Баянхонгор сумын Засаг даргын Тамгын газрын албан ёсны пэйж хуудас
03/06/2026
📢 Адууны эзэнтэй холбогдоно уу!
Баянхонгор сумын төвийн ногоон байгууламжид адуу оруулж, нийтийн эзэмшлийн талбайд хохирол учруулсан тул доорх адуунуудыг түр хашаалсан болно.
🐎 Адууны эзэн яаралтай ирж холбогдон, малаа хүлээн авна уу.
📞 Холбоо барих утас: 9997-2363
⚠️ Иргэд, малчид та бүхэн сумын төвийн ногоон байгууламж, тохижилтын бүсэд малаа оруулахгүй байж, нийтийн эзэмшлийн эд хөрөнгийг хамгаалахад хамтран ажиллана уу
1072 хувьцааг өвлүүлж эхэллээ. Хаана, хэрхэн хандах вэ?
Анхаарах зүйлс
1. 2011.03.31-ний өдрөөс хойш нас барсан иргэний хувьцаа, түүнд хуваарилагдсан ногдол ашиг хамаарна.
2. Хамгийн түрүүнд 158989 тусгай дугаарт нас барсан иргэний РД-ийг кирилл том үсгээр илгээж, хувьцааны мэдээллээ шалгана.
📢 1072 ХУВЬЦААНЫ ӨВЛҮҮЛЭХ АЖИЛТАЙ ХОЛБООТОЙ МЭДЭЭЛЭЛ, ЗӨВЛӨГӨӨ ӨГНӨ
1072 хувьцааг өвлүүлэхтэй холбоотой бүхий л мэдээлэл, зөвлөгөөг иргэдэд хүргэх уулзалт зохион байгуулагдана.
🗓 2026 оны 06 дугаар сарын 04 🕙 Цаг: 10:00 📍 Байршил: Баянхонгор аймгийн Хөгжимт драмын театр
Иргэн та хүрэлцэн ирж:
✅ Хувьцаа өвлүүлэхтэй холбоотой мэдээлэл авах
✅ Бүрдүүлэх материалын талаар зөвлөгөө авах
✅ Өвлөгчийн эрх, бүртгэлийн талаар мэдээлэл авах боломжтой
1072 ШИРХЭГ ХУВЬЦАА, НООГДОЛ АШИГ ӨВЛӨХИЙН ТУЛД ХИЙХ 5 АЛХАМ
Нас барсан иргэний 1072ш хувьцааг өвлүүлэх ажил 6-р сарын 1-нд эхэлнэ. 2011.03.31-нээс хойш нас барсан иргэний хувьцааг өвлүүлнэ. Хэн өвлөх вэ гэвэл өвлүүлэгчийг нас барах хүртэл хамт амьдарч байсан хань ижил, үр хүүхэд гэх мэт хууль ёсны өвлөгч. Иргэний хуулийн 520.1, 520.2-т ачинцар зээнцэр, үрлүүлэгч үрчлэг хүртэл нэг бүрчлэн заасан:
1. Хувьцаа өвлөхийн тулд 5 алхам хийнэ. 158989 дугаарт нас барсан иргэний регистрийн дугаарыг илгээнэ. Кирилл том үсгээр илгээнэ.
2. Нэг цэгийн үйлчилгээнээс нас барсны гэрчилгээ, эсвэл лавлагаа авна. Гэрчилгээ, лавлагаа дээр бичигдсэн хаягаар сум, хорооны засаг даргаас тодорхойлолт, Хүн, ам өрхийн бүртгэлийн дэвтрийн хуулбар авна. Дэвтэр байхгүй бол оронд нь засаг даргаас тамга, гарын үсэгтэй тодорхойлолт хэрэг болно. Өвлөгч улсын бүртгэл дээр бичиг баримттайгаа биечлэн ирнэ.
3. Хүүхэд нь бол төрсний гэрчилгээ, нөхөр нь бол гэрлэлтийн лавлагаа гэх мэт нотлох баримтуудаа бүрдүүлээд нотариатад очно. Нотариат байхгүй орон нутагт засаг дарга үүрэг гүйцэтгэдэг. Нотариатч “Өвлөх эрхийн гэрчилгээ” бичиж, цахим системд байршуулж, Үнэт цаасны төвлөрсөн хадгаламжийн төвд илгээнэ. Хэн нэг нь, зарим нь өвлөхөөс татгалзвал хүсэлтээ нотариатын байгууллагад гаргаж, түүнийг нь нотариатаар батлуулах ёстой.
4. E-Mongolia системээр үнэт цаасны данстай эсэхээ шалгана. Байхгүй бол брокерын компанид данс нээнэ.
5. Үнэт цаасны төвлөрсөн хадгаламжийн төв “Эрдэнэс Тавантолгой” ХК-ийн хувьцаа, ногдол ашгийг бүртгэж баталгаажуулна. Хэрвээ хүсвэл брокерын компаниар дамжуулан өөрийн банкны данс руу шилжүүлэн авах боломжтой.
01/06/2026
Эх үрсийн баяр мэнд хүргэе
Баянхонгор сумын Засаг дарга бөгөөд Хотын захирагч М.Насанбат
31/05/2026
АЛДАРТ ЭХИЙН I, II ОДОНГ ГАРДУУЛЛАА
Олон улсын хүүхдийн эрхийг хамгаалах өдөр, Эх үрсийн баярыг тохиолдуулан олон хүүхэд төрүүлж өсгөн хүмүүжүүлсэн ээжүүдэд төрийн дээд шагнал болох “Алдарт эх” I, II одон гардуулах ёслол хүндэтгэлтэйгээр зохион байгуулагдлаа.
Энэ жил аймгийн хэмжээнд нийт 246 ээж “Алдарт эх” I, II одонгоор шагнагдан, төр засаг, ард иргэдийнхээ өмнө хүлээсэн эрхэм гавъяагаа үнэлүүллээ.
Шагнал хүртсэн ээжүүдийн дундаас хамгийн залуу нь 26 настай байсан нь залуу гэр бүлүүд үр хүүхдээ өсгөн хүмүүжүүлэх үйлсэд манлайлан оролцож буйг харуулж байна.
Монгол Улсын ирээдүй болсон үр хүүхдүүдээ энэрэл хайр, зөв хүмүүжилтэй иргэн болгон өсгөн хүмүүжүүлж буй нийт ээжүүддээ халуун баяр хүргэж, гэр бүлд нь аз жаргал, эрүүл энх, сайн сайхан бүхнийг хүсэн ерөөе.
🌷 Эх хүний хайр энэрэл, ач гавъяаг эрхэмлэн дээдэлье.
Номгон хайрхан
31/05/2026
2026.05.31
НОМГОН ХАЙРХНЫГ ТАХИВ
Ламын гэгээн Данзанжамбалчойжишинэн хутагт Гон Гандан Дэдлин хийдийн лам хуваргуудын хамт нутгийн шүтээн Номгон хайрхан уулаа тахих ёслолыг өнөөдөр буюу зуны эхэн сарын шинийн 15 билэгтэй, Бурхан багшийн их дүйчэн өдөр үйлдэж, газар лусаа аргадан цэнгүүллээ.
Тахилгын үйл ажиллагаанд аймгийн ИТХ-ын дарга Б.Батсуурь, Засаг дарга Э.Энхбат, Баянхонгор сумын удирдлагууд оролцон аймаг орон, ард олноо даатгаж оролцов.
Баянхонгор хотын зүүн зүгт орших Номгон хайрхан уул нь далайн түвшнээс дээш 2044 метр өндөрт өргөгдсөн “Хэвтэж буй охин барын дүртэй” догшин хайрхан юм. Монголчууд эрт дээр үеэс догшин сүрлэг хайрханаа “НОМХОН” хэмээн аргадан хүндэлж ирсэн нь хожмоо авиа зүйн өөрчлөлтөд орж, Номгон гэгдэх болжээ.
Сүлдэн тэнгэрийн тахилгат Номгон хайрханыг аймгийн ИТХ-ын хурлын тогтоолоор аймгийн тахилгат уул болгосон билээ.
Номгон хайрхан уулыг тахих ёслолын бэлтгэл ажлыг Баянхонгор сумын ЗДТГ-ын хамт олон хариуцлаа.
САЙН ҮЙЛСИЙН ҮР ШИМ ДЭЛГЭРЭХ БОЛТУГАЙ
“Алдарт эхийн |, || одон” гардуулах ёслол хүндэтгэлийн үйл ажиллагаа 15:00 цагт эхэлнэ.