Дотоод хэргийн их сургууль I University of Internal Affairs

ИЙМ ХӨӨРХӨН БАЙХ ГЭЖ 🥰🤩

🥇🥇Марш-тусгай бэлтгэлийн тэмцээний хошой аварга Хилийн албаны сургуулийн сонсогч С.Сумъяабазар.

Мэдээ нийтэлж суухдаа энэ инээмсэглэлийг хараад "Өнгөрсөн жил бас медаль аваад яг ингээд баяртай инээж зогссон хөөрхөн хүү байсан даа" гэж бодогдоод архиваа ухаж үзтэл нэг хүү байжээ, хөөрхөн. Энэ гэгээлэг, дулаахан инээмсэглэл шигээ амьдрал нь аз жаргал, баяр баяслаар бялхаж байхыг ерөөе.

Маршид оролцоно гэдэг өөрөө ялалт. Харин аваргална гэдэг тэрхүү ялалтаа баталгаажуулж, хичээл зүтгэл, хөдөлмөрийнхөө үр шимийг хүртэх гайхамшигтай агшин мөн билээ.

ХҮМҮҮНЛЭГИЙН УХААНЫ СУРГУУЛИЙН БАГШ, ОЮУТНУУД ДОТООД ХЭРГИЙН ИХ СУРГУУЛИЙН ҮЙЛ АЖИЛЛАГААТАЙ ТАНИЛЦЛАА

✅ Хүмүүнлэгийн ухааны сургуулийн Сэтгэл судлалын тэнхимийн багш нар болон оюутнууд “Хуулийн сэтгэл судлал” хичээлийн хүрээнд Дотоод хэргийн их сургуулийн үйл ажиллагаа, мэргэжлийн практик орчин, сургалтын хэрэглэгдэхүүнтэй танилцлаа. Тодруулбал, Шинжлэн магадлах ухааны сургуулийн лаборатори, хэрэгжүүлж буй хөтөлбөрүүдтэй танилцахын зэрэгцээ Дотоод хэргийн их сургуулийн түүхийн музей, Сэтгэл судлалын институтийн үйл ажиллагаа, Полиграфийн кабинет, Гэмт хэргийн музей зэрэг сургалт, судалгааны нэгжүүдийн үйл ажиллагааг сонирхсон юм.

✅ Энэ үеэр Шинжлэн магадлах ухааны сургуулиас заадаг шүүх сэтгэц, гэм судлалын хичээлийн агуулгыг Хүмүүнлэгийн ухааны сургуулийн “Хуулийн сэтгэл судлал” хичээлтэй уялдуулах, цаашдын хамтын ажиллагааг хөгжүүлэх боломжийн талаар талууд санал солилцов.

✅ Дотоод хэргийн их сургуулийн Сэтгэл судлалын институт, Шинжлэн магадлах ухааны сургуулиас зохион байгуулсан энэхүү танилцах үйл ажиллагаа нь оюутнуудын онолын мэдлэгийг практиктай холбох, мэргэжлийн ур чадварыг нэмэгдүүлэхэд чухал ач холбогдолтой болсны зэрэгцээ цаашид сургалт, судалгааны чиглэлээр хамтран ажиллах үндсийг тавьсан үр дүнтэй уулзалт болсныг талууд онцоллоо.

📌 Та бүхний өнөөдрийн ажилд амжилт хүсье!

“AeroX Club” дроны клуб нээлтээ хийлээ

✅ Дотоод хэргийн их сургуулийн дэргэдэх “AeroX Club” дроны клуб үйл ажиллагаагаа эхлүүллээ.

✅ Орчин үед дроны технологи нь зөвхөн сонирхлын хүрээнд хязгаарлагдахгүйгээр аюулгүй байдал, гэмт хэрэг зөрчлөөс урьдчилан сэргийлэх, хяналт, эрэн хайх, аврах ажиллагаа, хил хамгаалалт зэрэг олон салбарт өргөнөөр хэрэглэгдэх болсон. Энэхүү клуб нь сонсогчдын мэдлэг, ур чадварыг нэмэгдүүлэх, техник, технологийн хөгжилтэй хөл нийлүүлэн алхах, цаашлаад мэргэжлийн үйл ажиллагаандаа шинэлэг арга хэрэгсэл нэвтрүүлэхэд чухал хувь нэмэр оруулах ач холбогдолтой юм.

“КРИМИНАЛИСТИК-2026” СОНСОГЧ, СУРАЛЦАГЧ, ОЮУТНЫ ЭРДЭМ ШИНЖИЛГЭЭНИЙ ХУРАЛ БОЛЛОО

✅ Шинжлэн магадлах ухааны сургуулийн Криминалистикийн шинжилгээний тэнхимээс сонсогч, оюутнуудын дунд “Криминалистик-2026” эрдэм шинжилгээний хурлыг 04 дүгээр сарын 29-ний өдөр зохион байгууллаа.

✅ Энэхүү хуралд Шинжлэн магадлах ухааны сургууль, Цагдаагийн сургууль, Хууль зүйн сургууль, Хилийн албаны сургууль, Шүүхийн шийдвэр гүйцэтгэлийн албаны сургууль, Отгонтэнгэр их сургуулийн сонсогч, оюутнууд 40 гаруй илтгэл ирүүлснээс хоёрдугаар шатанд 12 илтгэлийг шалгаруулан хэлэлцүүлэв.

✅ Тэргүүн байранд Цагдаагийн сургуулийн 336 дугаар дамжааны сонсогч О.Анхцэцэгийн “Сүлжээний тоон ул мөр (network forensics)-ийн онол, практик туршилт”, дэд байранд Цагдаагийн сургуулийн 333 дугаар дамжааны сонсогч М.Чинбатын “Цахим нотлох баримтыг хадгалах, шилжүүлэх, үнэлэх эрх зүйн зохицуулалтын олон улсын туршлага ба Монгол Улсын эрх зүйн зохицуулалт”, гутгаар байранд Отгонтэнгэр их сургуулийн Хуулийн сургуулийн Эрх зүйн 4 дүгээр курсийн оюутан Д.Очирпүрэвийн “Deepfake өгөгдлийн шүүх шинжилгээний шинэ сорилт ба шийдэл” илтгэлүүд шалгарлаа.

✅ Энэхүү эрдэм шинжилгээний хурал нь сонсогч, суралцагчдын хувьд эрдэм шинжилгээ, судалгааны ажил бичих арга зүйд суралцах, бүтээлч сэтгэлгээгээ хөгжүүлэх, өөрийгөө илэрхийлэх чадвараа дээшлүүлэх, туршлага хуримтлуулах, эрдэмтэн багш нараасаа зөвлөгөө авах боломжийг өгсөн үр дүнтэй хурал боллоо.

“ГЭРЭЭТ ХИЛЧИН-АХЛАГЧ” БЭЛТГЭХ СУРГАЛТ ЗОХИОН БАЙГУУЛЛАА

✅ Хил хамгаалах ерөнхий газар, ДХИС-ийн харьяа “Ахлагч” мэргэжлийн боловсролын сургууль хамтран гэрээт “Хилчин-Ахлагч” бэлтгэх сургалтыг 3 дахь удаагаа зохион байгууллаа. Сургалтыг 7 чадамжийн хүрээнд Хилийн цэргийн 0164 дүгээр ангийн байрлалд явуулав. Тус сургалтад нийт 120 гаруй цэргийн албан хаагч хамрагдаж амжилттай төгслөө.

✅ Төгсөлтийн ёслолын ажиллагаанд ХХЕГ-ын Хүний нөөцийн газрын дарга, хурандаа И.Батзолбоо, “Ахлагч” МБС-ийн захирал, доктор (Ph.D), цагдаагийн хурандаа М.Эрдэнэбилэг болон эцэг эхийн төлөөлөл оролцов.

✅ Тус сургалт нь хугацаат цэргийн алба хаах хугацаандаа “Хилчин” бэлтгэх сургалтад хамрагдаж, 11+1 буюу 11 сар цэргийн алба хаагаад 1 сарын хугацаанд нэмэлт сургалтад хамрагдан, улмаар гэрээт ахлагчийн албан тушаалд томилогдон дэд ахлагч цол хүртдэгээрээ онцлогтой.

A Student Academic Conference Was Organized on the Topic “Causes and Conditions of Improper Relationships, Bullying, and Discrimination Among Cadets and Students”

✅ On April 24, the Department of Criminal Law and Criminology of the Police School organized a student academic conference among cadets and students on the topic "Causes and Conditions of Improper Relationships, Bullying, and Discrimination Among Cadets and Students." The conference was named in memory of the late Honored Lawyer of Mongolia, Doctor of Legal Sciences, and Professor Suuri Jantsan.

✅ 11 cadets and students participated in the academic conference, presenting the top 6 selected research papers. The conference aimed to scientifically study the causes and conditions of improper relationships, bullying, and discrimination emerging among cadets and students, determine ways to reduce and prevent their negative impacts, propose suggestions and solutions to create a safe and positive learning environment, and develop students' research skills.

✅ We would like to congratulate and wish great academic and professional success to the students who presented their outstanding papers: cadets of the Police School's 325th course Ts. Khash-Erdene, M. Munkhkhuslen, B. Sanchir, and B. Unurtsetseg; cadets of the 3211th course D. Naranzaya, B. Ulziikhuu, B. Michid-Erdene, and M. Munguntsetseg; students of the Law School D. Minjee and G. Khulan; and student of the 232nd course A. Anujin.

“ПАРЛАМЕНТЫН МЭТГЭЛЦЭЭН” ТЭМЦЭЭН ЗОХИОН БАЙГУУЛЛАА

✅ Сургалт, судалгааны 403 дугаар анги-Шүүхийн шийдвэр гүйцэтгэлийн албаны сургуулиас улсын хэмжээний их, дээд сургуулийн оюутан суралцагчдын дунд "Парламентын мэтгэлцээн" тэмцээнийг 04 дүгээр сарын 29-ний өдөр зохион байгууллаа.

✅ Өмгөөллийн “Түмэн Адвокатс” хуулийн фирм, “Домогт тайгам алтай”ХХК хамтран зохион байгуулсан бөгөөд тус тэмцээний шүүгчээр “Монголын мэтгэлцээний нэгдсэн танхим” ТББ-ын нарийн бичгийн дарга Ч.Сайханаа, шүүгч Б.Баянмөнх, шүүгч О.Билгүүн нар ажиллав.

✅ Оюутан суралцагчдын илтгэх, мэтгэлцэх, үзэл бодлоо чөлөөтэй илэрхийлэх боломж нөхцөлийг нэмэгдүүлэх, бие даан болон багаар ажиллах чадварын түвшнийг дээшлүүлэх, харилцааны соёлд суралцахад дэмжлэг үзүүлэх зорилготой тус тэмцээнд Монгол Улсын Их Сургууль, Санхүү эдийн засгийн их сургууль, Их засаг их сургууль, Хүмүүнлэгийн ухааны их сургууль”, “Шинжлэх ухаан технологийн их сургууль”, Дотоод хэргийн их сургууль зэрэг нийт 10 их сургуулийн 16 баг амжилттай оролцлоо.

✅ “Хиймэл оюун ухаан хүн төрөлхтний ирээдүйд аюултай”, “Болзоонд эрчүүд даах нь зүйтэй”, “Ажлын байранд “Z” үеийнхэн “Миллениал”-үеийнхнээс илүү ажилладаг”, “Худал мэдээллийг эрүүгийн хуулиар зохицуулах нь зөв”, “Халамжийн бодлого нийгэмд сөрөг нөлөөтэй”, “Хүчирхийлэлтэй кино, дүрс бичлэг, контентыг хориглох нь зүйтэй”, “Нийслэлийн засаг даргыг нийслэлийн иргэд сонгодог байх нь зүйтэй” гэсэн шийдлүүдээр багууд мэтгэлцэн Монгол Улсын Их Сургуулийн “Анхквадрат” баг тэргүүн байр, Дотоод хэргийн их сургуулийн Хууль зүйн сургуулийн “Эгшү” баг дэд байр, Шинжлэх ухаан, технологийн их сургуулийн “Ethos” баг гутгаар байрт тус тус шалгарсан байна.

✅ Тэмцээнд амжилттай оролцсон оюутан суралцагчдадаа баяр хүргэж, амжилт хүсье.

✅ Та бүхний өнөөдрийн ажилд амжилт хүсье!