Jacqueline - in-Nutar

Jekk ser tivvjaġġa għal żmien twil jew tippjana li tgħix barra minn Malta, jistgħu jinqalgħu ċirkustanzi li jeħtieġu preżenza legali tiegħek f’Malta.
👉 Eżempji komuni:
- Bejgħ jew xiri ta’ proprjetà waqt li tkun barra
- Ġestjoni ta’ affarijiet finanzjarji jew legali
- Aċċess għal dokumenti jew informazzjoni importanti
- Għajnuna għal ġenituri anzjani li jistgħu jeħtieġu xi forma ta’ prokura

Prokura tagħtik il-faċilità li tinnomina lil xi ħadd ieħor biex jaġixxi f’ismek legalment u uffiċjalment, u tista’ tkun ġenerali jew speċifika.
📝 Tajjeb ngħidu li prokura tispiċċa mal-mewt tal-persuna li tkun tat il-prokura.
📲 Għal aktar informazzjoni jew biex tagħmel appuntament, tista' tikkuntattjani direttament fuq WhatsApp.

Ser tibda familja jew se tiżżewweġ? Trid tkun ċert li kollox ikun ċar jekk jiġri xi ħaġa?
B’testment validu, inti:
✅ Tiddeċiedi min jirċievi x’hiex
✅ Tgħin lill-familja tevita proċeduri legali kumplessi wara l-mewt
✅ Tħalli kollox ċar skont ir-rieda tiegħek
Testment jista’ jkun sempliċi ħafna, u jiġi personalizzat għas-sitwazzjoni tiegħek.
📝 F'termini ta' żwieġ: Jekk ma ssir l-ebda kitba qabel iż-żwieġ, awtomatikament japplika r-reġim tal-komunjoni tal-akkwisti, fejn il-miżżewġin jikkondividu l-finanzi kollha tagħhom. Madankollu, jekk tixtieq separazzjoni tal-assi, jista’ jiġi ffirmat ftehim quddiem nutar, biex kull wieħed ikun responsabbli għall-finanzi tiegħu/tagħha, filwaqt li jkun hemm kollaborazzjoni.
📞 Tista' tagħmel appuntament miegħi sabiex nitkellmu fuq kif dan jista’ jsir b’mod privat u professjonali.

Permezz tal-gwida tan-Nutar, li jeżerċita rwol imparzjali bejn il-Bejjiegħ u x-Xerrej, fil-konvenju se jitniżżel dak kollu li se jibbaża l-ftehim bejn il-partijiet. Ħafna drabi dan ikun jinkludi xi kundizzjonijiet li jekk ma javverawx jew ma jiġux osservati, il-partijiet ikunu jistgħu jinħallu mill-konvenju, fosthom jekk per eżempju x-Xerrej ikollu bżonn finanzjament mill-bank. Importanti ferm li jitnizzlu dawk il-kundizzjonijiet kollha relevanti sabiex ma jinqalax disgwit bla bżonn.

A new series featured on today’s Times of Malta.

Huwa ferm importanti li waqt konvenju l-partijiet jiftehmu sew dwar il-kundizzjonijiet tal-bejgħ u li n-Nutar jispjega sew kwalunkwe diffikultajiet li jista' jkollhom.

Filwaqt li l-ftehim huwa tal-partijiet, in-Nutar jgħin fit-tfassil ta’ klawsoli li jorbtu liż-żewġ naħiet skont kif tiddetta l-liġi. Wara li jiffirma kulħadd, titħallas taxxa proviżorja tal-bolla li jiġborha n-Nutar u li titħallas lura lid-dipartiment tat-Taxxi.

Trid tkun taf aktar? Ibgħatli messaġġ!

Il-konvenju, ladarba iffirmat, jigi rregistrat mad-Dipartment tat-Taxxi u jithallas depositu tal-bolla li jkun se jhallas il-bejjiegh mal-kuntratt, jekk ikun il-kaz. Matul il-konvenju, isir xoghol min-nutar sabiex il-bejjiegh jixtri l-proprjeta b’serhan il-moħħ.

Fil-każ ta’ blokok ta’appartamenti, ħafna drabi, il-konvenji ikunu ‘standard’ ghal kull unit li jkun se jinbiegħ, u l-bejjiegħ jipprovdi kopja lil min ikun se jixtri. Allura f’dawn il-każi x-xerrej għandu jagħti titwila flimkien man-Nutar tiegħu/tagħha tal-kundizzjonijiet li jkun hemm f’dan it-tip ta’ konvenju u dan sabiex wieħed jara li jaqbel mal-kundizzjonijiet kollha li jkunu mmniżżla hemmhekk.

Il-partijiet iridu jiftehmu ukoll fuq it-terminu tal-konvenju skont il-bżonn tal-partijiet. Jekk għal xi raġuni, il-kuntratt ma jkunx jista jsir f’dak iż-żmien allura il-partijiet jersqu sabiex iġeddu l-ftehim tagħhom għal perjodu ieħor.

Permezz tal-gwida tan-Nutar, li jeżerċita rwol imparzjali bejn il-Bejjiegħ u x-Xerrej, fil-konvenju se jitniżżel dak kollu li se jibbaża l-ftehim bejn il-partijiet. Ħafna drabi dan ikun jinkludi xi kundizzjonijiet li jekk ma javverawx jew ma jiġux osservati, il-partijiet ikunu jistgħu jinħallu mill-konvenju, fosthom jekk per eżempju x-Xerrej ikolli bżonn finanzjament mill-bank. Importanti ferm li jitnizzlu dawk il-kundizzjonijiet kollha relevanti sabiex ma jinqalax disgwit bla bżonn.

Importanti li meta persuna tiddeċiedi li tixtri proprjeta, din tersaq mill-aktar fis għal konvenju sabiex tissiġilla l-ftehim li jkun sar permezz tal-kelma.

Nixtieq inħabbar li din kienet l-ewwel ġimgħa mill-uffiċċju l-ġdid tiegħi ġewwa dan ir-raħal pittoresk; Is-Siġġiewi. Dan l-uffiċju fi Triq San Nikola (faċċata ta' Tyron Bar), ser jibda jkun miftuħ nhar ta' Tnejn u Ħamis mill-4 sas-7pm. Ġranet jew ħinijiet oħra bl-appuntament.

Nixtieq niltaqa' magħkom. Grazzi.
Jacqueline - In-Nutar