Mutane masu daraja

“Kar ku riga shari’a: Zargi ba laifi ba ne”

Ya ku jama’a, ku ji tsoron Allah! Akwai wani abu da ke kara yaduwa a cikin al’umma — gaggawar yanke hukunci kafin shari’a. A yau ana zargin Ibrahim Namadi da laifin karɓar cin hanci. Amma me ya faru? Ko da kafin a fara bincike sosai, mutane sun riga sun yanke masa hukunci. Sun fara tozarta shi, sun fara wulakanta shi, kamar an riga an tabbatar da laifinsa.

Shin wannan shi ne adalcin da addini da doka ke koyarwa?

Ku sani, Annabi (SAW) ya ce “ku nisanci zato, domin lallai zato shi ne mafi ƙarya cikin magana.” Kuma doka a kowace kasa ta ce: “Duk wanda ake zargi da laifi, har sai an tabbatar da shi, ana kallonsa a matsayin mara laifi.”

Ibrahim Namadi bai kai gaban kotu ba. Bai gurfana a gaban hukuncin gaskiya ba. To me ya sa mutane ke hanzarta yayata shi a matsayin mai laifi? Me ya sa mu ke saurin rugujewa mutum martaba da mutunci saboda zargi kawai?

Ku ji tsoron Allah! Kowa yana iya fuskantar zargi a rayuwa, amma wannan ba yana nufin laifi ba ne. Mu yi hakuri, mu bari bincike ya kammala, mu jira gaskiya ta fito fili — domin gaskiya bata jin tsoro, kuma idan ba laifi ne, doka za ta wanke shi.

Amma idan ba mu daina wulakanta mutane bisa zato da jita-jita ba, mu ma gobe sai ya zo mana. Kowa na iya fuskantar irin wannan jarabawa.

Ya ku jama’a, ku daina yada abin da ba ku tabbatar da shi ba. Ku daina daukar nauyin zunubin da ba naku ba. Ku bar Allah da shari’a su yi aikinsu.

Zargi ba laifi ba ne. Kuma mutum mai mutunci bai kamata a rugujewa sunansa saboda zato ba.

Mu dawo insha Allah zamu ciga ba daga inda muka tsaya
Kwankwasawan asali amutsa

‘Ya’yan Kwankwaso a Majalissar kasa…🍍🍎🍉

Yadda Gyaran babbar Hanyar Sabo Bakin-Zuwo dake cikin birnin Kano take gudana wanda Gwamna Abba K. Yusuf yabada umarnin wannan aiki.