What are the opening hours?

Monday 08:00 - 16:00 Tuesday 08:00 - 16:00 Wednesday 08:00 - 16:00 Thursday 08:00 - 16:00 Friday 08:00 - 12:30

Katsina State Water Board, No. 8 Olusegun Obasanjo Drive G. R. A Katsina, Katsina (2026)

14/09/2026

📸 LABARI CIKIN HOTUNA: HUKUMAR RUWA TA KATSINA NA CI GABA DA KAI TALLAFIN RUWAN SHA

Kamar kullum, Hukumar Samar da Ruwan Sha ta Jihar Katsina ta sake kai tallafin ruwan sha ga al’ummar Unguwar Kofar Keke da ke cikin birnin Katsina.

An kai ruwan ne domin rage wa al’ummar yankin radadin ƙarancin ruwan sha da suke fama da shi, sakamakon ayyukan faɗaɗa da inganta manyan tituna da ake gudanarwa a cikin birnin Katsina.

Kwamishinan Albarkatun Ruwa na Jihar Katsina, Hon. Mannir Ayuba Sullubawan, ne ya bayar da umarnin ci gaba da rarraba ruwan sha ba tare da tbiyannkonsisin kwabo ba ga unguwannin da matsalar ƙarancin ruwa ta shafa.

12/09/2026

Hukumar Ruwan ta Bayyana Cikakken Dalilin Karancin Ruwa a Birnin Katsina.

Hukumar Samar da Ruwan Sha ta Jihar Katsina, ƙarƙashin kulawar Kwamishinan Albarkatun Ruwa na jihar, Hon. Mannir Ayuba Sullubawa, ta bayyana cikakken dalilin da ya haifar da ƙarancin ruwan sha a wasu sassan birnin Katsina.

Hukumar ta ce matsalar ta samo asali ne sakamakon ayyukan faɗaɗa da inganta manyan tituna da ake gudanarwa a cikin birnin Katsina, wanda ya shafi wasu manyan bututun da ke jigilar ruwan sha zuwa tsakiyar birnin.

A cewar hukumar tace ruwan da ake samarwa daga Tashar Rarraba Ruwa ta Kofar Kaura ita ce ke rarrabawa zuwa sassa daban-daban na cikin birnin Katsina, ciki har da Kofar Kaura, Kofar Marusa, Kofar Soro, Kofar Durbi, Kofar Sauri, Kofar Yandaka, Kofar Guga da sauran unguwannin da ke tsakiyar birnin.

Hukumar ta bayyana cewa, yayin gudanar da ayyukan faɗaɗa tituna, an samu tsaiko sakamakon cire wasu daga cikin bututun ruwan da ke ratsa manyan hanyoyin, musamman hanyar IBB Way, domin ba da damar gudanar da aikin cikin sauƙi.

Sai dai hukumar ta ce a halin yanzu ana ƙoƙarin ganin an fara aikin shigar da sabbin manyan bututun ruwa domin maye gurbin waɗanda aka cire, tare da sake haɗa sabon tsarin rarraba ruwa zuwa sassan birnin da abin ya shafa

Hukumar ta ƙara bayyana cewa, wasu yankunan da ke kewaye da birnin Katsina na ci gaba da samun ruwan sha, ciki har da GRA, Modoji, Kambarawa, Kwado, Layout, Sabuwar Unguwa, Tudun Matawalle zuwa Tayoyi.

A cewar hukumar, waɗannan yankunan ba su samu matsalar cure Bututun Ruwan a domin Basu Kan wannan babban layin saboda bututun ruwan da ke kawo musu ruwa daga Tashar Rarraba Ruwa ta Kofar Kaura bai samu tangarda irin wadda ta shafi wasu sassan tsakiyar birnin ba

Hukumar Samar da Ruwan Sha ta Jihar Katsina ta yi kira ga al’ummar da ke fama da wannan matsala da su ƙara bai wa gwamnatin jihar haɗin kai da fahimta, domin a samu damar kammala ayyukan da ake gudanarwa cikin sauƙi da kwanciyar hankali.

Hukumar ta jaddada cewa ana ɗaukar matakan da s**a dace domin ganin an kammala aikin shigar da sabbin bututun ruwa tare da dawo da cikakken tsarin samar da ruwan sha ga al’ummar da abin ya shafa.

A ƙarshe, hukumar ta bayyana cewa Gwamnatin Jihar Katsina ƙarƙashin jagorancin Gwamna Malam Dikko Umar Radda, PhD, CON, tana matuƙar ƙoƙari wajen kammala ayyukan raya birnin da sauran manyan ayyukan more rayuwa da ke gabanta, domin bunƙasa jihar da inganta rayuwar al’ummar Katsina.

Sanarwa daga Ofishin Mukaddashin Daraktan Aikace Aikace na hukumar Injiniya Hussain Rabiu Bello

11/09/2026

Hukumar Samar Da Ruwan Sha ta jahar Katsina.ta na Kara ba Alumma Hakuri Rashin Samun Wadataccen Ruwa a Cikin Birnin Katsina.

Hukumar Samar da Ruwan Sha ta Jihar Katsina, ƙarƙashin kulawar Kwamishinan Albarkatun Ruwa na jihar, Hon. Mannir Ayuba Sullubawa, tana kara ba al’ummar
cikin Birnin Katsina, bisa ƙarancin ruwan sha da ake fama da shi a wasu sassan birnin.

Hukumar ta bayyana cewa, matsalar ƙarancin ruwan na da alaƙa da manyan ayyukan raya birane da ake gudanarwa a birnin na Katsina .tare da ayyukan gina sababbin hanyoyi da faɗaɗa manyan tituna zuwa Yan tagwayen t**i a cikin birnin Katsina.

A cewar hukumar, waɗannan ayyuka Sune s**a haifar da tsaiko ko tangarda ga wasu hanyoyin samar da ruwan sha, sake shimfida manyan bututun ruwa dake kan hanyoyin lamarin da ya jawo ƙarancin ruwa a wasu daga cikin manyan birnin.

Kwamishinan Albarkatun Ruwa na Jihar Katsina, Hon. Mannir Ayuba Sullubawa, ya yi kira ga al’ummar da ke fama da matsalar da su ƙara nuna haƙuri da fahimta, tare da ci gaba da ba hukumar haɗin kai domin samun nasarar ayyukan da ake gudanarwa.

Ya kuma jaddada aniyar Gwamnan Jihar Katsina, Malam Dikko Umar Radda, PhD, CON, wajen ganin an samar da isasshen ruwan sha mai tsafta ga al’ummar jihar.

Kwamishinan ya ce Gwamna Radda na mai da hankali sosai wajen ganin an cimma burin samar da wadataccen ruwan sha ga al’ummar Jihar Katsina, yana mai cewa gwamnati za ta ci gaba da ɗaukar matakan da s**a dace domin magance matsalar ƙarancin ruwa.

A ƙarshe, Hon. Mannir Ayuba Sullubawa ya sake yin kira ga al’umma da su ci gaba da ba Hukumar Samar da Ruwan Sha ta Jihar Katsina haɗin kai, tare da yin addu’ar Allah Ya ba da ikon kammala ayyukan da ake gudanarwa cikin nasara, domin samun wadataccen ruwan sha a manyan garuruwan jihar.

Ya ce, da yardar Allah, burin samar da isasshen ruwan sha ga al’ummar Jihar Katsina zai tabbata.

10/09/2026

HUKUMAR RUWA TA KAI TALLAFIN RUWAN SHA GA WASU UNGUWANNIN KATSINA

Hukumar Samar da Ruwan Sha ta Jihar Katsina ta kai tallafin ruwan sha kyauta ga wasu unguwannin birnin Katsina da ke fama da ƙarancin ruwa, domin rage wa al’ummar yankunan radadin matsalar da suke fuskanta.

Hukumar, ƙarƙashin kulawar Kwamishinan Albarkatun Ruwa na Jihar Katsina, Hon. Mannir Ayuba Sullubawa, ta ci gaba da kai tankunan ruwan sha zuwa wuraren da ake fama da matsalar ƙarancin ruwa a cikin birnin Katsina.

A yau Alhamis, 10 ga Satumba 2026, hukumar ta sake kai tankar ruwan sha zuwa wasu yankuna domin tallafa wa al’ummar da ke buƙatar ruwan sha.
A yayin wannan aikin, tankar ruwan ta kai ruwan sha kyauta ga mazauna Shararra Pipe da kuma Sabon Layin da ke wajen Gidan Bejin Katsina, domin ƙara sauƙaƙa musu samun ruwan sha.

Hukumar ta bayyana cewa wannan mataki na daga cikin ƙoƙarin da take yi na tallafa wa al’umma, musamman mazauna yankunan da ke fuskantar matsalar ƙarancin ruwa, tare da tabbatar da cewa sun samu ruwan sha a lokacin da suke buƙata.

Matsalar ƙarancin ruwan da wasu yankunan birnin Katsina ke fuskanta ta samo asali ne daga manyan ayyukan faɗaɗa da inganta tituna da gwamnatin Gwamna Malam Dikko Umar Radda, PhD, CON, ke aiwatarwa a cikin birnin Katsina, domin ƙara zamanantar da birnin da inganta harkokin sufuri.

Hukumar Samar da Ruwan Sha ta Jihar Katsina ta kuma yaba wa al’umma bisa haƙuri da haɗin kai da suke bayarwa a wannan lokaci, tare da jaddada aniyarta ta ci gaba da ɗaukar matakan da s**a dace domin rage wa al’umma wahalar samun ruwan sha da kuma inganta samar da ruwa a faɗin jihar.

10/09/2026

SAƘON TAYA MURNAR CIKAR SHEKARU 57 NA MAI GIRMA GWAMNAN JIHAR KATSINA, MALAM DIKKO UMAR RADDA, CON

A madadin iyalina, shugabanci da daukacin ma’aikatan Ma’aikatar Albarkatun Ruwa ta Jihar Katsina, ina miƙa saƙon taya murna da fatan alheri ga Mai Girma Gwamnan Jihar Katsina, Malam Dikko Umar Radda, CON, bisa cikar sa shekaru 57 da haihuwa.

Mai Girma Gwamna, wannan rana mai muhimmanci wata dama ce ta musamman da za mu yi godiya ga Allah tare da murnar rayuwar da ka sadaukar wajen hidimtawa al’umma, jagoranci nagari da ci gaban Jihar Katsina.

Ƙoƙarin gwamnatinka na inganta rayuwar al’ummar jihar, bunƙasa ababen more rayuwa, inganta samar da ruwan sha da sauran muhimman ayyukan raya ƙasa, na ci gaba da ƙara wa al’ummar Katsina fata da kwarin gwiwa kan kyakkyawar makoma.

A yayin da kake bikin wannan sabon shekaru, muna gode wa Maɗaukakin Allah bisa ni’imar rayuwa, lafiya, hikima da damar da Ya ba ka na ci gaba da yi wa al’umma hidima.

Muna roƙon Allah Ya ci gaba da shiryar da kai, Ya ƙara maka basira da hikima, Ya ba ka ƙarfin guiwa da kuzarin gudanar da wannan amanar da Ya ɗora maka, tare da albarkaci gwamnatinka da nasarori masu ɗorewa.

Allah Ya sa wannan sabon shekaru ya kasance shekara mai cike da albarka, lafiya, zaman lafiya, nasara da ƙarin ɗaukaka a rayuwarka da kuma hidimarka ga Jihar Katsina da Najeriya baki ɗaya.
Barka da cikar shekaru 57 da haihuwa, Mai Girma Gwamna.

Allah Ya tsare ka, Ya ƙara maka lafiya da tsawon rai mai albarka, Ya kuma ba ka damar ci gaba da yi wa al’umma hidima cikin nasara.
Sa hannu:

Alhaji Mannir Ayuba Sullubawa
Kwamishinan Albarkatun Ruwa
Ma’aikatar Albarkatun Ruwa ta Jihar Katsina

10/09/2026

CONGRATULATORY MESSAGE ON THE OCCASION OF THE 57TH BIRTHDAY OF HIS EXCELLENCY, MALAM DIKKO UMAR RADDA, CON, GOVERNOR OF KATSINA STATE

On behalf of my family, the management and entire staff of the Katsina State Ministry of Water Resources, I warmly felicitate with His Excellency, Malam Dikko Umar Radda, CON, Executive Governor of Katsina State, on the occasion of his 57th birthday.

Your Excellency, this anniversary is a remarkable opportunity to celebrate your life of dedicated service, leadership, and commitment to the development and progress of Katsina State.

Your administration's efforts toward improving the lives of our people, strengthening infrastructure, and promoting sustainable development continue to inspire hope and confidence among the people of the state.

As you mark this special day, we thank Almighty Allah for granting you the gift of life, good health, wisdom, and the opportunity to serve humanity.

We pray that He continues to guide and strengthen you, grant you greater wisdom and renewed energy, and bless your administration with enduring success as you steer Katsina State toward greater prosperity.

May your new age bring you abundant blessings, sound health, peace, and continued fulfillment in your service to our dear state and nation.

Happy 57th Birthday, Your Excellency.

May Almighty Allah preserve you and grant you many more years of fruitful service to humanity.

Signed:
Alhaji Mannir Ayuba Sullubawa
Honourable Commissioner
Katsina State Ministry of Water Resources.

08/09/2026

Domin Rage Radadin Wahalar Ruwa: Hukumar Samar da Ruwan Sha Ta Kai Ruwa Kofar Sauri Domin rage radadin wahalar rashin ruwa da al’ummar cikin birnin Katsina ke fuskanta,

Hukumar Samar da Ruwan Sha ta Jihar Katsina ta ci gaba da raba ruwan sha ga al’umma a yankunan da ke fama da ƙarancin ruwa.

A yau, litinin 7ga Satumba Hukumar ta kai ruwan sha a yankin Kofar Sauri, da ke cikin birnin Katsina, domin sauƙaƙawa mazauna yankin wahalar da suke fuskanta sakamakon rashin isasshen ruwa.

Wannan mataki na daga cikin ƙoƙarin hukumar na samar da ruwan sha ga al’umma, musamman a yankunan da ayyukan faɗaɗa manyan hanyoyi ke haifar da tsaiko ko katsewar wasu hanyoyin samar da ruwa.

Kwamishinan Albarkatun Ruwa na Jihar Katsina, Hon. Mannir Ayuba Sullubawa, wanda ke kula da harkokin hukumar, ya sake gode wa al’umma bisa yadda suke ba da haɗin kai wajen karɓa da rarraba ruwan da manyan motocin hukumar ke kai musu.

Kwamishinan ya kuma buƙaci al’umma da su ci gaba da ba da cikakken haɗin kai domin tabbatar da cewa ruwan da ake rabawa ya isa ga jama’a cikin tsari da adalci.

Hon. Mannir Ayuba Sullubawa ya jaddada aniyar gwamnatin Malam Dikko Umar Radda, PhD, CON, wajen samar da ingantaccen ruwan sha ga al’ummar Jihar Katsina, yana mai cewa gwamnati na ci gaba da ɗaukar matakai da tanade-tanade domin inganta samar da ruwan sha a faɗin jihar.

03/09/2026

Kwamishinan Albarkatun Ruwa Ya Sa Hannun Kwangiloli Biyu Domin Inganta Ruwan Sha a Katsina

Ayau Alhamis 3 ga Satumba, 2026
Kwamishinan Albarkatun Ruwa na Jihar Katsina, Hon. Mannir Ayuba Sullubawa, ya sanya hannu kan kwangiloli biyu daban-daban da aka tanada domin inganta samar da ruwan sha ga al’ummar birnin Katsina da sauran yankunan da ke kewaye da birnin.

Kwangilolin sun shafi muhimman ayyuka guda biyu a tashar sarrafa ruwa ta Ajiwa Water Treatment Plant.

Kwangila ta farko ta shafi kammala sabon ɗakin famfo (Pump House) da kuma gyaran sashen sarrafa ruwa (Process Unit) na tashar ruwan Ajiwa.

Kwangila ta biyu kuma ta shafi gyaran sashen sarrafa ruwa, dakin gwaje-gwaje (Laboratory), Ginin Gudanarwa (Administrative Block), Barhim Reservoir, da kuma gudanar da wasu ayyukan gyara na musamman a Hukumar Ruwa ta Ajiwa.

Kwamishinan, Hon. Mannir Ayuba Sullubawa, ya sanya hannu kan kwangilolin ne tare da Injiniya Ishaq Abdullahi, wanda ya wakilci kamfanin Continental Computers and Investment Limited, a ofishin Shi dake Sakatariyar Gwamnatin Jihar Katsina.

01/09/2026

Katsinawan Dikko Mobilization Forum 2027 Sun Ziyarci Kwamishinan Albarkatun Ruwa na Jihar Katsina

A yau, Talata 1 ga watan Satumba, 2026, Kwamishinan Albarkatun Ruwa na Jihar Katsina, Hon. Mannir Ayuba Sullubawa, ya karɓi bakuncin shugabannin Katsinawan Dikko Mobilization Forum 2027 a ofishinsa da ke Sakatariyar Jihar Katsina.

Tawagar ƙungiyar ta kasance ƙarƙashin jagorancin Shugabanta, Auwal Sani, inda s**a kai wa Kwamishinan ziyarar girmamawa da kuma neman haɗin kai wajen gudanar da ayyukan wayar da kan al’umma.

Da yake jawabi yayin ziyarar, Shugaban ƙungiyar, Auwal Sani, ya bayyana cewa an kafa Katsinawan Dikko Mobilization Forum 2027 ne domin yaɗa manufofi da ƙara wayar da kan al’umma kan alfanu da muhimmancin zaɓen Jam’iyyar APC, musamman a tsakanin al’ummar Ƙaramar Hukumar Katsina.

Ya ƙara da cewa ƙungiyar na ƙoƙarin isa ga al’umma a lungu da sako domin wayar da kan jama’a tare da ƙarfafa goyon baya ga jam’iyyar. Don haka, ya nemi Kwamishinan da ya ba su goyon baya tare da shiga gaba wajen ganin ƙungiyar ta samu damar gudanar da ayyukan wayar da kan al’umma cikin nasara.

A nasa jawabin, Kwamishinan Albarkatun Ruwa na Jihar Katsina, Hon. Mannir Ayuba Sullubawa, ya bayyana farin cikinsa da wannan ziyara, tare da yaba wa matasan bisa irin wannan yunƙuri.

Kwamishinan ya ja hankalin matasan da su ƙara dagewa wajen gudanar da ayyukansu, tare da riƙe amana da gaskiya a matsayinsu na matasa masu kishin jihar da ƙasa.

Hon. Mannir Ayuba Sullubawa ya kuma tabbatar musu da cewa ƙofarsa a buɗe take wajen ba da gudunmawa da hidima ga mai girma Gwamnan Jihar Katsina da Jam’iyyar APC baki ɗaya. Ya ba su tabbacin cewa zai kasance tare da su.

A ƙarshe, shugabannin ƙungiyar sun nuna godiya da nuna jin daɗinsu bisa kyakkyawar tarba da goyon bayan da Kwamishinan ya nuna musu. Sun yi masa fatan ƙarin ɗaukaka da nasara a rayuwa, tare da fatan alheri da ci gaba ga Jihar Katsina da ƙasa baki ɗaya.

Abdullahi jafaru
Media Asistant to the Katsina State Governor
Ministry of Water Resources

31/08/2026

Dakin Kara Charity Foundation Concept Ta Kai Ziyarar Ta’aziyya Ga Kwamishinan Albarkatun Ruwa Na Jihar Katsina

A yammacin Litinin, 31 ga watan Agusta, ƙungiyar Dakin Kara Charity Foundation Concept ta kai ziyarar ta’aziyya ga Kwamishinan Albarkatun Ruwa na Jihar Katsina, Hon. Mannir Ayuba Sullubawa, a ofishinsa da ke Sakatariyar Jihar Katsina.

Kwamishinan ya karɓi baƙuncin tawagar ƙungiyar, wadda ta zo ƙarƙashin jagorancin Shugaban ƙungiyar, Alhaji Mansir Magaji Waziri.

A yayin ziyarar, tawagar ta bayyana cewa ta zo ne domin jajanta wa Kwamishinan bisa rasuwar surukarsa, tare da ƙara ƙarfafa zumunci da sada zumunta tsakaninsa da ƙungiyar, musamman ganin cewa Kwamishinan na matsayin uba ga ƙungiyar.

A nasa jawabin, Kwamishinan Albarkatun Ruwa, Hon. Mannir Ayuba Sullubawa, ya bayyana godiyarsa ga mambobin ƙungiyar bisa yadda s**a nuna kulawa, tausayi da ƙauna a gare shi da iyalansa.

Ya kuma yaba da irin yadda ƙungiyar ke ƙoƙarin ƙarfafa zumunci da taimakon juna a tsakanin al’umma, tare da addu’ar Allah Ya saka musu da alheri.

Ziyarar ta ƙare ne cikin yanayi na addu’a da fatan Allah Ya gafarta wa mamaciyar, Ya kuma ba iyalanta da sauran waɗanda abin ya shafa haƙurin jure wannan babban rashi.

Abdullahi jafaru
Media Asistant to the Katsina state Governor
Ministry of Water Resources

Katsina State Water Board

14/09/2026

12/09/2026

11/09/2026

10/09/2026

10/09/2026

10/09/2026

08/09/2026

03/09/2026

01/09/2026

31/08/2026

Address

Opening Hours

Website

Alerts

Contact The Organization

Shortcuts

Share

Category

Listing takedown request

Monday	08:00 - 16:00
Tuesday	08:00 - 16:00
Wednesday	08:00 - 16:00
Thursday	08:00 - 16:00
Friday	08:00 - 12:30