိုင်ပါတယ်။
ဒီလိုအနတ္တဉာဏ်အမြင်ဖြစ်လာရင် အကြောင်းအနတ္တမို့ အကျိုးလည်း အနတ္တဖြစ်တယ်။ မရချင်၊ မလိုချင်တဲ့ဒုက္ခကြီးကို ရနေတယ်ဆိုတာဟာလည်း အနတ္တဖြစ်ပါတယ်။ ဒီလိုသာ ရှင်းရှင်းလင်းလင်း တစ်ချက်မြင်သွားတာနဲ့ မမြဲခြင်းတရားတွေကို သိပ်ပြီး မတုန်မလှုပ်တော့သလို ထိတ်ထိတ်ပျာပျာလည်း မဖြစ်တော့ပါဘူး။
ကြောင်းကျိုးဖြစ်စဉ်ကို နားလည်လိုက်ရင် အရာရာဟာ ဓမ္မသဘာဝအတိုင်းပါပဲ။
................................
နောက်ဆုံးအကြိမ် ရှင်းတမ်း
❆ ★ ★ ★ ★ ★ ★ ★ ❆
ကြောင်းကျိုးနှင့်ပတ်သက်လို့ အဝိဇ္ဇာမှ မချုပ်သေးရင် သင်္ခါရသဘောဟာ ဖြစ်နေမှာပဲ။ သင်္ခါရကြောင့် ဝိဉာဏ်ဆိုတာ မဖြစ်ဘဲကိုမနေပါဘူး။ ဖြစ်ကိုဖြစ်ပါတယ်။
ဒီလိုသိရမယ်။ ဒီလိုသိလိုက်ရင် ဥစ္ဆေဒဒိဋ္ဌိ စင်ပါတယ်။ ဥစ္ဆေဒဒိဋ္ဌိဆိုတာ မဖြစ်တော့ဘူးလို့ စွဲယူထားတဲ့ ဒိဋ္ဌိကိုး။
သင်္ခါရကြောင့် ဝိဉာဏ်ဖြစ်တယ်။ ဒါပေမယ့် ဝိဉာဏ်ဖြစ်လာတဲ့အခါမှာ သင်္ခါရမဖြစ်တော့ဘူး။
သင်္ခါရဟာ ဝိဉာဏ်အတွက် အထောက်အပံ့ပေးပြီးတော့ ပျက်သွားပါပြီ။
အခုဖြစ်နေတာ ဝိဉာဏ်ပဲ၊ သင်္ခါရပညတ် မဟုတ်တော့ဘူး။ ဒီလိုအကြောင်းကြောင့် ဒီလိုအကျိုးတွေဖြစ်နေတယ်လို့ ဉာဏ်ထဲမှာရှင်းအောင် သိလိုက်ပြီဆိုတာနဲ့ သဿတဒိဋ္ဌိလည်းစင်တယ်၊
ဥစ္ဆေဒဒိဋ္ဌိလည်း စင်သွားပါတယ်။
ဒီဒိဋ္ဌိနှစ်ပါးစင်ရင် မဇ္ဈိမပဋိပဒါဖြစ်တဲ့ အလယ်လမ်းပေါ် ရောက်ပါပြီ။
ဒီလို အကြောင်းနဲ့အကျိုး ရှင်းအောင်နားလည်ပါမှ ရဲရင့်တဲ့စိတ်တွေ ပေါ်လာနိုင်တယ်။
မဂ္ဂင်ရဲ့အင်အားလည်း ပိုကောင်းလာနိုင်တယ်။
ဒီနေရာမှာ အကြောင်းဆိုတဲ့သဘောဟာ အထည်ကိုယ်ဒြပ်နဲ့ လိုက်တာမျိုး မဟုတ်ပါဘူး။
သတ္တိပဲ လိုက်တာဖြစ်ပါတယ်။
ဟုတ်,မဟုတ်ဆိုတာ ခန္ဓာဘက်ကို ဉာဏ်နဲ့လှည့်ကြည့်လိုက်ပါ။ ပူတယ်အေးတယ်, တောင့်တင်းတယ်, ကိုက်ခဲတယ်ဆိုတဲ့ ဒုက္ခဝေဒနာပေါ်လာတာကို စိစစ်ကြည့်လိုက်ရင် ခန္ဓာအပေါ်ပိုင်းက အောက်ပိုင်းကြမ်းပြင် အမာကြီးပေါ်ကို ဖိထိုင်လိုက်တော့ အတွေ့အထိဆိုတဲ့ ဖဿသဘောကြောင့် ဝေဒနာဖြစ်တယ်ဆိုတဲ့ သဘောကိုကြည့်ရင် သိသာပါတယ်။
စိတ်နှင့်စိုက်ပြီးကြည့်လိုက်ပါ ဓမ္မမိတ်ဆွေ။
ဝေဒနာဟာ ပျောက်သွားမယ်၊ ပျောက်သွားခြင်းဟာ ပျက်သွားခြင်းပဲ။
ဖြစ်မှုသဘောကိုသိလိုက်ရင် ဥစ္ဆေဒဒိဋ္ဌိ စင်ပါတယ်။
ပျက်မှုသဘောလေးကိုသိလိုက်ရင် ခိုင်တယ်မြဲတယ်လို့ ယူဆထားတဲ့ သဿတဒိဋ္ဌိ စင်ပါတယ်။
ဖြစ်မှုသဘောထဲမှာလည်း ငါမပါ၊ ပျက်မှုသဘောထဲမှာလည်း ငါမပါတာသိရင် ငါစွဲသူစွဲ, ပုဂ္ဂိုလ်စွဲတွေ စွဲနေတဲ့ သက္ကာယဒိဋ္ဌိ စင်ပါပြီ။ ဒီဒိဋ္ဌိကြီး(၃)ခု စင်မှသာ မဂ္ဂင်လမ်းပေါ် ထိထိမိမိ ရောက်ပြီသာမှတ်ပါ။
ဒီဒိဋ္ဌိကြီးသုံးခုဆိုတာ အလိုလိုကွာသွားမယ့်အရာတော့ မဟုတ်ပါဘူး။
ခန္ဓာ့ဖြစ်စဉ် ပဋိစ္စသမုပ္ပါဒ်ကို နားလည်မှပဲ ကွာနိုင်ပါတယ်။
ဒိဋ္ဌိခွာတဲ့နေရာမှာ
သိမှုနှင့်အရင်ခွာရမယ်၊
ပွားမှုနှင့်ခွာရမယ်၊
ပယ်မှုနှင့်ခွာရမယ်ဆိုပြီး သုံးမျိုးရှိပါတယ်။
သဿတဒိဋ္ဌိနှင့် ဥစ္ဆေဒဒိဋ္ဌိဟာ ဘယ်ကလာသလဲဆိုရင် ပဋိစ္စသမုပ္ပါဒ်မသိရာကနေ လာပါတယ်။ မသိဘူးဆိုတာ အဝိဇ္ဇာပဲ။
အဝိဇ္ဇာဆိုတာ ခန္ဓာ့ဒုက္ခကို မသိတာ(တနည်း)သစ္စာလေးပါးကို မသိတာ။ ဒီလိုမသိတော့ သုခထင်ပြီး သင်္ခါရတွေ ပြုလုပ်တယ်။ ဒီသင်္ခါရပြုခြင်းကြောင့် ဝိဉာဏ်ဆိုတာ ဖြစ်လာတယ်။ ဒါဟာ အခုလက်ရှိ ပစ္စုန်ပ္ပန်ခန္ဓာကို ပြောနေတာနော်။ အမေမွေးတဲ့ခန္ဓာတို့ မနေ့ကခန္ဓာတို့ဆိုတာ ပျက်စီးသွားပြီ။
ဝိဉာဏ်ဖြစ်တာနဲ့ သင်္ခါရချုပ်တယ်။ ဝိဉာဏ်ဖြစ်တာနဲ့ ခန္ဓာငါးပါးပေါ်ပြီပဲ။ နာမ်ရုပ်၊ သဠာယတန၊ ဖဿ၊ ဝေဒနာ။ ဒီငါးပါးရဲ့နောက်က တဏှာ၊ ဥပါဒါန်၊ ကံဆိုတဲ့ အနာဂတ်ဘဝဖြစ်ကြောင်း သုံးပါးဆိုတာ ဖြစ်လာတော့တာပဲ။
အခုလက်ရှိခန္ဓာမှာ ဖြစ်နေတဲ့ ပဋိစ္စသမုပ္ပါဒ်(၈)မျိုးထဲမှာ အဆုံးဖြစ်တာ ဝိဉာဏ်ပဲ (ဝိဉာဏ်ဆိုတာ ပဋိသန္ဓေဝိဉာဏ်ကိုပြောခြင်းသာ) အခုလက်ရှိဖြစ်ပေါ်နေတဲ့ဝိဉာဏ်က ပဝတ္တိဝိဉာဏ်လို့ခေါ်တယ်။ ဝိဉာဏ်ဆိုတာ စိတ်ပဲ၊ စိတ်နဲ့ သဟဇာတဖြစ်နေတာက ရုပ်ပဲ၊ ဒီလိုသိလိုက်ရင် ပုဂ္ဂိုလ်သတ္တဝါဆိုတာ မပါတော့ဘူး။ ဒါဆို သဿတဒိဋ္ဌိစင်တယ်။ ဒိဋ္ဌိဆိုတာ အကြောင်းအကျိုးကိုနားလည်မှ ပြုတ်တဲ့အမျိုးပါ။
ပုဂ္ဂိုလ်သတ္တဝါမရှိဘူးလို့ သိလိုက်ပြီဆိုရင်တော့ ဒီသဘောဟာ ခန္ဓာကို နားလည်လိုက်ခြင်းပဲ။ ခန္ဓာလို့ပြောလိုက်ရင် နာမ်ရုပ်ဆိုတာ ဖြစ်ပြီးသားပဲ။
ဒီနာမ်ရုပ် ဘာကြောင့်ဖြစ်သလဲဆိုတာ အကြောင်းရှာကြည့်ရင် သင်္ခါရကြောင့်ဆိုတာ ရှင်းတယ်။
သင်္ခါရကြောင့် ဝိဉာဏ်ပေါ်တယ်၊ ဝိဉာဏ်ကြောင့် နာမ်ရုပ်ဖြစ်တယ်။ ဝိဉာဏ်ဖြစ်ပြီး ချုပ်တာနဲ့ ဒီနာမ်ရုပ်ပေါ်လာခြင်းဟာ ဝိဉာဏ်က ကျေးဇူးပြုလိုက်လို့ပဲ။
ပဝတ္တိဝိဉာဏ်နဲ့ ပဋိသန္ဓေဝိဉာဏ်နှစ်ခုစလုံးဟာ ဖြစ်လည်းဖြစ်တယ်၊ ချုပ်လည်းချုပ်တယ်လို့ ဉာဏ်နဲ့သိလိုက်တာနဲ့ ဥစ္ဆေဒဒိဋ္ဌိ အလိုလိုကွာသွားပါတယ်။
တိုတိုလေး မှတ်ထားလိုက်ပါ...
အဖြစ်မြင်ရင် ဥစ္ဆေဒဒိဋ္ဌိစင်တယ်၊
အပျက်မြင်ရင် သဿတဒိဋ္ဌိစင်တယ်။
ဥပမာ... ဟင်းကောင်းကောင်းလေးနဲ့ ထမင်းစားတယ်ဆိုပါစို့၊ ဟင်းကောင်းလေးနဲ့ လျှာအကြည်ဓာတ်
ပေါင်းလိုက်ချိန်မှာ ဖဿဆိုတာ ချက်ချင်းဖြစ်ပါတယ်။
ဒီဖဿကြောင့် စားကောင်းတယ်ဆိုတဲ့ ခံစားမှုဟာ ဝေဒနာပါပဲ။
စားလို့ကောင်းတာ ဝေဒနာ၊ နောက်ဆက်ပြီး စားချင်တာက တဏှာ၊ ဒါဟာ "ဖဿပစ္စယာ ဝေဒနာ၊ ဝေဒနာပစ္စယာ တဏှာ"ဆိုပြီး ဆက်တိုက်ကြောင်းကျိုးဆက်ပြီး ဖြစ်ပေါ်လာပါတယ်။
စားကောင်းလို့ သုခဝေဒနာပေါ်ရင် သောမနဿ၊ စားမကောင်းလို့ ဒုက္ခဝေဒနာပေါ်ရင် ဒေါမနဿဆိုပြီး ဆက်သွားပါသေးတယ်။
ဒီခန္ဓာဖြစ်စဉ်တွေကို သတိနဲ့မကြည့်တတ်ရင် သူပြုသမျှ နုရမယ့်ဘဝပါ။
သတိနဲ့ကြည့်မှ သူပြုသမျှ မခံရမှာ။
ဒီလိုနှိပ်စက်ဒဏ် မခံချင်ကြဘူးဆိုရင် ဖြစ်ပေါ်ပျက်စီးနေတဲ့ ဓမ္မသဘောကိုကြည့်ပြီး ငါမဟုတ်ဘူး၊
မမြဲဘူး၊ ဖြစ်လိုက်ပျက်လိုက် သဘာဝဓမ္မသဘောပဲလို့ သိလိုက်ရင် ဒါဟာ ဖဿ၊ ဖဿကြောင့် ဝေဒနာပေါ်တယ်၊
ဝေဒနာကြောင့် သုခ(သို့)ဒေါသပေါ်တယ်ဆိုတဲ့ သဘောကို ရှင်းအောင်သိလိုက်ရင် ဘဝဖြစ်စဉ်ကို သေသေချာချာသိသွားသည့်အတွက် ဒိဋ္ဌိဖြစ်ခွင့်မရှိတော့ပါဘူး။
ဒိဋ္ဌိဖြစ်ခွင့်မရှိရင် တဏှာ၊ ဥပါဒါန်၊ ကံတွေကိုလည်း အလိုလိုပယ်ပြီးသား ဖြစ်သွားပါလိမ့်မယ်။ ဒီလိုရှင်းလင်းစွာသိမှသာ တစ်သံသရာလုံးမှ ကပ်ငြိတွယ်တာလာခဲ့သောဒိဋ္ဌိ ကင်းစင်စေမည့်အကြောင်း ကြိုးစားရေးသားရင်း နိဂုံးကမ္မအဆုံးသတ်လိုက်လေတော့သည်
thanks< original uploader
25/01/2020
#ဝိသုဒ္ဓိ၇ပါး
#စွန်းလွန်းဆရာတော်ကြီးဦးကဝိအား..
ဂြုပ်ပင်ဆရာတော်က...
#ဝိသုဒ္ဓိ ခုနှစ်ပါး ပြောစမ်းပါ..ဟု မေးရာ..
#အရှင်ဘုရားတို့ ဝိသုဒ္ဓိကို တပည့်တော်
မပြောတတ်ပါ။
တပည့်တော် ပြောတတ်သလို ပြောပါရစေ...။
#ပြောပါ..ပြောပါ...ဟု ခွင့်ပြုသဖြင့်..
#တရားအားထုတ်တဲ့ ယောဂီပုဂ္ဂိုလ်ဟာ-
၁။ #ရှေးဦးစွာ ဘုရားကန်တော့..မေတ္တာပို့..
အမျှဝေပြီးလျှင်...မိမိခန္ဓာကိုယ် ရုပ်နာမ်နှစ်ပါးကို အားထုတ်ဆဲအခါ ဘုရားကို လှူ... #အချိန်မပိုင်းနှင့်...မိမိစွမ်းနှိုင်သမျှ အားထုတ်..သမာဓိရလာတော့ ခန္ဓာကိုယ်ပေါ်မှာ ပူမှု..အေးမှု..စသော ဝေဒနာ ပေါ်လာလိမ့်မယ်။
#အဲဒီ ပေါ်လာတဲ့ ဝေဒနာကို ရှုဆဲအခါ၌
မျက်စိကလဲ တောင်ကြည့် မြောက်ကြည့်
မကြည့်ဘူး..ပါးစပ်ကလဲ စကားမပြောဘူး..
လက်ကလဲ..ကိုးယိုးကားယား မလုပ်ဘူး..
အဲဒီတော့.. #စက္ခုနြေ္ဒ. #သောတိနြေ္ဒ . #ဃာနိနြေ္ဒ
#ဇီဝှိနြေ္ဒ. #ကာယိနြေ္ဒ..ဟူသော ဣနြေ္ဒ ငါးပါး
လုံနေတယ်။ အဲဒါ သီလစင်ကြယ်တယ်။
#သီလဝိသုဒ္ဓိ လို့ ခေါ်တယ်။
၂။ ဝေဒနာပေါ်မှာ စိတ်တည်နေတော့ စိတ်စင်ကြယ်တယ်။
#စိတ္တဝိသုဒ္ဓိ လို့ခေါ်တယ်။
၃။ သီလကလဲ စင်ကြယ်..စိတ်ကလဲ စင်ကြယ်တော့ မှန်တာ မြင်တာပေါ့။
မှန်တာမြင်တယ်ဆိုတာ ဘယ်လိုလဲဆိုတော့..မီးခတ် နဲ့ မီးခတ်ကျောက် ခတ်လိုက်တော့ မီးပွင့်ကလေးတွေ ဖွားဖွား ဖွားဖွားနှင့် မြင်ရသလို မိမိခန္ဓာကိုယ်ပေါ်မှာ မွှေးတွင်းပေါက်က မြင်ရတယ်။
#အဲသည်လို မြင်ရတော့ ငါ့မှာ ခြေလည်း မရှိ..လက်လည်း မရှိ...ကိုယ်လည်း မရှိ..ဦးခေါင်းလည်းမရှိ...ခန္ဓာကိုယ်ကြီး သုဉ်းသွားတယ်။ အဲသည်တော့ အမြင်စင်ကြယ်တယ်။
#ဒိဋ္ဌိဝိသုဒ္ဓိလို့ ခေါ်တယ်။
၎။ အဲဒီလို မြင်ရတော့..ဟုတ်ပါပေတယ်..
မှန်ပါပေတယ်..ဟု ဘုရားကို ယုံကြည်ခြင်း ဖြစ်လာတယ်။ အဲသည်တော့
ယုံမှား ကင်းသွားတယ်။
#ကင်္ခါဝိတရဏဝိသုဒ္ဓိ လို့ ခေါ်တယ်။
၅။ အဲဒီလို မြင်ရ.တွေ့ရတော့ ဝမ်းသာတာပေါ့။ ဝမ်းသာတော့ အလင်းဓာတ်ကြီးဟာ မိမိရှေ့မှာ ပေါ်လာတယ်။ ၎င်း အလင်းဓာတ်ကြီးထဲမှာ
သွားပြီး တွယ်နေတယ်။ အဲဒီလို အလင်းဓာတ်ကြီးထဲမှာ သွားတွယ်နေတော့
ခန္ဓာကိုယ်ပေါ်မှာ ဝေဒနာတွေ ချုပ်ပြီး အေးနေတယ်။
အဲဒါ အန္တရာယ် ၁၀ပါးထဲမှာ နစ်နေတယ်လို့ ခေါ်တယ်။
အဲသည်လို..အလင်းဓာတ်ကြီးထဲမှာ တွယ်နေရာမှ ငါ့ဟာ မဟုတ်ပါဘူး..ဆိုပြီး
ခန္ဓာကိုယ်ပေါ်သို့ အာရုံပြန်ပြီး ထိန်းလိုက်တယ်။
#မဂ္ဂါမဂ္ဂဉာဏဒဿနဝိသုဒ္ဓိ..လို့ ခေါ်တယ်။
၆။ အဲသည်လို ခန္ဓာကိုယ်ပေါ်သို့ အာရုံရောက်လာတော့ ဝေဒနာတွေ ပြန်ပြီး
ပေါ်လာတယ်။ အာရုံက အထက်လွန်သွားလိုက်..အောက်ပြန်ကျလိုက်နှင့် နေတယ်။ မဇ္ဈိမပဋိပဒါ မကျသေးဘူး။
အဲဒီတော့ ဇောကို တင်ပြီး တဖြေးဖြေး ချလာ
တော့ မဇ္ဈိမပဋိပဒါ ကျသွားရော..အဲဒါ..
#မဇ္ဈိမပဋိပဒါဉာဏဒဿန ဝိသုဒ္ဓိ လို့ ခေါ်တယ်။
၇။ အဲသည်လို ပဋိပဒါလဲ ကျသွားရော..သေနတ်ကို ယမ်းတောင့် ထည့်ပြီး စိကကိုင်ဖြုတ်လိုက်သလို ဒင်း..
ဆို ပြတ်သွားပါရော
#ဉာဏဒဿနဝိသုဒ္ဓိ လို့ခေါ်တယ်။
ဂြုပ်ပင်ဆရာတော်က #အရှင်ဘုရားဝိသုဒ္ဓိက သာ၍ပင် ကောင်းသေးသည်..ဟု ပြောလေ၏။
ရဟန္တာ နှင့် ပုဂ္ဂိုလ်ထူးများ.. မှ..
**credited to မဇ္ဈိမလမ်း**ထံမှ ကူးယူမျှဝေ ပူဇော်ပါသည်။
24/01/2020
#အာရုံ ရယ်--- #အာရမ္မဏိက ရယ်---
#ယောနိသော_မနသိကာရ ရယ် (၂)
#စေတသိက်ဟာ အစဉ်အမြဲ စိတ်နဲ့ယှဉ်တွဲနေတယ်
ဆိုပေမယ့် အခေါ်အားဖြင့် စိတ်ကိုပဲနာမည်တပ်ပြီး
ခေါ်လေ့ရှိကြ ပါတယ်။ စိတ်လို့ပြောလိုက်တာနဲ့ စေတ
သိက်က လည်း ပါပြီးသား ဖြစ်တဲ့အတွက် ထူးခြား
ပြီး စေတသိက်ကို မှတ်နေစရာ မလိုတဲ့အခြေအနေပါ။
#လယ်တီပဏ္ဍိတ ဦးမောင်ကြီးက သူ့ရဲ့ #ပရမတ္ထသံ
ခိပ် ဋီကာမှာ #စေတသိက်ကို_စိတ်ရဲ့ အမူအရာ လို့
ဆိုထားတာတွေ့ရ ပါတယ်။ စိတ်နဲ့စေတသိက်ဟာ
တစ်သားထဲလိုလို ဖြစ်နေတဲ့ အတွက် စိတ်ကိုသာ
အများအားဖြင့် နာမည်တပ်ပြီး ခေါ်ကြတာဖြစ်နိုင်ပါတယ်။
#အာရုံဟာ စိတ်ရဲ့ကျက်စားရာ နယ်ပယ်ပါ။ စိတ်ဟာ
စေတသိက်နဲ့ မကင်းနိုင်သလို၊ ဝေဒနာနဲ့လည်း မကင်း
နိုင်ပါဘူး။ အဲ့ဒီလိုပါဘဲ အာရုံနဲ့လည်းမကင်းနိုင်ပါဘူး။
အသင်္ချေယျ ကပ်ကမ္ဘာများစွာ အာရုံနဲ့တစ်သားထဲဖြစ်
နေတဲ့အတွက် ဆန်းကြယ်လှ တဲ့စိတ်ပေါ်မူတည်ပြီး
တဏှာ-သမုဒယ သဘောဟာလည်း ဆန်းကြယ်ရ
တော့တယ်။ တဏှာက ဆန်းကြယ်တော့ ကံတွေလည်း
ဆန်းကြယ်ရ တော့တယ်။ ကံတွေက ဆန်းကြယ်တော့
သတ္တဝါတွေဟာ သံသရာ ဝဲသြဃ မှာ နစ်ချည်ပေါ်ချည်၊
မျောလိုက်မြုတ်လိုက်နဲ့ ဖြစ်တည်ကြ ရ တယ်။ ၃၁ ဘုံ
မှာ လူးလာခေါက်တုံ လျှောက်လှမ်းနေကြ ရ တယ်။
သဗ္ဗညု ဘုရားရှင်တို့သာ အဆူဆူ ပွင့်ထွန်းတော်မူခဲ့
ကြ ပေမယ် သံသရာပင်လယ်မှာ နစ်ချည်ပေါ်ချည်ဟာ
ထုနဲ့ထေး ပါဘဲ။
သတ္တဝါတွေဟာ သံသရာကျင်လည်စဉ်မှာ တခါတရံ
အကုသိုလ်တရားကို ပွားစီးမိကြ တယ်။ အဲ့ဒီအခါမှာ
မြုတ်သွားတော့တာပါဘဲ။ တခါတရံမှာတော့ ကုသိုလ်
ကောင်းမှုကို ပွားစီးမိကြ ပြန်တယ်။ အဲ့ဒီအခါမှာ မျော
ကြ ရ ပြန်တယ်။ ဘာကြောင့်မြုတ်ကြ ရ တာလဲ။ အကု
သိုလ်ကြောင့်ပါ။ ဘာကြောင့် မျောကြ ရ တာလဲ။ ကု
သိုလ်ကြောင့်ပါ။
#ကုသိုလ်_အကုသိုလ်ဟာ_ဘာကြောင့်ဖြစ်ရ_တာလဲ။
#ဆက်ရန်
23/01/2020
* အစဉ်အတိုင်း ကျင့်ရမည့်
အာနာပါန ကမ္မဋ္ဌာန်း(၁၆)ပါး
အခန်း(၁) အာနာပါနပဗ္ဗ
(၁) ရှည်-တို ထင်စွာ ငြိမ်းစေရာ၏။
(၂) ပီတိ, သုခ, ဝေဒနာ, သညာ, ထင်ရှား ငြိမ်းစွာ ကျင့်ရာ၏။
(၃) စိတ်ကိုထင်ထင် လန်းလန်းရွှင် ထားလျှင်ကောင်းစွာ လွတ်စေရာ၏။
(၄) မမြဲတပ်ကင်း ငြိမ်းလျှင်စွန့် ဖန်ဖန်ရှူရှိုက် ကျင့်ရာ၏။
** ၁. ပထမ (၄) ခု တစ်စုံ
(၁) ဒီယံ ဝါ အဿသန္တော“ဒီယံ အဿသာမီ"တိ ပဇာနာတိ၊
ဒီဃံ ဝါ ပဿသန္တော “ဒီဃံ ပဿသာမီ”တိ ပဇာနာတိ။
(၂) ရဿံ ဝါ အဿသန္တော "ရဿံ အဿသာမီ”တိ ပဇာနာတိ။
ရဿံ ဝါ ပဿသန္တော“ရဿံ ပဿသာမီ"တိ ပဇာနာတိ။
(၃) “သဗ္ဗကာယပဋိသံဝေဒီ အဿသိဿာမီ”တိ သိက္ခတိ၊
“သဗ္ဗကာယပဋိသံဝေဒီ ပဿသိဿာမီ”တိ သိက္ခတိ။
“ပဿမ္ဘယံကာယသင်္ခါရံ အဿသိဿာမီ”တိ သိက္ခတိ၊
“ပဿမ္ဘယံကာယသင်္ခါရံ ပဿသိဿာမီ”တိ သိက္ခတိ။
(၁) ရှည်စွာမူလည်း ဝင်သက်ထွက်သက် ရှူုသည်-ရှိုက်သည်ရှိသော်၊ ရှည်စွာ ရှူ၏-ရှိုက်၏ဟူ၍ အပြားအားဖြင့် သိ၏။
(၂) တိုစွာမူလည်း ဝင်သက်ထွက်သက် ရှူသည်ရှိုက်သည်ရှိသော် တိုစွာ ရှု၏-ရှိုက်၏ဟူ၍ အပြားအားဖြင့်သိ၏။
(၃) အစ, အလယ်, အဆုံး လုံးစုံ ဝင်သက်ထွက်သက် ထင်ရှားစေလျက် ရှုအံ့-ရှိုက်အံ့ဟု ကျင့်၏။
(၄) အရှု-အရှိုက်ပြင်း၍ ရုန်းရင့်သော ဝင်သက်ထွက်သက်ကို ငြိမ်းစေလျက် ရှုအံ့-ရှိုက်အံ့ဟု ကျင့်၏။ ဝင်သက်ထွက်သက်ကို ငြိမ်းစေလျက် ရှုအံ့-ရှိုက်အံ့ဟု ကျင့်၏။
ကာယေသု ကာယညတရာဟံ ဘိက္ခဝေ ဧဝံ ဝဒါမိ။ ယဒိဒံ အဿာသ ပဿာသ။
( မ- ၃- ၁၂၆ )
ရဟန်းတို့- ထွက်သက်ဝင်သက်တို့သည် ပထဝီစသော ကာယ(၄)ပါး အပေါင်းတို့တွင် ဝါယောကာယတစ်ပါး အပါအဝင်ဖြစ်၏။ ထို့ကြောင့် အာနာပါနကမ္မဋ္ဌာန်း ပထမ(၄)ခုတစ်စုံ အားထုတ်ခြင်းသည် ကာယာနုပဿနာ သတိပဋ္ဌာန် ဘာဝနာမည်၏။ ။
** ၂. ဒုတိယ (၄)ခုတစ်စုံ
(၁) ပီတိပဋိသံဝေဒီ အဿသိသာမီ”တိ သိက္ခတိ။
ပီတိပဋိသံဝေဒီ ပဿသိဿာမီ”တိ သိက္ခတိ။
(၂) “သုခပဋိသံဝေဒီ အဿသိဿာမီ”တိ သိက္ခတိ။
“သုခပဋိသံဝေဒီ ပဿသိဿာမီ”တိ သိက္ခတိ။
(၃) “စိတ္တသင်္ခါရပဋိသံဝေဒီ အဿသိဿာမီ”တိ သိက္ခတိ။
“စိတ္တသင်္ခါရပဋိသံဝေဒီ ပဿသိသာမီ”တိ သိက္ခတိ။
(၄) “ပဿမ္ဘယံ စိတ္တသင်္ခါရံ အဿသိဿာမီ”တိ သိက္ခတိ။
“ပဿမ္ဘယံ စိတ္တသင်္ခါရံ ပဿသိဿာမီ”တိ သိက္ခတိ။
(၁) နှစ်သက်ခြင်း ထင်ရှားစေလျက် ရှူအံ့-ရှိုက်အံ့ဟု ကျင့်၏။
(၂) ချမ်းသာခြင်း ထင်ရှားစေလျက် ရှုအံ့-ရှိုက်အံ့ဟု ကျင့်၏။
(၃) ခံစားမှတ်သား ထင်ရှားစေလျက် ရှုအံ့ ရှိုက်အံ့ဟု ကျင့်၏။
(၄) ခံစားမှတ်သား ငြိမ်းစေလျက် ရှုအံ့-ရှိုက်အံ့ဟု ကျင့်၏။
ဝေဒနာသု ဝေဒနာညတရာဟံ ဘိက္ခဝေ ဧဝံ ၀ဒါမိ၊ ယဒိဒံ အဿာသ ပဿာသနံ သာဓုကံ မနသိကာရံ။
ရဟန်းတို့ - ထွက်သက်ဝင်သက်တို့ကို ကောင်းစွာ နှလုံးသွင်းခြင်းသည် ဝေဒနာအပေါင်းတို့တွင် တစ်ပါးအပါအဝင် သုခဝေဒနာကို ရှုသည်ဖြစ်သောကြောင့် ဝေဒနာနုပဿနာ သတိပဋ္ဌာန် ဘာဝနာ အားထုတ်သည် မည်၏။ ။
** ၃. တတိယ(၄)ခုတစ်စုံ
(၁) “စိတ္တပဋိသံဝေဒီ အဿသိသာမီ”တိ သိက္ခတိ၊
“စိတ္တပဋိသံဝေဒီ ပဿသိဿာမီ”တိ သိက္ခတိ။
(၂) “အဘိပ္ပမောဒယံစိတ္တံ အဿသိသာမီ”တိ သိက္ခတိ။
“အဘိပ္ပမောဒယံစိတ္တံ ပဿသိဿာမီ”တိ သိက္ခတိ။
(၃) “သမာဒဟံစိတ္တံ အဿသိသာမီ”တိ သိက္ခတိ။
“သမာဒဟံစိတ္တံ ပဿသိသာမီ"တိ သိက္ခတိ။
(၄) “ဝိမောစယံစိတ္တံ အဿသိသာမီ”တိ သိက္ခတိ။
“ဝိမောစယံစိတ္တံ ပဿသိဿာမီ"တိ သိက္ခတိ။
(၁) စိတ်ကို ထင်ရှားစေလျက် ရှုအံ့-ရှိုက်အံ့ဟု ကျင့်၏။
(၂) စိတ်ကို ရွှင်လန်းဝမ်းမြောက်စေလျက် ရှူအံ့-ရှိုက်အံ့ဟု ကျင့်၏။
(၃) စိတ်ကို ထွက်သက်-ဝင်သက် အာရုံ၌ အညီအညွတ် ကောင်းစွာထားလျက် ရှုအံ့-ရှိုက်အံ့ဟု ကျင့်၏။
(၄) စိတ်ကို နီဝရဏတရားတို့မှ လွတ်စေအံ့ဟု ရှုအံ့-ရှိုက်အံ့ဟု ကျင့်၏။
ဤ၄ ခုသည် စိတ်ကို ရှုသောကြောင့် စိတ္တာနုပဿနာ သတိပဋ္ဌာန် ဘာဝနာ မည်၏။ ။
** ၄. စတုတ္ထ (၄)ခုတစ်စုံ
(၁) “အနိစ္စာနုပဿီ အဿသိဿာမီ”တိ သိက္ခတိ၊
"အနိစ္စာနုပဿီ ပဿသိဿာမီ”တိ သိက္ခတိ။
(၂) ဝိရာဂါနုပဿီ အဿသိဿာမီ”တိ သိက္ခတိ။
“ဝိရာဂါနုပဿီ ပဿသိဿာမီ”တိ သိက္ခတိ။
(၃) နိရောဓာနုပဿီ အဿသိဿာမီ”တိ သိက္ခတိ။
နိရောဓာနုပဿီ ပဿသိသာမီ”တိ သိက္ခတိ။
(၄) “ပဋိနိဿဂ္ဂါနုပဿီ အဿသိဿာမီ”တိ သိက္ခတိ၊
“ပဋိနိဿဂ္ဂါနုပဿီ ပဿသိဿာမီ”တိ သိက္ခတိ။
(၁) မမြဲခြင်းကို အဖန်ဖန်ရှုလျက် ရှူုအံ့-ရှိုက်အံ့ဟု ကျင့်၏။
(၂) တပ်မက်မှု ကင်းခြင်းကို အဖန်ဖန်ရှုလျက် ရှုအံ့-ရှိုက်အံ့ဟု ကျင့်၏။
(၃) ချုပ်ငြိမ်းခြင်းကို အဖန်ဖန်ရှုလျက် ရှူအံ့-ရှိုက်အံ့ဟု ကျင့်၏။
(၄) စွန့်လွှတ်-စေလွှတ်ခြင်းကို အဖန်ဖန်ရှုလျက် ရူုအံ့ရှိုက်အံ့ဟု ကျင့်၏။
ဤ၄-ခုသည် ဓမ္မာနုပဿနာ သတိပဋ္ဌာန် ဘာဝနာ မည်၏။
နံပါတ်(၂)၌ တပ်မက်မှုကင်းခြင်းဟူသည်- -
ခယ ဝိရာဂ = ခဏဘင်ကို ဝိပဿနာ ရှုမြင်သောကြောင့် တပ်မက်မှု ကင်း၏။ ကုန်၏။
အစ္စန္တဝိရာဂ = နိဗ္ဗာန်ကို မဂ်ဉာဏ်ဖြင့် ရှုသောကြောင့် တပ်မက်မူ အဆုံးစွန်တိုင် ကုန်ကြ၏။ ကင်းကြ၏။
နံပါတ်(၃)၌ ချုပ်ငြိမ်းခြင်းဟူသည် - - -
ခဏ နိရောဓ = ခဏဘင်ကို ဝိပဿနာဉာဏ်ဖြင့် ရှုမြင်သောကြောင့် ချုပ်၏။ ငြိမ်း၏။
အစ္စန္တနိရောဓ = နိဗ္ဗာန်ကို မဂ်ဉာဏ်ဖြင့် ရှုမြင်သောကြောင့် ဝဋ်ဒုက္ခခန္ဓာအစဉ် ချုပ်ကြ၏။ ငြိမ်းကြကုန်၏။
နံပါတ်(၄)၌ ဝိပဿနာဉာဏ်ဖြင့် ကိလေသာတို့ကို စွန့်လည်း စွန့်၏။ နိဗ္ဗာန်သို့ စေလည်း စေလွှတ်၏။ နိဗ္ဗာန်သို့ မဂ်ဉာဏ်ဖြင့် ပြေးလည်း ပြေးဝင်၏။
ဤသို့ ဖြစ်စေအံ့- ရစေအံ့- ရောက်စေအံ့ဟု ရှူအံ့-ရှိုက်အံ့ဟု ကျင့်ရာသည်။
သုတ္တန်ဒေသနာ၌ --
အဿာသ - ဝင်သက် - ရှူ (အာန)
ပဿာသ - ထွက်သက် - ရှိုက် (ပါန)
ယင်း- ပါဠိတော်(၁၆)ချက်၌ ပဇာနာတိ (၂)ချက် ရှူလျှင်ရှုမှန်း၊ ရှိုက်လျှင်ရှိုက်မှန်း၊ ရှည်လျှင်ရှည်မှန်း၊ တိုလျှင်တိုမှန်း၊ ထင်ရှားကွဲပြား ခြားနားစွာသိရမည်။
(ပဇာနာတိအနက်)
သိက္ခတိ (၁၄)ကြိမ်၊ ဝေဒနာ, စိတ်, ဓမ္မတို့ကို နိဗ္ဗာန်အထိ ဉာဏ်ဖြင့်ထင်စေအံ့ဟု ရှုအံ့-ရှိုက်အံ့ဟု ကျင့်ရမည်။
ဤသို့ထူးသည်။
ပထမ(၄)ခု = သမထ၊
ဒုတိယ(၄)ခု တတိယ(၄)ခု = သမထ+ ဝိပဿနာ၊
စတုတ္ထ(၄)ခု = ဝိပဿနာသက်သက် ဖြစ်သည်။
ဘဒ္ဒန္တ ဇောတိက
သာသနဓဇဓမ္မာစရိယ
အဂ္ဂမဟာကမ္မဋ္ဌာနာစရိယ
ဝိပဿနာပညာတက္ကသီလာဒိကမ္မိက(ကျမ်းပြု)
05/01/2020
အခြေခံ ဝိပဿနာ (၁)
===============
“ဝိပဿနာ ဘာဝနာ ဆိုတာ ဘာလဲ”
------------------------------------------
ဝိ သည် သတိ ပဋ္ဌာန် ၄ ပါးပဿ သည် ဉာဏ်ဖြင့် ရုပ် နာမ်ကိုဘာဝနာ သည် ပွားများခြင်း
“ဘာကြောင့် ဝိပဿနာကို ရှုပွားသင့်သလဲ”
-------------------------------------------------
၁။ မြတ်စွာဘုရားကို လေးစား ကြည်ညို ကျေးဇူးဆပ်သော အားဖြင့်။(အကျယ်အားဖြင့် စာအုပ်တွင် ဖော်ပြထားပါသည်။)
၂။ အန္ဓ ပုထုဇဉ် ( ဉာဏ်အမြင်ကန်းသူ ၊ ရုပ် နာမ် ခန္ဓာ မသိသူ) ဘ၀မှ လွတ် မြောက်ရန်။
၃။ သာသနာ နှင့် ကြုံ တဲ့အချိန်မှာ ကြိုက်ရန်။
၎။ ဘေး ကြီး ၄ ပါးမှ လွတ်မြောက်ရန်
၅။ သံသရာ ကြွေးကို အကြေဆပ်ရန်။
“ရခဲခြင်း ၅ ပါး”
-----------------
၁။ ဘုရားတစ်ဆူ ပွင့်ရန်
၂။ သူတော်ကောင်း တရားတွေကို နာကြားဖို့
၃။ လူ့ဘ၀
၎။ ရဟန်းဘ၀
၅။ သဒ္ဒါတရား ရှိသူ ဖြစ်ရန်
“သာသနာကွယ်ခြင်း အကြောင်း (၅) မျိုး”
----------------------------------------------
ဗုဒ္ဓဘာသာဝင်အားလုံး
၁။ ရတနာသုံးပါး ၌ မရိုသေ မလေးစားခြင်း
၂။ ကိုယ်ကျင့်တရား ၌ မရိုသေ မလေးစားခြင်း
၃။ ဝိပဿနာ ၌ မရိုသေ မလေးစားခြင်း
၎။ ပဋိသန္ဓာရ (တရားဖြင့် ပစ္စည်းဖြင့် အစေ့အစပ် လိုက်လျောညီထွေပြုမှုခြင်း)
အမှု၌ မရိုသေ မလေးစားခြင်း
၅။ တစ်ဦးနှင့် တစ်ဦး အရိုအသေတန်ခြင်း
(အင်္ဂတ္တိုရ်ပါဠိတော် ပဉ္စကနိပါတ၊ ကိမိလသုတ္တ)
“လူလေးမျိုး”
--------------
၁။ လူ့ငရဲသား – ဆင်းရဲနှိပ်စက်ခြင်း ခံရပြီး ဘာကုသိုလ်ကောင်းမှု မလုပ်ရဘဲ သေသွားသူ( ဥပမာ – ထောင်သား)
၂။ လူ့တိရစ္ဆာန် – အိပ်မယ် စားမယ် ကာမဂုဏ်ခံစားပဲ ခံစားနေသူ
၃။ လူ့ပြိတ္တာ – ၀မ်းရေး တစ်ခုအတွက်ပဲ ရှားပြီး ဒါန သီလ ဘာဝနာ မလုပ်တဲ့သူ
၎။ လူ့ပရမတ်ထ – စီးပွားရေးကို သမာအာဇီဝ ဖြင့်ရှာ ပြီး ဒါန သီလ ဘာဝနာ လုပ်သူ။
”ပုထုဇဉ် လေးမျိုး”
---------------------
၁။ အန္ဓဗာလ ပုထုဇဉ် – မိုက်လည်း မိုက် ( ကုသိုလ်၊ အကုသိုလ် မသိ) ၊ဉာဏ်အမြင် လည်း ကန်း (ဓါတ် ပရမတ် မသိသူ)
၂။ အန္ဓ ပုထုဇဉ် - မိုက်တော့ မမိုက်ဘူး ( ကုသိုလ် အကုသိုလ် သိတယ်၊ လုပ်လည်း လုပ်တယ်)သို့သော ဉာဏ်အမြင် ကန်းတယ် ( ဓါတ် ပရမတ် မသိဘူး၊ လုပ်လည်း မလုပ်ဘူး။)
၃။ ကလျာဏ ပုထုဇဉ် - ဓါတ်တွေ ပရမတ်တွေ သိတယ်။ သို့သော် သူ့အသိသည် စာသိ (သညာသိ)။
၎။ စူလသောတပန် ပုထုဇဉ် – ဓါတ်တွေ ပရမတ်တွေ သိတယ်။ ရှုလည်း ရှုပွားတဲ့သူ။
“သာသနာ ကြိုက်သူ နှင့် မကြိုက်သူ”
-------------------------------------------
၁။ သာသနာကို ကြုံ ၊ သာသနာကို မကြိုက် – ဗုဒ္ဓဘာသာတော့ ဖြစ်တယ်။ သစ္စာလေးပါးဝိပဿနာတရားကို မကြိုက်သူ။
၂။ သာသနာကို မ ကြုံ ၊ သာသနာကို ကြိုက် – ဒေဝီလ ရင်္သေ့ တစ်ပါးသာ ရှိသည်။
၃။ သာသနာကို မကြုံ ၊ သာသနာကို မကြိုက် – အပါယ်ဘုံသား။
၎။ သာသနာကို ကြုံ ၊ သာသနာကို ကြိုက် – ဒါန သီလ သမာထ ဝိပဿနာကို လုပ်နေသူများ။(လေးမျိုးသုံးလီ တရားတော်နှင့် စာအုပ်တွင်လည်း ပါဝင်ပါသည်။)
“ဘေးကြီးလေးပါး”
-----------------------
၁။ ဝိနိပါတဘေး - သေပြီးရင် ကျချင်ရာဘုံ ကျ၊ ရောက်ချင်ရာဘုံ ရောက်တဲ့ဘေး။
၂။ နာနာသတ္တဥလ္လောကနဘေး – ဘုရားကိုးကွယ်မှားတဲ့ဘေး
၃။ ဒုစ္စရိတဘေး - မကောင်းမှု အကုသိုလ်တွေ ပြုလုပ်ဖြစ်တဲ့ဘေး
၎။ အပါယ်ဘေး - အပါယ်လေးပါး ကျတဲ့ဘေး။ဝိနိပါတ ဘေး လွတ်ရင် ကျန်ဘေး ၃မျိုးကပါ တစ်ခါတည်းလွတ်တာပါပဲ။ဝိနိပါတ ဘေးကို လွတ်ချင်ရင် ဂတိမြဲအောင် လုပ်ရမယ်။ဂတိမြဲတဲ့
ကုသိုလ်ဆိုတာ ဝိပဿနာကုသိုလ်နဲ့ မဂ်ကုသိုလ်ပဲ ရှိတယ်
(လူငယ်များအတွက် ဂမ္ဘီရ ဝိပဿနာ ) မှ
MS
24/12/2019
ပညတ်၊ ပရမတ် နှင့် ဝိပဿနာယောဂီ
➖➖➖➖➖➖➖➖➖➖➖➖
တရားဆိုတာ သဘောတရား သဘောကိုသိမှ တရား။ ဒီထိုင်နေတဲ့ ကိုယ်ကြီးကိုက ဓာတ်ကြီးလေးပါးရုပ်၊ ဓာတ်ကြီးလေးပါးကိုမှီပြီး ဖြစ်ပေါ်လာရတာ။
ဘုန်းဘုန်းတို့အခြေခံကို ပြန်ကြည့်ရင် ပထဝီ၊ တေဇော၊ ဝါယော၊ အာပေါ၊ ဝဏ္ဏ၊ ဂန္ဓ၊ ရသ၊ သြဇာ ဆိုတဲ့ သဘောသတ္တိရှစ်မျိုး ပေါင်းစည်းထားသော ပေါင်းစည်းမှု့တစ်ခုကို ပရမတ္ထကလာပအမှုန်လို့ ခေါ်ပါတယ်။ အဲဒီပရမတ္ထကလာပအမှုန်တွေ သိန်းပေါင်းများစွာ ပေါင်းစည်းလိုက်မှ နတ်၊ ဗြဟ္မာ မျက်စိတို့နဲ့သာ မြင်နိုင်သော ပေါင်းစည်းမှု့တစ်ခု ဖြစ်လာခဲ့တယ်။ အဲဒါဟာ ပရမာအဏုမြူလို့ခေါ်တဲ့ အမှုန်လေး။
အဲသည် ပရမာအဏုမြူ သုံးဆယ့်ခြောက်ခု ပေါင်းစည်း လိုက်ရင် လောကလူတွေ ဖန်တီးထားသော မှန်ဘီလူး၊ မှန်ပြောင်း စသည်တို့ဖြင့် ကြည့်ရင် မြင်နိုင်သော အဏုမြူလို့ခေါ်တဲ့ အမှုန်လေးပေါ့။ အဲသည် အဏုမြူ သုံးဆယ့်ခြောက်ခု ပေါင်းစည်းလိုက်ရင်တော့ အခုယောဂီတွေ နေရောင်အောက်မှာ ကြည့်ရင် မြင်တွေ့နေရလေ့ရှိသော တဇ္ဇာရီမြူလို့ခေါ်တဲ့ အမှုန်လေး။
အဲဒီတဇ္ဇာရီမြူမှုန် သုံးဆယ့်ခြောက်ခုကို ထပ်မံပေါင်းစည်းလိုက်တော့ ရထေရေဏုမြူမှုန်လို့ခေါ်တဲ့ ယောဂီတို့ လမ်းတွေမှာရှိတဲ့ အမှုန်တွေရလာတာ။ အဲဒီရထေရေဏုမြူ သုံးဆယ့်ခြောက်ခု ပေါင်းစည်းလိုက်မှ တခါ လိက္ခာမြူလို့ခေါ်တဲ့ သန်းပျဥခန့် ရုပ်ကလာပ်တွေရတာ။ အဲဒီ လိက္ခာမြူတွေ သန်းပေါင်းများစွာ ပေါင်းစည်းလိုက်မှ အခုယောဂီတို့ ခန္ဓာကိုယ်မှာရှိတဲ့ အသား၊ အကြော၊ ဆံပင် စသဖြင့် ၃၂ ကောဋ္ဌာသ ပစ္စည်းတွေဖြစ်လာခဲ့ရတာ။
ဘုန်းဘုန်းတို့ ယောဂီတို့တတွေဟာ အဲ့ကနေလာခဲ့ကြရတာ။ ဒီ ၃၂ ကောဋ္ဌာသကိုပဲ လောကီနယ်မှာ ပညတ်တင်ပြီးတော့ ဒါဆံပင်လို့ခေါ်တယ်သားရဲ့၊ ဒါအကြောလို့ခေါ်တယ်သမီးရဲ့၊ ဒါလက်လို့ခေါ်တယ်သားရဲ့၊ ဒါခြေထောက်လို့ခေါ်တယ်သမီးရဲ့ ... စသဖြင့် မိဘတွေရဲ့သင်လက်ကြောင့် နဂိုသူ့သဘာဝ ဖြစ်ပျက်နဲ့လာတဲ့ ပရမတ္တရုပ်ကြီး ပျောက်သွားခဲ့ရတယ်။ ပညတ် ၅ ပါး နှင့် ဒီပညတ် ၅ ပါး ဘယ်လိုဖုံးအုပ်လိုက်သလဲဆိုတော့ ...
🔹 သန္တတိပညတ် - ဒီအမှုန်လေးတွေတခုနဲ့တခုအစဉ်ဆက်စပ်နေတာ။
🔹 ဃနပညတ် - ဒီအမှုန်လေးတွေတခုနဲ့တခုသန္တတိ ဆက်စပ်လိုက်တော့ ဃနတုံးကြီးတွေ ဖြစ်လာခဲ့တာ။
🔹 သဏ္ဌာနပညတ် - ဃနတုံးကြီးတွေကနေ သဏ္ဌာန်ပုံစံ ဖြစ်လာတာ… ပေါင်၊ ခြေ၊ ကိုယ်၊ လက်၊ ခေါင်း စသည်ဖြင့် … လူသဏ္ဌာန်၊ ခွေးသဏ္ဌာန်၊ ကြက်သဏ္ဌာန်၊ ကိုယ်ဖြစ်မယ့် သဏ္ဌာန်တွေ အမိဝမ်းတွင်းမှာ ပေါ်လာခဲ့ရတယ်။
🔹 သမူဟပညတ် - သဏ္ဌာန်ကြီးတွေ ပေါ်လာတော့သမုတ်ရတာ … လူသဏ္ဌာန်နဲ့ တူလို့ လူ၊ ယောင်္ကျားသဏ္ဌာန်နဲ့တူလို့ယောင်္ကျား၊ မိန်းကလေးသဏ္ဌာန်နဲ့တူလို့ မိန်းကလေး၊ ခွေးသဏ္ဌာန်နဲ့တူလို့ ခွေး စသည်ဖြင့် ဒီလိုသဏ္ဌာန်ပေါ်မှာ မူတည်ပြီးတော့ သမုတ်ရတယ်။
🔹 နာမပညတ် - အဲ့ဒီလို သဏ္ဌာန်တွေပေါ်လာတော့နောက်မှ ယောင်္ကျားလေးနာမည်က မောင်ဖြူ၊ ဒီမိန်းကလေးနာမည်ကမဖြူ စသည်ဖြင့် သဏ္ဌာန်ပေါ်မှာ နာမပညတ်တပ်တာ၊ အမည်ပေးတာ။
ဒီလိုပညတ်ငါးမျိုးနဲ့ အုပ်ထားလိုက်တော့ ယောဂီတို့တတွေ ဒီပရမတ္ထရုပ်ကို ဘယ်သိနိုင်ပါ့တော့မလဲ။ ပညတ်ဆိုတာ တကယ်ရှိတဲ့ တရားမဟုတ်၊ တကယ်ရှိတာက အမှုန်လေးတမှုန်ကနေ သန္တတိ အစဉ်ဆက်စပ်ပြီးဖြစ်ပေါ်လာတဲ့ တကယ့်ပရမတ္ထရုပ်တရား။
ဘာနဲ့တူလဲဆိုတော့ ဆန်ကိုကြိတ်ပြီးတော့ မုန့်တွေလုပ် မုန့်ဖက်လုပ်၊ နှယ်လိုက် တော့ မုန့်သားလေးဖြစ်လာတယ်၊ နှယ်လိုက်ပြီးတဲ့အခါကျတော့ ဒီမုန့်ဖက်ကို မိန်းမရုပ်လေး တစ်ရုပ်လုပ်တယ်၊ ယောက်ျားရုပ်လေး တစ်ရုပ်လုပ်တယ်၊ သီလရှင်ရုပ်လေး တစ်ရုပ်လုပ် တယ်၊ ရဟန်းရုပ်လေး တစ်ရုပ်လုပ်တယ်၊ ရဟန်းရုပ်ကလေးကျတော့ သင်္ဃန်းလေးပါ ပါပြီသား၊ သီလရှင်အရုပ်ကလေးကျတော့ အညိုလေးပတ်ထားတာ၊ မိန်းကလေးအရုပ်ကလေးကျတော့ တခါတည်း ဆံပင်လေးတွေနဲ့၊ အင်္ကျီအဝတ်အစားလေးတွေ ဝတ်ပေးထားတယ်။ ဒီမုန့်တုံးလေးရဲ့ အရုပ်ကလေးကိုနော်။ အဲ ယောက်ျားလေးတွေကျတော့ ဘိုကေလေးတွေနဲ့ ပုဆိုးအင်္ကျီလေးတွေနဲ့ တိုက်ပုံလေးတွေနဲ့ဝတ်ပြီးထားလိုက်တဲ့အခါကျတော့ ဒီမုန့် သား အနှစ်သားရှိတဲ့ မုန့်တုံးလေးဟာ မိန်းမရုပ်၊ ယောက်ျားရုပ်၊ သီလရှင်ရုပ်၊ ဘုန်းကြီးရုပ် မဖြစ်သွားဘူးလား … ဖြစ်သွားခဲ့တယ်။
ပုံသဏ္ဌာန်လေးတွေကတော့ ကွဲသွားတယ် … ဒါပေမယ့် သူ့ရဲ့အထဲသားကျတော့ အတူတူပါပဲ … ပရမတ်က အတူတူပဲ။ ပရမတ်ရဲ့ အထဲသားဓါတ် ဓါတ်ကြီးလေးတွေကတော့ အတူတူချည်းပဲ။ ဒါပေမယ့် ပုံသဏ္ဌာန်တွေကျ တူသလား…ယောဂီတို့ မတူကြဘူး။ အဲဒီ ဓါတ်ကြီးလေးပါးအထဲသား တူတာက ပရမတ်လို့ခေါ်တယ်။ ပုံသဏ္ဌာန်တွေသာ ပြောင်းနေလို့ မိန်းမပဲ ယောက်ျားပဲ စသည်ဖြင့် ခေါ်ဝေါ်သမုတ်ရတာ … အဲလိုခေါ်ဝေါ်သမုတ်ရတာကို ပညတ်လို့ခေါ်တယ်။
ပညတ်-ပရမတ်ကို ခွဲခြားနိုင်ပါမှ … ဝိပဿနာရှု့တယ်ဆိုတာ ပညတ် နှင့် ပရမတ် ကွဲကွဲပြားပြား ခွဲခွဲခြားခြားသိပြီးမှ ပရမတ်၏ သဘာဝကို လက်တွေ့ မြင်အောင် ရှု့ ခြင်းပင် ဖြစ်ပါတယ် ယောဂီတို့...။
ဓမ္မဒါနဖြင့်
ဝိဇ္ဇောဒယသဲအင်းဓမ္မရိပ်သာ
သာသနာပြုအဖွဲ့ (စင်္ကာပူ)
www.vizawdayatheinn.com
18/12/2019
မင်္ဂလာ ညချမ်းပါ
🌿🌸 ပဋ္ဌာန်းမေတ္တာပို့ 🌿🌸
🌷🌷🌷🌷🌷🌷🌷🌷🌷🌷🌷🌷
🌷၁။ ဟေတုပစ္စယော -
🌺 သတ္တဝါအားလုံး- မကောင်းသော လောဘ၊ဒေါသ၊မောဟ အကုသိုလ်ဟိတ်တရားတို့ကို ပယ်ရှားနိုင်ကြ၍
🌺 ကောင်းမြတ်သော အလောဘ၊ အဒေါသ (မေတ္တာ)၊အမောဟ (ပညာ) ကုသိုလ်ဟိတ် တရားတို့သာ အမြစ်သဖွယ် ကိန်းတည်ကြပြီး
🌺 ကောင်းမြတ်သော စိတ်၊ စေတသိက်၊ ရုပ် တရားတို့သာနိဗ္ဗာန်ထိတိုင် တိုးတက်ဖြစ်ထွန်းနိုင်ကြပါစေ။
🌷၂။ အာရမ္မဏပစ္စယော-
🌺 သတ္တဝါအားလုံး- မကောင်းသော ရူပါရုံ၊သဒ္ဒါရုံ၊ ဂန္ဓာရုံ၊ ရသာရုံ၊ဖောဋ္ဌဗ္ဗာရုံ၊ဓမ္မာရုံတို့နှင်
့🌺 မတွေ့ကြုံကြဘဲ ကောင်းမြတ်သော အာရုံများနှင့်သာ တွေ့ကြုံကြ၍
🌺 ကောင်းမြတ်သော အကျိုးတရားတို့ကိုသာ ရရှိခံစားနိုင်ကြပါစေ။
🌷၃။ အဓိပတိပစ္စယော -
🌺 သတ္တဝါအားလုံးတို့၏ သန္တာန်၌ မထက်မြက်သော ညံ့သောဆန္ဒ၊ ဝီရိယ၊ စိတ်၊ပညာ တရားတို့ အကြီးအမှူးဦးစီးဦးဆောင်မပြုကြဘဲ
🌺 ထက်မြက်သော ကောင်းသော ဆန္ဒ၊ဝီရိယ၊စိတ်၊ပညာ တရားတို့သာ အကြီးအမှူးဦးစီးဦးဆောင်ပြုကြလျက်
🌺 အလွန်အကြူးအထူးကြီးကျယ် မြင့်မြတ်သော အကျိုးတရားတို့သာရရှိခံစားနိုင်ကြပါစေ။
🌷၄။ အနန္တရပစ္စယော -
🌺 သတ္တဝါအားလုံး-မကောင်းသောစိတ်၊စေတသိက်(နာမ်) တရားတို့ အကြားအလပ်မရှိ ဆက်ကာ ဆက်ကာမဖြစ်ကြဘဲ၊
🌺 ကောင်းမြတ်သောစိတ်၊ စေတသိက်(နာမ်) တရားတို့သာ အကြားအလပ်မရှိ စဉ်ဆက်မပြတ် ဆက်ကာ ဆက်ကာ ဖြစ်ပွားနိုင်ကြပါစေ။
🌷၅။ သမနန္တရပစ္စယော-
🌺 သတ္တဝါအားလုံး-မကောင်းသောစိတ်၊စေတသိက်(နာမ်) တရားတို့ (ကောင်းစွာ) အကြားအလပ်မရှိ ဆက်ကာဆက်ကာ မဖြစ်ကြဘဲ
🌺 ကောင်းမြတ်သောစိတ်၊စေတသိက်(နာမ်) တရားတို့သာ (ကောင်းစွာ) အကြားအလပ်မရှိ စဉ်ဆက်မပြတ် ဆက်ကာဆက်ကာဖြစ်ပွားနိုင်ကြပါစေ။
🌷၆။ သဟဇာတပစ္စယော -
🌺 သတ္တဝါအားလုံး -မကောင်းသော ရုပ်၊နာမ်တရားများအတူတကွ မဖြစ်ကြဘဲ ကောင်းသော ရုပ်၊နာမ်တရားများသာ အတူတကွ ဖြစ်နိုင်ကျေးဇူးပြုနိုင် ကြပါစေ။
🌷၇။ အညမညပစ္စယော-
🌺 သတ္တဝါအားလုံး- မကောင်းသော ရုပ်၊နာမ်တရားများနှင့်အချင်းချင်းယှဉ်တွဲ၍ အပြန်အလှန် ကျေးဇူးမပြုကြဘဲ
🌺 ကောင်းမြတ်သော ရုပ်၊ နာမ်တရားများတို့နှင့်သာ အချင်းချင်းယှဉ်တွဲ၍ အပြန်အလှန် ကျေးဇူးပြုမှုကို ခံစားနိုင်ကြပါစေ။
🌷၈။ နိဿယပစ္စယော -
🌺- သတ္တဝါအားလုံး- မကောင်းသော ရုပ်၊နာမ်တရားတို့၌မှီ၍ မဖြစ်ကြဘဲ၊
🌺 ကောင်းမြတ်သော ရုပ်၊နာမ်တရားတို့၌သာ အမှီပြု၍ ကောင်းကျိုးအမျိုးမျိုးတို့ကိုသာခံစားနိုင်ကြပါစေ။
🌷၉။ ဥပနိဿယပစ္စယော -
🌺 သတ္တဝါအားလုံး- မကောင်းသော ပညတ်၊နာမ်၊ ရုပ် တရားတို့နှင့် မကောင်းသော မိဘ၊ မကောင်းသော ဆရာ၊မိတ်ဆွေ၊ရာသီဥတု၊ နေရာထိုင်ခင်း၊ အစားအသောက်တို့၌အားကြီးသော မှီရာအဖြစ် အမှီမပြုကြရဘဲ
🌺 ကောင်းသော ပညတ်၊နာမ် ရုပ် တရားများနှင့်ကောင်းမြတ်သော မိဘ၊ဆရာ၊ မိတ်ဆွေ၊
🌺 ရာသီဥတု၊နေရာထိုင်ခင်း၊အစားအသောက်တို့၌ သာအားကြီးသောမှီရာအဖြစ် မှီကြရ၍ ကောင်းကျိုး အမျိုးမျိုးတို့ကိုသာခံစားရရှိနိုင်ကြပါစေ။
🌷၁၀။ ပုရေဇာတပစ္စယော-
🌺 သတ္တဝါအားလုံး- အာရုံ၅ ပါးရုပ်တရား၊ဝတ္ထုရုမကောင်းသောပ်တရပုရေဇာတပစ္စယောားများ ရှေးဦးကြိုတင်မဖြစ်ကြဘဲ
🌺 ကောင်းမြတ်သော အာရုံ၅ ပါး ရုပ်တရားများ၊ဝတ္ထု ရုပ်တရားများသာ ရှေးဦးကြိုတင် ဖြစ်နှင့်ကြ၍
🌺 ကောင်းမြတ်သော ကုသိုလ်တရား၊ အကျိုးဝိပါတ်တရားတို့သာ တိုးပွားဖြစ်ထွန်းနိုင်ကြပါစေ။
🌷၁၁။ ပစ္ဆာဇာတပစ္စယော
🌺- သတ္တဝါအားလုံးတို့၏ ဖြစ်နှင့်ပြီးသောရှေးရှေးရုပ်တရားအားနောက်နောက်မှ ဖြစ်သော နာမ်တရားများကကျေးဇူးပြုရာတွင် မကောင်းသော အကုသိုလ်နာမ်တရားတို့၏ ကျေးဇူးပြုမှုကို မခံကြရဘဲ
🌺 ကောင်းမြတ်သော ကုသိုလ်၊အဗျာကတ နာမ်တရားတို့၏ ကျေးဇူးပြုမှုကိုသာခံယူနိုင်ကြပါစေ။
🌷၁၂။ အာသေဝနပစ္စယော
🌺 - သတ္တဝါအားလုံး-မကောင်းသော အကုသိုလ်တရားများအဖန်တလဲလဲ ထုံခြင်းသဘောဖြင့်ထပ်ကာ ထပ်ကာ မဖြစ်ပွားကြဘဲ
🌺 ကောင်းမြတ်သောကုသိုလ်တရားကြိယာအဗျာကတ တရားတို့သာ မဂ်ဖိုလ်နိဗ္ဗာန်တိုင်ထိ အဖန်တလဲလဲထုံခြင်းဖြင့်ထပ်ကာထပ်ကာ ဖြစ်ပွားနိုင်ကြပါစေ။
🌷၁၃။ ကမ္မပစ္စယော
🌺 သတ္တဝါအားလုံး မကောင်းသော စေတနာကံတရားတို့ကိုမပြုလုပ်ဖြစ်ကြဘဲ၊ ကောင်းမြတ်သောစေတနာကံတရားတို့ကိုသာ ပြုလုပ်ဖြစ်ကြ၍
🌺 ယခုဘဝနောင်ဘဝ နိဗ္ဗာန်တိုင်ထိ ကောင်းကျိုးအဆက်ဆက်တို့ကိုသာခံစားရရှိနိုင်ကြပါစေ။
🌷၁၄။ ဝိပါကပစ္စယော -
🌺 သတ္တဝါအားလုံး- ကောင်းမြတ်သော အကျိုးတရားတို့ကိုသာအဆက်မပြတ် ရရှိပိုင်ဆိုင်ကြ၍
🌺 ထိုမှတဆင့် ကောင်းမြတ်သော အကျိုးတရားအမျိုးမျိုးတို့ ကိုသာနိဗ္ဗာန်တိုင်ထိ ထပ်ကာထပ်ကာ ရရှိခံစားနိုင်ြ ကပါစေ။
🌷၁၅။ အာဟာရပစ္စယော -
🌺 သတ္တဝါအားလုံး-ရရှိထားကြသော နာမ်ရုပ်ခန္ဓာကြီးအားမကောင်းသော ရုပ်အာဟာရ သြဇာဓာတ်များ၊မကောင်းသော နာမ်အာဟာရ ဓာတ်များဖြင့်အထောက်အပံ့မပြုကြဘဲ
🌺 ကောင်းမြတ်သောရုပ် နာမ်အာဟာရဓာတ် တို့ဖြင့်သာ အထောက်အပံ့ပြုဖြစ်ကြ၍ နိဗ္ဗာန်ကိုလွယ်ကူစွာ မျက်မှောက်ပြုနိုင်ကြပါစေ။
🌷၁၆။ ဣန္ဒြိယ ပစ္စယော -
🌺 သတ္တဝါအားလုံး- မကောင်းသော ရုပ်နာမ်တရားတို့၏ လွှမ်းမိုးအုပ်ချုပ် ချယ်လှယ်မှုကို မခံကြရဘဲ
🌺 ကောင်းမွန်သော ရုပ်နာမ်တရားတို့၏ လွှမ်းမိုးအုပ်ချုပ် ချယ်လှယ်မှုတို့ကိုသာနိဗ္ဗာန်တိုင်ထိ ရရှိခံစားနိုင်ကြပါစေ။
🌷၁၇။ ဈာနပစ္စယော-
🌺 သတ္တဝါအားလုံး- မကောင်းသော အကုသိုလ်တရားတို့၌စူးစူးစိုက်စိုက်အာရုံမပြုဖြစ်ကြဘဲ
🌺 ကောင်းမြတ်သောကုသိုလ်တရားတို့၌သာ စူးစူးစိုက်စိုက် အာရုံပြုနိုင်ကြ၍ နိဗ္ဗာန် တိုင်ထိ ကောင်းကျိုးတရားတို့ကို ရရှိနိုင်ကြပါစေ။
🌷၁၈။ မဂ္ဂပစ္စယော-
🌺 သတ္တဝါအားလုံး- ဒုဂ္ဂတိဘုံသို့ ရောက်စေတတ်သည့် မကောင်းသော အကုသိုလ် မဂ္ဂင်ခရီး လမ်းကြောင်းကို မလျှောက်ဖြစ်ကြဘဲ
🌺 သုဂတိဘုံ နိဗ္ဗာန်ဘုံတို့ကိုသာရောက်စေနိုင်သော ကောင်းမြတ်သော ကုသိုလ်မဂ္ဂင်လမ်းကြောင်းကိုသာ လျှောက်လှမ်းနို င်ကြပါစေ။
🌷၁၉။ သမ္ပယုတ္တပစ္စယော -
🌺 သတ္တဝါအားလုံး- မကောင်းသော စိတ် စေတသိက်နာမ်တရားအချင်းချင်းအညီအညွတ် ယှဉ်တွဲပေါင်းစပ်ခြင်းမပြုကြဘဲ
🌺 ကောင်းသောစိတ်
အစေတသိက် နာမ်တရားအချင်းချင်းတို့သာအညီအညွတ် ယှဉ်တွဲပေါင်းစပ်၍ နိဗ္ဗာန်တိုင်ထိ သွားနိုင်ကြပါစေ။
🌷၂၀။ ဝိပ္ပယုတ္တပစ္စယော-
🌺 သတ္တဝါအားလုံး- အချင်းချင်း အညီအညွတ်မယှဉ်တွဲသောအားဖြင့် ရုပ်နာမ်တရားတို ကျေးဇူးပြုရာ၌မကောင်းသော ရုပ်နာမ်တရားတို မယှဉ်တွဲသောအားဖြင့် ကျေးဇူးမပြုကြဘဲ
🌺 ကောင်းမြတ်သောနာမ်တရားတို့က ကောင်းမွန်သော ရုပ်တရားတို့ကို
🌺 ကောင်းမွန်သော ရုပ်တရားတို့က ကောင်းမြတ်သောနာမ်တရားတို့ကိုမယှဉ်တွဲသောအားဖြင
့်🌺 ကျေးဇူးပြုနိုင်ကြ၍ နိဗ္ဗာန်တိုင်ထိ ကောင်းကျိုးအမျိုးမျိုးတို့ကိုသာရရှိခံစားနိုင်ကြပါစေ။
🌷၂၁။ အတ္ထိပစ္စယော -
🌺 သတ္တဝါအားလုံး- မကောင်းသော ရုပ်နာမ်တရားတို့ထင်ရှားစွာ မဖြစ်ပေါ်ကြဘဲ
🌺 ကောင်းသော ရုပ်နာမ် တရားတို့သာ ထင်ရှားစွာဖြစ်ပေါ်ကြ၍ ကောင်းကျိုးအမျိုးမျိုးတို့သာ နိဗ္ဗာန်တိုင်ထိ တိုးတက်ဖြစ်ထွန်းနိုင်ကြပါစေ။
🌷၂၂။ နတ္ထိပစ္စယော
🌺 သတ္တဝါအားလုံး မကောင်းသော နာမ်တရားတို့ ချုပ်ငြိမ်းသွားခြင်းမရှိတော့ခြင်းဖြင့်
🌺 ကောင်းသော နာမ်တရားတို့သာ နိဗ္ဗာန်တိုင်ထိ အစားထိုးကာ ဆက်လက်ဖြစ်ပွားနိုင်ကြပါစေ။
🌷၂၃။ ဝိဂတပစ္စယော-
🌺 သတ္တဝါအားလုံး- မကောင်းသော နာမ်တရားတို့ ကင်းစင်သွားခြင်း၊မရှိတော့ခြင်းဖြင့်
🌺 ကောင်းသော နာမ်တရားတို့သာ နိဗ္ဗာန်တိုင်ထိ အစားထိုးကာ ဆက်လက်ဖြစ်ပွားနိုင်ကြပါစေ။
🌷၂၄။ အဝိဂတပစ္စည်း-
🌺 သတ္တဝါအားလုံး- မကောင်းသော ရုပ်နာမ်တရားတို့မကင်းသောအားဖြင့်မဖြစ်ပေါ်ကြဘဲ
🌺 ကောင်းသော ရုပ်နာမ်တရားတို့သာမကင်းကွာသောအားဖြင့် ဖြစ်ပေါ်ကြ၍
🌺 ကောင်းကျိုးအမျိုးမျိုးတို့သာ နိဗ္ဗာန်တိုင်ထိ တိုးတက်ဖြစ်ထွန်းနိုင်ကြပါစေ။
👏👏👏👏👏👏👏👏👏👏👏👏👏👏👏
🚩(အဘိဓမ္မာနှင့်ဗုဒ္ဓဘာသာ ယဉ်ကျေးမှုသင်တန်း-သာသနာရေးဦးစီးဋ္ဌာနမှ)🚩
ဓမ္မဒါန 🌹Myasandar🌹
🌴🌴🌴🌴🌴🌴🌴🌴🌴🌴🌴🌴🌴🌴🌴🌴
Credit...ထပ်ဆင့်ပူဇော်အပ်ပါသည်။
24/12/2019
18/12/2019