Ховд аймгийн Хүүхэд, Гэр бүлийн хөгжил, хамгааллын газар

Ховдын Баянбулаг Хүүхдийн зуслан

“ЯРЬДАГ ФУТБОЛК- 2026” футболк бүтээх уралдааныг зохион байгуулав

🔷Хүүхэд бүр өөрийн эрх, үзэл бодлоо илэрхийлж, уур амьсгалыг өөрчлөлт, үе тэнгийн дээрхэлтийн эсрэг дуу хоолойгоо олон нийтэд бүтээлчээр илэрхийлэх, эрхээ мэдэх, хүний эрхийн боловсрол, соёлыг түгээхэд оршино.

🔷Энэхүү арга хэмжээнд оюутан, сурагчид оролцож, хүний эрхийн талаарх үзэл бодол, дуу хоолойгоо өөрийнхөө футболк дээрээ урлаж оролцлоо. Тэр дундаа хүүхдийн эрхийн хэрэгжилт, үе тэнгийн дээрэлхэлт, ялгаварлан гадуурхалт болон хог хаягдал зэрэг сэдвээр оролцож, олон нийтэд хүргэлээ.

🔷Уралдаанд оролцсон бүтээлүүдийг хүний эрхийн утга агуулга, уриалгын оновчтой илэрхийлэл, футболкны өнгө, дизайн, шинэлэг байдал, илэрхийлэмж зэрэг шалгуураар үнэлж, шилдэг бүтээлүүдийг шагнаж урамшуулж, хүүхэд бүрд ном тохимол гардуулж өглөө.

“ОЛОН УЛСЫН ХҮҮХДИЙН ЭРХИЙГ ХАМГААЛАХ ӨДӨР”ИЙГ ХОВД АЙМАГ ЁСЛОЛ ТӨГӨЛДӨР ТЭМДЭГЛЭН ӨНГӨРҮҮЛЖ БАЙНА.

ХҮҮХДИЙН АЮУЛГҮЙ БАЙДЛЫГ ХАНГУУЛАХ ЧИГЛЭЛЭЭР УРЬДЧИЛАН СЭРГИЙЛЭХ ХЯНАЛТ, ШАЛГАЛТ ХИЙЖ БАЙНА

Олон улсын хүүхдийн эрхийг хамгаалах өдрийг угтан Ховд аймгийн Хүүхэд, гэр бүлийн хөгжил, хамгааллын газар болон холбогдох байгууллагууд Жаргалант сумын нутаг дэвсгэр дэх нийтийн эзэмшлийн талбай, орон сууцны хороолол, цэцэрлэгүүдийн тоглоомын талбайн аюулгүй байдал, эрүүл ахуй, стандартын хэрэгжилтэд урьдчилан сэргийлэх хяналт шалгалтыг зохион байгуулж байна.

Хяналт шалгалтын хүрээнд аймгийн төв талбайд байрлах автомат тоглоомын үйлчилгээ эрхлэгч иргэд, аж ахуйн нэгжүүд болон Хүүхдийн паркийн үйл ажиллагаанд хяналт тавьж, тоглоомын хэрэгслийн ашиглалт, аюулгүй ажиллагаа, эрүүл ахуйн шаардлага, хүүхдийн амь нас, эрүүл мэндийг хамгаалах орчны нөхцөл байдалд үнэлгээ хийж, үйл ажиллагаа эрхлэгчдэд мэргэжил арга зүйн зөвлөгөө өгч ажиллалаа.

Шалгалтаар аюулгүй ажиллагааны шаардлага хангаагүй 5 төрлийн тоглоом илэрч, ашиглалтыг нь нэн даруй зогсоох, хүүхэд ойртохоос сэргийлэн битүүмжлэх, анхааруулах тэмдэг байрлуулах, эвдэрч гэмтсэн тоглоомуудыг талбайгаас зайлуулах, өмчийн дүгнэлт гарган цаашид авах арга хэмжээг тодорхойлох үүрэг чиглэлийг холбогдох албан тушаалтнуудад өглөө.

Цаашид тоглоомын талбайнуудыг хүүхдийн насны онцлогт тохируулан төрөлжүүлэх, амралт чөлөөт цагийг зөв боловсон өнгөрүүлэхэд чиглэсэн эрүүл, аюулгүй, хүүхдэд ээлтэй орчныг бүрдүүлэх шаардлагатай байна. Мөн хүүхдийн тоглох орчинд тавигдах аюулгүй байдлын шаардлагыг чанд мөрдүүлэх, эрсдэлээс урьдчилан сэргийлэх зорилгоор хяналт шалгалтыг тогтмол үргэлжлүүлэн зохион байгуулна.

ХҮҮХЭД БҮРТ АЮУЛГҮЙ, ЭРҮҮЛ ОРЧИН БҮРДҮҮЛЭХ НЬ БИДНИЙ ХАМТЫН ҮҮРЭГ ЮМ.