30/06/2021
ရန်ကုန် တက္ကသိုလ် ကြက်ခြေနီအသင်းခွဲ၏ အမာခံ အဖွဲ့ဝင် ကိုဝေယံဦး(တတိယနှစ်၊ ဘူမိဗေဒဌာန)သည် ယနေ့(30.6.2021)တွင် ရုတ်တရက် ဘဝတစ်ပါးသို့ ကူးပြောင်းခွဲခွာသွားပါသဖြင့် ရန်ကုန်တက္ကသိုလ် ကြက်ခြေနီအသင်းခွဲ အဖွဲ့ဝင်များက မိသားစုနှင့် ထပ်တူထပ်မျှ ဝမ်းနည်းကြေကွဲ ကြရပါသည်။
အဖွဲ့ဝင်အားလုံးနဲ့ ခင်မင်ရင်းနှီးသူ၊ ပေးအပ်တဲ့တာဝန်ကို အမြဲ ကျေပြွန်စွာ ထမ်းဆောင် တတ်သူ၊ တာဝန်ချိန်များတွင် အဖွဲ့ဝင်အားလုံးကို ပျော်ရွှင်အောင် လုပ်ပေးသူ တစ်ယောက်အဖြစ် ရန်ကုန်တက္ကသိုလ် ကြက်ခြေနီအသင်းခွဲကြီးက အစဉ်အမြဲ အမှတ်ရ ဂုဏ်ယူနေမည် ဖြစ်ပါသည်။
21/07/2020
စေတနာ့ ဝန်ထမ်းများ ဖိတ်ခေါ်ခြင်း
Covid 19ရောဂါ ကာကွယ်ရေးအတွက် ဆောင်ရွက်ထားသော Quarantine Centerများတွင် စေတနာ့ဝန်ထမ်း(volunteer)ဆောင်ရွက်လိုသည့် ရန်ကုန်တက္ကသိုလ်ကြက်ခြေနီအသင်းခွဲမှ အသင်းဝင်များသည် မနက်ဖြန် ညနေ ၄နာရီထက်နောက်ကမကျဘဲ အောက်ပါဖုန်းနံပါတ်များတွင် စာရင်းပေးနိုင်ပါသည်။
ဒေါ်သီတာဦး
09452219730
ကိုနိုင်မင်းခန့်
09977334105
17/04/2020
ရန်ကုန်တက္ကသိုလ် ကြက်ခြေနီအသင်းခွဲ၏ နှစ်ဦး နှုတ်ခွန်းဆက် ဆုမွန်လွှာ
ယနေ့အခါသမယသည် နှစ်ဟောင်းကုန်ဆုံး၍ (၁၃၈၂) ခုနှစ် နှစ်သစ်သို့ ကူးပြောင်းသော မင်္ဂလာရှိလှသည့် အခါသမယ ဖြစ်ပါသဖြင့် ရန်ကုန်တက္ကသိုလ် မိသားစုမှ အစပြု၍ တစ်ကမ္ဘာလုံးရှိ ကမ္ဘာသူကမ္ဘာသားများ သည် ယနေ့ကြုံတွေ့ရင်ဆိုင်နေရသော ကပ်ဘေးကြီးကို အန္တရာယ်ကင်းစွာ ကျော်ဖြတ်နိုင်ပြီး တစ်နှစ်ပတ်လုံးကိုယ်စိတ်နှလုံးရွှင်လန်းချမ်းမြေ့နိုင်ကြပါစေကြောင်း ရန်ကုန်တက္ကသိုလ် ကြက်ခြေနီမောင်မယ်များမှ ဆုတောင်း မေတ္တာပို့သရင်း နှစ်သစ်ကို ကြိုဆိုလိုက်ရပါသည်။
28/02/2020
To***co free campus လှုပ်ရှားမှုများ ပြုလုပ်
27/02/2020
၂၀၂၀ ခုနှစ်၊ ဖေဖော်ဝါရီလ (၂၇) ရက်နေ့ (ကြာသပတေး နေ့)တွင် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) ရဲ့ လမ်းညွှန်မှု နှင့် ရန်ကုန်တက္ကသိုလ် ငြိမ်းချမ်းရေးသံတမန်များက ဦးစီးကျင်းပသော"ငြိမ်းချမ်းရေးတည်ဆောက်မှုအတွက် တက္ကသိုလ်တွင်း ကျောင်းသားလူငယ်များ၏ အခန်းကဏ္ဍ " ဆွေးနွေးပွဲကို ရန်ကုန်တက္ကသိုလ် ကြက်ခြေနီအသင်းခွဲက စေတနာ့လုပ်အားရှင်များ ပူးပေါင်းပါဝင်ခဲ့ပါသည်။
25/02/2020
ရန်ကုန်တက္ကသိုလ် ကြက်ခြေနီ အသင်းခွဲက ဦးဆောင်၍ Tobaco free campusအတွက် တက္ကသိုလ်အနှံ့ ပညာပေး စတစ်ကာများကို (၂၇.၂.၂၀၂၀/ကြာသပတေးနေ့)တွင် လိုက်လံ ကပ်ခြင်းများ ပြုလုပ်ပါမည်။ ပါဝင်လိုသော ကြက်ခြေနီမောင်မယ်များ/ကျောင်းသား/သူများသည် ရန်ကုန်တက္ကသိုလ် စစ်ကိုင်းဆောင်ရှေ့သို့ ညနေ(၃)နာရီ လာရောက်ပေးကြပါ။ အခြေခံနှင့် သာမန်သင်တန်းပြီးသူများ လေ့လာရေးခရီးက အကျီ ဝတ်ခဲ့ပေးကြပါ။ အကျီမရှိသူများ သုံးထောင့်ပတ်တီး ယူခဲ့ပေးပါ။
volunteerများကို refreshmentနှင့် ဧည့်ခံပါမည်။
24/01/2020
လူမှုကရုဏာ လေ့လာရေးခရီးလိုက်မည့် သင်တန်းသူ/သားများ မနက်ဖြန်(25.1.2020) မနက်8:30 RCရှေ့စုရပ်သို့ အရောက်လာပေးကြပါ။