Kabo Reporters

Directions Website

Kabo Reporters Nagartattun Labarai

Babbar Mataimakiya ta Musamman ga Gwamnan Kano, Khadijah Aminu Shariff, ta bayyana goyon bayanta ga Atiku a zaben 2027.K...
24/09/2026

Babbar Mataimakiya ta Musamman ga Gwamnan Kano, Khadijah Aminu Shariff, ta bayyana goyon bayanta ga Atiku a zaben 2027.

Khadijah Aminu Shariff, Babbar Mataimakiya ta Musamman ga Gwamnan Jihar Kano, ta bayyana goyon bayanta ga tsohon Mataimakin Shugaban Ƙasa, Alhaji Atiku Abubakar, a babban zaɓen shekarar 2027.

Khadijah ta bayyana matsayinta ne cikin wata sanarwa ta musamman da ta fitar, inda ta ce ta kuduri aniyar bayar da cikakken goyon baya ga yaƙin neman zaɓen Atiku Abubakar.

Ta ce za ta zaɓi Atiku tare da yin kamfen domin nuna goyon bayanta gare shi yayin da ake tunkarar zaɓen shugaban ƙasa na 2027.

Ta kuma bayyana fatan bayar da gudummawa mai kyau ga harkokin siyasa da tsarin dimokuraɗiyya, tare da yin hulɗa da ’yan Najeriya domin nuna goyon baya ga ɗan takarar da ta zaɓa.

A ƙarshen sanarwar, Khadijah ta bayyana kanta a matsayin mai goyon bayan Atiku Abubakar kuma mai yaƙin neman zaɓensa a zaɓen 2027.

Gwamnan Kano Alhaji Abba Kabir Yusuf ya naɗa Barista Hafsat Ada’u Kutama a matsayin shugabar Hukumar Karɓar Ƙorafe-Ƙora...
16/09/2026

Gwamnan Kano Alhaji Abba Kabir Yusuf ya naɗa Barista Hafsat Ada’u Kutama a matsayin shugabar Hukumar Karɓar Ƙorafe-Ƙorafe da Yaƙi da Cin Hanci da Rashawa ta Jihar Kano (PCACC) ta riƙo.

Kafin wannan sabon matsayi, Barr. Hafsat Kutama ita ce magatakarda kuma Mai Ba da Shawara kan Harkokin Shari’a a hukumar.

Gwamnatin Kano ce ta naɗa ta a wannan matsayi a watan Agustan 2025.

Naɗin ya zo ne bayan rahotannin cewa Saidu Yahaya, wanda ya jagoranci hukumar tun bayan karewar wa’adin tsohon shugabanta, Muhuyi Magaji Rimin Gado, ya yi murabus daga muƙaminsa.

A baya, Gwamna Abba Yusuf ya bayyana damuwa kan yadda ayyukan hukumar s**a ragu bayan barin Muhuyi Magaji, yana mai cewa hukumar ta rasa ƙarfin gudanar da ayyukan yaƙi da cin hanci da rashawa.

INEC ta bayyana jerin sunayen ‘yan takara 18 na shugaban ƙasa a zaben 2027 da shekarun su:1. APC: Bola Tinubu (74) / Kas...
13/09/2026

INEC ta bayyana jerin sunayen ‘yan takara 18 na shugaban ƙasa a zaben 2027 da shekarun su:

1. APC: Bola Tinubu (74) / Kashim Shettima (59)

2. ADC: Atiku Abubakar (79) / Chibuike Rotimi Amaechi (61)

3. NDC: Peter Gregory Obi (65) / Musa Mohammed Rabiu Kwankwaso (69)

4. LP: Sunday Chibuzo Okereke (43) / Hajja Bintu Konto (54)

5. PDP: Sandy Ojang Onor (60) / Umaru Babangida (61)

6. AA: Rufai Adekunle Omo-Aje / Shehu Hussaini

7. ADP: Aliyu Abbas-Bin / Chinazam Ike

8. APP: Kabiru Yusuf / Peace Egobia Ofordile

9. AAC: Omoyele Sowore / Haruna Garba Magashi

10. APM: Oluseyi Abiodun Makinde (58) / Musa Lawal Daura

11. BP: Sunday Adenuga / Usman Turaki Mustapha

12. DLA: Moses Olusoji Adebisi / Nafisat Usaku Abubakar

13. NDP: Ada Elizabeth Fredrick Okwori / Uchenna Anthony Chukwuemeka

14. NRM: Nkem Esther Okereke / Nasir Muhammed Sulaiman

15. PRP: Donald Duke / Kabiru Rabiu

16. SDP: Adewole Ebenezer Adebayo / Usman Muhammed Bugaje

17. YPP: Peter Ada Agada / Patience Ndidi Key

18. ZLP: Daniel Daberechukwu Nwanyanwu / Hassan Khalid

Daily Nigerian Hausa

Ɗan takarar mataimakin shugaban ƙasa na NDC, Rabi’u Musa Kwankwaso, ya ce Sheikh Yahaya Jingir mutuminsa ne, amma batun ...
11/09/2026

Ɗan takarar mataimakin shugaban ƙasa na NDC, Rabi’u Musa Kwankwaso, ya ce Sheikh Yahaya Jingir mutuminsa ne, amma batun kuɗi ya hargitsa komai.
‎
‎Kwankwaso ya ce Jingir na ganin ba shi da miliyan 300 har sau biyu, alhali bai shiga tsarin ba, yana tambayar inda zai samo kuɗin. Ya kuma ce wasu daga cikin waɗanda s**a bayar ba su da babban hali, wataƙila ma a kauyensu bukka ce suke kwana.
‎
‎Ya ce: “Wannan malamin, Yahaya Jingir, mutumina ne, amma harkar kuɗin nan ta zo ta hargitsa komai. Gani yake cewa ba ni da miliyan 300 sau biyu, alhali ban shiga wannan tsarin ba; to a ina zan samo su? Su waɗannan da s**a bayar, kakarsu ce take da kuɗin? Ka je kauyensu, wataƙila ma katangar danga ce, bukka ce suke kwana a ciki. Amma wai ya zo shi kaɗai ya ce zai ba da miliyan 300.”

Amurka ta kawo kayan aikin soja Najeriya domin yaki da ta’addanciAmurka ta kawo wasu kayan aikin soja ga Rundunar Sojin ...
10/09/2026

Amurka ta kawo kayan aikin soja Najeriya domin yaki da ta’addanci

Amurka ta kawo wasu kayan aikin soja ga Rundunar Sojin Sama ta Najeriya domin tallafa wa ayyukan yaki da ta’addanci a kasar.

Rundunar AFRICOM ta Amurka ta ce an kai kayan aikin ne a watan Satumba ta jirgin saman sojin Amurka C-17, inda aka sauke su a Legas da Kainji da ke Jihar Neja.

Ta bayyana cewa kayan aikin na daga cikin yarjejeniyar sayar da kayan aikin soja tsakanin Amurka da Najeriya, domin karfafa hadin gwiwar kasashen biyu wajen yaki da ta’addanci.

AFRICOM ta ce tallafin na gudana ne bisa gayyatar Najeriya tare da mutunta ikon mallakar kasar.

A watan Agusta, kwamandan AFRICOM, Dagvin Anderson, ya bayyana cewa Amurka ta rage yawan sojojinta da ke Najeriya bayan wani samame da ya kashe mataimakin shugaban kungiyar ISIS, Abu-Bilal al-Minuki, a yankin Tafkin Chadi.

Sai dai ana sa ran wasu kananan kungiyoyin sojojin Amurka, masu horaswa da kwararrun leken asiri za su ci gaba da kasancewa a Najeriya bayan ficewar mafi yawan dakarun zuwa karshen watan Satumba.

Allah ya yi wa fitaccen dan siyasa Hon. Sani Muhammad Hotoro, Wanda akafi sani da Dan Sani Hotoro rasuwa sak**akon hatsa...
10/09/2026

Allah ya yi wa fitaccen dan siyasa Hon. Sani Muhammad Hotoro, Wanda akafi sani da Dan Sani Hotoro rasuwa sak**akon hatsari.

Batun rasuwar tasa ya karaɗe kafafen sada zumunta da yammacin wannan rana ta Alhamis.

Ƴansanda sun k**a mutane 2 bisa zargin hannu a kisan Ibrahim Khalil Ɗanshagamu a KanoRundunar ƴansandan Jihar Kano ta c...
09/09/2026

Ƴansanda sun k**a mutane 2 bisa zargin hannu a kisan Ibrahim Khalil Ɗanshagamu a Kano

Rundunar ƴansandan Jihar Kano ta cafke wasu mutane biyu da ake zargi da hannu a kisan Ibrahim Khalil Danshagamu, mazaunin unguwar Gaida, karamar hukumar Kumbotso.

A wani Rahoton da Daily Nigerian Hausa ta wallafa, Lamarin ya faru ne da misalin ƙarfe 11:30 na daren Litinin, 8 ga Satumba 2026, bayan wasu da ake zargin ’yan daba ne sun kutsa gidan marigayin tare da kai masa hari da wukake.

Rundunar ’yansandan ta ce kwamandan kungiyar Vigilante ta Gaida ne ya sanar da ita lamarin, inda jami’an sashen ’yan sanda na Kumbotso s**a garzaya wurin.

An garzaya da Danshagamu zuwa Asibitin Kwararru na Murtala Mohammed da ke Kano domin ba shi agajin gaggawa, amma likita ya tabbatar da rasuwarsa bayan isar sa asibitin.

Kakakin rundunar ’yansandan jihar, CSP Abdullahi Haruna Kiyawa, ya ce an cafke wadanda ake zargin ne bayan wani samame na leken asiri da Kwamishinan ’yan sandan jihar, CP Ibrahim Adamu Bakori, ya bayar da umarni.

Ya ce jami’an sashen Kumbotso, tare da hadin gwiwar rundunonin dabarun aiki da masu ruwa da tsaki a cikin al’umma, ne s**a gudanar da samamen.

A halin yanzu, wadanda ake zargin na hannun ’yansanda kuma ana yi musu tambayoyi, yayin da ake kokarin cafke wasu da ka iya kasancewa da hannu a lamarin.

Rundunar ta ce ana karbar bayanan wadanda abin ya shafa, tare da gudanar da binciken kimiyyar laifuka domin gano cikakken bayani da kuma dalilin harin.

Tsohon Sanata na Katsina ya rasu yana da shekaru 62Tsohon Sanatan da ya wakilci mazabar Katsina ta Kudu, Sanata Bello Ma...
08/09/2026

Tsohon Sanata na Katsina ya rasu yana da shekaru 62

Tsohon Sanatan da ya wakilci mazabar Katsina ta Kudu, Sanata Bello Mandiya, ya rasu yana da shekaru 62.

Jaridar DAILY NIGERIAN HAUSAta rawaito cewa Mandiya ya rasu ne a ranar Litinin, 7 ga watan Satumba, 2026, k**ar yadda wata sanarwa da Ibrahim Mohammed, Babban Sakataren Yada Labarai na Gwamnan Jihar Katsina, Dikko Radda, ya fitar ta bayyana.

Gwamna Radda ya bayyana alhininsa da kaduwa kan rasuwar tsohon Sanatan, yana mai cewa mutuwarsa babban rashi ne ga Jihar Katsina da Najeriya baki ɗaya.

Radda ya ce Mandiya ya kasance ma’aikacin gwamnati mai kishin kasa, wanda ya bayar da gudunmawa wajen ci gaban Jihar Katsina da Najeriya.

Ya ce marigayin ya sadaukar da wani bangare na rayuwarsa wajen yi wa al’umma hidima, inda ya gudanar da aikinsa cikin jajircewa, kuma irin gudunmawar da ya bayar ba za a manta da ita ba.

Kafin a zabe shi Sanata, Mandiya ya taba rike mukamin Shugaban Ma’aikatan Fadar Gwamnatin Jihar Katsina a zamanin tsohon Gwamna Aminu Bello Masari.
Daga bisani aka zabe shi a matsayin Sanata mai wakiltar Katsina ta Kudu, inda ya rike mukamin daga shekarar 2019 zuwa 2023 a Majalisar Dattawan Najeriya.

Gwamna Radda ya ce kwarewa da hidimar da Mandiya ya gudanar a matakin jiha da tarayya za su kasance cikin manyan abubuwan da za a rika tunawa da shi.

Ya mika sakon ta’aziyyarsa ga iyalan marigayin, tsohon Gwamna Aminu Bello Masari, al’ummar Katsina ta Kudu, abokan siyasarsa da abokansa, da kuma tsoffin abokan aikinsa a Majalisar Dattawa ta Tara.

Radda ya roki Allah Madaukakin Sarki Ya gafarta wa Sanata Bello Mandiya kurakuransa, Ya saka masa da alheri kan ayyukan da ya aikata, Ya kuma ba shi Aljannatul Firdaus.

Mataimakin Shugaban Majalisar Dattawa, Sanata Barau I. Jibrin, ya kafa kwamitin yaƙin neman zaɓensa na sanatan Kano ta A...
05/09/2026

Mataimakin Shugaban Majalisar Dattawa, Sanata Barau I. Jibrin, ya kafa kwamitin yaƙin neman zaɓensa na sanatan Kano ta Arewa a jam’iyyar APC gabanin zaɓen 2027.

Sanarwar da mai taimaka masa kan harkokin yaɗa labarai, Ismail Mudashir, ya fitar ta ce Injiniya Rabi'u Sulaiman Bichi, Manajan Daraktan Hukumar Raya Kogin Hadejia-Jama’are kuma tsohon Sakataren Gwamnatin Kano, ne aka naɗa shugaban kwamitin.

Kwamishinan Ilimi na Jihar Kano, Dr Ali Haruna Makoda, zai kasance mataimakin shugaban kwamitin, yayin da tsohon Surveyor General na Tarayya, Surveyor Nadu Yahaya, zai zama sakatare.

Haka kuma, an naɗa tsohon ɗan Majalisar Wakilai Farouk Lawan a matsayin mataimakin shugaban kwamitin na ɗaya, yayin da Saidu Garba Getso da Badamasi Ayuba za su kasance mataimakan shugaban kwamitin na biyu da na uku.

Tsohon ɗan Majalisar Wakilai, Alhaji Yusuf Tumfafi, ne Darakta-Janar na kwamitin, tare da wasu mataimakan daraktoci.

Kwamitin ya ƙunshi wakilai daga ƙananan hukumomi 13 na Kano ta Arewa, ciki har da Shanono, Bagwai, Gwarzo, Kabo, Rimin Gado, Tofa, Dawakin Tofa, Bichi, Ghari, Tsanyawa, Dambatta, Makoda da Gabasawa.

Sanata Barau ya umarci mambobin kwamitin da su kai saƙon APC zuwa sassa daban-daban na Kano ta Arewa, tare da ƙara wayar da kan jama’a domin samun goyon baya ga yan takarar jam’iyyar a zaɓen 2027.

Ya kuma ce ayyukan gwamnatin APC sun bayyana a fili, yana mai buƙatar kwamitin ya bayyana wa jama’a nasarorin gwamnatin tare da neman gagarumin goyon baya a zaɓen.

Cikin wata hira da shirin gidan talabijin na Channels, Ministan Tsaro, Janar Christopher Musa, ya ce tsohon Gwamnan Kadu...
04/09/2026

Cikin wata hira da shirin gidan talabijin na Channels, Ministan Tsaro, Janar Christopher Musa, ya ce tsohon Gwamnan Kaduna, Nasir El-Rufai, ya aikata abubuwa da dama da s**a jefa jihar cikin mawuyacin hali, ciki har da shirya kashe-kashen mutanen Kudancin jihar.

Janar Musa, ya ƙara da cewa tsohon gwamnan ya aikata wasu abubuwa da dama waɗanda shi kansa ba zai yi alfahari da su ba, ciki har da musgunawa wasu makusantansa a jihar kan rashin jituwa.

Address

Kano

Website

Alerts

Be the first to know and let us send you an email when Kabo Reporters posts news and promotions. Your email address will not be used for any other purpose, and you can unsubscribe at any time.

Shortcuts

Share