Shwe La Min Hospital ရွှေလမင်းဆေးရုံ - မြောက်ဥက္ကလာပ

🌸🎀 စောစောသိရင် အမြစ်ပြတ်ကုသလို့ရတဲ့ ရင့်သားကင်ဆာ (Breast Cancer) 🎀🌸

💖 ချစ်ခင်ရတဲ့ မိခင်၊ ညီမ၊ အစ်မ နဲ့ အမျိုးသမီးတိုင်းအတွက် ရင့်သားကင်ဆာအန္တရာယ်ဟာ ဝေးလှတယ်လို့ မထင်လိုက်ပါနဲ့။
ရင့်သားကင်ဆာဟာ အမျိုးသမီးတွေကြားမှာ အဖြစ်အများဆုံး ကင်ဆာတစ်ခုဖြစ်ပေမယ့် အဆင့်မလွန်ခင် စောစောစီးစီး သိရှိမယ်ဆိုရင် အမြစ်ပြတ်ပျောက်ကင်းအောင် ကုသနိုင်ခြေ အရမ်းမြင့်မားပါတယ်။

🎀 ရင့်သားကင်ဆာကို စောစောသိရှိနိုင်ဖို့ ပုံမှန်စစ်ဆေးမှု ပြုလုပ်ခြင်းက အရေးကြီးဆုံး ကာကွယ်စောင့်ရှောက်မှုတစ်ခု ဖြစ်ပါတယ်။

💝 ဒါကြောင့် အသက် (၂၀) ကျော်ကစပြီး အမျိုးသမီးတိုင်း အောက်ပါ အချက် (၃) ချက် ကို ပုံမှန်လုပ်ဆောင်သင့်ပါတယ်။
🌷 ၁။ မိမိကိုယ်တိုင် လစဉ်စမ်းသပ်ခြင်း (Breast Self-Examination)
▫️ ရာသီလာပြီး (၇) ရက်ကနေ (၁၀) ရက်အတွင်း မိမိရင့်သားကို မှန်ထဲမှာကြည့်ခြင်း၊ ပက်လက်လှန်ပြီး လက်ချောင်းလေးတွေနဲ့ စမ်းသပ်ခြင်းတို့ကို လစဉ် ပုံမှန်လုပ်ပေးပါ။
🌷 ၂။ ဆရာဝန်နှင့် ပြသစစ်ဆေးခြင်း
▫️ အသက် (၃၀) ကျော်လာရင် တစ်နှစ် သို့မဟုတ် နှစ်နှစ်တစ်ကြိမ် ကျွမ်းကျင်တဲ့ ဆရာဝန်တွေနဲ့ စမ်းသပ်စစ်ဆေးမှု ခံယူသင့်ပါတယ်။
🌷 ၃။ မင်မိုဂရမ် (Mammogram) ရိုက်ခြင်း
▫️ အသက် (၄၀) ကျော် အမျိုးသမီးတွေအနေနဲ့ ကင်ဆာဓာတ်မှန် (Mammogram) ကို (၁) နှစ် သို့မဟုတ် (၂) နှစ်တစ်ကြိမ် ပုံမှန်ရိုက်ကူးပေးခြင်းဖြင့် အကျိတ်အသေးလေးတွေကို ကြိုတင်သိရှိနိုင်ပါတယ်။
💡 စမ်းသပ်တဲ့အခါ ဘာတွေကို အဓိက သတိထားရမလဲ?
🔸 ရင့်သားမှာ ပုံမှန်မဟုတ်တဲ့ အကျိတ် သို့မဟုတ် အခဲတစ်ခုခု စမ်းမိခြင်း
🔸 ရင့်သားပုံသဏ္ဌာန် သို့မဟုတ် အရွယ်အစား သိသိသာသာ ပြောင်းလဲလာခြင်း
🔸 နို့သီးခေါင်းမှ အရည် သို့မဟုတ် သွေးထွက်ခြင်း
🔸 ရင့်သားအရေပြား အရောင်ပြောင်းလဲခြင်း သို့မဟုတ် ချိုင့်ဝင်သွားခြင်း
⚠️ အရေးကြီးသတိပြုရန်
▫️ အကျိတ်တိုင်းဟာ ကင်ဆာမဟုတ်သလို၊ နာကျင်မှုမရှိတဲ့အကျိတ်တွေက ပိုပြီးသတိထားရတတ်ပါတယ်။
▫️ ပုံမှန်မဟုတ်တာတစ်ခုခု စမ်းမိရင် ကြောက်မနေဘဲ နီးစပ်ရာ ဆေးရုံ၊ ဆေးခန်းမှာ ချက်ချင်းပြသ တိုင်ပင်ပါ။
💕 လစဉ် မိမိကိုယ်တိုင် ပုံမှန်စမ်းသပ်စစ်ဆေးတဲ့ အလေ့အထကို မမေ့မလျော့ လုပ်ဆောင်ကြဖို့ တိုက်တွန်းလိုက်ပါရစေ။ ကိုယ့်ကျန်းမာရေးကို ကိုယ်တိုင်ဂရုစိုက်ခြင်းက အကောင်းဆုံး ကာကွယ်ခြင်းပါပဲ။
🌷💖 မိမိကိုယ်မိမိ ချစ်ခင်မြတ်နိုးပြီး ကျန်းမာရေးကို အမြဲဂရုစိုက်ကြပါစို့။ 💖🌷

🌸အမျိုးသမီးတိုင်း သတိထားသင့်တဲ့ “သားအိမ်ခေါင်းကင်ဆာ” ရဲ့ အချက်ပြလက္ခဏာများ 🌸

သားအိမ်ခေါင်းကင်ဆာဟာ အစပိုင်းမှာ လက္ခဏာသိပ်မပြတတ်တာကြောင့် "တိတ်ဆိတ်တဲ့ လူသတ်သမား" (Silent Killer) လို့တောင် တင်စားကြပါတယ်။
ဒါကြောင့်မို့လို့ မိမိခန္ဓာကိုယ်က ပေးနေတဲ့ အောက်ပါအချက်ပြလက္ခဏာတွေကို လုံးဝမပေါ့ဆဘဲ သတိပြုဖို့ လိုအပ်ပါတယ်ရှင်။ 👇

📌 သတိပြုရမယ့် လက္ခဏာများ
• 🔸 ရာသီမမှန်ဘဲ ပုံမှန်မဟုတ်ဘဲ သွေးဆင်းခြင်း
• 🔸 အိမ်ထောင်ဖက်နဲ့ ဆက်ဆံပြီးနောက် သွေးစွန်းခြင်း/သွေးဆင်းခြင်း
• 🔸 အဖြူဆင်းတာ အရောင်ပြောင်းလာခြင်း သို့မဟုတ် အနံ့ဆိုးထွက်ခြင်း
• 🔸 ခါးနာခြင်း၊ ဆီးခုံတစ်ဝိုက် နာကျင်ကိုက်ခဲခြင်း
• 🔸 ဆီးသွားတဲ့အခါ နာကျင်အောင့်ခဲခြင်း
• 🔸 အကြောင်းရင်းမရှိဘဲ ခန္ဓာကိုယ် ပင်ပန်းနွမ်းနယ်နေခြင်း
• 🔸 ကိုယ်အလေးချိန် ရုတ်တရက် ကျဆင်းလာခြင်း

🎗️ သတင်းကောင်းတစ်ခုကတော့... သားအိမ်ခေါင်းကင်ဆာဟာ ပုံမှန်စစ်ဆေးမှု ပြုလုပ်ပေးရုံနဲ့ စောစီးစွာ သိရှိပြီး ကာကွယ်ကုသနိုင်တဲ့ ရောဂါဖြစ်ပါတယ်။

👩⚕️ ဒါကြောင့် အမျိုးသမီးတိုင်း မိမိကျန်းမာရေးအတွက် Pap Smear (သားအိမ်ခေါင်းအချွဲမြှေး စစ်ဆေးခြင်း) ကို ပုံမှန်ပြုလုပ်ဖို့ မမေ့ကြပါနဲ့နော်။

ကိုယ့်ကိုယ်ကိုယ် ချစ်ပါ၊ အမြဲဂရုစိုက်ပါ။
💕 ကိုယ့်ကိုယ်ကိုယ် ဂရုစိုက်ခြင်းက အကောင်းဆုံးသော ချစ်ခြင်းတရားပါပဲ။ 💗

*** "သားဖွားမီးယပ် အထူးကု ဆရာဝန်ကြီးများနှင့်လည်း ပြသဆွေးနွေးတိုင်ပင်နိုင်ပါသည်။"

မိုးရာသီမှာ ဝမ်းလျှောရောဂါအပြင် အထူးသတိထားရမယ့် "သွေးလွန်တုပ်ကွေး" အန္တရာယ် 🌧️🦟❌

မိုးရာသီရောက်ပြီဆိုရင် မိုးရေတင်ကျန်တဲ့ နေရာတွေကနေတစ်ဆင့် ခြင်ကျားတွေ ပေါက်ဖွားမှု မြင့်မားလာတတ်ပါတယ်။
ခြင်ကျားကိုက်ခံရရာကနေ ကလေးလူကြီးမရွေး သွေးလွန်တုပ်ကွေးရောဂါ ကူးစက်ခံရနိုင်ပြီး ပြင်းထန်ပါက အသက်အန္တရာယ်အထိ စိုးရိမ်ရနိုင်ပါတယ် ⚠️

မိမိရဲ့ ရင်သွေးငယ်များနှင့် မိသားစုဝင်များကို သွေးလွန်တုပ်ကွေးအန္တရာယ်မှ ကာကွယ်ရန် အောက်ပါ ကျန်းမာရေးအသိပညာပေး လမ်းညွှန်ချက်များကို အတူတကွ လိုက်နာကြပါစို့ 👇

✨ "ဖုံး၊ သွန်၊ လဲ၊ စစ်" ကာကွယ်ရေးစနစ်:

• ✅ ဖုံး: ရေလှောင်ကန်၊ ရေစည်နှင့် ရေအိုးများကို ခြင်ကျားဝင်ရောက် ဥမအုနိုင်စေရန် အဖုံးများဖြင့် လုံခြုံစွာ ဖုံးအုပ်ထားပါ။
• ✅ သွန်: ဘုရားပန်းအိုး၊ အိုးခွက်ပန်းကန်များ၊ ရေခဲသေတ္တာအောက်ခံခွက်များနှင့် တာယာဟောင်းများ၊ ခွက်ခွံများထဲတွင် မိုးရေတင်ကျန်ခြင်းမရှိစေရန် ဂရုစိုက် သွန်ပစ်ပါ။
• ✅ လဲ: သောက်ရေ၊ သုံးရေအိုးများနှင့် ပန်းအိုးများထဲက ရေကို အနည်းဆုံး တစ်ပတ်တစ်ကြိမ် လဲလှယ်ပေးပါ။
• ✅ စစ်: မိမိတို့အိမ်ပတ်ဝန်းကျင်နှင့် ရေနုတ်မြောင်းများတွင် ရေဝပ်နေခြင်း ရှိ၊ မရှိကို ပုံမှန် စစ်ဆေးရှင်းလင်းပါ။

✨ အခြားကာကွယ်ရန် နည်းလမ်းများ:

• ခြင်အန္တရာယ်မှ ကင်းဝေးစေရန် အိပ်စက်သည့်အခါ နေ့ရောညပါ ခြင်ထောင်ဖြင့် အိပ်စက်ပါ။
• ကလေးငယ်များကို ခြင်ကိုက်မခံရစေရန် လက်ရှည်၊ ဘောင်းဘီရှည်များ ဝတ်ဆင်ပေးခြင်းနှင့် ခြင်ပြေးဆေး (Mosquito Repellent) များ လိမ်းပေးခြင်းတို့ ပြုလုပ်ပေးပါ။

⚠️ အထူးသတိပြုရန်:
အကယ်၍ ကလေး သို့မဟုတ် မိသားစုဝင်တစ်ဦးဦးက အဖျားတက်ခြင်း၊ ခေါင်းကိုက်ခြင်း၊ မျက်ကွင်းနောက်ဘက်မှ ကိုက်ခဲခြင်း၊ ကြွက်သားနှင့် အဆစ်အမြစ်များ နာကျင်ခြင်း၊ ကော်ဖီရောင်အန်ခြင်း သို့မဟုတ် အရေပြားတွင် သွေးစက်လေးများ ပေါ်လာခြင်း စသည့်လက္ခဏာများ ပြသလာပါက မိမိသဘောဖြင့် အကိုက်အခဲပျောက်ဆေးနှင့် အဖျားကျဆေးအချို့ကို လုံးဝ (လုံးဝ) မတိုက်ကျွေးပါနှင့်။

ထိုဆေးများသည် သွေးယိုစီးမှုကို ပိုမိုပြင်းထန်စေနိုင်သောကြောင့် အဖျားရှိပါက ပါရာစီတမော (Paracetamol) ကိုသာ သတ်မှတ်ထားသော ပမာဏအတိုင်း တိုက်ကျွေးပြီး နီးစပ်ရာ ဆေးရုံ၊ ဆေးခန်းသို့ အမြန်ဆုံး လာရောက်ပြသ ကုသမှုခံယူသင့်ပါတယ်ခင်ဗျာ 🩺

မိသားစုဝင်အားလုံး ခြင်ကိုက်အန္တရာယ်မှ ကင်းဝေးပြီး ကျန်းမာပျော်ရွှင်သော မိုးရာသီလေး ဖြစ်ပါစေ 💙

#ရွှေလမင်းဆေးရုံ

မိုးရာသီမှာ ဝမ်းလျှောရောဂါ မဖြစ်အောင် ဘာလုပ်သင့်လဲ ? 🍲🌧️❌

ရန်ကုန်မြို့ရဲ့ မိုးရာသီကာလမှာ စိုထိုင်းဆမြင့်မားတာကြောင့် အစားအစာတွေဟာ ပုံမှန်ထက် ပိုမိုပုပ်သိုးလွယ်ပြီး မိုးရေထဲကတစ်ဆင့် ရေမသန့်ခြင်းကြောင့် ဝမ်းပျက်ဝမ်းလျှောရောဂါများ ပိုမိုဖြစ်ပွားနိုင်ပါတယ် ⚠️

မိမိနှင့် မိသားစုဝင်များ ဝမ်းလျှောရောဂါအန္တရာယ်မှ ကင်းဝေးစေရန် အောက်ပါအချက်လေးများကို အထူးဂရုစိုက် နေထိုင်ကြပါစို့ 👇

✨ လိုက်နာရန် ဆောင်ရန်များ:

✅ သန့်ရှင်းသော ရေသောက်ပါ: သောက်သုံးရေကို ကျိုချက်သောက်သုံးခြင်း (သို့မဟုတ်) စိတ်ချရသော ရေသန့်ကိုသာ သောက်သုံးပါ။

✅ အစားအစာများကို ပူပူနွေးနွေးစားပါ: ယင်နားစာများကို ရှောင်ကြဉ်ပြီး ချက်ပြုတ်ပြီးစ ပူပူနွေးနွေး အာဟာရများကိုသာ စားသုံးပါ။

✅ လက်ကို မကြာခဏဆေးပါ: အစားအစာမစားမီနှင့် အိမ်သာတက်ပြီးတိုင်း လက်ကို ဆပ်ပြာဖြင့် စနစ်တကျ မကြာခဏ ဆေးကြောပါ။

✅ အပြင်စာများ သတိထားစားပါ: လမ်းဘေးစာများနှင့် သန့်ရှင်းမှု အာမခံချက်မရှိသော အပြင်စာများ စားသုံးခြင်းကို သတိပြုပါ။

⚠️ အထူးသတိပြုရန်:

ဝမ်းလျှောခြင်း၊ အော့အန်ခြင်းများ စတင်ဖြစ်ပွားပါက ခန္ဓာကိုယ်တွင်း ရေဓာတ်နှင့် ဆားဓာတ် ခမ်းခြောက်မှုကို ကာကွယ်ရန် ဓာတ်ဆားရည် (ORS) ကို စောစီးစွာ အချိုးကျစပ်ပြီး အကြိမ်ကြိမ် သောက်ပေးပါ။

အကယ်၍ ဆက်တိုက် ဝမ်းလျှောခြင်း၊ အန်ခြင်း၊ ခြေလက်အေးစက်လာခြင်း၊ နုံးခွေခြင်းများ ဖြစ်ပွားပါက ရေဓာတ်ပြင်းထန်စွာ ခမ်းခြောက်နိုင်သောကြောင့် အချိန်မဆွဲဘဲ ဆေးရုံ၊ ဆေးခန်းသို့ အမြန်ဆုံး သွားရောက်ကာ စစ်ဆေးကုသမှု ခံယူသင့်ပါတယ်ခင်ဗျာ 🩺

မိုးရာသီမှာ ကျန်းမာရေးကို ပိုဂရုစိုက်ကြပါစို့ 💙



#ရွှေလမင်းဆေးရုံ
o

✨ သိုင်းရွိုက် (Thyroid) နှင့် နာတာရှည်ရောဂါအခံရှိသူများ မိုးရာသီမှာ ကိုယ်ခံအားမကျအောင် ဘယ်လိုနေထိုင်မလဲ ❓️ 🩺⛈️

​🌧️ မိုးရာသီ ရာသီဥတုအကူးအပြောင်းမှာ စိုထိုင်းဆမြင့်မားပြီး အေးစိမ့်လာတာကြောင့် သာမန်လူတွေတင်မကဘဲ သိုင်းရွိုက် (Thyroid)၊ ဆီးချို (Diabetes) နဲ့ သွေးတိုးရောဂါ အခံရှိသူတွေဟာ ကိုယ်ခံအားစနစ် (Immunity) ကျဆင်းပြီး ဗိုင်းရပ်စ်ပိုးဝင်ကာ ဖျားနာလွယ်တတ်ပါတယ်။

​⚠️ အထူးသဖြင့် သိုင်းရွိုက်ဟော်မုန်းစနစ် ကမောက်ကမဖြစ်နေသူတွေမှာ ခန္ဓာကိုယ်အပူချိန်ကို ကောင်းစွာမထိန်းညှိနိုင်လို့ သူများထက် ပိုမိုချမ်းတတ်ခြင်း၊ အားအင်ကုန်ခမ်းနုံးခွေခြင်းနဲ့ ရင်တုန်လက်တုန်ဖြစ်ခြင်း ဝေဒနာတွေကို မိုးရာသီမှာ ပိုမိုသိသိသာသာ ခံစားရတတ်ပါတယ်။
​💡 ရောဂါအခံရှိသူများအတွက် မိုးရာသီ နေထိုင်မှုပုံစံ "5 Tips"
​🌡️ ၁။ ခန္ဓာကိုယ်အပူချိန်ကို ထိန်းညှိပါ
ရာသီဥတုအေးစိမ့်ချိန်တွင် နွေးနွေးထွေးထွေး ဝတ်ဆင်ပါ။ မိုးမိပါက အိမ်ပြန်ရောက်လျှင် ဆံပင်နှင့် ခန္ဓာကိုယ်ကို ခြောက်သွေ့အောင် အမြန်ဆုံးလုပ်ဆောင်ပါ။
​🧼 ၂။ အသက်ရှူလမ်းကြောင်း ပိုးဝင်ခြင်းမှ ကာကွယ်ပါ
စိုထိုင်းဆကြောင့် မှိုနှင့် ပိုးမွှားများ ပေါပွားတတ်သဖြင့် အပြင်ကပြန်လာတိုင်း လက်ကို စနစ်တကျဆေးကြောပါ။ ရင်ကြပ်/ပန်းနာရင်ကြပ် အခံရှိသူများ အအေးမပတ်စေရန် အထူးဂရုစိုက်ပါ။
​🥗 ၃။ Food Safety ကို ဂရုစိုက်ပါ
ဆီးချိုနှင့် သိုင်းရွိုက်ဝေဒနာရှင်များအနေဖြင့် မိုးရာသီတွင် ယင်နားစာများ၊ မှိုတက်လွယ်သော အစားအစာများကို ရှောင်ကြဉ်ပြီး ကျက်အောင်ချက်ထားသည့် အာဟာရပြည့်ဝသော အစားအစာများကိုသာ စားသုံးပါ။
​🏃 ၄။ အိမ်တွင်း လေ့ကျင့်ခန်းလုပ်ပါ
မိုးရွာသဖြင့် အပြင်မထွက်နိုင်သော်လည်း သွေးလည်ပတ်မှုကောင်းမွန်ပြီး ကိုယ်ခံအားတက်စေရန် အိမ်ထဲ၌ပင် ကိုယ်လက်လှုပ်ရှားမှု ပုံမှန်ပြုလုပ်ပေးပါ။
​🩸 ၅။ ပုံမှန်ဆေးစစ်မှု ခံယူပါ
ရာသီဥတုပြောင်းလဲချိန်တွင် မိမိတို့၏ ဟော်မုန်းပမာဏနှင့် ဆီးချို၊ သွေးတိုး စစ်ဆေးမှုများကို လျစ်လျူမရှုဘဲ သွေးစစ်ခြင်း (Thyroid Function Test စသဖြင့်) ပုံမှန်ပြုလုပ်ပါ။

​မိမိတို့၌ အကြောင်းရင်းမရှိဘဲ ခန္ဓာကိုယ် ပုံမှန်ထက် ပိုမိုနုံးခွေလာခြင်း၊ ရင်တုန်ခြင်း သို့မဟုတ် ဖျားနာခြင်းများ ရှိလာပါက အထူးကုသမားတော်ကြီးများနှင့် သေချာစွာတိုင်ပင်ဆွေးနွေးနိုင်ပါတယ်ရှင်။ 👩‍⚕️👨‍⚕️
​
​.
📲 ဆက်သွယ် Booking ယူရန်
(Hospital Operator Numbers):
📞 09-4284 18657, 09-8953 54213
📞 01-8660460, 01-8655612, 01-8655613
📞 01-8655614, 01-8656203, 01-8656204, 01-8656205

​📍 လိပ်စာ: ရွှေလမင်းဆေးရုံ (မြောက်ဥက္ကလာ)
အမှတ် (၁၂၅၄)၊ သုဓမ္မာလမ်းမကြီး၊ ၂ ရပ်ကွက်၊ မြောက်ဥက္ကလာပမြို့နယ်၊ ရန်ကုန်မြို့။

​ #ရွှေလမင်းဆေးရုံ