Ġenerazzjoni li jmiss

10/10/2026

DAWK LI JIEQFU MIX-XOGĦOL MINĦABBA PROBLEMI FIS-SAĦĦA MENTALI SE JINGĦATAW SA SENTEJN TA’ KONTIBUZZJONIJIET
Mill-Baġit li jmiss, dawk l-impjegati li jqattgħu perjodu barra mix-xogħol f’istituzzjoni medika minħabba problemi ta’ saħħa mentali se jingħataw sa sentejn ta’ krediti tal-kontribuzzjonijiet tas-Sigurtà Soċjali. Ħabbret dan mart il-Prim Ministru, Dr Lydia Abela, waqt il-ftuħ tal-festival ‘Nitkellem’.
Ħabbret ukoll li fil-ġimgħat li ġejjin se titnieda pjattaforma ġdida li permezz tagħha se jsiru inizjattivi ta’ għajnuna u sostenn.

10/10/2026

Il-Prim Ministru Robert Abela saħaq li minkejja l-inċertezza ekonomika internazzjonali, Malta qed tibqa’ stabbli u l-ekonomija tagħha qed tkompli tikber b’ritmu tajjeb.

F’kitba fuq il-midja soċjali, Dr Abela rrefera għar-rapport tal-aġenzija internazzjonali DBRS, li kkonfermat mill-ġdid ir-rating ta’ A (High) bi prospetti stabbli għal Malta.

Huwa nnota li l-ekonomija Maltija qed tikber b’rata erba’ darbiet il-medja Ewropea, filwaqt li s-sussidji fuq l-enerġija u l-fuel qed jipproteġu lill-familji minn żidiet fil-prezzijiet.

Il-Prim Ministru sostna li minkejja t-tnaqqis fil-piż tat-taxxi, DBRS qed tbassar li d-defiċit se jibqa’ taħt it-3%, filwaqt li d-dejn nazzjonali se jibqa’ moderat.

10/10/2026

https://www.facebook.com/share/v/1HzW6VeCyU/

09/10/2026

09/10/2026

Il-Kummissjoni Ewropea approvat skema ta’ għajnuna ta’ €8 miljun lil pajjiżna biex jiġu appoġġjati kumpaniji, li joffru trasport veloċi bil-baħar għan-nies u l-merkanzija għal Sqallija, fost żieda qawwija fil-prezzijiet tal-fuels għall-opri tal-baħar kawża tal-kriżi fil-Lvant Nofsani.
L-appoġġ hu disponibbli għal operaturi ta’ servizzi ta’ tbaħħir fuq rotot qosra fi ħdan l-Unjoni Ewropea stess.
Il-prezzijiet tal-fuels marittimi żdiedu b’86% f’Marzu li għadda meta mqabblin ma’ xahrejn qabel u l-appoġġ il-ġdid se jkun bħala għotja diretta li tkopri sa 70% tal-ispejjeż żejda tal-fuels eliġibbli bejn l-1 ta’ Marzu u l-31 ta’ Diċembru din is-sena. Il-ħlas se jsir sal-31 ta’ Marzu tas-sena d-dieħla l-aktar.
Il-Kummissjoni Ewropea qalet li l-iskema ġiet approvata taħt il-qafas ta’ għajnuna statali temporanja relatata mal-kriżi fil-Lvant Nofsani, is-sett ta’ regoli adotttat f’April li għadda biex jippermetti lil stati membri jagħtu ċertu tip ta’ appoġġ relatat mal-kriżi.

09/10/2026

Waqt aġġornament lill-midja mill-Korp tal-Pulizija, fil-preżenza tal-Kummissarju Angelo Gafà u l-Ministru responsabbli Glen Bedingfield, ġew spjegati l-protokolli li jirregolaw l-użu tal-forza mill-uffiċjali u t-taħriġ li jingħataw ir-rekluti.
L-Ispettur David Bugeja spjega kif ħafna rekluti jidħlu fil-Korp b’ċerti preġudizzji dwar l-użu tal-forza, influwenzati fost oħrajn mil-logħob u l-films. Madankollu, ir-realtà hi ferm differenti, hekk kif kull intervent jista’ jġib miegħu konsegwenzi legali u anke skrutinju pubbliku. Mill-2024, il-Korp beda jadotta protokoll ġdid dwar l-użu tal-forza u, kontinwament, jiġi aġġornat skont esperjenzi reali.
Dan jistabbilixxi proċeduri speċifiċi dwar użu ta’ diversi mezzi oħrajn, bħall-manetti, il-pepper spray, it-taser guns, il-lembubi, inkluż fit-taqsimiet tal-klieb u l-Kavallerija, kif spjega aħjar magħna l-Ispettur Bugeja.
F’kumment ma’ ONE News, Gafà enfasizza fuq l-importanza ta’ sezzjonijiet bħal dawn.

08/10/2026

Il-PM jgħid li Malta trid tibqa' pajjiż li jilqa' investimenti ta’ kwalità

08/10/2026

Iħabbar li l-Pulizija se jkollhom tasers ġodda

08/10/2026

IL-PM FIS-SUMMIT TAT-TURIŻMU

08/10/2026

KOPERAZZJONI SĦIĦA MILL-ENEMALTA