A Bawi Cenhrangpa

Na Liamsia A Rem Ko Maw?
"""""""""
By Abawi cenhrangpa

Nang he ton ka duh mi caan hna an tam rih dah kaw,na caah saduh ka thah mi thiltampi an tang rih dahkaw, hlam mi na si sual lai ti ka phang bik mi thli lak ah a pakhatnak a si dah kaw,
Hnu lei na mertak mi siding in ka sin ah mitthli dah lo țhawnnak an um lo.

Rose hi ka caah dawtnak a ka ser piak tu nu tining law palhnak ka ngei hnga lo,ka thinlung ah a pakhatnak dawtnak hum a co hma sabik tu a si hlei ah,keimah nunnak tluk in ka ruah mi ka keizong a si,mi nuamnak serpiak a thiam i,mi tleichan a thiam tuk mi a si pin ah ,nu sinak ah a tlam a tlin mi tiin ka lungchung te in ka zohthla ngai mi a si tihi a ho nan sin hmanh ah ka thump ko lai loh,cucu a si taktak mi a si caah a si.

Rose he hin caan khatkhat cu kan i țhen caan a phan te lai ti hi kan rak ruat bal loh,a ruahzong kan rak zuam lem loh ,a ruang cu nun chung in kan um ți lai tiah biakamnak kan rak ngei ca zong ah a si, dawtnak dah lo ,huatnak ,i theithiam lo nak a um lo nak thinlung a ngeitu kan si tiin pakhat le pakhat ngeihchiat caan ,harnak ton caan ah thaazang a pe in ai hnem mi kan sinak nih hin kan kar i dawtnak hi a feh ter chintawn,pakhat le pakhat i tleihchan nak kan ngei pin ah pakhat le pakhat siaherhnak lungthin kan ngei.

Zaankhat cu ruah lopi in Rose sin in message a rak phan,Pa lian zangfah tein kan inn hmai ah na ka tong kho hnga maw? Ti te lawng a si,zaan dang ah cun kan dawt tuk Pa lian mangtha mu tihi ka ih lai paoh ah ka reltawn mi message a si nain tuzaan cu ,kan inn hmai ah na ka tong kho hnga maw? Ti a si caah ka lau pah bukhin Rose ton ding cun ka thawh cawlh ,Rose cu a pamh senh lo a mui he ka cungah lungtlin lo nak a ngei mi bang a rak dir ka hmuh ah ka thinlung khing a rit mi ban tuk khin ka um cawlh.

Apanh sen lo mi Rose hmai ah cun dir in ,

Hi Rose tiah ka auh vial ah khin,ngaihchia nak he a khat mi thinlung ne in a rak tho mi a mitthli fim tete cu fiang tein ka hmuh cawlh,ka lau zeidah Rose cung ah ka tuahsual mi a um hnga,zeidah ka palh tiin rose he kan hman cang mi caan thlakhat in zarh khat ,nizaan tiang ah ka tuah mi thilvial te ka ruat cekcek nain ka fian mi tu cu Rose ka dawtnak tu a si,ka palh lo ti ka fiang,
Rose yiah cuti na um ee ka tivial ah fekthup in a ka kuh cawlh,sian lo nak thaa le zaang vialte chuah in a ka kup tu Ka dawt Rose a mitthli hnawpiak pah in,a nuam nak hnga tiah ,yiah tuzaan lei tiang cu pei kan tlawn len ti ko kha na ka ngaituk manh maw?hngakchia hi cu pa le lo in cun nan tlei taktak lo hi teh aw tiah copo lei in ka lang,nain a ik thawng tu a thang chinchin.

Rose na mitthli a tlak ka hmuh ah hin ka thinlung nih a tuar dah kaw,nang cu na nih ah a dawh bik mi ka bawi nu na si tung ,yiah cuti pi cun tuzaan hi kan tawn ee tiah bia hram ka vanthawh.

Si tuzaan hi hmuh ter kan duh lo bik mi ka mithmai le ka thinlung nih a duh lo bik mi nang cah sivai chia ka rak sinak langter dingin a dir mi ko khi ka lawh ter ve ko ,a sinain a hmasa bik ah kan dawt tuk tihi na ka theipiak caah ka lawm tuk mu ka ța a ti pah khin van lei a zoh.

Si Rose na ka dawtnak hi ka caah Pathian sin in ka hmuh mi ro a si tiah ka hawi le sin ah ka chim theo tawn,na dawt mi si hi ka sak duh thah ngan bik a si,kei zong nih kan dawt tuk nak cu kei mah tluk tein na hngalh.

Si na ka dawtnak cung ah ka lawm ka ța,nu sel cuh ngai in a thutnak a remh hnu ah keimah lei zoh in an innchungkhar si ning le cawlcang ning,a nu le pa nih hmai lei a caah a tha tiin khua an khan piak mi te hna pakhat hnu pakhat chim hram a van awt.

A pa a dam lo nak ruang ah Yagon si zung vawithum an kalnak ruang ah an inn chungkhar thutto ning a har ning te hna mitthli tla bu cun ka dawt tuk mi Rose nih cun a ka ruah.abia a d**g lei a khin,

Ka ța rak ka ngai thiam a tu hivial te kan sining kan chim mi le tuzaan ah mitthli tla buin hi ka hmun kan kawh nak hi,na caah dawt awk ka tlak lo nak le ,na dawtnak kei nih kan chap khawh lo mi cung ah ngeihthiam hal kan duh,a tipah khin a bia a peh kho ti lo.

Cutin cun ruah ding a si lo ee ka dawt,nang cu ka nunnak ban tuk ka ruah mi ka hnakruh na si,na duh lo ning in ka tuah sual mi a um a si ah cun na duh ning in nun dan ka thiam nak hnga nun ka chim ko.

Pehthan te ding.

Senri Sin Cakhuat
By Abawi Cenhrangpa

Kei cu tuarnak he a uai ding menmen
Faknak he nun a har zia na thei ter mi
Mitthli he an hlam tu men ka rung si.

Senri, ka co tawk a si tiin
Lungfak nak hi ka tuar caan a sau sin
Duh, dawtnak ah pumkhat bang rak i ruat in
I siaher i nak kan lungthin kha ka ngai.

Fingrei a cah fatin tuarnak he awt mi nikhua sin,
Nang na muisam lawng a leng
An tleichan i an duh tu kei ka thinglung ah
Kan rak dawt tuk hmelchun tu bang.

Tuar rih ko ning ka chantlung in
Dawtnak ruang ah pei a si cu tiah
A ho nih theipi lo mi tuarnak phen ka biathli
Nang na rak theithiam kho hlei lo.

Dawtnak Hri Nih Kan Tem Seh
By Abawi Cenhrangpa

Mitthli a tla țhan ti lai lo i
Tuarnak zuun hla in i hnemh a hau ti lai lo
Zuunthing tharțhan ti lo in dawtnak ni thar tu kan cuan ți cang lai.

A fek mi pehtleihnak thinlung kan ser lai i
A hmun mi runinn ah dawtnak bia kan phai lai
Fur,khuasik le țhal ti a um lo mi dawtnak in
Kan i lumh ți zungzal lai.

Harnak lak ah dawtnak a um zia lang ter in
Dawtnak he a tling mi vawlei kan ser lai
Nun a sunlawi zia i fiang uh sih
Leidai tang kan liam hlan ah.

Dawtnak hri nih kan tlai seh kan chantlung in
Tuarnak kan hrial ți lai
Kan i dawtnak thinlung he minu.

Zuunthing
""""''"""'''''''''''""""""
Cun,
Caan nih a liampi te ko lai tiin i hnem ko uh sih,
Tuarnak kan tei khawh ni caan a phan te ko lai...

Lungsau in teizuam ko rih uh sih muh,
Mitthli a luang camcin lai loh,
Ni bang a tlang te ko lai i nuam nak caan...

Si,
Faknak hna cu i ken in pei
Zuuntuar nun kan cawnfom cuh
Tuarzia thiam zong cawng uh sih muh...

Cuntin,
Kan ser tti mi dawtnak
Cun,
I duhnak ah kan rak pil tti lio caan zong
Mitthlam men ah an hung cang te ko lai.

By abawi cenghrangpa

Senri Sin Cakuat
By Abawi Cenhrangpa

Valdang tang ah uai chialmal in
Lung tak lo dawtnak runinn na ser cang.

Na liamsia her loh dah mu kei val
Na mawh lo senri,
Kei philh ding in thinlung sivai bia phuang tu an tam,
An saduhthah bal a tling hna lai mu.

Kei ka zawh mi dawtnak lam ah
Chun a ka duh tu hling ko an tam kai fiang sin
Ka mitthli tu a luang chialmal.

Ka cotawk lo par na rak si tiin i hnem hmanh ning
Ka tum lo faknak co tu bal ka si tiin
Nang caah ka thlak khawh tawk mitthli te hi
Na nun thatnak caah si hram seh.

Thlamchung Ngaknu/Tlangval Cawnpiak nak
""""""""""""""""""""""""""""""""""""""""""

*Nuamhnak pehzulh fahnak
Nih tuk cu tahnak an ti,

*Um danthiam lo cu i chuihpahnak .

*I Uah tuk cu nupi pasel ton lo nak hrampi a si .

*Perchawi cah tuk cu mimit kep.

*Hawlh tam tuk cu mah le mah khurchung i thlahnak hriam tha bik a si.

*Theithiamnak a ngei kho lo mi dawtmi/duhmi ngeih cu mitchung i hnawm pel a lut mi he an i lo.

*Mitpar ngei mi nu /pa cu a hmai lei ah tuarnak rap a chiah piak sa mi an si .

*I duh tuk le i dawt tuk ruang ah i ven i ngiat hlai tuk cu i thennak lam sial tu a si.

*A daw mi le theihthiamnak a ngei mi kawp hna cu cawnglawm an tong.

*Thinhan pang tuk mi cu mi nih tih mi ah an cang len .

*Nupi tha le vatha cu mui in kawl hlah na tlaknak sang lai.

*Mipakhat lungthin cu na len te cel nak hmun ban tuk ah vahmang hlah leh rul a hmang.

*Na duh mi nu/pa caah na mitthli a tlak ah cun nupi pasal ca ding tiang in na duh, cu caah na caah a mitthli a tla mi cu vahnawh piak.

* dawtnak cu rumnak nih a cah tawn,Rumnak nih cun minung a hrawk tawn.

*Huatnak nih cun thangchiatnak a chuahpi,Dawtnak nih cun cawnglawmhnak.

*Philhnak hi hngalhthannak a si i thennak hi tonthannak ding hram thawk tu a si.

A Bawi Cenhrangpa