Соёлын салбарын Залуучуудын Хөгжлийн Зөвлөл

Өргөн дэлхийн өнцөг булан бүрд сурч, хөдөлмөрлөж буй Монгол Улсын хөгжлийн түүчээ болсон өсвөр үе, залуучууддаа МОНГОЛЫН ЗАЛУУЧУУДЫН ӨДРИЙН МЭНДИЙГ ДЭВШҮҮЛЬЕ.

Монголын залуучуудын байгууллага 1921 оны наймдугаар сарын 25-ны өдөр “Бошгыг халах залуучуудын эвлэл” нэртэй байгуулагдсанаас улбаалан манай улс энэ өдрийг “Залуучуудын өдөр” хэмээн “Нийтээр тэмдэглэх баяр болон тэмдэглэлт өдрүүдийн тухай хууль”-аар 2003 онд хуульчлан тэмдэглэх болсон.

Манай Улсын нийт хүн амын 28 хувийг эзэлдэг өсвөр үе, залуучууд дэлхийн 181 орноос “Залуучуудын хөгжлийн индекс”-ээр 58 дугаарт эрэмбэлэгдэж залуучуудын хөгжил, оролцоо өндөр улс орны тоонд багтаж байна.