Нийслэлийн Онцгой байдлын газар

НИЙСЛЭЛИЙН ЗАСАГ ДАРГА БӨГӨӨД УЛААНБААТАР ХОТЫН ЗАХИРАГЧ Б.ПҮРЭВДАГВА НИЙСЛЭЛИЙН ОНЦГОЙ БАЙДЛЫН ГАЗАРТ АЖИЛЛАЛАА

📌Энэ үеэр газрын дарга, хурандаа Г.Галбадрах байгууллагын үйл ажиллагаа, цаашид авч хэрэгжүүлэх арга хэмжээний талаар танилцууллаа. Нийслэлийн Засаг дарга бөгөөд Улаанбаатар хотын захирагч Б.Пүрэвдагва нийслэлийн иргэдийн аюулгүй байдлыг ханган ажилладаг тус газрын нийт бие бүрэлдэхүүнд талархал илэрхийлж, гамшгийн эрсдэлийн удирдлага, хариу арга хэмжээний тогтолцоог олон улсын жишигт нийцүүлэн боловсронгуй болгох, алба хаагчдын ажиллах орчин, нөхцөл, техник, тоног төхөөрөмж, материаллаг нөөцийг нэмэгдүүлэх чиглэлээр үе шаттай шийдвэр гаргаж хэрэгжүүлэхээ хэлсэн юм.
Тэрбээр мөн тус газрын Шуурхай удирдлага зарлан мэдээллийн төвийн ажлын явцтай танилцаж, сүүлийн үеийн дэвшилтэт технологи, программ хангамжийг нэвтрүүлж буй ажлыг шуурхайлан, үйл ажиллагааг эхлүүлэхийг чиглэл болгоод, нийслэлийн төсвийн хөрөнгө оруулалтаар аврах ажиллагааны тусгай зориулалтын бүрэн тоноглол бүхий 2 автомашин, техник хэрэгслийг шийдвэрлэснийг гардуулан өгч амжилт хүслээ.

НИЙСЛЭЛИЙН ОНЦГОЙ КОМИСС ХУРАЛДАЖ, ОЛОН НИЙТИЙН АЮУЛГҮЙ БАЙДЛЫН ХЯНАЛТ ШАЛГАЛТЫГ ШУУРХАЙ ЗОХИОН БАЙГУУЛАХЫГ ДААЛГАЛАА

Хуралдаанаар “Монгол Улсын Ерөнхий сайдын 2026 оны X албан даалгавар, Улсын онцгой комиссын даргын баталсан удирдамжийн хэрэгжилтийг хангуулж, иргэд олон нийтийн болон орчны аюулгүй байдлыг хангуулах аюул ослоос урьдчилан сэргийлэх эрсдэлийг арилгах, таслан зогсоох, бууруулах үзлэг хяналт шалгалтыг зохион байгуулах, үер ус, шүлхий өвчнөөс урьдчилан сэргийлэх чиглэлээр мэргэжлийн байгууллагуудад шуурхай арга хэмжээ авч хэрэгжүүлэхийг үүрэг болголоо.
📌Барилга байгууламжийн галын аюулгүй байдал, урьдчилан сэргийлэх хяналт, барилга угсралтын талбай, худалдаа, үйлчилгээний байгууллагуудын аюулгүй байдлыг хангуулах хяналт шалгалтыг зохион байгуулах,
📌Бүх шатны боловсролын байгууллагын хүүхэд хамгааллын орчныг сайжруулах, соёл, спортын заал, нийтийн эзэмшлийн тоглоомын талбай, хашаа, ногоон байгууламж, амрах зугаалах газар, хүүхдийн зуслан, асрамжийн төв, халамжийн газар, хүүхдийн сувиллуудад хяналт шалгалт зохион байгуулж, аюулгүй байдлыг хангуулах, мэдлэг ойлголтыг дээшлүүлэх,
📌Нийслэлийн хэмжээнд түгээмэл тархацтай ашигт малтмалын ашиглалтын тусгай зөвшөөрөлтэй аж ахуйн нэгжүүдийн үйл ажиллагаанд хяналт шалгалт зохион байгуулах, хүний амь нас эрүүл мэндэд эрсдэл учруулж болзошгүй объектуудыг бүртгэн, эрсдэлийн зэрэглэл тогтоож, мэдээллийн сан бүрдүүлэх,
📌Цаг агаарын мэдээлэлд тулгуурлан хэт халалт, үер усны аюулын эрсдэлийг тооцож, нийслэл, дүүргийн мэргэжлийн байгууллагын хүн хүч, техник хэрэгслийн бэлтгэл, бэлэн байдлыг хангуулах, хариу арга хэмжээний төлөвлөлийг тодотгож, үерийн эрсдэлтэй айл өрх, албан байгууллагад нүүх мэдэгдэл хүргүүлж, аюулгүй байдлыг хангах,
📌Мал, амьтны гоц халдварт шүлхий өвчний SAT1 хэвшлийн вирус анх удаа бүртгэгдсэнтэй холбогдуулан нийслэлийн хэмжээнд урьдчилан сэргийлэх хяналт шалгалтыг эрчимжүүлэхийг харьяа байгууллагын удирдлага, дүүргийн Засаг дарга нарт даалгалаа.

#ахуйнгалтүймэр
#аюулгүйбайдлаахангая