Annabelle Cilia

Nixtieq nirringrazzja lil kull min ċempilli, bagħatli messaġġ jew ħallieli kumment ta’ appoġġ. Napprezza ħafna l-kliem sabiħ u l-fiduċja tagħkom.

Madankollu, bħala persuna li kont involut f’diversi elezzjonijiet, kemm fl-ELCOM kif ukoll fil-Kummissjoni Elettorali interna, naf kemm huwa importanti li dejjem nirrispettaw u nsegwu l-proċessi kollha qabel nagħmlu kwalunkwe kumment.

Għalhekk, se nistennew li dawn il-proċessi jitlestew kollha qabel naslu għall-konklużjonijiet finali, inkluż dwar il-mekkaniżmu tar-rappreżentanza tan-nisa.

Sadanittant, nerġa’ nirringrazzjakom mill-qalb tal-appoġġ, il-messaġġi u l-fiduċja tagħkom.

Nibqgħu warajk, Kap Alex Borg!

Jiena kburija li nifforma parti mit-tim tal-Partit Nazzjonalista!

Issa nibqgħu naħdmu flimkien għal Malta u Għawdex tagħna 💙

📍 Hal Qormi

Issa verament wasalna fl-aħħar. Il-linja finali ta' din it-tiġrija qiegħda tidher fix-xefaq. Grazzi talli mxejtu miegħi. Ta' kemm għamilna kuraġġ lil xulxin u smajna lil xulxin. Kienet ġirja kollha tlajja u nżul. Imma issa għad baqa' l-aħħar ftit passi li huma kruċjali!

Allura ppermettuli nitlob l-fiduċja tagħkom nhar is-Sibt li ġej. Kull persuna li tmur tivvota qed tipparteċipa fid-direzzjoni l-ġdida li s-6 distrett u pajjiżna tant għandom bżonn.

Jien lesta biex b'qalbi naħdem magħkom fiż-żmien li ġej. Issa kollox f'idejk - inti tista' tkun l-awtur ta' Malta aħjar. 💙

Trasport / Transport ?

⬇️

Jekk għadek ma ġbartx id-dokument tal-vot tiegħek, infakkrek li għandek sa nofsillejl ta’ għada, il-Ħamis, biex tagħmel dan.

Kull vot jgħodd u kull vuċi tagħmel differenza.

Jekk qed taffaċċja xi diffikultà jew għandek bżonn għajnuna relatata mal-ġbir tad-dokument tal-vot tiegħek, tista’ tikkuntattjani direttament fuq 9990 0022.

Il-vot tiegħek huwa l-vuċi tiegħek!