Батлан хамгаалахын Төв архив

🍁Намрын мод тарих өдрүүд үргэлжилж байна.

🇲🇳🇲🇳🇲🇳 Монгол Улсын Ерөнхийлөгчийн санаачилсан “ТЭРБУМ МОД” үндэсний хөдөлгөөнд
📌 "Батлан хамгаалахын Төв архив"-ын хамт олон Үндэсний цэцэрлэгт хүрээлэнд 10ш гүйлс мод тарьлаа.

🌎 Байгалиа хайрлах, модоо арчлан хамгаалах, ногоон ирээдүйг бүтээх үйлсэд таны оролцоо хамгийн үнэ цэнтэй.

👉 Иргэн, айл өрх, байгууллага хамт олон бүр “ТЭРБУМ МОД” хөдөлгөөнд нэгдэн эх дэлхийгээ ногооруулъя🌳

🍁Намрын мод тарих өдрүүд: 2025.09.25 – 2025.10.26
Намрын мод тарих арга хэмжээг орон даяар зохион байгуулж байна.
#ТэрбумМод

ТӨРИЙН БАЙГУУЛЛАГЫН АРХИВ, АЛБАН ХЭРЭГ ХӨТЛӨЛТ, АЖЛЫН ЗОХИОН БАЙГУУЛАЛТЫН УЛСЫН ҮЗЛЭГТ БЭЛТГЭХ СУРГАЛТ ЗОХИОН БАЙГУУЛЛАА.
📌 Монгол Улсын Засгийн газрын 2025 оны 23 дугаар тогтоолоор батлагдсан "Төрийн архив, албан хэрэг хөтлөлт, ажлын зохион байгуулалтын улсын үзлэг"-ийг угтаж, Архивын ерөнхий газраас зохион байгуулсан цахим сургалтад БХЯ-ны харьяа анги, байгууллагын архив, албан хэрэг хөтлөлт, хариуцсан албан тушаалтнууд хамрагдлаа.
📌 Сургалтын төгсгөлд Батлан хамгаалахын Төв архивын мэргэжлийн албаны дарга, Архив, албан хэрэг хөтлөлтийн хяналтын Улсын байцаагч, ахмад Б.Эрхэмзаяа, баримтын архивын эрхлэгч, дэд ахлагч О.Золбоо нар байгууллагын Улсын үзлэгт бэлтгэх тодорхой үүрэг, чиглэлийг өгсөн юм.

Монгол Улсын Батлан хамгаалах яам ᠮᠣᠩᠭᠣᠯ ᠤᠯᠤᠰ ᠤᠨ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠬᠤ ᠶᠠᠮᠤ
Соёмбо редакц

#ЗасгийнГазар_100хоног 🇲🇳 Засгийн газар 100 хоногт-Батлан хамгаалах салбарт хийж, хэрэгжүүлсэн ОНЦЛОХ ажлуудыг танилцуулж байна. 🇲🇳 Сумны үйлдвэрийг ашиглалтад оруулж, Монголчууд анх удаа сум үйлдвэрлэлээ. 🇲🇳 Зэвсэгт хүчний офицер, ахлагч, ажилтан албан хаагчдын нийгмийн хамгааллыг сайжруулах зорилгоор орон сууцны урьдчилгааг бүрдүүлэхэд 20 сая төгрөгийн дэмжлэгийг 100 гаруй алба хаагчид үзүүллээ. 🇲🇳 Энхийг сахиулах ажиллагаанд оролцсон алба хаагчдын нөхөн олговрын хэмжээг 80/20 болгож тогтоолын төсөлд өөрчлөлт оруулахаар ажиллаж байна. 🇲🇳 Цэрэг-улс төрийн харилцаа, аюулгүй байдал судлал, бодлогын шинжилгээг олон усын түвшинд хүргэж, шинжлэх ухаанч, судалгаанд суурилсан бодлого, үйл ажиллагааг явуулах зорилгоор яамны харьяанд “ОЛОН УЛС СУДЛАЛЫН ТӨВ”-ийг байгуулахаар боллоо. 🇲🇳 Улсыг хөгжүүлэх бүтээн байгуулалтад оролцох, мал аж ахуй, газар тариалан, хөдөө аж ахуйн үйлдвэрлэлийг хөгжүүлэх, ойжуулалт, нөхөн сэргээлтийн чиг үүрэг бүхий “БАРИЛГА-ИНЖЕНЕР, ЭКОЛОГИЙН АНГИ”-ийг байгуулахаар боллоо. 🇲🇳 Чөлөөлөх дайны ялалтын 80 жилийн ойг улс орон даяар ёслол төгөлдөр тэмдэглэн өнгөрүүллээ. Энэ нь ахмад үеийнхээ эх оронч үзлийг залуу үед өвлүүлэх, түүхэн ойг дэлхий дахинд сурталчлах чухал арга хэмжээ боллоо. Мөн үеэр МОНГОЛ УЛСЫН БААТАР цолтон төрөн гарсан юм. 🇲🇳 Энхийг дэмжих ажиллагааны оролцоог нэмэгдүүлэх зорилтын хүрээнд “Сургалтын хөдөлгөөнт бүлэг”-ийг АНХ УДАА гадаад улсад үүрэг гүйцэтгүүлж, Энхийг сахиулах ажиллагаанд оролцох оролцооны шинэ хэлбэрийг нээлээ. 🇲🇳 Оюутан цэрэгт цэргийн мэргэжил олгох сургалтыг Үндэсний батлан хамгаалахын их сургууль болон Зэвсэгт хүчний нийт 12 ангийн сургалтын материаллаг баазыг түшиглэн явуулж, цэрэгт бүртгэлтэй 11 мэргэжлээр бэлтгэж, нэгдүгээр зэргийн бэлтгэл үүрэгтний эгнээнд шилжлээ. 🇲🇳 Батлан хамгаалах салбарын хэмжээнд 22,1 тэрбум төгрөгийн барилга угсралт, их засварын ажлыг эрчимжүүлж, бааз сууриа бэхжүүллээ. ✅ Шинэ засгийн газар байгуулагдсан 100 хоногт Батлан хамгаалах салбарт хийсэн ажлууд нь цэрэг, техникийн шинэчлэлээр хязгаарлагдахгүйгээр улс орны хөгжил, аюулгүй байдалд илүү өргөн хүрээтэй хувь нэмэр оруулах суурь шинэчлэлийн эхлэл боллоо. Монгол Улсын Засгийн газар

АРХИВ, АЛБАН ХЭРЭГ ХӨТЛӨЛТИЙН АНХАН ШАТНЫ МЭДЛЭГ ОЛГОХ СУРГАЛТ ЗОХИОН БАЙГУУЛЛАА.
Зэвсэгт хүчний Жанжин штабаас зохион байгуулагддаг “Нууц хамгаалах ажилтан бэлтгэх дамжаа”-ны бүрэлдэхүүнд архив, албан хэрэг хөтлөлтийн ажилтны чадавхыг дээшлүүлэх зорилгоор зохион байгууллаа.
Сургалтын хөтөлбөрийн дагуу ахлах зааварлагч-арга зүйч А.Уртнасан, баримтын архивын эрхлэгч ахлах дэслэгч Т.Намхай, дэд ахлагч О.Золбоо нар “Архив, албан хэрэг хөтлөлтийн тухай хууль, албан хэрэг хөтлөлтийн нийтлэг журам, Төрийн архивын үйл ажиллагааны нийтлэг журам, Байгууллагын архивын үйл ажиллагааны нийтлэг журам, Монгол улсын баримт бичгийн стандарт MNS 5140:2021, Монгол бичгээр үйлдэх баримт бичгийн стандарт MNS 6395:2022” зэрэг сэдвүүдээр сургалтыг зохион байгууллаа.
Сургалтад удирдах газар, нэгтгэл, анги, салбарын 14 алба хаагч хамрагдан Батлан хамгаалахын Төв архивын хадгаламжийн сан хөмрөг, архивын баримт, “Данс, бүртгэл үйлдэх, хадгаламжийн нэгж бүрдүүлэх” талаар дадлага ажлуудыг хийж гүйцэтгэлээ.

1989 оны 09 дүгээр сарын 14-ний өдөр
Лувсангомбын Моломжамцад БНМАУ-ын Сайд нарын Зөвлөлийн 234 дүгээр тогтоолоор дэслэгч генерал цол хүртжээ.

2004 оны 09 дүгээр сарын 13-ны өдөр

Ази номхон далайн бүс нутгийн орнуудын Энхийг дэмжих ажиллагааны ар талын төлөвлөлтийн семинарыг Улаанбаатар хотноо зохион байгуулжээ.

1921 оны 09 дүгээр сарын 12-ны өдөр
Ц.Хасбаатар, К.К.Байкалов нарын цэрэг Толбо нуурын буюу Саруул гүний хүрээг эзлэн авч, Кайгородовынхныг хөөн явуулжээ.

1965 оны 09 дүгээр сарын 11-ний өдөр
Радиорелейний станцыг анх удаа практикт хэрэглэн холбоо тогтоожээ.