Department of Higher Education - အဆင့်မြင့်ပညာဦးစီးဌာန

ပညာရေးဝန်ကြီးဌာန၊ အဆင့်မြင့်ပညာဦးစီးဌာန၏ Official Page ဖြစ်ပါသည်။

နောက်ခံသမိုင်းအကျဉ်း

၁၉၆၄ ခုနှစ်၊ ပြည်ထောင်စုမြန်မာနိုင်ငံ တက္ကသိုလ်ပညာရေးဥပဒေအရ တက္ကသိုလ် ကောလိပ်များကို စနစ်သစ်ဖြင့် ၁၉၆၄ ခုနှစ်၊ အောက်တိုဘာလ(၁)ရက်နေ့တွင် ပြန်လည် ဖွဲ့စည်းခဲ့သည်။ တက္ကသိုလ်နှင့် ကောလိပ်များကို စနစ်တကျ ကြီးကြပ်ကွပ်ကဲရန် တက္ကသိုလ် များအုပ်ချုပ်ရေးရုံးကို စတင်ဖွင့်လှစ်ခဲ့သည်။ ၁၉၇၂ ခုနှစ်တွင် အုပ်ချုပ်ရေး စနစ်သစ် ဖော်ထုတ်ရေးအစီအစဉ်အရ တက္ကသိုလ်များအုပ်ချုပ်ရေးရုံးကို အထက်တန်းပညာရေးဦး

စီး ဌာနအဖြစ် ပြင်ဆင်ဖွဲ့စည်းခဲ့သည်။

၁၉၈၃ခုနှစ်၊ အောက်တိုဘာလတွင် ၁၉၈၃ ခုနှစ်၊ ပြည်သူ့လွှတ်တော်ဥပဒေအမှတ်-၄ (၁၉၇၃ခုနှစ်၊ ပြည်ထောင်စုမြန်မာနိုင်ငံ တက္ကသိုလ်ပညာရေးဥပဒေကို ပြင်ဆင်သည့် ဥပဒေ) အရ အထက်တန်းပညာဦးစီးဌာနကို အဆင့်မြင့်ပညာဦးစီးဌာနအဖြစ် ပြောင်းလဲ ခေါ်ဝေါ် ခဲ့ပါသည်။

၁-၄-၁၉၉၈ ရက်နေ့တွင် အဆင့်မြင့်ပညာဦးစီးဌာနကို အဆင့်မြင့်ပညာဦးစီးဌာန (အောက်မြန်မာပြည်)နှင့် အဆင့်မြင့်ပညာဦးစီးဌာန (အထက်မြန်မာပြည်) ဟူ၍ ဦးစီးဌာန (၂)ခုအဖြစ် တိုးချဲ့ဖွဲ့စည်းခဲ့ပါသည်။ ၁-၄-၂၀၁၅ ရက်နေ့တွင် အဆင့်မြင့်ပညာဦးစီးဌာန (အောက်မြန်မာပြည်)နှင့် အဆင့်မြင့်ပညာဦးစီးဌာန (အထက်မြန်မာပြည်)တို့ကို ပြန်လည် ပေါင်းစည်းပြီး အဆင့်မြင့်ပညာဦးစီးဌာနအဖြစ် ပြင်ဆင်ဖွဲ့စည်းခဲ့ ပါသည်။