Toxic Trend

АНУ-д нэгэн өсвөр насны залуу гурван жилийн турш вэйп (электрон тамхи) хэрэглэсний улмаас Bronchiolitis obliterans буюу “попкорн уушиг” хэмээх хүнд өвчнөөр оношлогдсон тухай мэдээлэл олон нийтэд түгээд байна.

“Попкорн уушиг” нь уушгины хамгийн жижиг гуурсууд үрэвсэж, сорвижин нарийсдаг ноцтой эмгэг бөгөөд бүрэн эдгэрэх боломжгүйд тооцогддог. Өвчтнүүд амьсгаадах, амьсгал давчдах, хурдан ядрах зэрэг шинж тэмдэгтэй удаан хугацаанд тэмцэх шаардлагатай болдог.

Энэхүү өвчин анх үйлдвэрлэлийн орчинд диацетил зэрэг химийн бодист өртсөн ажилчдын дунд илэрч байсан ч сүүлийн жилүүдэд мэргэжилтнүүд амтлагчтай электрон тамхины шингэнтэй холбоотой байж болзошгүйг анхааруулж эхэлжээ. Учир нь хоол хүнсэнд хэрэглэхэд аюулгүйд тооцогддог зарим амт оруулагч бодисыг халааж, ууршуулан амьсгалах үед химийн бүтэц нь өөрчлөгдөж, уушгинд хортой нөлөө үзүүлэх эрсдэлтэй байдаг байна.

Гэсэн хэдий ч вэйп хэрэглээ шууд энэ өвчнийг үүсгэсэн нь батлагдсан тохиолдол маш ховор хэвээр байгааг судлаачид онцолж байна. Харин электрон тамхины шингэнд 180 гаруй төрлийн химийн бодис агуулагддаг бөгөөд тэдгээрийн зарим нь халаалтын үед аюултай нэгдэл үүсгэх боломжтой гэж үздэг.

Ялангуяа өсвөр насныхан, залуучуудын уушги бүрэн хөгжөөгүй байдаг тул вэйп хэрэглэх нь уушгины гэмтэл, дархлаа сулрах, никотины хамаарал үүсэх зэрэг олон талын эрсдэл дагуулж болзошгүйг эмч нар анхааруулж байна.

Иймд эрүүл мэндийн байгууллагууд залуучуудыг электрон тамхи хэрэглэхээс зайлсхийхийг зөвлөж, амтлагчтай вэйп бүтээгдэхүүний хяналт, зохицуулалтыг чангатгах шаардлагатайг онцолж байна.

Source: elch.mn

Болдын Уянга гишүүн юу болоод байна 😱

Хурдан ирээч эх шигээ тэнээд явах юм,
Ингээсэй гэж өсгөөгүй д байх шүү!😱