Team Start

AĦNA WARAJK Alex Borg💪

Il-Partit Nazzjonalista jemmen li sistema moderna tat-trasport tal-istudenti tnaqqas l-istress fuq il-familji, ittejjeb il-puntwalità u tnaqqas it-traffiku madwar l-iskejjel.

Issir koordinazzjoni nazzjonali tar-rotot, tiżdied is-sigurtà u jidħlu School Wardens għall-iskejjel kollha, inkluż dawk privati u tal-Knisja.

Gvern Nazzjonalista jwettaq reviżjoni tal-kurrikulu biex it-tagħlim ikun aktar relevanti għaż-żminijiet tal-lum u tal-futur. L-enfasi tkun fuq il-ħiliet bażiċi, il-litteriżmu diġitali, il-ħiliet emerġenti u r-rikonoxximent xieraq tal-lingwa Maltija.

Fl-istess ħin, is-sistema tal-assessjar trid issir aktar ġusta u konsistenti u inqas dipendenti fuq testijiet ripetittivi.

Gvern Nazzjonalista jinvesti fl-MCAST, l-ITS, il-Junior College, il-Higher Secondary u fl-istituzzjonijiet vokazzjonali, ċentri reġjonali tas-snajja’, innovation hubs, pjattaformi diġitali bejn studenti u industrija, u f’sistema ta’ Malta Skills Card u Digital Wallet.

Dan jagħmel it-taħriġ aktar prattiku, aktar qrib il-komunitajiet u aktar marbut mal-bżonnijiet tal-ekonomija moderna. Malta trid tibni ekonomija ta’ ħiliet, mhux biss ekonomija ta’ numri.

Istituzzjoni edukattiva moderna trid tagħti spazju mhux biss għall-qasam akkademiku, iżda wkoll għall-isport, inkluż fl-Università, l-arti, il-mużika, id-drama u l-kreattività.

Għalhekk qed jiġi propost investiment f’faċilitajiet sportivi u artistiċi moderni fl-iskejjel kollha. Dawn jgħinu fit-tkabbir tal-kunfidenza, id-dixxiplina, il-kollaborazzjoni u s-saħħa mentali tat-tfal.

L-iskejjel li jinbnew ġodda jsiru bi standards ambjentali għoljin, b’enerġija rinnovabbli, użu għaqli tal-ilma, spazji miftuħa u faċilitajiet sportivi.

Dawn l-iskejjel isiru “laboratorji ħajjin” ta’ sostenibbiltà fejn it-tfal ma jitgħallmux biss dwar l-ambjent mill-kotba, iżda jkollhom esperjenza immersiva fejn l-ambjent jarawh u jgħixu fih kuljum.

Gvern Nazzjonalista jiftaħ Skola Sekondarja Nazzjonali STEAM u STEAM Innovation Campus, flimkien ma’ maker spaces u laboratorji STEAM f’kull skola sekondarja.

Dan ifisser aktar opportunitajiet fix-Xjenza, it-Teknoloġija, l-Inġinerija, l-Arti u l-Matematika, b’aċċess għar-robotika, it-3D printers, l-AI, id-Data Science u Creative Design.

Gvern Nazzjonalista se jwettaq pjan nazzjonali ta’ infrastruttura edukattiva. Dan il-pjan se jkun ibbażat fuq studju serju tal-bżonnijiet tal-iskejjel u tal-lokalitajiet. L-impenn hu li tinbena mill-inqas skola ġdida kull sena, filwaqt li l-iskejjel eżistenti jiġu rranġati u modernizzati biex jitnaqqas l-iffullar u l-ambjent tat-tagħlim ikun wieħed modern, attrezzat u li jħeġġeġ it-tagħlim.

Bħala żgħażagħ ser inkunu hemm sabiex nagħtu nifs ġdid lil Malta u Għawdex 🇲🇹

In-negozji żgħar u medji (SMEs) li joffru apprentistat jingħataw tnaqqis fit-taxxa ta’ €1,000 għal kull apprentist.