Il-Progressivi

Id-demokrazija taħt attakk! 🚨⚖️ Il-gvern irid jneħħi d-dritt tagħna ċ-ċittadini li nitolbu inkjesti maġisterjali f’każijiet ta’ korruzzjoni. L-Att 125 hu pass lura—inqas trasparenza, inqas responsabbiltà, aktar impunità.

llum ningħaqdu flimkien fis-16:00 biex niddefendu d-drittijiet tagħna! Is-silenzju mhux għażla. Id-demokrazija tmut jekk nibqgħu siekta. ✊

Malta għandha żżomm mal-wiegħda tagħha li tirrikonoxxi l-Palestina bħala stat, bħalma għamlu Spanja, in-Norveġja u l-Irlanda f’Mejju li għadda. Flimkien ma’ dawn il-pajjiżi, wegħedna li nieħdu dan il-pass kruċjali, iżda Malta ċediet għat-theddid tal-Istati Uniti u tibqa’ l-uniku pajjiż li naqas milli jżomm kelmtu.

Il-Qorti Kriminali Internazzjonali akkużat lil Benjamin Netanyahu li:

"allegatament (huwa) responsabbli għall-krimini tal-gwerra ta’ ġuħ bħala metodu ta’ gwerra u li intenzjonalment immira attakk fuq il-popolazzjoni ċivili; kif ukoll għall-krimini kontra l-umanità, inkluż il-qtil, il-persekuzzjoni u atti oħra inumani sa mill-inqas mit-8 ta’ Ottubru 2023 sas-20 ta’ Mejju 2024." Minkejja dan, Netanyahu jinsab fuq żjara uffiċjali fl-Istati Uniti, waqt li t-tkeċċija tal-Palestinjani minn Gaza reġgħet fuq l-aġenda.

Gaza tappartjeni lin-nies Palestinjani. Huma biss għandhom jiddeċiedu l-futur tagħhom, ħielsa minn kull interferenza esterna. It-tbatija kontinwa, l-iżgumbrament u l-qerda imposti fuq il-Palestinjani huma inaċċettabbli, u l-komunità internazzjonali għandha taġixxi b’urġenza.

Sa mis-7 ta’ Ottubru 2023, il-Parlament Malti baqa’ sieket fuq il-kwistjoni Palestinjana. Bil-Progressivi fil-Parlament wara l-elezzjoni ġenerali li jmiss, immedjatament nitolbu dibattitu u nippreżentaw mozzjoni, biex jiġi żgurat li Malta tieħu pożizzjoni favur il-ġustizzja u l-awtodeterminazzjoni tal-Palestinjani.

Kif inhuma l-affarijiet bħalissa, il-gvern Malti qed jaġixxi b’mod ipokritu – jgħid li jappoġġja d-drittijiet tal-Palestinjani , filwaqt li jattendi l-inawgurazzjoni ta’ Trump u jibqa’ sieket quddiem l-inġustizzja.

Għandna nagħmlu l-ħaġa ġusta u niddikjaraw li l-era tal-ambizzjoni imperjali globali spiċċat, u nikkonfermaw dan flimkien mal-imsieħba tagħna fl-Ewropa u madwar id-dinja.

Malta għandha tissapportja l-ġustizzja u s-sovranità tal-poplu Palestinjan, u mhux tkun kompliċi fl-oppressjoni tagħhom.

Malta jixirqilha demokrazija fejn l-ideat jiġu diskussi b’rispett. U biex niksbu dan, il-Progressivi impenjati li nikkumbattu l-kultura politika attwali mmexxija mid-diviżjoni u l-intimidazzjoni.

Malta trid tħares lil hinn mill-politika tribali u tibni soċjetà li tgħożż id-djalogu, r-responsabbiltà, u d-dinjità ta’ kull individwu.

Dak li qed naraw bħalissa għandu jinkwieta lil kull min jemmen fil-prinċipji demokratiċi. Irrispettivament mid-differenzi politiċi jew tal-metodi ta’ Jason Azzopardi, l-attakki sistematiċi kontrih u kontra l-persuna tiegħu huma inaccettabbli.

Il-Prim Ministru uża l-pjattaforma uffiċjali tiegħu biex jattakkah personalment – att li segwa b’mod ikkoordinat minn influencers tal-Partit Laburista.

Dan l-imġieba tmur lil hinn minn sempliċi nuqqas ta’ qbil politiku u taqsam linji ħomor demokratiċi. Dan hu attentat biex persunaa tiġi msikkta u meqruda. Aħna mhux se noqogħdu fuq il-ġenb jistennew.

Nafu fejn twassal din it-triq. Daphne Caruana Galizia kienet ivvilifikata u iżolata qabel ma ġiet assassinata. Il-qtil tagħha, ippjanat minn qabel, jibqa’ tebgħa fuq pajjiżna għal dejjem.

Il-mudell jibqa’ l-istess: tnaqqas il-valur tal-persuna, tiddiskreditaha, u tinbidel f’għadu pubbliku, biex jekk tiġrilha xi ħaġa, tidher ġustifikata.

Gvern li għandu fiduċja fid-demokrazija ma jifgax id-dissens, anzi jħaddan l-iskrutinju. Is-saħħa tinsab fid-djalogu, anke ma' min ikun kritiku. Mhux fl-użu tal-bullying biex jissikktu l-avversarji.

Wasal iż-żmien għal riforma elettorali immedjata mmirata li taqdi r-realtajiet ta’ Malta tal-lum u ta’ poplu li jrid u jistħoqqlu l-aqwa rappreżentanza fil-Parlament u fil-Gvern.

jemmen bis-sħiħ li riforma elettorali għandha sservi biex issaħħaħ id-demokrazija, ittejjeb ir-rappreżentanza, u tiżgura ġustizzja fil-proċess elettorali. Sfortunatament, il-bidliet proposti mir-rappreżentanti tal-Gvern fil-Kummissjoni Elettorali ma huma xejn għajr attentat sfaċċat ta’ gerrymandering – bidla fid-distretti elettorali għall-benefiċċju tal-partit fil-gvern, minflok biex jiġu indirizzati l-isfidi sistematiċi li jfixxklu sistema tassew demokratika għal Malta.

https://linktr.ee/ilprogressivi

Partit Malta Progressiva jappoġġja bis-sħiħ il-petizzjoni mnedija minn Momentum kontra l-proposta tal-Prim Ministru biex jemenda l-proċess tal-inkjesti maġisterjali rigward id-dritt taċ-ċittadini li jitolbu investigazzjoni dwar imġiba mhux xierqa minn naħa tal-politiċi. Il-Progressivi jemmnu li, jekk jiġu adottati, il-bidliet proposti jnaqqsu b’mod sinifikanti s-saħħa demokratika taċ-ċittadini u jkomplu jnaqqru mill-kontabbiltà pubblika tal-politiċi

Il-Progressivi jemmnu bis-sħiħ li s-saħħa għandha tibqa’ f’idejn il-Maltin. "Is-saħħa lil Maltin" kienet is-slogan tal-Partit Laburista biss sitt xhur ilu. Issa wasal iż-żmien biex jippruvaw dan billi jwaqqgħu din il-proposta. L-Istat għandu jieqaf milli jnaqqas id-drittijiet taċ-ċittadini Maltin li jitolbu għal inkjesti maġisterjali. Diġà hemm salvagwardji legali kontra l-abbuż. F’mument fejn partit wieħed għandu monopolju fuq il-gvern u maġġoranza assoluta fil-Parlament, huwa kruċjali li nsaħħu l-iskrutinju u l-kontabbiltà, mhux innaqqsuhom.

Iffirma hawn: https://parlament.mt/mt/petition?id=254

Ibda l-bidla. Ingħaqad magħna. Imla l-formola:
https://progressivi.short.gy/inghaqad (MT)
https://progressivi.short.gy/join (EN)

Riżoluzzjoni għall-bidla.
Sena ġdida, forza politika ġdida.

Is-saħħa għandha tkun f'idejn in-nies biex ikunu jistgħu jżommu skrutinju fuq il-Gvern u l-poċitiċi. Irridu nsaħħu l-istituzzjonijiet u nintroduċu proċessi li jwasslu biex il-vuċi tal-poplu tkun mismugħa. Dan ifisser li aħna favur it-trasparenza, t-tisħiħ tad-demokrazija u r-rispett lejn id-drittijiet tal-bnedmin u qatta' bla ħabel kontra l-korruzzjoni u patti sigrieti magħmula minn taħt.

Jinteressana mid-dinjità tal-ħaddiema u garanzija ta' ħajja ta' kwalità għal kulħadd, mhux għall-ftit.

New progressive party will see former MEP, ADPD candidate, PL councillor and PN candidate join its ranks Partit Malta Progressiva, a political party set to launch next year, will see former MEP, candidates, party executive members and councillors join its ranks including Cyrus Engerer and Silvan Agius