24/10/2026
လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ဒုတိယဝန်ကြီး ဒေါက်တာသန့်ဇော်လွင် ဥဇဘက်ကစ္စတန် နိုင်ငံတော်သမ္မတ၏အကြံပေးပုဂ္ဂိုလ်နှင့်လူမှုကာကွယ်စောင့်ရှောက်ရေးဆိုင်ရာ ဒုတိယဝန်ကြီးနှင့် တွေ့ဆုံ
ဥဇဘက်ကစ္စတန်နိုင်ငံ၊ ဆာမာကန်မြို့တွင် ကျင်းပလျက်ရှိသည့် ကလေးသူငယ်များ၏ သာယာ ဝပြောရေး၊ အခွင့်အရေးကာကွယ်စောင့်ရှောက်ရေးနှင့် လူမှုဖွံ့ဖြိုးတိုးတက်ရေးဆိုင်ရာ ကမ္ဘာ့ထိပ်သီး အစည်းအဝေးနှင့်ဆက်စပ်အစည်းအဝေးများသို့ တက်ရောက်ရန် ရောက်ရှိနေသည့် လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ဒုတိယဝန်ကြီးဒေါက်တာသန့်ဇော်လွင်သည် ဥဇဘက်ကစ္စတန်နိုင်ငံ၊ နိုင်ငံတော်သမ္မတ၏အကြံပေးပုဂ္ဂိုလ်နှင့် လူမှုကာကွယ်စောင့်ရှောက်ရေးဆိုင်ရာ ဒုတိယဝန်ကြီးနှင့် နှစ်နိုင်ငံချင်းသီးသန့်တွေ့ဆုံခဲ့ပါသည်။
ထိုသို့တွေ့ဆုံရာတွင် မြန်မာနိုင်ငံနှင့် ဥဇဘက်ကစ္စတန်နိုင်ငံတို့အကြား နှစ်နိုင်ငံချင်းသံတမန် ထူထောင် ခဲ့သည်မှာ ၂၀၀၂ ခုနှစ်မှ စတင်ခဲ့ရာ ယခုနှစ်ဆိုလျှင် ၂၄ နှစ်ကျော်ခဲ့ပြီဖြစ်ပါကြောင်း၊ မကြာမီ ငွေရတု နှစ်ပတ်လည်သို့ရောက်ရှိတော့မည်ဖြစ်ပါကြောင်း၊ နှစ်နိုင်ငံချစ်ကြည်ရေးကို ပိုမိုရင်းနှီးချစ်ခင်စွာ တိုးမြှင့်တည်ဆောက်သွားပြီး လူမူကာကွယ်စောင့်ရှောက်မူလုပ်ငန်းများ ပူးပေါင်း ဆောင်ရွက်သွားရန် အတွက် ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြကြောင်း သတင်းရရှိပါသည်။