Усны Үйлчилгээг Зохицуулах Хороо

“Дулаан хангамжийн инженер”-ийг чадавхжуулах төлөвлөгөөт сургалтыг "Монголын нийтийн аж, ахуйн үйлчилгээний холбоо"МТББ-тай хамтран цахим, танхимаар 05 сарын 20-22-ны өдрүүдэд зохион байгуулж, нийт 15 ИТА-ууд хамрагдсан.
Сургалтын онцлог, давуу талууд:
1/ 3.2 хүрээний Мэргэшсэн, Зөвлөх инженерүүдийн заавал судлах болон бусад хүрээний сонгон судлах 3 багц цагийн сургалтын гэрчилгээ олголоо
2/ Монгол Улсын зөвлөх инженерүүд хичээл орсон
МУ-ын зөвлөх инженер
С.Бум-Аюуш
Ж.Пүрэвжамц
Д.Эрдэнэцэцэг
Н.Наранхишиг

Улаанбаатар хотод үйл ажиллагаа эрхэлж буй ТЗЭ-дийн 2025 оны үйл ажиллагааны дүнгийн танилцуулга уулзалт амжилттай зохион байгуулагдлаа.
Тус уулзалтаар ус хангамж, ариутгах татуургын ашиглалт, үйлчилгээний тусгай зөвшөөрөл эзэмшигчдийн 2025 оны гүйцэтгэлийн үнэлгээ, хэрэглэгчдийн өргөдөл, гомдол, салбарын өнөөгийн нөхцөл байдал болон цаашид анхаарах асуудлуудыг хэлэлцэв.
Мөн “Сайн туршлага нэвтрүүлж жил”-ийн хүрээнд шилдэг байгууллагуудад “Батламж” гардуулж, салбарын хэмжээнд хэрэгжүүлсэн оновчтой шийдэл, үр дүнтэй туршлагыг түгээн дэлгэрүүлэх арга хэмжээг зохион байгууллаа

“Тарифын Симуляцийн Загварын Сургалт, Семинар” Кемпински зочид буудалд зохион байгуулагдаж байна.

Усны үйлчилгээг зохицуулах хорооны чадавхыг бэхжүүлэх "Техник Туслалцааны Төсөл"-ийн хүрээнд зохион байгуулж буй тус сургалт, семинарт Мянганы Сорилтын Сан, Усны үйлчилгээг зохицуулах хороо, гадаад болон дотоодын зөвлөхүүдийн төлөөлөл оролцож байна.
Сургалтын хүрээнд хэрэглэгчдийг дэмжих бодлого, тарифын хувилбар боловсруулах болон шинэчлэх аргачлалын талаар дэлгэрэнгүй мэдээлэл өгч, тарифын загварыг бодит хэрэглээнд ашиглах боломжийн талаар хэлэлцүүлэг өрнүүлж байна. Мөн оролцогчид практик дадлага гүйцэтгэн, үнэ тарифын зохицуулалт, индексжүүлэлт, зардлын хуваарилалт зэрэг чиглэлээр туршлага солилцон ажиллаж байна.

Тус зохицуулах хороо нь "Монголын нийтийн аж ахуйн үйлчилгээний холбоо" МТББ-тай хамтран салбарын хүний нөөцийг бэхжүүлэх, чадавхжуулах зорилгоор албан хаагчдад зориулсан цахим, танхим хосолсон сургалтуудыг үе шаттай зохион байгуулдаг билээ. Энэ хүрээнд өнөөдөр буюу 05.14-нд "Ухаалаг усны тоолуур, дэлхийн зах зээлийн систем, шинжилгээ, судалгаа, хэрэглээ" сэдэвт сургалтыг үнэ төлбөргүй зохион байгуулж, нийт 70 инженер техникийн ажилтнууд хамрагдлаа. Хосолсон сургалтанд танхимаар суралцахыг хүссэн хүмүүс танхимаар, байгууллага хамт олноороо хамтдаа илүү өргөн хүрээнд, хүртээмжтэй байдлаар суралцагсад цахимаар сургалтад оролцож, мэдлэг ур чадвараа нэмэгдүүлдэг ач холбогдолтой.

🤝 ХАМТРАН АЖИЛЛАХ САНАМЖ БИЧИГ БАЙГУУЛЛАА

Хот, суурины ус хангамж, ариутгах татуургын ашиглалт үйлчилгээг зохицуулах хорооноос “Орон сууц нийтийн аж ахуйн мэргэжлийн холбоо” ТББ болон “Хувийн орон сууц нийтийн аж ахуйн хөгжлийн төв” ТББ-тай “Хамтран ажиллах санамж бичиг”-ийг байгууллаа.

Хамтын ажиллагааны хүрээнд Улаанбаатар хотын хувийн хэвшлийн ус хангамж, ариутгах татуургын чиглэлээр үйл ажиллагаа эрхэлж буй тусгай зөвшөөрөл эзэмшигч байгууллагуудын үйл ажиллагааны чанар, хүртээмж, санхүүгийн тогтвортой байдлыг дэмжих, хүний нөөцийн чадавхыг дээшлүүлэх чиглээр хамтран ажиллахаар боллоо. #ХамтынАжиллагаа #УХАТ #НийтийнАжАхуй